- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
U20: ნახევარფინალურ სერიაში "სოხუმი" და "დინამო" დაწინაურდნენ
<p>ვაკეში მდებარე საკალათბურთო აკადემიის დარბაზმა 20-წლამდელთა ნახევარფინალურ შეხვედრებს უმასპინძლა <br> ვაკეში მდებარე საკალათბურთო აკადემიის დარბაზმა 20-წლამდელთა ნახევარფინალურ შეხვედრებს უმასპინძლა, სადაც ერთმანეთს "სოხუმი"-"ქუთაისი" და "დინამო"-შსს აკადემია დაუპირისპირდნენ.</p><p>როგორც მოსალოდნელი იყო, ორივე მატჩი უაღრესად დაძაბული გამოდგა, რომელსაც უამრავი გულშემატკივარი დაესწრო. "სოხუმმა" ქუთაისის გუნდი 75:68 დაამარცხა და ნახევარფინალურ სერიაში 1:0 დაწინაურდა.</p><p>საწყისი ათწუთეული სოხუმელთა უპირატესობით წარიმართა. "ზღვისპირელები" მატჩის მეორე წუთზე 3:0 დაწინაურდნენ, რომლებმაც მეტოქეს კარგახანს ბურთის ჩაგდების საშუალება არ მისცეს. ამ მონაკვეთში მასპინძლები განსაკუთრებით კარგად გაისარჯნენ დაცვაში, თუმცა, "ქუთათურების" შემტევი თამაშის წყალობით, აღნიშნული მეოთხედის მიწურულს ფრე - 14:14 დაფიქსირდა.</p><p>მეორე მეოთხედმა კიდევ უფრო საინტერესოდ ჩაიარა და გუნდების გარდამავალი უპირატესობით წარიმართა. შეხვედრის ამ პერიოდში ხან ერთი გუნდი გავიდოდა წინ და ხანაც მეორე. საბოლოოდ კი პირველი ტაიმი სოხუმელთა გამარჯვებით დასრულდა, რომლებიც დიდ შესვენებაზე მინიმალური სხვაობით, 39:38 გავიდნენ.</p><p>პირველ ტაიმში დაწინაურებულმა "სოხუმმა" უპირატესობა მესამე მეოთხედშიც შეინარჩუნა, თუმცა პერიოდის დასრულებამდე 1.10 წუთით ადრე ქუთაისელებმა შეძლეს ანგარიშის გათანაბრება და 51:51 დააფიქსირეს. მიუხედავად ამისა, "იმერლებმა" დარჩენილ დროში წინ გასვლა მაინც ვერ მოახერხეს და პერიოდში 1 ქულით ჩამორჩნენ - 53:54.</p><p>დასკვნით, გადამწყვეტ მეოთხედში დაძაბულობამ პიკს მიაღწია და თამაში ქულა-ქულაში წავიდა, თუმცა სოხუმელებმა მძლავრი და აქტიური თამაშის ხარჯზე მოახერხეს დაწინაურება და დასკვნითი მეოთხედის მე-6 წუთზე 10-ქულიანი სხვაობით, 70:60 გავიდნენ წინ. დარჩენილ დროში "ზღვისპირელებმა" შეძლეს უპირატესობის შენარჩუნება და ნახევარფინალურ მატჩში პირველი გამარჯვებაც მოიპოვეს.</p><p>ქუთაისის გუნდს 16 ქულა ავთანდილ ლომინაშვილმა შესძინა, ხოლო "სოხუმს" 20 ქულით დიმიტრი დვალიშვილმა ულიდერა. დაძაბული მატჩის შემდეგ ორივე გუნდის მწვრთნელებს გავესაუბრეთ, რომლებმაც შემდეგი კომენტარები გააკეთეს:</p><p><strong>დიმიტრი ჟაკობოვი (სოხუმის მწვრთნელი):</strong> <em>"პირველ რიგში, მინდა მადლობა გადავუხადო მოწინააღმდეგეს. "ქუთაისი" ძალიან კარგი გუნდია და დამსახურებულადაა ნახევარფინალში. მოედანზე მონდომებისთვის, შრომისა და თავდადებისთვის დიდი მადლობა "სოხუმის" ბიჭებს, რომლებმაც მიზნის მიღწევისა</em><em> და გამარჯვებისთვის დღეს ყველაფერი გააკეთეს. ვულოცავ მათ ამ წარმატებას და აღვნიშნავ, რომ მათით ძალიან ვამაყობ.</p><p>თამაში პირველი წუთებიდან ბოლო მომენტამდე დაძაბული იყო და მატჩის ბედი ბოლოს გადაწყდა. გუნდს დავალებული ჰქონდა, მაქსიმალურად აგრესიულად ეთამაშა დაცვაში და მეტოქის თითოეულ მოთამაშეზე დიდი ზეწოლა მოეხდინა. გადამწყვეტ მომენტში მათ ზუსტად შეასრულეს ჩემი მითითებები და მიზანს მივაღწიეთ - გავიმარჯვეთ ურთულეს მატჩში.</p><p>თუმცა, ჩვენ მოვიგეთ ბრძოლა და არა ომი. წინ გველის ძალიან დაძაბული და საინტერესო თამაში და ის შეცდომები, რომლებ</em><em>იც დღეს დავუშვით, სამომავლოდ გამოსასწორებელი გვაქვს.</p><p>რაც შეეხება ნახევარფინალში მოასპარე</em><em>ზე გუნდებს, ვფიქრობ, ოთხივე გუნდს თანაბარი შანსი აქვს და ის გაიმარჯვებს, რომელიც უკეთ იქნება მომზადებული როგორც ტაქტიკურად, ასევე ფსიქოლოგიურად და ფიზიკურად". </em></p><p><strong>მალხაზ კოხრეიძე (ქუთაისის მწვრთნელი):</strong> <em>"ზოგადად, 20-წლამდელთა ლიგას და მასში მონაწილე მოთამაშეებს საკმაოდ დადებითად შევაფასებდი. პერსპექტიული ახალგაზრდა თაობა მოდის. კალათბურთში რადიკალური ცვლილებებ</em><em>ია და მოთხოვნაც დიდია. შესაბამისად, თვითონ ბავშვებიც დიდ ინტერესში არიან და თუ იქნება განათლების სამინისტროდან დახმარება და მათთვის ხელის შეწყობა, როგორც პროფესიული სპორტით დაკავებული ბავშვებისთვის, შესანიშნავი იქნება.</p><p>საქმე ისაა, რომ ამ ასაკში ბავშვები ეროვნული გამოცდებისთვის ემზადებიან და ის ინტენსიური წვრთნა, რომელიც ამ წლოვანების მოთამა</em><em>შეებს სჭირდებათ, სამწუხაროდ, ვერ ხერხდება. ჩვენი ვარჯიში ტარდება ძალიან გვიან და 3-4 რეპეტიტორიდან მოსული ბავშვი ცხადია, საჭირო სამუშაოს ვეღარ გისრულებს.</p><p>რაც შეეხება მატჩს, ვიტყოდი, რომ ბრწყინვალე თამაში იყო. მიუხედავად იმისა, მოსამზადებლად საკმარისი დრო გვქონდა, ჩვენი გუნდი მაინც არ იყო შესაფერის ფორმაში. ორ ცენტრალურ თავდამსხმელს, ავთანდილ ლომინაშვილსა და თემურ ფხაკაძეს კოჭის ტრავმა აწუხებდათ და ახალი დაწყებული ჰქონდათ ვარჯიში.</p><p>მეტოქეს ძალიან გამართული დაცვა ჰქონდა და შორი დისტანციებიდანაც გვაჯობა. სამწუხაროდ, ჩენი გუნდი სრულფასოვნად არ იყო მომზადებული ამ თამაშისთვის, მაგრამ წინ მეორე შეხვედრაა. ქუთაისურ მატჩს იმედიანად ვხვდებით. კორექტივებს შევიტანთ როგორც დაცვაში, ისე თავდა</em><em>სხმაში".</em></p><p><strong>* * *</strong></p><p>ამ მატჩის დასრულებისთანავე შედგა "დინამოსა" და "შსს აკადემიის" დაპირისპირება, სადაც გუნდებს შორის უშეღავათო ბრძოლა გაიმართა და საბოლოოდ "დინამოს" 2-ქულიანი უპირატესობით, 84:82 დასრულდა.</p><p>დინამოელებმა შეხვედრის საწყისი ათწუთეული თავიანთ სასარგებლოდ წარმართეს და 23:17 დაწინაურდნენ. მეორე მეოთხედის საწყის წუთებში "შსს აკადემიამ" მოახერხა უპირატესობის მოპოვება და წინ 25:23 გავიდა.</p><p>"დინამომ" ანგარიშის გათანაბრება მალევე მოახერხა (25:25), თუმცა აკადემიელები მატჩის მე-5 წუთზე ჯერ 34:29 დაწინაურდნენ, შემდეგ კი 40:34 გავიდნენ წინ.</p><p>მიუხედავად ამისა, დინამოელებმა მალევე შეძლეს, მეტოქეს დაწეოდნენ (43:44) და აღნიშნული მეოთხედის დასასრულს, 34 წამით ადრე, გიგა მეხრიშვილის 2-ქულიანის წყალობით 45:44 დაწინაურდნენ. მეხრიშვილის 2-ქულიანს "შსს აკადემიის" მოთამაშის, ნუგზარ აბულაძის საპასუხო 2-ქულიანი მოჰყვა, რამაც "ძალოვნები" ისევ წინ გაიყვანა - 45:46.</p><p>დრამატული გამოდგა მესამე მეოთხედი, სადაც ხან ერთი გუნდი მოიპოვებდა უპირატესობას, ხანაც მეორე. მატჩის ამ მონაკვეთის მიწურულს წინ "დინამო" გავიდა და პერიოდი მისსავე სასარგებლოდ, 71:62 დასრულდა.</p><p>დაძაბულობამ პიკს დასკვნით ათწუთეულში უწია. შეხვედრის ბოლო პერიოდის მესამე წუთზე უპირატესობას "დინამო" ფლობდა (78:68), თუმცა აკადემიელებმა ბოლომდე იბრძოლეს და მატჩის ძირითადი დროის დასრულებამდე 4:37 წუთით ადრე, როდესაც დინამოელები 3 ქულას იგებდნენ - 78:75, მერაბ ბოქოლიშვილის ზუსტი 3-ქულიანის წყალობით ანგარიში ფრე - 78:78 გახადეს.</p><p>მიუხედავად ამისა, ალეკო ჩოჩიასა და ირაკლი ალხანაიძის აქტიური და შემტევი თამაშის წყალობით, "დინამო" 81:79 დაწინაურდა. დარჩენილ დროში დუდა სანაძემ 2 საჯარიმოდან ერთი გამოიყენა და შეხვედრის ბოლოს (1:05 წუთით ადრე) გუნდებს შორის 3-ქულიანი სხვაობა დაფიქსირდა - 82:79.</p><p>დარჩენილ დროში ალეკო ჩოჩია მერაბ ბოქოლიშვილზე დაჯარიმდა, რომელმაც სამივე საჯარიმო მოათავსა კალათში და 18 წამით საკუთარი გუნდი მეტოქეს გაუთანაბრა - 82:82. ამის შემდეგ შეტევა "დინამოს" დარჩა, რომელიც გიგა მეხრიშვილის წყალობით 84:82 დაწინაურდა, შსს-ს კი საკმარისი დრო აღარ ეყო და სერიაში 0:1 ჩამორჩა.</p><p>"დინამოს" შემადგენლობაში ყველაზე მეტი, 23 ქულა, დუდა სანაძემ დააგროვა, ხოლო ორმაგი დუბლი ერთბაშად ორმა მოთამაშემ გაიფორმა. ირაკლი ალხანაიძემ 20 ქულა და 10 მოხსნა მიითვალა, ხოლო გიგა მეხრიშვილმა - 18 ქულა და 13 მოხსნა. შსს აკადემიას ულიდერა მერაბ ბოქოლიშვილმა, რომელიც 37 ქულით მატჩის მომბარდირი გახდა.</p><p>შეხვედრის დასრულების შემდეგ "დინამოსა" და "შსს აკადემიის" მთავარ მწვრთნელებსაც გავესაუბრეთ, რომლებმაც თამაში შემდეგნაირად შეაფასეს:</p><p><strong>ამბროსი ორმოცაძე (დინამოს მწვრთნელი): </strong><em>"დაძაბული თამაშ</em><em>ი იყო და ბიჭებმა ყველაფერი გააკეთეს, რომ კარგი თამაში ეჩვენებინ</em><em>ათ - არა მხოლოდ ჩვენი გუნდის მოთამაშეებმა, არამედ მოწინააღმდეგე გუნდის კალათბურთელებმაც.</p><p>მივიჩნევ, რომ ერთმაც და მეორე გუნდმაც</em><em> მთელი ჩემპიონატის განმავლობაში თავისი საუკეთესო თამაში ჩაატარა, მაგრამ იღბალი ჩვენკენ იყო და გამარჯვება ჩვენ დაგვრჩა.</p><p>მომდევნო მატჩისთვის დაცვაში თამაშს გამოვასწორებთ და თავდასხმაში უფრო ორგანიზებულნი ვიქნებით"</em>.</p><p><strong>არჩილ ჟღენტი (შსს ა</strong><strong>კადემიის მწვრთნელი):</strong> <em>"ჩვენმა გუნდმა ბევრი შეცდომა დაუშვა, განსაკუთრებით კი, ფარქვეშ გაგვიჭირდა. მეტოქის მაღალმა მოთამაშეებმა აშკარად აჯობეს ჩვენს ცენტრებს.</p><p>ბევრს ვერაფერს ვიტყვი. ბიჭებმა ბოლომდე იბრძოლეს და ეს მარცხი მწვრთნელის ბრალია. მომავალში დაცვაში ბევრად უკეთეს თამაშს ვაჩვენებთ და მიუხედავად იმისა, რომ ნახევარფინალში მოთამაშე ოთხივე გუნდი ძალიან ძლიერია, ვიმედოვნებ, საბოლოოდ გამარჯვება "შსს აკადემიას" დარჩება"</em>.</p><p><strong>www.u-20.ge</strong></p>
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
სუპერლიგის პლეი ოფი დაიწყო: თსუ-მ კავკასია დაამარცხა, მარგვეთმა – ორბი
სუპერლიგის რეგულარული ჩემპიონატი დასრულდა: პლეი ოფის წყვილები ცნობილია
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
[VIDEO] დოსუნმუს ბრწყინვალე მატჩი, ჩხუბი და გაცოფებული იოკიჩი - "დენვერი" უმნიშვნელოვანეს შეხვედრაში დამარცხდა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა