- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მეტოქე: კუბამ გუნდი შეავსო
<p>აფრიკა-ოკეანიის ზონის შემდეგ პან-ამერიკის ჯერი დადგა, სადაც სალიცენზიო ტურნირის ასპარეზობას ამერიკის ქალაქმა უმასპინძლა <br> "თავისუფალსა" და ბერძნულ-რომაულ ჭიდაობაში გრძელდება ლონდონის ოლიმპიადის სალიცენზიო ტურნირები. ამჟამად მეორე ეტაპი მიმდინარეობს, რაც რეგიონულ შეჯიბრებებს ითვალისწინებს. აფრიკა-ოკეანიის ზონის შემდეგ პან-ამერიკის ჯერი დადგა, სადაც აღნიშნულ ასპარეზობას ამერიკის ქალაქმა კისიმემ უმასპინძლა.</p><p>შეგახსენებთ, რომ მეორე ეტაპის უკლებლივ ყველა ამგვარ შეჯიბრებაზე ორ-ორი საგზური გაიცემა, ანუ მხოლოდ ფინალისტები ინაღდებენ ლონდონში წასვლას.</p><p>ამ რეგიონიდან არა მარტო ჩვენთვის, არამედ მთელი მსოფლიოს საჭიდაო სამყაროსთვის მთავარი კონკურენტები, როგორც ყველთვის, აშშ და კუბა იყვნენ. პერიოდულად კანადაც ახერხებდა მსოფლიოსა და ოლიმპიური მწვერვალების დაპყრობას, რაშიც თავისი წილი საქართველოდან გაჭირვებას გაქცეულ გივი სისაურსაც შეჰქონდა - 2001 წელს მსოფლიოს ჩემპიონი გახდა, მანამდე კი, 1996 წელს, ატლანტაში ოლიმპიური ვერცხლი მოიპოვა.</p><p>მსოფლიოს ბოლო პირველობაზე ამ სამ ქვეყანას პუერტო რიკო და ვენესუელაც დაემატნენ - პირველებმა თავისუფალ ჭიდაობაში არამხოლოდ ოლიმპიადის საგზური, ვერცხლის მედალიც მოიპოვეს; მეორენი კი კარაკასში ორი ლიცენზიით დაბრუნდნენ.</p><p>თუმცა სტამბულში ჩატარებულ მსოფლიოს ჩემპიონატზე ყველაზე უკეთ აშშ-ის ნაკრები გამოვიდა - თავისუფალ ჭიდაობაში თითო ოქრო-ბრინჯაო და 5 საგზური მოიპოვეს, ბერძენ-რომაელები კი უმედლოდ დარჩნენ და მხოლოდ ერთ ლიცენზიას დასჯერდნენ, რასაც ქალთა 3 საგზურიც დაემატა. ბევრისთვის მოულოდნელად სტამბულში სუსტად გამოვიდნენ კუბელები - "თავისუფლებმა" მხოლოდ ერთი ლიცენზია ირგუნეს, ბერძენ-რომაელებმა კი ერთი ვერცხლი და ორი საგზური დაიმსახურეს. კანადა ვაჟებში ამჯერად საერთოდ ხელცარიელი დარჩა და მხოლოდ ქალებში გაინაღდა ოლიმპიადაზე გამოსვლა ორ წონაში.</p><p>კისიმეში "თავისუფალთა" ტურნირზე ოქროს მედლები მხოლოდ კანადამ და კუბამ გაინაწილეს - "ნეკერჩხლის ფოთლებმა" ოთხი ირგუნეს, ფიდელ კასტროს ქვეშევრდომებმა - სამი. ამათ დავაში მასპინძლებს ჩარევის დიდი შანსი არ ჰქონდათ, რადგან მხოლოდ ორი მონაწილე ჰყავდათ - 60 და 66 კილოგრამში.</p><p>ამის მიუხედავად, ალბათ, სალიცენზიო დეფიტიცის შევსებას მაინც იმედოვნებდნენ, მაგრამ ამოცანა მხოლოდ ნაწილობრივ შეასრულეს, ანუ ერთი საგზური მოიპოვეს. ეს ბრენტ ჰაროლდ მეტკალფიმ შეძლო, რომელიც 66-ში მეორეზე გავიდა, ფინალში კი თბილისელი ქომაგისთვის კარგად ნაცნობმა ფერადკანიანმა კანადელმა ჰაისლან გარსიამ აჯობა.</p><p>ეს ბიჭი ვახტანგ ბალავაძის სახელობის "ოქროს დიდი პრიზის" ტურნირზე ბოლო წლებში რამდენჯერმე გვეწვია და კარგი ჭიდაობით დაგვამახსოვრა თავი. მახსოვს, პირველივე სტუმრობისას იმდენად დამაჯერებლად იასპარეზა, თავადაც კარგმა მოჭიდავემ, ახალგაზრდებში მსოფლიოს ჩემპიონმა, მოგვიანებით კი ეროვნული ნაკრების წარმატებულმა მწვრთნელმა, ლუკა კურტანიძის გამწვრთნელმა გია გალდავამ დაბეჯითებით თქვა, ეს ბიჭი ოლიმპიადას იჭიდავებსო. მას ლოდინი არც ისე დიდხანს დასჭირდა.</p><p>იმედია, საგზურს ოთარ თუშიშვილიც მოიპოვებს, ანუ მისი ერთ-ერთი მეტოქე გარსია იქნება.</p><p>ამ შეჯიბრების შემდეგ კანადამ "თავისუფლებში" უკვე ხუთი საგზური მოიპოვა. გარსიას გარდა, მათგან ჩემპიონები დავიდ ტრემბლაი (55), გარსიასავით საკმაოდ გამოცდილი მეთიუ ჯენტრი (74) და არიან ბულარი (120) გახდნენ. ასევე ფინალში გავიდა და ლიცენზიაც მოიპოვა ჩრდილო ოსეთიდან გადაყვანილმა ხეტაგ პლიევმა (96), თუმცა ოქროს ვერ შეწვდა.</p><p>კისიმეში სამი ლიცენზია შეიმატეს, რაც ჩემპიონების - იოვლის ბონე როდრიგესის, (60), ჰუმბერტო მარტინეს არენსიბიას და ხავიერ კორტინა ლაკერას (96) მონაპოვარია. ახლა მათ ანგარიშზე 4 საგზურია. კიდევ ორი ლიცენზია დაიმატეს პუერტორიკოელებმა, რომლებსაც საერთაშორისო სალიცენზიო ტურნირებზე კიდევ შეუძლიათ მარაგის გაზრდა. ასევე ორი საგზური მოიპოვეს მექსიკელებმაც, ერთი კი ჰონდურასმაც გაინაღდა 55-ის ფინალისტობით.</p><p>ბერძენ-რომაელთა ტურნირში მასპინძლებმა და კუბელებმა 5-5 საგზური მიიღეს, თუმცა, ოქროს მედლების მხრივ, კუნძულელებმა აშკარად აჯობეს ამერიკელებს - მათ ხუთ წონაში იმარჯვეს, ანუ ოლიმპიური გუნდი სრულად შეავსეს; აშშ-ს კი ერთი ოქრო დაუტოვეს, რომელსაც მძიმე წონაში მსოფლიოს ვიცე-ჩემპიონი და ბრინჯაოსმედალოსანი დრემილ ბიერსი დაეუფლა. აღსანიშნავია, რომ ამერიკელებმაც ხუთი ფინალი იჭიდავეს, მაგრამ ამ ერთის გარდა, ყველა წააგეს. ყველაზე უფრო საინტერესო ისაა, რომ ოთხივეში კუბელებთან დამარცხდნენ.</p><p>ამდენად, კუბას ბერძნულ-რომაულში უკვე სრული გუნდი ჰყავს. ლიცენზირებულ მსოფლიოს ოთხგზის და ოლიმპიურ ჩემპიონს, მსოფლიოს ორგზის ვერცხლისმედალოსან მიჯაინ ლოპეს მუნესსა (120) და მსოფლიოს მესამეპრიზიორ ისააკ პედრო მულენს ჰერერას (66) ახლა ხავიერ დომენიკო (55), ჰანსელ მოქუე ლუგონეზი (60), იორგისბელ ალვარეს ჰერნანდესი (74), პაბლო ენრიკე შორეი ჰერნანდესი (84) და იუნიორ ფალკონ ესტრადა (96) დაემატნენ.</p><p>ამერიკელთაგან საგზურს აქამდე მსოფლიოს ორგზის ბრინჯაოსმედალოსანი ჰარი იუსტინ ლესტერი (66) ფლობდა, ახლა კი მას ზემოხსენებული ბიერსი, სპენსერ ტომას მანქო (55), ელის კოლემანი (60), ანდრეი ბისეკი (74) და ჩარლ ბეტსი (84) დაემატნენ. მათ მხოლოდ ერთი საგზური დარჩათ საძიებელი.</p><p>კისიმეში ვენესუელამ კიდევ ორი ლიცენზია მოიპოვა და ახლა სამი გაუხდა. თითო საგზური ეკვადორმა და ჩილემ ირგუნეს.</p><p>უახლოეს უქმეებზე ასტანაში ერთ-ერთი ყველაზე საინტერესო რეგიონული სალიცენზიო შეჯიბრება ტარდება - აზიისა, სადაც ბევრი საყურადღებო მეტოქის ვინაობა გაცხადდება. ევროპულ ანალოგიურ ტურნირს კი 20-22 აპრილს სოფია უმასპინძლებს.</p><p><strong>ყოველდღიური სპორტული გაზეთი "ლელო"</strong></p>
-
sergo
დათო მოძმანაშვილი მოიგებს წელს ოლიმპიადაზე
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
[VIDEO] მაჭარაშვილი და დინგაშვილი ევროპის ჩემპიონატზე ბრინჯაოს მედლებისთვის იბრძოლებენ
თავისუფალი ჭიდაობა. მაჭარაშვილი და დანგაშვილი ევროპის ჩემპიონატის ნახევარფინალში იასპარეზებენ
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
[VIDEO] დოსუნმუს ბრწყინვალე მატჩი, ჩხუბი და გაცოფებული იოკიჩი - "დენვერი" უმნიშვნელოვანეს შეხვედრაში დამარცხდა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა