<p>იოგი მარკოს გომესის, კლოზეს და კაკაუს ალტერნატივადაც განიხილავს</p><p><br> გერმანიის ნაკრების მთავარი მწვრთნელი იოახიმ ლიოვი სერიოზულად ფიქრობს იმაზე, რომ მიონხენგლადბახის "ბორუსიას" გარემარბი მარკო როისი ცენტრალურ თავდამსხმელადაც გამოიყენოს.</p><p>იოგიმ 16 მაისს გამართულ პრესკონფერენციაზე განაცხადა, რომ ბუნდესლიგის გასრულებული სეზონის უმთავრესი აღმოჩენა და საუკეთესო ფეხბურთელი მრავალმხრივი მოთამაშეა და ცენტრფორვარდის პოზიციაზე თამაშიც შეუძლია.</p><p><em>"როისი, პირველ რიგში, გარემარბი ან უკანდახეული თავდამსხმელია, მაგრამ ჩემი აზრით, მარკო ცენტრალური თავდამსხმელის პოზიციაზეც იდეალური იქნება,"</em> - თქვა ლიოვმა.</p><p>ზოგადად, ბუნდესმწვრთნელი როისზე ძალიან ბევრს ფიქრობს და ცენტრფორვარდ მარიო გომესის ან მიროსლავ კლოზეს ალტერნატივად იმის გამოც განიხილავს, რომ გერმანიის ნაკრების ნახევარდაცვაში საკმაოდ დიდი კონკურენციაა.</p><p>შეგახსენებთ, რომ მარკოს ბუნდესგუნდში თამაშის დიდი გამოცდილება არ აქვს, რადგან დებიუტი ტრავმების გამო არაერთხელ გადაედო და დღემდე გერმანიის ნაკრების ფორმა სულ 4-ჯერ აქვს მორგებული.</p><p><em>"ბუნდესლიგაში როისი ერთ-ერთი საუკეთესო იყო, გერმანიის ნაკრებში კი ფეხს ახლა იკიდებს, რაც იმას ნიშნავს, რომ ძირითად შემადგენლობაში თამაში</em><em>ს გარანტიას ვერ მივცემ. თუმცა ფაქტია, რომ მარკო გერმანიის ნაკრებისთვის უკვე ერთ-ერთი უმნიშვნელოვანესი ფეხბურთელია,"</em> - დასძენს ლიოვი.</p><p><strong>რატომ მხოლოდ სამი? როისიც!</strong></p><p>როისის ცენტრფორვარდად მოაზრების მიზეზი ისიცაა, რომ ლიოვის გაფართოებულ სიაში სულ სამი ტიპური ცენტრალური თავდამსხმელია - გომესი, კლოზე და კაკაუ. "მართალია, მარკოს ამ პოზიციაზე აქამდე არასდროს უთამაშია, მაგრამ მე ამაზე სერიოზულად ვფიქრობ, რადგან პოტენციალს ვხედავ.</p><p>დარწმუნებული ვარ, რომ 4-2-3-1 ტაქტიკურ სქემაში როისს იმ ერთადერთი თავდამსხმელის ფუნქციების შესრულება იდეალურად შეუძლია. ვარჯიშებზე ასეთ ვარიანტს არაერთხელ მოვსინჯავ," - ამბობს ბუნდესმწვრთნელი.</p><p>აღსანიშნავია, რომ როისისთვის თავდამსხმელის როლი დიდი სიახლე არ არის. 22 წლის მარკო "გლადბახში" უმეტესად თავდასხმაში თამაშობს, მაგრამ ეს იმას არ ნიშნავს, რომ ლიოვი ცდება, როცა ამბობს, ცენტრფორვარდად არასდროს უთამაშიაო - განსხვავება იმაშია, რომ როცა "გლადბახის" მთავარი მწვრთნელი ლუსიენ ფავრი როისს თავდამსხმელად ათამაშებს, ასეთ მატჩებში გუნდის ტაქტიკა 4-4-2-ია ხოლმე და მარკო უმეტესად მეორე ფორვარდის რანგში გვევლინება.</p><p>წინა ხაზის ცენტრში მარტოკაცად კი მართლაც არასდროს უთამაშია.</p><p><strong>პოდოლსკი მონდომებულია</p><p></strong>მიუხედავად იმისა, რომ შეკრებაზე შეთხელებული შემადგენლობა ჰყავს, ლიოვი ვარჯიშებით კმაყოფილია და სარდინიულ შეკრებას დადებითად აფასებს. "გუნდის მომზადებისთვის აქ იდეალური პირობებია, ბიჭები კი კარგად შრომობენ," - ამბობს 52 წლის იოგი.</p><p>რაც მთავარია, მიროსლავ კლოზეს, ლუკას პოდოლსკისა და პერ მერტეზაკერის გამოჯანმრთელების პროცესი გეგმაზომიერად მიმდინარეობს. იოგის განსაკუთრებით პოდოლსკის მონდომება ახარებს - "ლუკასი თავდაუზოგავად შრომობს და, როგორც ყველა დიდი სანაკრებო ტურნირის წინ, უაღრესად მოტივირებულია.</p><p>"ევროპის ჩემპიონატზე ჩვენ სწორედ ასეთი პოლდი გვჭირდება," - ამბობს ლიოვი.</p><p><strong></p><p>ყოველდღიური სპორტული გაზეთი "ლელო"</strong></p>
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა