- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლა ლიგა. XXXVI ტურის შეჯამება: ფიესტა მადრიდში
<p>3 მაისს მადრიდში, სიბელესის მოედანზე, საღამოს 7 საათზე დაიწყო ზეიმი, რომელიც გვიან ღამემდე გაგრძელდა <br> 3 მაისს მადრიდში, სიბელესის მოედანზე, საღამოს 7 საათზე დაიწყო ზეიმი, რომელიც გვიან ღამემდე გაგრძელდა.</p><p>მადრიდელები "რეალის" 32-ე ტიტულს ზეიმობდნენ. მანამდე კი იყო ტრიუმფი ბილბაოში - როგორც იქნა, 3-წლიანი ბარსელონური დომინაცია დაემხო - "სამეფო კლუბი" ისევ ჩემპიონია.</p><p>"ბილბაოს" 3:0 დამარცხების შემდეგ ფეხბურთელებმა ჟოზე მოურინიო ჰაერში ატყორცნეს, შემდეგ კი გასახდელში იზეიმეს. "სან მამესიდან" ბილბაოს "ვიტორიას" აეროპორტამდე ასობით ფანი გაჰყვა "რეალს". შემდეგ ფეხბურთელებმა ჰაერში ერთად იმღერეს" "ქვინის" We are the champions.</p><p><strong>მესიმ ევროპას გადმოხედა</p><p></strong>მაშ ასე, კრიშტიანო რონალდო და ლეო მესი დაერივნენ და რაც კი ინდივიდუალური, გოლეადორული რეკორდი არსებობს, ყველა მოხსნეს.</p><p>რა თქმა უნდა, ცოტას ვაზვიადებთ, მაგრამ პორტუგალიელმა 10-ამდე, ხოლო არგენტინელმა ორჯერ მეტი რეკორდი დაამხო ამ სეზონში.</p><p>და აი, ყველაფრის კულმინაცია - ოთხშაბათს მესიმ გერმანელი გერდ მიულერის რეკორდი დაამხო. ეს იყო წარმოუდგენელი მიღწევა - 1972/73 წლების სეზონში მიულერმა ყველა ოფიციალურ მატჩში 67 გოლი გაიტანა: 26 ჩემპიონატში, 7 თასზე, 12 ლიგის თასზე და 12 ევროპის თასზე.</p><p>"მალაგასთან" ჰეთ თრიკის შემდეგ მესის ანგარიშზე 68 გოლია: 46 ლა ლიგაში, 14 ჩემპიონთა ლიგაზე, 3 ესპანეთის სუპერთასზე, 2 სამეფო თასზე, 1 ევროპის სუპერთასზე.</p><p><strong>მესი VS რონი</p><p></strong>ლიონელ მესიმ 90 წუთი ითამაშა "მალაგასთან" 4:1 დასრულებულ მატჩში. მან კარისკენ 6-ჯერ დაარტყა, 3-ჯერ ზუსტად, გაიტანა 3 გოლი. მესის წინააღმდეგ 3-ჯერ დაჯარიმდნენ. არგენტინელი ერთხელ მოხვდა თამაშგარე მდგომარეობაში.</p><p>კრიშტიანო რონალდომ 90 წუთი ითამაშა "ბილბაოსთან" 3:0 დასრულებულ მატჩში. მან კარისკენ 10-ჯერ დაარტყა, 6-ჯერ ზუსტად, გაიტანა გოლი და გააკეთა საგოლე პასი. რონალდოს წინააღმდეგ 2-ჯერ იუხეშეს, ერთხელ თავად დაჯარიმდა.</p><p>ეს რაუნდი მესიმ მოიგო და "ტურნირში" 22:21 დაწინაურდა.</p><p><strong>ტურის სიმბოლური ნაკრები</p><p></strong>ესპანური Goal.com. 3-3-1-3</p><p>დუდუ ავატე (მალიორკა) - ადილ რამი (ვალენსია), პეპე (რეალი), ხორდი ალბა (ვალენსია) - ანდრეს ინიესტა (ბარსელონა), ბენატ ეჩებარია (ბეტისი), მესუთ იოზილი (რეალი) - ლიონელ მესი (ბარსელონა) - კარლოს ველა (რეალ სოსიედადი), არიც ადურისი (ვალენსია), ოდიონ იგჰალო (გრანადა).</p><p>მე-12 ფეხბურთელი: გონსალო იგუაინი (რეალი)</p><p>ტურის მწვრთნელი: ჟოზე მოურინიო (რეალი)</p><p><strong>ტურის ანტინაკრები</p><p></strong>ესპანური Goal.com. 4-3-3</p><p>ტიბო კურტუა (ატლეტიკო) - ხავი მარტინესი (ბილბაო), გრეგორი არნოლინი (სპორტინგი), გუსტავო კაბრალი (ლევანტე), ხოსე მანუელ კასადო (რაიო ვალეკანო) - გარი მედელი (სევილია), დიეგო ბუონანოტე (მალაგა), მანუ დელ მორალი (სევილია) - დეიან ლეკიჩი (ოსასუნა), ალვარო ვასკესი (ესპანიოლი), ალვარო ნეგრედო (სევილია).</p><p>მე-12 ფეხბურთელი: კრიშტიანო რონალდო (რეალი)</p><p>მწვრთნელი: ხავიერ კლემენტე (სპორტინგი)</p><p><strong>ტურის გმირი</p><p></strong>ერნან პერესი (ვილიარეალი)</p><p>"ვილიარეალი" თითქმის გავიდა სამშვიდობოს. ამაში კი დიდი წვლილი 23 წლის პარაგვაელ ერნან არსენიო პერეს გონსალესს მიუძღვის. ხიხონელთა კარში მესამე გოლის ავტორი ეს მარჯვენა ნახევარმცველია, რომელიც "ვილიარეალის" მომავლის გუნდის ერთ-ერთი ბურჯია. ერნან პერესი მოთმინებით ელოდა თავის დროს. 2 სეზონი "ვილიარეალ II-შიც" ითამაშა და ახლა მისი დროც დადგა. სხვათა შორის, ახალგაზრდული ასაკის მიუხედავად, პერესს უკვე 13 მატჩი დაუგროვდა პარაგვაის ეროვნულ ნაკრებში.</p><p><strong>ტურის ფრაზები</p><p></strong>მანოლო ხიმენესი: "ფეხბურთელები მზად არიან, მოკვდნენ მოედანზე გუნდისთვის", - ლა ლიგაში დარჩენისთვის მებრძოლი "სარაგოსას" თავკაცი თავის შეგირდებზე.</p><p>მიჩელი: "დღეს ძალიან დასანანი და მტკივნეული მარცხი განვიცადეთ ", - "სევილიას" თავკაცი "ბეტისთან" 1:2 მარცხის მერე.</p><p>პეპე მელი: "მოწინააღმდეგე გუნდის ფანების არნახული ქომაგობის მიუხედავად, მოვიგეთ და ჩვენს გულშემატკივრებს დიდი ბედნიერება მივანიჭეთ", - "ბეტისის" თავკაცი მოგებული სევილიური დერბის შემდეგ.</p><p>ხოსე ლუის მენდილიბარი: "ლა ლიგაში ყველაზე ადვილი "ოსასუნას" ფეხბურთელის გაძევებაა, მაგრამ რა უნდა ილაპარაკო მსაჯზე, რომელიც აფრთხილებს კლუბის ექიმსა და მასაჟისტს იმისთვის, რომ ისინი მოედანზე წაქცეულის დასახმარებლად შევიდნენ", - პამპლონელთა მწვრთნელი დეიან ლეკიჩის გაძევებამ აღაშფოთა.</p><p>ხოსეპ გვარდიოლა: "რეალი" სამართლიანად გახდა ჩემპიონი, მაგრამ იყო რაღაცები, რაც არ გახმაურებულა. მაგალითად - ორი უსამართლო პენალტი ჩვენს კარში", - ხოსეპ გვარდიოლა წაგებულ ლა ლიგაზე.</p><p>ჟოზე მოურინიო: "ლა ლიგის მოგება ყველაზე ძნელია ევროპულ პირველობებს შორის", - "რეალის" თავკაცი.</p><p>აიტორ კარანკა: "ახლა ლა ლიგაში "რეალის" ერაა", - მოურინიოს ასისტენტი.</p><p>კრიშტიანო რონალდო: "ესპანეთის ჩემპიონობა მინდოდა და არა ბომბარდირობა", - პორტუგალიელი ბომბარდირი.</p><p><strong>ესპანური ფეხბურთის სისუსტე - მსაჯები</p><p></strong>ტორიენსო ალვარესი (ბარსელონა-მალაგა) - 0 "მარკა" (10-ბალიანი შეფასებით)</p><p>რა დააშავა: დანიშნა ორი პენალტი, ორივე არასწორად: პირველად ინიესტა საჯარიმოს გარეთ მოცელეს, მეორედ მესის არავინ შეხებია. პრინციპში, მეტი რაღა უნდა დაეშავებინა?</p><p><strong>ტურის ხუთი საუკეთესო გოლი</p><p></strong>1. გონსალო იგუაინი (რეალი) "ბილბაოს" კარში (საგოლე პასი: მესუთ იოზილი).</p><p>2. ხოსე რონდონი (მალაგა) "ბარსელონას" კარში (საგოლე პასი: ხესუს გამესი)</p><p>3. ლიონელ მესი (ბარსელონა) "მალაგას" კარში (საგოლე პასი: ანდრეს ინიესტა)</p><p>4. მესუთ იოზილი (რეალი) "ბილბაოს" კარში (საგოლე პასი: კრიშტიანო რონალდო).</p><p>5. ერნან პერესი (ვილიარეალი) "სპორტინგის" კარში.</p><p><strong>ტურის სტატისტიკა</p><p></strong>29 გოლი ტურში (2,9 მატჩში). 5 თამაში მოიგეს მასპინძლებმა, 2 ფრედ დასრულდა და 3 სტუმრებმა მოიგეს. მსაჯებმა 62 ყვითელი და 5 წითელი ბარათი დაარიგეს.</p><p>ჰეთ თრიკი: ლიონელ მესი (ბარსელონა)</p><p>დუბლი: არიც ადურისი (ვალენსია), ბენატ ეჩებარია (ბეტისი), ჟონასი (ვალენსია), ოდიონ იგჰალო (გრანადა).</p><p>კრიშტიანო რონალდომ (რეალი) და პაპაკული დიოპმა (რასინგი) ვერ გაიტანეს პენალტი.</p><p>ტურის ყველაზე ახალგაზრდა ფეხბურთელი: ხაირო სამპერიო (რასინგი, 18 წლის)</p><p>ყველაზე მეტი მაყურებელი: 88 000 - "კამპ ნოუ"</p><p>ყველაზე ნაკლები მაყურებელი: 10 000 - "ალფონსო პერეს კოლისეუმი"</p><p>ყველაზე მეტი დარტყმა კარისკენ: 22 - სპორტინგი</p><p>ყველაზე მეტი დარტყმა კარში: 8 - ვილიარეალი, მალიორკა, ვალენსია</p><p>ყველაზე მეტი ჯარიმა: 24 - ხეტაფე</p><p>ყველაზე მეტი კუთხური: 17 - ვალენსია</p><p>ყველაზე მეტი თამაშგარე: 7 - ვალენსია</p><p>ყველაზე მეტი ბურთის ფლობა: 63% - ბარსელონა</p><p><span style="color: #ff0000;"><strong></p><p>ლა ლიგა. XXXVI ტური</strong></span></p><p><em><strong>სპორტინგი-ვილიარეალი 2:3</p><p></strong></em>საუკეთესო: ერნან პერესი (ვილიარეალი)</p><p><em><strong>ხეტაფე-რასინგი 1:1</p><p></strong></em>საუკეთესო: პაპაკული დიოპი (რასინგი)</p><p><em><strong>გრანადა-ესპანიოლი 2:1</p><p></strong></em>საუკეთესო: ოდიონ იჰგალო (გრანადა)</p><p><em><strong>ატლეტიკო-სოსიედადი 1:1</p><p></strong></em>საუკეთესო: კარლოს ველა (რეალ სოსიედადი)</p><p><em><strong>ბარსელონა-მალაგა 4:1</p><p></strong></em>საუკეთესო: ლიონელ მესი (ბარსელონა)</p><p><em><strong>სევილია-ბეტისი 1:2</p><p></strong></em>საუკეთესო: ბენატ ეჩებარია (ბეტისი)</p><p><em><strong>მალიორკა-ვალეკანო 1:0</p><p></strong></em>საუკეთესო: დუდუ ავატე (მალიორკა)</p><p><em><strong>სარაგოსა-ლევანტე 1:0</p><p></strong></em>საუკეთესო: ედუ ორიოლი (სარაგოსა)</p><p><em><strong>ვალენსია-ოსასუნა 4:0</p><p></strong></em>საუკეთესო: არიც ადურისი (ვალენსია)</p><p><strong><em>ბილბაო-რეალი 0:3</p><p></em></strong>საუკეთესო: გონსალო იგუაინი (რეალი)</p><p><strong></p><p>სატურნირო მდგომარეობა</strong></p><p><em>ა გ თ მ ფ წ ბ ქ</p><p></em>1. რეალი 36 30 4 2 115-30 94</p><p>2. ბარსელონა 36 27 6 3 108-27 87</p><p>3. ვალენსია 36 16 10 10 58-43 58</p><p>4. მალაგა 36 16 7 13 52-51 55</p><p>5. ლევანტე 36 15 7 14 51-49 52</p><p>6. ატლეტიკო 36 13 11 12 50-45 50</p><p>7. მალიორკა 36 13 10 13 40-42 49</p><p>8. ბილბაო 35 12 12 11 49-46 48</p><p>9. ოსასუნა 36 11 15 10 39-59 48</p><p>10. ხეტაფე 36 12 10 14 40-49 46</p><p>11. ბეტისი 36 13 7 16 44-52 46</p><p>12. სევილია 36 12 10 14 42-44 46</p><p>13. ესპანიოლი 36 12 9 15 45-51 45</p><p>14. სოსიედადი 36 11 11 14 45-51 44</p><p>15. გრანადა 36 12 6 18 34-53 42</p><p>16. ვილიარეალი 36 9 14 13 39-51 41</p><p>17. ვალეკანო 36 12 4 20 50-68 40</p><p>18. სარაგოსა 36 10 7 19 32-60 37</p><p>19. სპორტინგი 36 9 7 20 40-67 34</p><p>20. რასინგი 36 4 15 17 25-57 27</p><p><strong>ბომბარდირები</p><p></strong>46 - ლიონელ მესი (ბარსელონა); 44 - კრიშტიანო რონალდო (რეალი); 23 - რადამელ ფალკაო (ატლეტიკო); 22 - გონსალო იგუაინი (რეალი); 20 - ქარიმ ბენზემა (რეალი); 17 - რობერტო სოლდადო (ვალენსია); 16 - ფერნანდო ლორენტე (ბილბაო); 15 - მიჩუ (რაიო ვალეკანო), არუნა კონტე (ლევანტე); 14 - რუბენ კასტრო (ბეტისი).</p><p><strong>ასისტენტები</p><p></strong>17 - მესუთ იოზილი (რეალი); 16 - ლიონელ მესი (ბარსელონა); 15 - ანხელ დი მარია (რეალი); 12 - კრიშტიანო რონალდო (რეალი); 11 - დანი ალვეში (ბარსელონა); 9 - ანდრეს ინიესტა (ბარსელონა), ხესუს ნავასი (სევილია), ჩაბი ალონსო (რეალი); 8 - რაულ გარსია (ოსასუნა), სერხიო გარსია (ესპანიოლი), სესკ ფაბრეგასი (ბარსელონა), გონსალო კასტრო (მალიორკა).</p><p><strong>გოლი+პასი</p><p></strong>62 - ლიონელ მესი (ბარსელონა); 56 - კრიშტიანო რონალდო (რეალი); 27 - გონსალო იგუაინი (რეალი), ქარიმ ბენზემა (რეალი); 25 - რადამელ ფალკაო (ატლეტიკო); 20 - რობერტო სოლდადო (ვალენსია), ანხელ დი მარია (რეალი).</p><p><strong>ზამორას ტროფეი</p><p></strong>0,76 (გოლი/მატჩში) - ვიქტორ ვალდესი (ბარსელონა); 0,83 - იკერ კასილიასი (რეალი); 1,18 - ტიბო კურტუა (ატლეტიკო); 1,24 - დუდუ ავატე (მალიორკა); 1,25 - ვილი კაბალიერო (მალაგა); 1.31 - გორკა ირაისოსი (ბილბაო); 1,35 - მიგელ ანხელ მოია (ხეტაფე).</p><p><span style="color: #ff0000;"><strong>მომდევნო ტური</p><p></strong></span><strong>5 მაისი</strong>: სარაგოსა-რასინგი, ბილბაო-ხეტაფე, მალიორკა-ლევანტე, გრანადა-რეალი, სევილია-რაიო ვალეკანო, ბარსელონა-ესპანიოლი, სპორტინგი-ბეტისი, ატლეტიკო-მალაგა, ვალენსია-ვილიარეალი, ოსასუნა-რეალ სოსიედადი.</p><p><strong>ყოველდღიური სპორტული გაზეთი "ლელო"</strong></p>
ბელინგემმა ვარჯიში დაიწყო - "რეალი" აჩქარებას არ აპირებს
რასპადორი "ატლეტიკოს" ფეხბურთელია
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია