ვუელტა - ესპანეთში იტალიელმა გაიმარჯვა

ესპანურ ველომარათონ ვუელტას წერტილი შაბათს გამართულ მეოცე ეტაპზე დაესვა. ბოლოსწინა რბოლა 172 კილომეტრი სიგრძის იყო, ფინიში კი ცნობილი "ბოლა დელ მუნდოს" მთაზე იგეგმებოდა, რომლის სიმაღლე 2250 კილომეტრს უდრის. ესპანურ ველომარათონ ვუელტას წერტილი შაბათს გამართულ მეოცე ეტაპზე დაესვა. ბოლოსწინა რბოლა 172 კილომეტრი სიგრძის იყო, ფინიში კი ცნობილი "ბოლა დელ მუნდოს" მთაზე იგეგმებოდა, რომლის სიმაღლე 2250 კილომეტრს უდრის. 150 კილომეტრის გავლისა და სამი ამაღლების (აქედან ორი პირველი კატეგორიის სირთულისა იყო) გადალახვის შემდეგ "ბოლა დელ მუნდოზე" უბრალოდ ასლვაც უკვე გმირობის ტოლფასი იქნებოდა. არადა, საერთო ჩათვლის ლიდერებს ჯერაც არ ჰქონდათ დასრულებული ურთიერთობის გარკვევა და წითელი მაისურის ბედი სწორედ ამ მთაზე ირკვეოდა.ძირითადი ბრძოლა გენერალური კლასიფიკაციის ლიდერ ვინჩენცო ნიბალისა და მის მთავარ კონკურეტს, ესპანელ ეზეკილ მოსკერას შორის წარიმართა. მოსკერა იტალიელთან 42 წამს აგებდა, დანარჩენი მდევრები კი სამ წუთზე მეტს აგებდნენ. სამთო რბოლის სპეციალისტ მოსკერასთვის ეს ეტაპი ნამდვილი საჩუქარი იყო - სწორედ "ბოლა დელ მუნდოზე" უნდა გამოეჩინა მას საკუთარი ამბიციები.რბოლაში მთავარი მოვლენები ფინიშამდე 22 კილომეტრით ადრე განვითარდა. სწორედ ამ დროს დაიწყო მთავარ მთაზე ასვლა. რამდენიმე ველომრბოლმა გაქცევა მოინდომა, მაგრამ აქედან არაფერი გამოვიდა. რუსულმა "კატიუშამ" თავისი კაპიტნისთვის - ხოაკინ როდრიგესისთვის შეტევა მოამზადა, მაგრამ ნიბალი და მოსკერა ფხიზლად იყვნენ და კიდევ ერთ ფავორიტს აქტიურობის საშუალება არ მისცეს.რვა კილომეტრით ადრე პელოტონი დაიშალა. თანდათან ლიდერთა ჯგუფი 15 მრბოლელამდე შემცირდა. მთავარი ფავორიტები თავიანთ დამხმარეებთან - გარსიასთან და კროიციგერთან ერთად წინ წავიდნენ და დაიწყო დიდი ბრძოლა. ოთხი კილომეტრის შემდეგ მოსკერამ მეტოქის ძალების შესამოწმებლად შეტევა წამოიწყო, მაგრამ ნიბალის ვერ დაშორდა. ესპანელმა პაუზა აიღო, მაგრამ სამასი მეტრის გავლის შემდეგ ისევ სცადა გაქცევა. ამჯერად იტალიელმა დროულად რეაგირება ვერ მოახერხა და ესპანელი დაახლოებით 20-30-მეტრით დაშორდა კონკურენტს.სამი კილომეტრით ადრე მრბოლელები ვიწრო ბეტონის გზაზე გავიდნენ. მოსკერამ კიდევ მოუმატა ტემპს, ნიბალი კი, რომელსაც სამთო მრბოლელისთვის დამახასიათებელი თვისებები ნაკლებად აქვს, თითქოს საბოლოოდ "გაჩერდა". ნახევარი კილომეტრის შემდეგ მასპინძელის უპირატესობამ 12 წამს მიაღწია, აღმართი კი უფრო ციცაბო ხდებოდა. იტალიელს ძალიან უჭირდა - მთის გარდა, მას უამრავ გულშემატკივართან უწევდა ბრძოლა, რომლებიც ესპანურ დროშებს უფრიალებდნენ ცხვირწინ.მაგრამ რამდენიც არ ეცადა მოსკერა უპირატესობის გაზრდას, მასსა და ნიბალის შორის სხვაობა არ იცვლებოდა. ამასობაში, იტალიელს მეორე სუნთქვა გაეხსნა და უკანასკნელ 100 მეტრზე გაუთანაბრდა მოსკერას. ბოლოს ნიბალიმ ეტაპის მოგებაც სცადა და გაიბრძოლა, მაგრამ გაოგნებული მოსკერასთვის ეს გამანადგურებელი დარტყმა იქნებოდა და ესპანელმა ორმაგი წარმატება აღარ დაანება გენერალური კლასიფიკაციის ლიდერს. მოსკერამ მოიგო ბოლოსწინა ეტაპი, მაგრამ ვუელტაში დამარცხებული დარჩა.XX ეტაპისან მარტინი-ბოლტა დელ მუნდო. 172,1 კმ1. ეზეკილ მოსკერა (ესპანეთი, Xacobeo Galicia) - 4.45,28; 2. ვინჩენცო ნიბალი (იტალია, Liquigas-Doimo) - +0,01; 3. ხოაკინ როდრიგესი (ესპანეთი, "კატიუშა") - +0,23; 4. ფრანკ შლეკი (ლუქსემბურგი, Saxo Bank) - +0,35. ხავიერ ტონდო ვოლპინი (ესპანეთი, Cervelo Test Team) - +0,39; 6. ნიკოლას როჩი (ირლანდია, Ag2R-La Mondiale) - +0,42... 8. პეტერ ველიცი (სლოვაკეთი, Team HTC-Columbia) - +0,52... 11. კარლოს სასტრე (ესპანეთი, Cervelo Test Team) - +1,27... 15. რომან კროიციგერი (ჩეხეთი, Liquigas-Doimo) - 1,34... 49. დენის მენშოვი (რუსეთი, Rabobank) - +7,52...XXI ეტაპისან სებასტიანი-მადრიდი. 85 კმ1. ტაილერ ფარარი (აშშ, Garmin) - 2.02,24; 2. მარკ კევენდიში (ბრიტანეთი, HTC-Columbia) - იგივე დრო; 3. ალან დევისი (ავსტრალია, "ასტანა") - იგივე დრო; 4. ვოუტერ ვეილანდი (ბელგია, Quick Step) - იგივე დრო; 5. მეტიუ ჰარლი ჰოსი (ავსტრალია, Team HTC-Columbia) - იგივე დრო...საერთო ჩათვლა1. ვინჩენცო ნიბალი (იტალია, Liquigas-Doimo) - 87.18,31; 2. ეზეკილ მოსკერა (ესპანეთი, Xacobeo Galicia) - +0,41; 3. პეტერ ველიცი (სლოვაკეთი, Team HTC-Columbia) - +3,02; 4. ხოაკინ როდრიგესი (ესპანეთი, "კატიუშა") - +4,20; 5. ფრანკ შლეკი (ლუქსემბურგი, Saxo Bank) - +4,45; 6. ხავიერ ტონდო ვოლპინი (ესპანეთი, Cervelo Test Team) - +4,54... 8. კარლოს სასტრე (ესპანეთი, Cervelo Test Team) - +6,08... 26. რომან კროიციგერი (ჩეხეთი, Liquigas-Doimo) - +36,28... 41. დენის მენშოვი (რუსეთი, Rabobank) - +1.13,44...ყოველდღიური სპორტული გაზეთი"ლელო"

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

U21. გერმანიასთან მატჩში საქართველოს ნაკრების შემადგენლობა ცნობილია

"ბარსელონამ" რაფინიას კონტრაქტი გაუგრძელა

[VIDEO] ლიპარტელიანი ოქროს ზედიზედ მეორედ შეუტევს! - ეთერი მსოფლიო ჩემპიონატის ფინალშია

[VIDEO] დომინანტურად - ეთერ ლიპარტელიანი მსოფლიო ჩემპიონატის ნახევარფინალშია

შავი ლომი | ორი მოგება და დიდი გამოცდილება თბილისის თასზე

მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe

თვაური და ვართანოვი ევროსეზონს თურქეთში გახსნიან

მსოფლიოს ჩემპიონატის მესამე საჭიდაო დღეს ტატამზე 3 ქართველი გამოვა

[VIDEO] ისევ უგოლოდ - საქართველოს ნაკრები ბელფასტში მარცხისგან მამარდაშვილმა იხსნა

ჩრდ. ირლანდიასთან მატჩში საქართველოს ნაკრების შემადგენლობა ცნობილია

18 წ. | ევროპის ჩემპიონატს ჩეხეთი უმასპინძლებს

აღარ გვიკვირს - და-ძმა აბეები მსოფლიო ჩემპიონები არიან!

აბეები ისევ ფინალში არიან და ესპანელი მეტოქეები ეყოლებათ

ლუის ენრიკე პსჟ-ში ერთ ცვლილებას ამზადებს

მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება

შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება

მენდეში: თუ რონალდო დაბრუნდება, სიხარულით შევხვდებით

"ჩემთვის ეს პრობლემა მარტივად მოგვარებადია" - პორტუგალიის ნაკრების მწვრთნელმა რონალდოსთან კონფლიქტზე ისაუბრა

"ეს მატჩი ჩემს სამწვრთნელო კარიერაში ყველაზე მნიშვნელოვანი იყო" - სერ ალექს ფერგიუსონი

ფელიქსს "ბარსელონაში" დაბრუნება სურს