ადრიანო გალიანი: ტიაგო სილვა შეუცვლელი არაა

"მილანის" ბრაზილიელი მცველი გუნდს ტრავმის გამო ერთი თვე ვერ დაეხმარება გასულ უქმეებზე "მილანმა" "რომასთან" უმნიშვნელოვანესი გამარჯვება მოიპოვა და კიდევ ერთი ნაბიჯი გადადგა სკუდეტოსკენ, თუმცა ამაზე უფრო ხშირად პრესაში ტიაგო სილვას დაშავების ამბავი განიხილება. ვისაც არ ეზარება, ყველა იმას იწერება, რომ ბრაზილიელი მცველის გარეშე "როსონერის" "ბარსელონასთან" პაექრობაში ძალიან გაუჭირდება. ეგ კი არა, ბევრმა "მილანი" სულაც ჩამოწერა და ეს სწორედ ტიაგო სილვას ტრავმით ახსნა.მოკლედ, მილანში ერთგვარი პანიკა შეინიშნება, რამაც თვით ადრიანო გალიანი ააღელვა - მოვუსმინოთ "მილანის" ვიცე-პრეზიდენტს:"ორი დღეა, მხოლოდ იმაზე მესმის ლაპარაკი, რომ ტიაგო სილვას დანაკლისი აუნაზღაურებელია და "ბარსასთან" უშანსოდ ვართ დარჩენილები. ასე ნამდვილად არ არის და კარგი იქნება, თუ ცრუ განგაშს არ ავტეხავთ. კი ბატონო, სილვა უმნიშვნელოვანესი ფეხბურთელია გუნდისთვის, მაგრამ არა შეუცვლელი და ამაში ღრმად ვარ დარწმუნებული. მით უმეტეს, ალესანდრო ნესტა გამოჯანმრთელდა და ბოლო ინფორმაციით, "ბარსელონასთან" თამაშს შეძლებს."მილანისთვის" როტაცია ჩვეულებრივი ამბავია და ხშირად იმ მატჩებში უკეთესად გვითამაშია, სადაც ყველაზე გამორჩეული ფეხბურთელები გვაკლდნენ. სიმშვიდე უნდა შევინარჩუნოთ და დარწმუნებული ვარ, რომ ყველაფერი კარგად იქნება".მიმდინარე სეზონში "მილანს" ტრავმების გამო მუდმივად აკლია ფეხბურთელები და ეს თემა იტალიაში აქტიური განხილვის საგანია - ჟურნალისტთა ნაწილმა კლუბის ექიმთა კვალიფიკაციაში ეჭვიც კი შეიტანა. აი, რას ამბობს ამასთან დაკავშირებით გალიანი:"თანამედროვე ფეხბურთში ტრავმები ჩვეულებრივი მოვლენაა და ნამდვილად არ მიკვირს, რომ ლაზარეთი მუდმივად სავსე გვაქვს. ეგ კი არა, იმ ფეხბურთელთა ნაწილიც გამაყუჩებლებით ასპარეზობს, ვინც თითქოს ჯანმრთელია. თუნდაც ზლატან იბრაჰიმოვიჩი ავიღოთ, რომელიც კარგა ხანია, წელის ტკივილებს უჩივის და თამაშის წინ ნემსებს იკეთებს. უბრალოდ, ისე მოხდა, რომ მიმდინარე სეზონში ძალიან დავიჩაგრეთ და ეს უფრო დამთხვევაა, ვიდრე კანონზომიერება. ექიმთა ეს შტაბი დიდი ხანია კლუბში მუშაობს და ადრე მსგავსი პრობლემები არ შეგვქმნია. კიდევ ერთხელ ვიმეორებ, რომ სიმშვიდე უნდა შევინარჩუნოთ და ფონს არსებული რესურსით გავიდეთ".ბოლოს კიდევ ერთხელ მივუბრუნდეთ ტიაგო სილვას ამბავს და დავძინოთ, რომ ბრაზილიელმა მცველმა ტრავმა "რომასთან" პაექრობის მეათე წუთზე მიიღო, რის გამოც შესაცვლელი გახდა. დეტალურმა გამოკვლევამ ცხადყო, რომ ტიაგომ საკმაოდ მძიმე ტრავმა მიიღო და დაახლოებით ერთ თვეს დაისვენებს. ეს კი იმას ნიშნავს, რომ სილვას ჩემპიონთა ლიგის მეოთხედფინალური ეტაპის ორივე მატჩის გამოტოვება მოუწევს.ყოველდღიური სპორტული გაზეთი "ლელო"

"იუვენტუსს" ახალი მეკარე სჭირდება - გრაბარამ სერიოზული ტრავმა მიიღო

იკარდი შესაძლოა, სერია A-ს დაუბრუნდეს

უკრაინელებს საქართველოსთან მატჩში შესაძლოა, მუდრიკთან ერთად დოვბიკიც ვერ დაეხმაროს

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

ლაშა დვალი: მხოლოდ ასე შევძლებთ ამ ვითარების შემოტრიალებას

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

ვიწყებთ იპონით - სარდალაშვილმა მსოფლიო ჩემპიონატზე პირველი გამარჯვება მოიპოვა

მატჩის დღე! ლოგიკის დროით, საქართველოს გამარჯვების დროა

"მესი თუ რონალდო?" - მიულერმა არჩევანი გააკეთა

"ეს ნორმალური ნამდვილად არ არის" - დე ლა ფუენტე ხორვატიის გამანადგურებელ მარცხს გამოეხმაურა

ზესტაფონის მარგვეთმა გორში ივერიონს მოუგო

ესპანეთმა ისევ გაიმარჯვა, ინგლისმა ხორვატია არ დაინდო