NBA. პლეი ოფი. 1/4-ფინალი: კობი ბრაიანტი აგდებს, "ლეიკერსი" აგებს

მეორე მატჩში კალიფორნიელებს გამარჯვების შესანიშნავი შანსი ჰქონდათ, მაგრამ ბოლო ორ წუთში 0:9 წააგეს მეორე მატჩში კალიფორნიელებს გამარჯვების შესანიშნავი შანსი ჰქონდათ, მაგრამ ბოლო ორ წუთში 0:9 წააგეს.ახლა კი, ლოს ანჯელესის "სტეიპლს ცენტრში" გადასვლის შემდეგ, სერიაში ანგარიში კინაღამ 0:3 გახდა. სირენამდე დაახლოებით სამი წუთით ადრე, რასელ უესტბრუკის ჩატენვის შემდეგ "თანდერმა" 92:87 დაწინაურება შეძლო, მაგრამ დარჩენილი დრო მასპინძლებისა აღმოჩნდა."ლეიკერსმა" ამ მატჩში 42-ჯერ (!) მიიღო ჯარიმების შესრულების უფლება და მხოლოდ ერთხელ (!) შეცდა. ამ მხრივ, განსაკუთრებით გამოიჩინა თავი "ლეიკერსის" ლიდერმა კობი ბრაიანტმა, რომელმაც 17-დან 17 საჯარიმო გამოიყენა და ერთით გააუმჯობესა მატჩში უშეცდომოდ შესრულებული ჯარიმების რაოდენობით საკლუბო რეკორდი, რომელიც 40 წლის წინ გეილ გუდრიჩმა დაამყარა.ბრაიანტმა ექვსი საჯარიმო ბოლო 70 წამში გამოიყენა და ეს ქულები შევიდა მასპინძლების 12:4 სპურტში. კალიფორნიელთა დამრიგებელმა მაიკ ბრაუნმა სწორად გათვალა: ახალგაზრდა და მორბენალ "ოკლაჰომასთან" სისწრაფეში შეჯიბრი უაზრობა იქნებოდა. ამიტომაც აიძულა მეტოქე, ნელ ტემპში ეთამაშა და თან იზრუნა იმაზე, რომ მისთვის იოლი სროლის უფლება არ მიეცა."ლეიკერსის" მოთამაშეებმა ეს ამოცანა კარგად შეასრულეს: "ოკლაჰომას" ლიდერმა კევინ დურანტმა 39-ე წუთის ბოლოს ვარდნაში ურთულესი ბურთი ჩააგდო, ბოლო წამებზე კი, როცა მისი გუნდი სამი ქულით აგებდა, რვა მეტრიდან მოუწია სამქულიანის სროლა, მაგრამ ააცილა.* * *"ლეიკერსსა" და "ოკლაჰომას" ერთი დღის შემდეგ ისევ მოუწიათ მოედანზე გასვლა და ეს სტუმრებს აძლევდათ ხელს, რადგან "თანდერმა" "დალასთან" პირველ რაუნდში მატჩების მინიმალური რაოდენობა ჩაატარა და "ლეიკერსთან" სერიამდე ერთი კვირით მეტი დრო ჰქონდა დასასვენებლად.შესაბამისად, ფიზიკური თვალსაზრისით, სტუმრებს უპირატესობა უნდა ჰქონოდათ.შეიძლება ესეც იყო "ლეიკერსის" მესამე მარცხის მიზეზი. თანაც, ეს წაგება ძალიან ჰგავდა მეორე მატჩში ფიასკოს. შეხვედრის დიდ ნაწილში კალიფორნიელები აკონტროლებდნენ თამაშის მსვლელობას. კობის თითქმის ყველაფერი გამოსდიოდა.მას ეხმარებოდა მეტა უორლდ პისი, რომელმაც ექვსიდან ოთხი სამქულიანი ჩააგდო. "ლეიკერსის" დაცვამ ისევ მოახერხა მეტოქის ლიდერთა შეჩერება, თანაც, აშკარად არ მისდიოდა თამაში კევინ დურანტს. იგივე ითქმის ჯეიმს ჰარდენზე.მაგრამ, როგორც რეგულარული ჩემპიონატის პრაქტიკამ გვიჩვენა, "თანდერის" სამივე ლიდერის ერთდროულად დაკეტვა, პრაქტიკულად, შეუძლებელია.ამ ტრიოდან რასელ უესტბრუკი ყველაფერს აკეთებდა იმისთვის, რომ პირველ სამ მეოთხედში მისი გუნდის ჩამორჩენა 10 ქულაზე მეტი არ ყოფილიყო. "ლეიკერსის" მაქსიმალური უპირატესობა 13 ქულას უდრიდა.მეორე ტაიმში თანდათან გონს მოვიდა დურანტი და თამაშში დაძაბულობამ იმატა. ისეთი შთაბეჭდილება იქმნებოდა, რომ ან მასპინძლები ასცდებოდნენ 10-ქულიან უპირატესობას და დამაჯერებლად მოიგებდნენ მეოთხე შეხვედრას, ან ბოლო წამებზე დაძაბული ბრძოლა იქნებოდა."ლეიკერსისთვის" სამწუხაროდ, თამაში მეორე სცენარით განვითარდა. სირენამდე 5 წუთით ადრე უესტბრუკმა გამარჯვების სპურტი (13:2) დაიწყო, რომელიც კენდრიკ პერკინსის ორქულიანით დასრულდა.ბრაიანტმა ორი საჯარიმოთი ანგარიში გაათანაბრა. შემდეგ გუნდებმა შეცდომები გაცვალეს. სირენამდე 13 წამით ადრე კევინ დურანტმა, უორლდ პისის მეურვეობის მიუხედავად, საფირმო სამქულიანი ჩააგდო. მატჩის გმირი ვერ გახდა ბრაიანტი, რომელმაც ააცილა საპასუხო შორეული ტყორცნა, რის შემდეგაც ჰარდენზე ჯარიმები ფორმალობა იყო.სერიაში ანგარიში გახდა 3:1 და "ოკლაჰომას" ერთი ნაბიჯი სჭირდება კონფერენციის ფინალამდე. მეხუთე მატჩი სწორედ მის მოედანზე გაიმართება.ლეიკერსი-ოკლაჰომა 99:9623:15, 27:32, 19:23, 30:26ლ: ბრაიანტი (36+7 მოხსნა+6 პასი), ბინუმი (15+11 მოხსნა+3 დაფარება), გასოლი (12+11 მოხსნა+6 პასი+2 დაფარება), ბლეიკი (12+8 მოხსნა), სეშენსი (12+4 პასი), უორლდ პისი (10+2 დაფარება), ჰილი (2+2 დაფარება).ო: დურანტი (31+5 მოხსნა), უესტბრუკი (21+9 მოხსნა), ჰარდენი (21+3 ჩაჭრა), იბაკა (8+11 მოხსნა+3 დაფარება), პერკინსი (6+4 დაფარება), ფიშერი (4), სეფოლოშა (3+4 პასი), კოლისონი (2+3 პასი).რეალიზაციის პროცენტი: თამაშიდან (38.6/39.8), სამქულიანები (36.4/23.5), საჯარიმოები (97.6/92.9).ლეიკერსი-ოკლაჰომა 100:10329:24, 27:22, 24:25, 20:32ლ: ბრაიანტი (38+8 მოხსნა+5 პასი), ბინუმი (18+9 მოხსნა+4 პასი+3 დაფარება), უორლდ პისი (14+6 მოხსნა), გასოლი (10+5 მოხსნა+3 დაფარება), სეშენსი (10+5 პასი), ჰილი (5+7 მოხსნა), ბლეიკი (5).ო: უესტბრუკი (37+5 პასი), დურანტი (31+13 მოხსნა), იბაკა (14+5 დაფარება), ჰარდენი (12+6 მოხსნა+3 პასი), ფიშერი (5), პერკინსი (2+9 მოხსნა+3 დაფარება), სეფოლოშა (2).რეალიზაციის პროცენტი: თამაშიდან (43/49.4), სამქულიანები (27.8/37.5), საჯარიმოები (72.4/84).სერია: 1-3ყოველდღიური სპორტული გაზეთი "ლელო"

გარიგება შედგა - იანის ანტეტოკუნმპო "მაიამი ჰიტში" ითამაშებს

ამერიკული შეფასება: "სწორედ ამიტომ გაიზარდა მამუკელაშვილის ფასი. ალბათ "ტორონტოდან" უფრო ძლიერ გუნდში წავა"

[VIDEO] ბრანსონის სასწაული! 53 წლის შემდეგ პირველად - "ნიუ იორკ ნიქსი" NBA-ის ჩემპიონია

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

"ტორპედომ" ხორვატი ფეხბურთელი დაიმატა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

საქართველოს ნაკრები აფრიკის ჩემპიონთან დამარცხდა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს