ჰოჯსონი მკითხაობას არავის უკრძალავს

სტივენ ჯერარდმაც კარგად იცის, როი ჰოჯსონმაც და დანარჩენმა ინგლისმაც - "ლივერპულის" ფეხზე დაყენებას კოსმეტიკური რემონტი არ ეყოფა... სტივენ ჯერარდმაც კარგად იცის, როი ჰოჯსონმაც და დანარჩენმა ინგლისმაც - "ლივერპულის" ფეხზე დაყენებას კოსმეტიკური რემონტი არ ეყოფა. კვირას "ბირმინგემმა" მერსისაიდელებს ყველაფერში აჯობა და მოუგებდა კიდეც, მეკარე პეპე რეინას ბრწყინვალე თამაში რომ არა. მოგეხსენებათ, შეხვედრა 0:0 დასრულდა. მატჩის შემდეგ "წითლების" მწვრთნელმა ჰოჯსონმა თქვა:"თუ მეკითხებით, შეუძლია თუ არა ამ "ლივერპულს" პრემიერლიგის ტიტულის მოპოვება, მე გპასუხობთ - არ ვიცი. ოთხი ტურის შემდეგ ასეთი კითხვის დასმა და მასზე სერიოზული პასუხის გაცემა მხოლოდ არასერიოზულ ხალხს შეუძლია. მე ნებისმიერ შეხედულებას პატივს ვცემ, მაგრამ გეტყვით, რომ კონკრეტული მიზნები არ დამისახავს. ერთადერთი, რისკენაც ვისწრაფვი, კარგად თამაშია. კარგი იქნება, შეძლებისდაგვარად ბევრ ქულას თუ დავაგროვებთ, ხოლო საბოლოოდ თავს სად ამოვყოფთ, გამოჩნდება. რაც შეეხება იმას, შევძლებთ თუ არა ჩემპიონობის მოპოვებას, ვიმეორებ - ამ კითხვაზე პასუხს არ გაგცემთ, თუმცა სხვას მკითხაობას ნამდვილად ვერ ავუკრძალავ".ბარი ფერგიუსონთან შეჯახების გამო ლივერპულელთა კაპიტან სტივენ ჯერარდს სისხლდენა აუტყდა. ამის შესახებ ჰოჯსონმა ასე ბრძანა: "დიდი არაფერი მომხდარა. ჯერარდი სერიოზულად არ დაშავებულა, უბრალოდ, ახლანდელ დროში სისხლის დანახვა ხალხში პანიკას იწვევს. სისხლდენა სტივენისთვის ოდნავი დაბრკოლება გახდლათ. ის შემდგომ შეხვედრებში ჩვეულებრივად მიიღებს მონაწილეობას"."ლივერპულის" ყოფილმა ვარსკვლავმა და "დეილი ტელეგრაფის" მიმომხილველმა ჯეიმი რედნაპმა კი მერსისაიდელთა ესპანელი ვარსკვლავი ფერნანდო ტორესი გააკრიტიკა: "როდესაც ფეხბურთელი ბურთს ვერ ინარჩუნებს და მეტოქეს აბარებს, ფანებს კიდევ ესმით, მაგრამ, როდესაც ტრიბუნებიდან აშკარად ჩანს, რომ ის არ ინდომებს, ეს უკვე გაუგებარი ხდება. ტორესი მთელი 45 წუთის განმავლობაში საშინლად თამაშობდა. ის ბურთისთვის არ იბრძოდა, არ იხსნებოდა და ასე შემდეგ. მე ეს ფეხბურთელი ძალიან მიყვარს და მისი თამაშის ნახვა ყოველთვის მსიამოვნებს, მაგრამ რაც "ბირმინგემთან" ვნახე, ასეთი არაფერი მინდა. რასაკვირველია, როდესაც თავდამსხმელი ცუდად თამაშობს მეტოქის მცველების დამსახურებაც არის, მაგრამ ეს ის შემთხვევა არ იყო. ტორესი პასიურად და უგულოდ თამაშობდა".რედნაპის ეს კომენტარი ჰოჯსონმა უპასუხოდ არ დატოვა: "ამ შეხედულებას ვერაფრით გავიზიარებ. ტორესმა გუნდისთვის ბევრი იმუშავა. დღევანდელი თამაშის მიწურულსაც გამოჩნდა, რომ ის მეტოქის დაცვაში მუდამ ეკალივით არის გაჩხერილი", - ბრძანა მწვრთნელმა, ჩვენ კი, რაკიღა სიტყვამ მოიტანა, ბარემ რედნაპის სხვა შეფასებებსაც გადავხედოთ. რითი იყო ვეტერანის აზრით მეოთხე ტური საინტერესო?იან ჰოლოვეიიან ჰოლოვეი ერთი შეხედვით მომღიმარი, მხიარული ადამიანის შთაბეჭდილებას სტოვებს, მაგრამ მე მის წინააღმდეგ მითამაშია და ვიცი, რომ ფეხბურთისადმი ძალიან სერიოზული დამოკიდებულება აქვს. ის "ბლექპულთან" ერთად თვალშისაცემ წარმატებებს აღწევს და და რაც მთავარია, სტილით პირწმინდა ინგლისელი მწვრთნელია. ფეხბურთელებს მისი სწამთ.ტრავმებიროგორც ხედავთ, პრემიერლიგა ტრავმების ახალმა ტალღამ მოიცვა. მიზეზი? ჩემი აზრით, მსოფლიოს ჩემპიონატის გამო გუნდებს სეზონის წინ მოსამზადებლად ცოტა დრო ჰქონდათ და ჯეროვნად ვერ ივარჯიშეს. სამწუხაროა, რომ ფეხი ბობი ზამორამაც მოიტეხა - ის ხომ მსოფლიოს ჩემპიონატზე არ ყოფილა.ვესტ ჰემიძნელი წარმოსადგენია, როგორ აპირებს "ვესტ ჰემი" ამ სეზონში გოლების გატანას. ოთხი თამაშიდან ოთხი მარცხი... საშინელებაა, თუმცა კიდევ უფრო მნიშვნელოვანია, რომ არ ჩანს ის ორი-სამი ფეხბურთელი, რომელთაც სეზონში ათზე მეტი გოლი უნდა გაიტანონ. შაბათს სკოტ პარკერმა გულის მოსაფხანად ლამაზად კი შეაგდო "ჩელსის" კარში, მაგრამ ასეთი ლამაზი დარტყმებით მთელი სეზონი ფონს ვერ გახვალ.სესკიდიდებულია, რომ სესკ ფაბრეგასი "არსენალში" ისევ საუცხოოდ ათამაშდა. ფეხბურთელმა მთელი ზაფხული "ბარსელონასთან" ფლირტში გაატარა, მაგრამ არ გაუშვეს და, როგორც ხედავთ ამის გამო მან ცხვირი არ ჩამოუშვა. ის კვლავ საუცხოო პასებს აწვდის თანაგუნდელებს.ენდეთ ფერგისერთი ამბავი ატყდა იმის გამო, რომ ალექს ფერგიუსონმა "ევერტონთან" შეხვედრაში უეინ რუნი არ ათამაშა. დიახ, ამ შეხვედრაში "მანჩესტერ იუნაიტედმა" ქულები დაკარგა, მაგრამ მერწმუნეთ, ფერგიუსონი ნაბიჯს ტყუილად არ გადადგამდა. ის მოვლენათა სწორად შეფასების ოსტატია.

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

გოგლიჩიძემ ისევ შეუცვლელად ითამაშა - "მონცა" "ტორინოსთან" დამარცხდა

ნიკა ამაშუკელი - ტოკიო, ლონდონი და გენუა