<p>დანიის ნაკრების თავკაცმა გუნდის სიას 2 კაციც დაამატა და ევრო 2012-ის განაცხადიც სრულად შეივსო <br> დანიის ნაკრების თავკაცმა მორტენ ოლსენმა გუნდის სიას 2 კაციც დაამატა და ევრო 2012-ის განაცხადიც სრულად შეივსო.</p><p>ოლსენმა ნაკრებში მცველი იორეს ოკორე და ფორვარდი ნიკლას პედერსენი გამოიძახა. 19 წლის ოკორემ მწვრთნელი დანიის ჩემპიონ "ნორდსიელანდში" თამაშით მოხიბლა.</p><p>ოკორე დებიუტანტი არ არის, ეროვნულ გუნდში ორჯერ უთამაშია, ორჯერვე ამხანაგურ მატჩებში - შვედეთისა და ფინეთის ნაკრებების წინააღმდეგ. ოკორე წარმოშობით კოტდივუარიდანაა - აბიჯანშია დაბადებული, მაგრამ სამი წლის ასაკში მისი ოჯახი დანიაში გადავიდა საცხოვრებლად. ის ცენტრალური მცველია, თამაშის კარგი "კითხვით" და ლიდერის თვისებებით.</p><p>ნიკლას პედერსენი 23 წლისაა. ის ჰოლანდიურ "გრონინგენში" თამაშობს. დანიის ნაკრებში 7 მატჩი აქვს ჩატარებული, აქედან 3 ევრო 2012-ის საკვალიფიკაციო ეტაპზე. ნაკრებში გოლი ჯერ არ გაუტანია. ნიკლასი წარსულში ცნობილი დანიელი ფეხბურთელის, იესპერ პედერსენის შვილია.</p><p>"იორესს შესანიშნავი სეზონი ჰქონდა. ამიტომაც ის ჩვენი გუნდის ცენტრალურ მცველთა კვარტეტში მოხვდა. რაც შეეხება ნიკლასს, მისი ნიჭი ეჭვქვეშ არასოდეს დაგვიყენებია. უბრალოდ, მისი ფიზიკური კონდიციები იწვევდა ეჭვს. ჰელსინგიორის შეკრებაზე მან ეს ეჭვები საბოლოოდ გამიფანტა", - განაცხადა მორტენ ოლსენმა.</p><p>შაბათს დანიის ნაკრები ბრაზილიას შეხვდება ამხანაგურ მატჩში. 2 ივნისს კი სკანდინავიელთა მეტოქე ავსტრალია იქნება. შეგახსენებთ, რომ ევრო 2012-ზე დანიელთა ჯგუფში ჰოლანდია, პორტუგალია და გერმანიაა.</p><p>დანიის ნაკრების საბოლოო განაცხადი ასე გამოიყურება:</p><p><strong>მეკარეები</strong>: თომას სორენსენი (სტოკ სიტი, ინგლისი), სტეფან ანდერსენი (ევიანი, საფრანგეთი), ანდერს ლინდეგორი (მანჩესტერ იუნაიტედი, ინგლისი).</p><p><strong>მცველები</strong>: ლარს იაკობსენი (კოპენჰაგენი), დანიელ ვასი (ევიანი, საფრანგეთი), დანიელ აგერი (ლივერპული, ინგლისი), სიმონ კიაერი (რომა, იტალია), ანდრეას ბიელანდი (ნორდსიელანდი), სიმონ პოულსენი (ალკმაარი, ჰოლანდია), იორეს ოკორე (ნორდსიელანდი).</p><p><strong>ნახევარმცველები</strong>: კრისტიან პოულსენი (ევიანი, საფრანგეთი), იაკობ პოულსენი (მიდტილანდი), ვილიამ კვისტი (ნიურნბერგი, გერმანია), ნიკი ზიმლინგი (ბრიუგე, ბელგია), თომას კალენბერგი (ევიანი, საფრანგეთი), კრისტიან ერიქსენი (აიაქსი, ჰოლანდია), მიქაელ სილბერბაუერი (იანგ ბოიზი, შვეიცარია), ლასე შიონი (ნეიმეგენი, ჰოლანდია).</p><p><strong>თავდამსხმელები</strong>: დენის რომედალი (ბრონდბიუ), ნიკლას ბენდტნერი (არსენალი, ინგლისი), მიქაელ კრონ-დელი (ბრონდბიუ), ტობიას მიკელსენი (ნორდსიელანდი), ნიკლას პედერსენი (გრონინგენი, ჰოლანდია).</p><p><strong>ყოველდღიური სპორტული გაზეთი "ლელო"</strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს