<p>ვინ უთავკაცებს მთავარი მწვრთნელის გარეშე დარჩენილ ზუგდიდის "ბაიას" <br> <strong>გოჩა ტყებუჩავა</strong> ზუგდიდის "ბაიას" მთავარი მწვრთნელი აღარ არის. გუნდი ბოლოსწინა ტურში ქუთაისის "ტორპედოსთან" შეხვედრისთვის ემზადებოდა, როდესაც ფეხბურთელები კრებაზე დაიბარეს და, მათდა მოულოდნელად, ტყებუჩავამ გადადგომის შესახებ აცნობა.</p><p>როგორც გვითხრეს, სეზონის ბოლომდე დარჩენილ ორ ტურში "ბაიას" ტყებუჩავას თანაშემწე <strong>ელგუჯა ქომეთიანი</strong> მოამზადებს და შესაძლოა, მომავალ სეზონშიც მთავარი მწვრთნელის პოსტზე დააბრუნონ.</p><p>შეგახსენებთ, რომ ქომეთიანი "ბაიას" 2010-11 წლებში თავკაცობდა, შემადგენლობას საუცხოოდ იცნობს და მისი დამსახურებაა, გუნდში ბევრი ნიჭიერი, იმედისმომცემი ფეხბურთელი რომ დაწინაურდა.</p><p>ინფორმაცია <strong>ელგუჯა ქომეთიანთან</strong> გადავამოწმეთ:</p><p>- დიახ, ტყებუჩავა მართლაც გადადგა, რაც ჩემთვის დიდი მოულოდნელობა აღმოჩნდა. წასვლა თავად გოჩამ გადაწყვიტა.</p><p><strong>- რა გახდა ამის მიზეზი, გუნდს კვლავ ფინანსური პრობლემები შეექმნა?</strong></p><p>- ეს არაფერ შუაშია, ხელფასები და პრემიები დროულად რიგდება. საბედნიეროდ, ამ მხრივ ვითარება საკმაოდ ნორმალურია. უბრალოდ, გოჩამ ასე გადაწყვიტა, მაგრამ, სიმართლე გითხრათ, მისი ნაბიჯი ჩემთვის მოულოდნელი აღმოჩნდა. თბილისში ვიყავი და უკან გამობრუნებულს ასეთი ამბავი დამხვდა.</p><p><strong>- მთავარი მწვრთნელის მოვალეობას თქვენ შეასრულებთ?</strong></p><p>- ჩემთვის არავის უთქვამს, მთავარი მწვრთნელი გახდი და გუნდი ჩაიბარეო. უბრალოდ, სეზონის დასრულებამდე ორი ტურია დარჩენილი და ვალდებული ვარ, ბიჭები მოვამზადო და მოედანზე გავიყვანო.</p><p><strong>- აბა, ვინ შეცვლის ტყებუჩავას?</strong></p><p>- ეს ჯერ ჩვენთვის უცნობია.</p><p>დავუკავშირდით თავად <strong>გოჩა ტყებუჩავას</strong>, რომელიც "ბაიას" მთავარ მწვრთნელად მეორე ეტაპის დაწყებამდე დანიშნეს და პოსტზე მხოლოდ ხუთი თვე იმუშავა. მან "ბაიადან" წასვლის მიზეზებზე ძალზედ მოკლე კომენტარი გააკეთა:</p><p><em>"რატომ წავედი? მივიჩნიე, რომ ჩემს მუშაობას აზრი აღარ ჰქონდა. პრობლემები ყველა კლუბშია, მაგრამ მივხვდი, რომ ასე მუშაობას ვეღარ გავუძლებდი".</p><p></em></p><p>არ დადასტურდა გავრცელებული ხმები, თითქოს "ბაიას" საქართველოს ახალგაზრდული ნაკრების ყოფილი მთავარი მწვრთნელი <strong>ოთარ გაბელია </strong>ჩაიბარებს.</p><p><em>"ბაია" მთავარი მწვრთნელის გარეშე დარჩა" (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?