<p>მასპინძლების წინა ხაზმა დაჩაგრა "ფინიქსის" "მაღლები", დევინ ჰარისმა კი შესანიშნავად ითამაშა დაცვაში სტივ ნეშის წინააღმდეგ <br> გუშინდელი დღის ცენტრალური მატჩი სოლტ-ლეიკ-სიტიში გაიმართა. ამ შეხვედრაში ადგილობრივ "იუტასა" და "ფინიქსს" ერთმანეთში უნდა გაეთამაშებინათ დასავლეთში პლეი ოფის ბოლო საგზური. არიზონელებს მხოლოდ მოგება აწყობდათ, მაგრამ "სანზმა" ზედიზედ მერვედ ვერ შეძლო "ჯაზმენების" დამარცხება.</p><p>მასპინძლების წინა ხაზმა (დერიკ ფეივორსი და ელ ჯეფერსონი) დაჩაგრა "ფინიქსის" "მაღლები" - მარსინ გორტატი, მარკის მორისი და რობინ ლოპესი; დევინ ჰარისმა კი შესანიშნავად ითამაშა დაცვაში სტივ ნეშის წინააღმდეგ.</p><p>"იუტას" ზეწოლა ძალიან დიდი იყო და მასპინძლები თითქმის მთელი მატჩი წინ იყვნენ, თუმცა მეოთხე მეოთხედის დასაწყისში "სანზმა" მოახერხა 10-ქულიანი ჩამორჩენის გაბათილებაც და წინ გასვლაც. განსაკუთრებით მოინდომეს მაიკლ რედმა და სებასტიან ტელფეირმა.</p><p>მაგრამ აქ შეცდომა დაუშვა სტუმრების მწვრთნელმა ელვინ ჯენტრიმ, როცა ზედმეტად დააყოვნა სათადარიგოთა სკამზე სტივ ნეში. ის ენდო ტელფეირს, რომელმაც მოედანზე ბრწყინვალე გამოსვლის შემდეგ შეცდომებს უმატა. "ფინიქსმა" თამაშის ტემპი დაკარგა და ამით "იუტამ" კარგად ისარგებლა. სტუმრებს მეტოქის 11:0 გაქცევა გამოეპარათ, რის შემდეგაც ელ ჯეფერსონმა, რომელსაც პლეი ოფის მატჩებში ბოლო შვიდი სეზონი არ უთამაშია, ზედიზედ რვა ქულით მოუსპო "სანზს" ყოველგვარი იმედი.</p><p>ამ მოგებით "იუტამ" გაინაღდა პლეი ოფის საგზური და მეშვიდე პოზიციაზე ასვლაც შეუძლია, თუმცა ამისთვის საჭიროა ბოლო მატჩის მოგება და თან "ნაგეტსის" ორი მარცხი. რაც შეეხება "ფინიქსს", მან სეზონი პლეი ოფის მიღმა დაასრულა და წინ გუნდს სრული გაურკვევლობა ელის.</p><p><strong>* * *</p><p></strong>არაფერი გასაკვირი არ იყო იმაში, რომ "მაიამიმ" ბოსტონში წააგო, თუმცა იმის გაცნობიერებაც რთულია, როგორ შეიძლება მხოლოდ 66 ქულა დააგროვო მაშინ, როცა თამაშიდან თითქმის 40-პროცენტიანი სიზუსტით ისვრი და ფარქვეშ ბრძოლაში გამარჯვებული გამოდიხარ (44-38). მაგრამ ამას აქვს ახსნა: "მაიამიმ" "დიდი ტრიოს" გარეშე 25 შეცდომა (სეზონის ანტირეკორდი) დაუშვა.</p><p>შეცდომები ბოსტონელებსაც ჰქონდათ. მაგალითად, პირსმა ექვსჯერ დაკარგა ბურთი და ათიდან მხოლოდ ორი ტყორცნა ჩააგდო. ამ პირობებში "სელტიქსის" საუკეთესო მოთამაშე 16 ქულით საშა პავლოვიჩი იყო. საინტერესოა ისიც, რომ მასპინძლებმა მეტოქის ფარზე მხოლოდ ოთხჯერ მოხსნეს ბურთი, ისიც სათადარიგო მოთამაშეებმა.</p><p><em><strong>ატლანტა-კლიპერსი 109:102</p><p></strong></em>23:28, 29:22, 33:22, 24:30</p><p>ა: ჯონსონი (28+7 მოხსნა), ტიგი (21), სმიტი (18+10 მოხსნა+5 პასი), უილიამსი (11).</p><p>კ: გრიფინი (36+8 მოხსნა), პოლი (34+5 მოხსნა+8 პასი).</p><p><em><strong>ოკლაჰომა-საკრამენტო 118:110</p><p></strong></em>35:40, 22:19, 25:27, 36:24</p><p>ო: დურანტი (32+9 მოხსნა), კუკი (19+5 მოხსნა), უესტბრუკი (13+8 მოხსნა+6 პასი), ფიშერი (11+5 პასი), სეფოლოშა (11), პერკინსი (10+5 მოხსნა).</p><p>ს: კაზინსი (32+7 მოხსნა), ტომპსონი (22+6 მოხსნა), აუთლო (20+7 მოხსნა+4 ჩაჭრა), ევანსი (18), ტომასი (11+5 მოხსნა+9 პასი).</p><p><em><strong>ბოსტონი-მაიამი 78:66</p><p></strong></em>10:17, 18:17, 22:16, 28:16</p><p>ბ: პავლოვიჩი (16), დენიელსი (13+5 მოხსნა).</p><p>მ: პიტმენი (12), ჯონსი (11+6 მოხსნა), ჰასლემი (6+13 მოხსნა).</p><p><em><strong>გ. სტეიტი-ნიუ ორლეანი 81:83</p><p></strong></em>22:21, 21:22, 21:18, 17:22</p><p>გ-ს: ტომპსონი (16), რაში (15), ტაილერი (13+8 მოხსნა), ჯენკინსი (10+5 მოხსნა+10 პასი).</p><p>ნ-ო: ბელინელი (23+3 ჩაჭრა), ლენდრი (14+6 მოხსნა), ეიონი (13+7 მოხსნა+4 დაფარება), ვასკესი (11+6 მოხსნა+7 პასი), ამინუ (8+11 მოხსნა).</p><p><em><strong>იუტა-ფინიქსი 100:88</p><p></strong></em>25:19, 24:23, 24:26, 27:20</p><p>ი: მილსეპი (26+15 მოხსნა+3 ჩაჭრა), ჯეფერსონი (18+16 მოხსნა), ჰარისი (14), ფეივორსი (13+11 მოხსნა+5 დაფარება), ჰეივორდი (11+8 პასი).</p><p>ფ: რედი (15), დადლი (15+6 მოხსნა), ნეში (14+11 პასი), ბრაუნი (12+5 მოხსნა), უორიკი (12+5 მოხსნა), გორტატი (2+12 მოხსნა).</p><p><strong>ყოველდღიური სპორტული გაზეთი "ლელო"</strong></p>
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ