<p>ფრანკ რიბერისთან ჩხუბის შემდეგ ჰოლანდიელმა ფიქრი თავიდან დაიწყო <br> არიენ რობენის გარშემო გაურკვევლობა გრძელდება. შეგახსენებთ, რომ 28 წლის ჰოლანდიელს "ბაიერნთან" ახალი კონტრაქტის გაფორმება გადაწყვეტილი ჰქონდა, მაგრამ მადრიდის "რეალთან" პირველი მატჩის შესვენებაზე ფრანკ რიბერისთან ჩხუბმა პოზიცია შეაცვლევინა - მართალია, რობენს კონტრაქტის გაგრძელება არ გადაუფიქრებია, მაგრამ ჯერ არც ხელი მოუწერია ხელშეკრულებისთვის, რომელიც რეკორდმაისტერის ხელმძღვანელებმა ჯერ კიდევ ორი თვის წინ წარუდგინეს და რომელსაც ვადა 2015 წლამდე აქვს. "კიკერისთვის" მიცემულ ინტერვიუში რობენმა მიზეზებზე პირველად ისაუბრა.</p><p><em>"დასამალი არაფერია, ბოლო დროს ბევრი რამ მოხდა, რის გამოც ახალი კონტრაქტის გაფორმებაზე ფიქრი თავიდან დავიწყე," - აცხადებს არიენი ხსენებულ ინტერვიუში და ცხადია, რომ "ბევრ რამეში", პირველ ყოვლისა, რიბერისთან ჩხუბს გულისხმობს, რასაც გერმანიაში დიდი გამოხმაურება მოჰყვა. ჰოლანდიელი დასძენს: "ფრანკმა ძალიან კარგად იცის, რომ გააკეთა ის, რაც არ უნდა გაეკეთებინა".</em></p><p><strong>ეს არ იყო კარგი საქციელი</p><p></strong>რობენი ადასტურებს, რომ რიბერის უკვე შეურიგდა, თუმცა იქვე აღიარებს, ფრანგთან ვეღარასოდეს მექნება ისეთი ურთიერთობა, რაც მანამდე მქონდა. ისე კი, შევრიგდით, ერთმანეთს ველაპარაკებით და ჩვეულებრივად ვიქცევითო.</p><p>რობენს რიბერის მუშტზე მეტად "ბაიერნის" ხელმძღვანელებსა და ზოგიერთ თანაგუნდელზე სწყდება გული.</p><p>ხელმძღვანელებზე იმიტომ, რომ მომხდარის შემდეგ რიბერის საქციელი არ დაგმეს. ვიცე-პრეზიდენტმა კარლ-ჰაინც რუმენიგემ კი "რეალთან" მატჩის შესვენებაზე "ბაიერნის" გასახდელში მომხდარი ჩხუბი ფრანგსა და ჰოლანდიელს შორის სულაც დადებით მოვლენად მონათლა; ზოგიერთ თანაგუნდელზე კი იმიტომ, რომ ისინი ოვაციებით შეხვდნენ იმ ფაქტს, როცა რიბერიმ რობენს მუშტი უთავაზა.</p><p>რაც უნდა გასაკვირი იყოს, ჩვენმა გერმანელმა კოლეგებმა ვერაფრით დაადგინეს, რომელ ფეხბურთელებს გაუხარდათ ის, რომ რობენს რიბერისგან მოხვდა.</p><p><em>"ეს არ იყო კარგი საქციელი, ეს არ იყო პოზიტიური მოვლენა. შეფები ულამაზოდ მოიქცნენ," - აცხადებს რობენი. რიბერი კლუბმა 50 000 ევროთი დააჯარიმა, მაგრამ ეს რობენისთვის შეღავათი, რა თქმა უნდა, არ არის: "ეს ჯარიმა ფორმალობაა და ასეც რომ არ იყოს, რიბერის დაჯარიმება ჩემთვის რატომ უნდა იყოს შეღავათი? ვფიქრობ, "ბაიერნის" ხელმძღვანელებს მეტი სიჭკვიანე უნდა გამოემჟღავნებინათ."</em></p><p>მიუხედავად ჰოლანდიელის ასეთი განცხადებებისა, რუმენიგე მაინც დარწმუნებულია იმაში, რომ რობენი ახალ კონტრაქტს გააფორმებს.</p><p><em>"ჩვენ, "ბაიერნის" ხელმძღვანელებს, ოდნავადაც არ გვეპარება ეჭვი იმაში, რომ არიენი გადაწყვეტილებას არ შეცვლის და მიუნხენში დარჩება,"</em> - ამბობს კალე და იქვე დასძენს, ჩემპიონთა ლიგის ფინალამდე, რომელიც 19 მაისს უნდა გაიმართოს, რობენს კიდევ ერთხელ დაველაპარაკებითო. არიენი არ უარყოფს, რომ "ბაიერნში" თავს კარგად გრძნობს, მაგრამ იმასაც ადასტურებს, რომ რამდენიმე წინადადება აქვს.</p><p>დაველოდოთ მოვლენების განვითარებას - ამ ისტორიას გაგრძელება ნამდვილად ექნება...</p><p><strong>ყოველდღიური სპორტული გაზეთი "ლელო"</strong></p>
40 წლის ნოიერი კარიერას ჯერ არ დაასრულებს
ტრავმირებული ნოიერი ოპტიმისტურადაა განწყობილი
"ლევანდოვსკი გასახდელში შემოვიდა თუ არა, ბარიოსმა მაშინვე სახეში დაარტყა" - "დორტმუნდის" ყოფილმა ნახევარმცველმა თანაგუნდელებს შორის მომხდარი კონფლიქტი გაიხსენა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი