სანტი დენია: ჩვენთვის საწყენია, მაგრამ საქართველომ ევროფინალი დაიმსახურა!

ინგლისელი, ესპანელი და სხვა ევროპული ქვეყნების სელექციონერები ქართველი ბიჭების თამაშმა გააოცა "ყანებში" გაზრდილმა ბიჭებმა უკან ჩამოიტოვეს ესპანეთი, ინგლისი და უკრაინა, უდიდესი სენსაცია გამოაცხვეს და დაამტკიცეს, რომ ქართველები ფეხბურთში უნიჭონი ნამდვილად არ ვართ.თბილისში ჩატარებულ ელიტრაუნდის შეხვედრებში ქართველმა ახალგაზრდებმა შეიძინეს არა მხოლოდ უზარმაზარი გამოცდილება, ბევრი მათგანი ევროპული კლუბების ინტერესის სფეროშიც მოხვდა. ელიტრაუნდის შეხვედრებს ესწრებოდნენ ინგლისელი, ესპანელი და სხვა ევროპული ქვეყნების სელექციონერები.მართალია, ინტერვიუს არ თანხმდებოდნენ, მაგრამ პირად საუბრებში ამბობდნენ, რომ ქართველი ბიჭების თამაში მათთვის დიდი სიურპრიზი იყო. თუმცა, იმასაც არ მალავდნენ, რომ თუ დროულად არ გადაიყვანენ ამ ბიჭებს ევროპაში, საქართველოში მათი დაოსტატება ძალიან გაჭირდებაო.ცხადია, ასეც იქნება: ესპანეთის ნაკრებში "რეალის", "ბარსელონასა" და სხვა ესპანური გრანდების ფეხბურთელები თამაშობდნენ და ხვალ-ზეგ ისინი ძალიან წინ წავლენ, რადგან მათი და ჩვენი ბიჭების პირობები ერთმანეთისგან რადიკალურად განსხვავდება.საერთოდ, ესპანეთის ნაკრები ამ ტურნირის გამოცანად დარჩა. ცხადია, ამ ქვეყნის ნაკრები ყველა ტურნირის ფავორიტია. გუნდს პოტენციალი აშკარად ეტყობოდა, საქართველოსთან ფრეს შემდეგ უკრაინასთანაც ჩინებული ფეხბურთი აჩვენა, ინგლისი კი მეორე ტაიმში მიწასთან გაასწორა, მაგრამ ჯგუფში მხოლოდ მეორე ადგილს დასჯერდა.ესპანეთის ნაკრების მთავარ მწვრთნელს, სანტი დენიას კომენტარი ვთხოვეთ:- თქვენი აზრით, რის ხარჯზე მიაღწია საქართველოს ნაკრებმა წარმატებას? - საქართველომ აჩვენა, რომ ფეხბურთში დიდი და პატარა ქვეყნები არ არიან. ბრძოლა ყველასთან შეიძლება, მით უფრო, ამ ასაკში. მთავარია, რომ ნებისმიერ მეტოქესთან, თამაშის ნებისმიერ მონაკვეთში კონცენტრაცია შეინარჩუნო და თითოეული ბურთისთვის იბრძოლო.ასეთ შემთხვევაში ფავორიტი პირობითი ცნება ხდება, მთავარი ფაქტორები კი - ბრძოლისუნარიანობა და სწორი თამაშია.- თქვენი აზრით, ჯგუფში ადგილები ლოგიკურად განაწილდა?- შედეგი ყოველთვის ლოგიკურია. ჩვენთვის საწყენია, მაგრამ მოიგო იმ ნაკრებმა, რომელმაც ყველა თამაშში განსაკუთრებული მონდომება და ჟინი გამოავლინა.თქვენს ნაკრებს ევროპის ჩემპიონატზე წარმატებულ გამოსვლას ვუსურვებ. საქართველოს გუნდმა ეს დაიმსახურა.აქვე მინდა ტურნირის ორგანიზატორებს კარგი მასპინძლობისა და ორგანიზაციისათვის მადლობა გადავუხადო.ყოველდღიური სპორტული გაზეთი "ლელო"

U19 | საქართველო 2:2 ლატვია

U21. საქართველოს ნაკრები ჩრდილოეთ ირლანდიასთან ფრეს დასჯერდა

U21. ჩრდ. ირლანდიასთან მატჩში საქართველოს ნაკრების შემადგენლობა ცნობილია

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აბეები ისევ ფინალში არიან და ესპანელი მეტოქეები ეყოლებათ

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში

პორტუგალიამ ნორვეგიას, დანიამ კი უელსს მოუგო

"შავი ლომი" | თბილისის თასი "ჩიტასთან" გამარჯვებით დავხურეთ

ლაშა დვალი: მხოლოდ ასე შევძლებთ ამ ვითარების შემოტრიალებას

ჩრდილოეთ ირლანდიის მწვრთნელი: წინ კარგად მივიწევთ და მგონია, ხვალ საღამოსაც წარმატებას მივაღწევთ

VIDEO | ეროვნული ლიგა | იბერია 1999 1-2 დინამო (თბ). ლიდერობის ტოლფასი 3 ქულა

ქართველი მსაჯები უეფას ერთა ლიგის მატჩს მოემსახურებიან

ლუჩანო სპალეტი: "კვარა" სულ სხვა საფეხბურთო გარემოდან მოვიდა

[VIDEO] გიორგი სარდალაშვილმა მსოფლიო ჩემპიონატზე ბრინჯაოს მედალი მოიპოვა!

[VIDEOS] მარცხი მოქმედ მსოფლიო ჩემპიონთან - სარდალაშვილი ბრინჯაოს მედლისთვის იბრძოლებს

[VIDEO] სარდალაშვილი მოქმედი მსოფლიო ჩემპიონის წინააღმდეგ - ქართველი მეოთხედფინალშია

მატჩის დღე! ლოგიკის დროით, საქართველოს გამარჯვების დროა

"ხალხი თამაშებზე მის გამო დადის, ამიტომ "ოქროს ბურთი" მან უნდა მოიგოს" - ჩეხეთის ნაკრების მთავარი მწვრთნელი

"მესი თუ რონალდო?" - მიულერმა არჩევანი გააკეთა