<p>ოთარ კორღალიძის გუნდი პორტუს ტურნირში საფრანგეთის, ირლანდიისა და სერბეთის ნაკრებებს გაეჯიბრება <br> საქართველოს 19-წლამდელთა ნაკრები 25-30 მაისს ხორვატიაში გასამართი ელიტრაუნდისთვის მზადებას აგრძელებს. მთავარმა მწვრთნელმა <strong>ოთარ კორღალიძემ</strong> მეორე შეკრება 3-იდან 9 აპრილამდე ჩაატარა. გუნდი სასტუმრო "ბომონდ გარდენში" დაბინავდა და ეროვნული ნაკრების ტექნიკურ ცენტრ "ბასაზე" ვარჯიშობდა.</p><p>ამ შეკრებისა და 1994 წელს დაბადებულ 19-წლამდელებთან საკონტროლო შეხვედრის შემდეგ, კორღალიძემ ოპტიმალურთან მიახლოებული შემადგენლობა შეარჩია და 10 აპრილს, გამთენიისას, გუნდი პორტუგალიაში გაემგზავრა, სადაც პორტუს საერთაშორისო ტურნირში ითამაშებს.</p><p>ოთარ კორღალიძემ პორტუგალიაში 20 მოთამაშე წაიყვანა:</p><p><strong>მეკარეები:</strong> ლევან ტყეშელაშვილი ("დინამო"), დავით ლეგაშვილი (უგუნდო).</p><p><strong>მცველები:</strong> თევდორე გრიგალაშვილი, მალხაზ გაგოშიძე (ორივე - "ზესტაფონი"), ლევან გეგეჭკორი ( "მერანი"), ნიკა სანდოხაძე, გიორგი გაგნიძე (ორივე - "დინამო"), კოტე ზარნაძე ("ბაია"), გიორგი ჯგერენაია ("გაგრა").</p><p><strong>ნახევარმცველები: </strong>გიორგი პაპავა, ლაშა პარუნაშვილი, სანდრო რეხვიაშვილი, ბუბა რუხაძე (ყველა - "დინამო"), ნიკა ჭკუასელი, ნოდარ კიკნაველიძე (ორივე - "გაგრა"), ლაშა სილაქაძე ( "ტორპედო"), ვაკო ყაზაიშვილი ("ვიტესი", ჰოლანდია).</p><p><strong>თავდამსხმელები:</strong> გიორგი ფანცულაია ("ტორპედო"), ავთო ენდელაძე ("ბაია"), დავით გელაშვილი ("სპარტაკი").</p><p>შემადგენლობის მიღმა დარჩა მარტვილის "მერანის" მეკარე <strong>რობერტ იმერლიშვილი</strong>, რადგან მწვრთნელებმა ორი მეკარეც საკმარისად ჩათვალეს.</p><p>მენისკის ნიშნები აღმოაჩნდა და შეკრების ნაადრევად დატოვება მოუხდა "ზესტაფონის" მცველ <strong>თორნიკე გრიგალაშვილს</strong>. ნიჟნი ნოვგოროდის "ვოლგას" მცველს <strong>დათო კოხიას</strong> კი რუსული პასპორტი აქვს და საქართველოს მოქალაქეობის მიღებამდე ნაკრებში ვერ ითამაშებს.</p><p>ტრავმის გამო "ზესტაფონის" თავდამსხმელი <strong>გურამ სამუშია</strong> შეკრებაზეც ვერ გამოცხადდა და ნაკრებს პორტუგალიაშიც ვერ გაჰყვა.</p><p>"გაგრას" სამეულიდან ნაკრებს მხოლოდ ნახევარმცველი <strong>ნოდარ კიკნაველიძე</strong> გაჰყვა. 10 აპრილს გორის "დილასთან" სათასო ნახევარფინალს ითამაშებენ და 11 აპრილს გუნდს შეუერთდებიან <strong>გიორგი ჯგერენაია</strong> და <strong>ნიკა ჭკუასელი</strong>.</p><p>შეგახსენებთ, რომ პორტუს საერთაშორისო ტურნირში ქართველი 19-წლამდელები საფრანგეთის ნაკრებს 12 აპრილს შეხვდებიან, ირლანდიას - 13 აპრილს, სერბეთს კი - 14 აპრილს. გუნდი საქართველოში 16 აპრილს გამთენიისას დაბრუნდება.</p><p><strong>ყოველდღიური სპორტული გაზეთი "ლელო"</strong></p>
U17. საქართველოს ნაკრები საკვალიფიკაციო ეტაპის A ლიგაში გავიდა
U17 | საქართველო 0:0 ავსტრია
17-წლამდე ნაკრები შესარჩევ ციკლს ავსტრიასთან მატჩით დაიწყებს
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა