- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსებმა გიორგი გოგშელიძეს აბდუსალამ გადისოვი დაუყენეს
<p>რუსეთის "თავისუფალთა" ნაკრების ხელმძღვანელობამ დაასახელა ის დუეტი, რომელიც სოფიაში იჭიდავებს <br> როგორც იქნა, რუსეთის თავისუფალი სტილით მოჭიდავეთა ნაკრების ხელმძღვანელობამაც დაასახელა ის დუეტი, რომელიც 20-22 აპრილს სოფიაში ევროპის სალიცენზიო ტურნირში იჭიდავებს.</p><p>ამის უფლება ოლიმპიურ, ევროპისა და მსოფლიოს მრავალგზის ჩემპიონ <strong>ადამ ბატიროვსა</strong> (74) და ევროპის წლევანდელ გამარჯვებულ <strong>აბდუსალამ გადისოვს</strong> (96) მისცეს.</p><p>რუსთა ნაკრებში ვაკანტური მხოლოდ ეს ორი წონითი კატეგორიაა დარჩენილი. მათი შემადგენლობა კი საინტერესოა არა მხოლოდ, როგორც მსოფლიოს ერთ-ერთი უძლიერესი გუნდისა, არამედ სხვა ფაქტორის გამოც - ზაფხულში რუსეთის პირველობა ტარდება, რომელიც საოლიმპიადოდ მათი შესარჩევი ტურნირია. ამიტომ არავის სურდა სალიცენზიო შეჯიბრებებში ჭიდაობა, თუმცა იქ მწვრთნელთა საბჭოს გადაწყვეტილება ყველასათვის კანონია.</p><p>ამ ორი წონიდან ჩვენთვის საინტერესო 96 კილოგრამია, რადგან 74-ში უკვე გვაქვს ლიცენზია. წინასწარი მონაცემებით, 96-ში არა გადისოვს, არამედ ივან იარიგინის ტურნირის ვიცე-ჩემპიონ იბრაგიმ საიდოვს უნდა ეჭიდავა, თუმცა მწვრთნელებმა არჩევანი უფრო ძლიერზე შეაჩერეს. სამაგიეროდ, იარიგინის მემორიალის ვიცე-ჩემპიონს 74-ში უხმეს - რამდენიმეწლიანი შესვენების შემდეგ სპორტში დაბრუნებული ჩეჩენი საიტიევი იმ შეჯიბრების გადამწყვეტ შეხვედრაში აფხაზმა დენის ცარგუშმა პირდაპირ გაანადგურა. ცარგუში მერე ევროპის ჩემპიონიც გახდა და ცხადია, წონის უპირველესი ფავორიტიც ისაა, თუმცა მწვრთნელები შანსს საიტიევსაც აძლევენ.</p><p>ეტყობა, რუსთა ნაკრების ხელმძღვანელობა ორივე ლიცენზიის მოპოვებას სოფიაშივე გეგმავს, რაც 96-ში უფრო რეალური ჩანს. გადისოვმა ბელგრადში რაღაც ისე იოლად მოიპოვა ევროპის ჩემპიონობა, თითქოს ბევრი ენერგია არც დაუხარჯავს.</p><p>საკმარისია ითქვას, რომ მან მთელი ტურნირი სუფთად, ქულის დაუკარგავად გაიარა. ერთი სიტყვით, ის სადღეისოდ წონის გამოკვეთილი ლიდერი და გიორგი გოგშელიძის უძლიერესი კონკურენტია.</p><p>საერთოდ, 96 კილოგრამი გამორჩეულად ძლიერი იქნება სოფიაში. გადისოვ-გოგშელიძის დუეტის გარდა, იქ მსოფლიოსა და ევროპის ჩემპიონი, აზერბაიჯანელი ოლიმპიური პრიზიორი ხეტაგ გოზიუმოვი, ევროპის უკრაინელი ვიცე-ჩემპიონი ვალერი ანდრეიცევი... ცხადია, მათთან კონკურენცია არ იქნება იოლი და გოგშელიძეს ვინძლო ფრიად გაუჭირდეს საგზურის მოპოვება. მით უფრო, საამისოდ ფინალში გასვლაა აუცილებელი - სოფიაში ყოველ წონაში მხოლოდ ორ-ორი ლიცენზია გაიცემა.</p><p>ჩვენებურის მთავარ კონკურენტებად მაინც გადისოვი და გოზიუმოვი მიგვაჩნია. აზერბაიჯანელთა ოსი ლიდერი გოზიუმოვი მსოფლიოს შარშანდელ პირველობაზე ულიცენზიოდ წელის ტრავმის გამო დარჩა. მას შემდეგ კი ინდივიდუალურად ვარჯიშობს და შეჯიბრებებზე იშვიათად ჩნდება.</p><p>მან გამოტოვა ევროპის წლევანდელი პირველობა. მანამდე კი თურქეთში იჭიდავა და დამაჯერებლადაც - ფინალში თანაგუნდელი მსოფლიოს ჩემპიონი, ოღონდ 84-ში, შარიფ შარიფოვი დაამარცხა, რომელიც ამაოდ ცდილობს ზედა წონაში გადაბარგებას.</p><p>გოზიუმოვის კარიერას მხოლოდ ოლიმპიური ოქრო აკლია და გასაკვირიც არაა, ამ ტურნირის მოსაგებად გაათმაგებულად რომ ემზადება. ეტყობა, გადისოვმაც იპოვა საკუთარი ჭიდაობა. ევროპირველობაზე მის გამოსვლაზე უკვე გითხარით.</p><p>დღეისათვის წონაში ესენი გამოკვეთილ ფავორიტებად რჩებიან და ამ ორი კარგი "ფიზიკოსისა" და ტაქტიკოსის შეხვედრა ფრიად საინტერესო იქნება.</p><p><strong>ჰუსეინოვი - სანამდე?</p><p></strong>მოკლედ, რუსებმა სალიცენზიო ტურნირში მოჭიდავეთა ვინაობა კი განაცხადეს, მაგრამ ჯერ ისევ უცნობია, როდემდე უგრძელებენ კონტრაქტს იქაურ "თავისუფალთა" ნაკრების მთავარ მწვრთნელ მაგომედ ჰუსეინოვს. მას შემდეგ, რაც ოკუპირებულ სამხრეთ ოსეთში ჩატარებულ საპრეზიდენტო არჩევნებში კრემლისთვის მიუღებელი კანდიდატის აქტიური მხარდაჭერისთვის ჯამბულათ თედეევი იქაურმა სპეცსამსახურებმა ნაკრების მესაჭეობას ჩამოაშორეს, ეს პოსტი ჰუსეინოვს ჩააბარეს.</p><p>როგორც მაშინ ითქვა, ევროპის ჩემპიონატამდე; ხოლო ამის შემდეგ დაასახელებდნენ, თუ ვინ მოამზადებდა გუნდს ოლიმპიადისთვის. ჯერჯერობით ამ თემაზე სრული დუმილია და ჰუსეინოვიც აგრძელებს მუშაობას. სამაგიეროდ, რუსებმა ქალთა ნაკრების თავკაცი შეცვალეს - ამიერიდან იქაურ დიაცებს სახელოვანი ვეტერანი, მსოფლიოს ჩემპიონი იური შახმურადოვი გაწვრთნის.</p><p><strong>რუსულ-აზერბაიჯანული საჭიდაო ომი გრძელდება</p><p></strong>ბოლო ხანებში ერთმანეთი გვარიანად წაკბინეს აზერბაიჯანისა და რუსეთის ჭიდაობის ფედერაციების ხელმძღვანელებმა.</p><p>ყველაფერი რუსეთის სპორტის მინისტრ ვიტალი მუტკოსა და იქაური ჭიდაობის ფედერაციის ხელმძღვანელთა შეხვედრით დაიწყო, სადაც სახელმწიფომ ყველანაირი დახმარება აღუთქვა მოჭიდავეებს. რაც ყველაზე საინტერესოა, ამაში სათანადო მოსამზადებელი პირობების შექმნასთან ერთად, ლონდონის ოლიმპიადაზე მათი დაცვაც იგულისხმება "მსაჯთა არაობიექტურობისა და სხვა გარეშე ფაქტორებისგან, რამაც შეიძლება გავლენა მოახდინოს შედეგზე".</p><p>მუტკომაც და მოგვიანებით რუსეთის ჭიდაობის ფედერაციის პირველმა ვიცე-პრეზიდენტმა გიორგი ბრიუსოვმაც მაქინაციების მამამთავრად აზერბაიჯანის ფედერაცია დაასახელეს. მათი თქმით, აზერბაიჯანელებს შეჯიბრებებზე გარანტირებული აქვთ იოლი წილისყრა, მსაჯთა დახმარება და ამ კონტექსტში ჭიდაობის საერთაშორისო ფედერაციის (ფილა) მთავარი სპონსორი, აზერბაიჯანული კომპანია "ატა-ჰოლდინგიც" ახსენეს.</p><p>ბრიუსოვმა პეკინის ოლიმპიადაც გაიხსენა, სადაც თურმე მსაჯთა მიკერძოება საყოველთაოდ გამხდარა ცნობილი, ხოლო რუსთა შეხვედრების განსასჯელად ობიექტურ არბიტრთა დასანიშნად FILA-ს ბიუროს წევრი, რუსული ფედერაციის პრეზიდენტი მიხეილ მამიაშვილიც კი ჩარეულა! ბრიუსოვის თქმით, ლონდონის ოლიმპიადის მომსახურე მსაჯთა სია, ძირითადად, ბელგრადში გამართულ ევროპის წლევანდელ პირველობაზე გადაწყდა. იქ კი ხშირი იყო უხეში შეცდომებიო.</p><p><strong>ჯაფაროვი "გაღმა" შეედავა</p><p></strong>რუსული მხარის ამ გამონათქვამებს მყისვე გამოეხმაურა აზერბაიჯანული ფედერაციის გენერალური მდივანი აჯდად ჯაფაროვი, რომელმაც "გაღმა შეედავეს" პრინციპი აირჩია და იქით დასდო ბრალი რუსებს. მან დაწვრილებით გაიხსენა ის შეხვედრები, სადაც, მისი აზრით, აზერბაიჯანელი ფალავნები დაჩაგრეს.</p><p>კაცმა რომ თქვას, მაქინაციებს არც ერთი მხარე არ აკლებს ხელს, ჩვენ კი ჩვენი ვიკითხოთ. როცა რუსებიც კი ასე ღიად ლაპარაკობენ მიკერძოებაზე, საკითხავია, ვინ დაიცავს ქართველ ფალავნებს ოლიმპიადაზე? მით უფრო, ჭიდაობებშიც და ძიუდოშიც კულუარებში აქტიურად ლაპარაკობენ ქართველთა გადაუხდელ "ძველ ვალებზე", რის გამოც ჩვენი სპორტსმენები ხშირად უმოწყალოდ იჩაგრებიან მსაჯთაგან.</p><p><strong>ყოველდღიური სპორტული გაზეთი "ლელო"</strong></p>
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
[VIDEO] მაჭარაშვილი და დინგაშვილი ევროპის ჩემპიონატზე ბრინჯაოს მედლებისთვის იბრძოლებენ
თავისუფალი ჭიდაობა. მაჭარაშვილი და დანგაშვილი ევროპის ჩემპიონატის ნახევარფინალში იასპარეზებენ
20 წ. | ახალგაზრდული ჩემპიონატის მასპინძელი - საქართველო
27 ივნისს სუპერთასის ნახევარფინალური მატჩები გაიმართება
თბილისის "დინამოში" კიდევ ერთი ახალწვეულია
"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა
"მილანმა" პსჟ-ს თავდამსხმელის ტრანსფერზე მიმართა
20 წ. | გამარჯვებული შემადგენლობით უელსთან
ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს
ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა
"ტორპედომ" ხორვატი ფეხბურთელი დაიმატა
20 წ. | ლუკა ნარსია: ჩვენი მიზანი ისტორიის დაწერაა
პსჟ-ს ნახევარმცველი ატლეტიკოში გადასვლაზე დათანხმდა
ოიარსაბალი: ფეხბურთი ცირკითაა გარემოცული
"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია
აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე
ირანმა და ეგვიპტემ მათი მატჩისას სტადიონზე LGBTQ+ თემის მხარდამჭერი სიმბოლკის აკრძალვა მოითხოვეს - FIFA-ს პასუხი ცნობილია
მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება
"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე
მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ
პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა
"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს