<p>...თუმცა გეორგი ნიკოლოვი ქართველი მწვრთნელის თბილისის "დინამოში" წასვლის სურვილს გაგებით მოეკიდება <br> აზერბაიჯანულმა ინტერნეტ-გამოცემა "აპასპორტმა" ბაქოს "ინტერის" პრეზიდენტს <strong>გეორგი ნიკოლოვს</strong> ინტერვიუ ჩამოართვა, სადაც ჩვენთვის რამდენიმე საინტერესო კითხვა-პასუხი აღმოვაჩინეთ.</p><p>გთავაზობთ ამ ინტერვიუს შემოკლებულ ვარიანტს.</p><p><strong>- "ინტერის" მთავარ მწვრთნელს, კახა ცხადაძეს, არ დაუმალავს, რომ თბილისის "დინამოსგან" აქვს წინადადება. "ინტერი" თუ ევროპის ლიგაზე გავიდა, როგორ აპირებთ ამ პრობლემის მოგვარებას?</strong></p><p>- ჯერჯერობით სეზონი არ დამთავრებულა. თანაც, ჩვენი მთავარი მწვრთნელი თავის პოსტს ინარჩუნებს.</p><p><strong>- ცხადაძესთან უკვე გქონდათ საუბარი?</strong></p><p>- აზერბაიჯანის თასის ნახევარფინალის შემდეგ ცხადაძე აღელვებული გახლდათ. ჩვენ დიდხანს ვისაუბრეთ. მისი კარგად მესმის, თუმცა, სიმართლე უნდა ითქვას, რომ მასთან განშორებას არ ვაპირებთ. მაგრამ, თუ მწვრთნელს ბევრად უკეთესი წინადადება ექნება, მისი სურვილია, როგორ მოიქცევა.</p><p><strong>- ნუთუ თბილისის "დინამო" ფინანსურად ბაქოს "ინტერზე" მაღლა დგას?</strong></p><p>- შედარებაც არ შეიძლება. საერთოდაც, ქართულ ფეხბურთში ფინანსურ მდგომარეობას ცუდი ნამდვილად არ ეთქმის. რაც მთავარია, "დინამო" უფრო ცნობილი და ძლიერი გუნდია, ვიდრე - "ინტერი". ამიტომაც ცხადაძის სურვილს კაცი გაგებით უნდა მოეკიდოს.</p><p><strong>- ისეთი შთაბეჭდილება გვრჩება, რომ ცხადაძის წასვლას შეგუებული ხართ...</strong></p><p>- არა, ჩვენ კიდევ ვისაუბრებთ ამ საკითხთან დაკავშირებით. თუმცა ჩემი ცხოვრებისეული ფილოსოფია ისეთია, რომ შეუცვლელი არავინაა.</p><p><strong>- ახალ მწვრთნელს უკვე ეძებთ?</strong></p><p>- ყველაფერი დამოკიდებული იქნება იმაზე, მოვიპოვებთ თუ არა ევროპის ლიგის საგზურს. თუმცა, ვიმეორებ, რომ ჯერჯერობით "ინტერის" მთავარი მწვრთნელი ცხადაძე გახლავთ, რომელსაც ჩვენს კლუბთან ერთწლიანი კონტრაქტი აკავშირებს და მისი აქედან წასვლაც, ცოტა არ იყოს, არარეალურად მიმაჩნია.</p><p><strong>- ვთქვათ, ცხადაძე მაინც წავიდა "დინამოში"; ამ შემთხვევაში, კონტრაქტის დარღვევისათვის მისგან კომპენსაციას მოითხოვთ?</strong></p><p>- ასეთი კითხვები აქტუალურად არ მიმაჩნია. ან კიდევ, საერთოდ, რომელ კომპენსაციაზეა ლაპარაკი? ცხადაძემ საკმაოდ კარგად წარმოაჩინა თავი "ინტერში": სადებიუტო სეზონში აზერბაიჯანის ჩემპიონი გახდა ჩვენი გუნდი, მომდევნო წელს კი "თანამეგობრობის თასზე" გაიმარჯვა.</p><p>ამ ყველაფრისათვის ცხადაძეს მადლობა ეკუთვნის, ანუ მასთან ფინანსურ საკითხებზე არც ვისაუბრებ და არც იმას ვეტყვი, რომ ფული უკან დააბრუნე და აქედან გაგიშვებთ-მეთქი...</p><p><em>"ცხადაძის სურვილს ყველა გაგებით უნდა მოეკიდოს" (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
irina
ცხადაძეს ვურჩევ ბაკოში დარჩეს!
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
კვერნაძე პირველია - სერია A-ში გიორგის ყველაზე მეტი წარმატებული დრიბლინგი ჰქონდა
სვანაძე: ასე გაგრძელება არ შეიძლება- გულშემატკივრების რეაქციას კარგი თამაშით უნდა ვუპასუხოთ
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა