აგერ, აგერმა ჰოჯსონს შეუტია

"ლივერპულის" საქმეები მოედანზეც ცუდათ არის და ბანკებშიც... "ლივერპული" რომ პრემიერლიგის ცხრილში მისთვის შეუფერებელ მეთექვსმეტე ადგილზეა "ვულვერჰემპტონსა" და "სტოკ სიტის" შორის, რად უნდა ლაპარაკი. მერსისაიდელთა გუნდი ვერა და ვერ პოულობს წარმატებული თამაშის რეცეპტს და ამას ფეხბურთელის დემარშიც დაემატა: 25 წლის დანიელმა მცველმა დანიელ აგერმა მწვრთნელის როი ჰოჯსონის წინააღმდეგ ამოიღო ხმა. მიმომხილველები შიშობენ, რომ ამ მაგალითს შეიძლება სხვა მოთამაშეებმაც მიბაძონ და მაშინ "წითლების" საქმე მთლად ცუდად წავა.აგერმა, კერძოდ, ჰოჯსონს სტრატეგია დაუწუნა. დანიელის თქმით, ლივერპულელ მცველებს ახლა გრძელი პასების გადაწოდება ევალებათ მას კი ამ დავალების შესრულება არ სურს, რადგან ფეხბურთი სადაც მოთამაშეს ბურთი მალე უნდა მოიშოროს თავიდან არ უყვარს. აგერმა ეს ყველაფერი სამშობლოში, დანიური ტელეარხისთვის მიცემულ ინტერვიუში განაცხადა:"მწვრთნელს უნდა, რომ ჩვენ მოედნის წინა ნახევარში ვითამაშოთ და ამისათვის მთელი სისტემა გადააწყო. მცველებს ახლა სულ სხვა რაღაცის კეთება გვევალება, ეს კი ჩემი ფეხბურთი არ არის. მე სხვა ტიპის მოთამაშე ვარ, ბურთის ფლობა მიყვარს. რა გამოვა ამ საქმიდან, დამტოვებს ჰოჯსონი გუნდში თუ აღარ მათამაშებს, გამოჩნდება.მესმის, რომ სანამ გუნდში ვარ სხვანაირად თამაში უნდა ვცადო. მეორე მხრივ, ვიმეორებ, რომ ყოველ ჯერზე ბურთის მიღებისთანავე მოშორება ძალიან გამიჭირდება, ეს ჩემს ბუნებას ეწინააღმდეგება. ჩემი შანსისთვის რასაკვირველია, ვიბრძოლებ. ყველა ღონეს ვიხმარ, რადგან კარგად მესმის, რომ დიდ კლუბს წარმოვადგენ და იმედი მაქვს, რომ ჩემს დამოკიდებულებას ჰოჯსონიც გრძნობს.საერთოდ, ფეხბურთში ასეა, გადაწყვეტილებას მწვრთნელი იღებს მოთამაშე კი უნდა დაემორჩილოს. ფეხბურთელი ვალდებულია თავისი სტილი მის მოთხოვნებს შეუხამოს. ამიტომაც იძულებული ვარ ჰიჯსონის ფილოსოფია გავითვალისწინო და ისე ვითამაშო, მაგრამ ამის გაკეთება მიჭირს~.ალბათ, სწორედ ამ შეუთავსებლობით გახლდათ გაპირობებული ის, რომ კვირას "ოლდ ტრეფორდზე" "მანჩესტერ იუნაიტედთან" შეხვედრაში აგერი მოედანზე არ იყო. ჰოჯსონმა მის ნაცვლად მარტინ შკრტელი ათამაშა. ახლა ამას ეს კრიტიკული შენიშვნებიც დაემატა და ძალიან საინტერესოა, რით უპასუხებს დანიელს მერსისაიდელთა თავკაცი. მეორე მხრივ კი მას თავად აკრიტიკებენ. მეოთხე ტურში, ბირმიბგემში "ლივერპულმა" ძალიან უსახურად ითამაშა, ცხრილში შეუფერებელ ადგილზე თავშივე მოგახსენეთ...და შემოქმედებით პრობლემებს ფინანსურიც ემატება. ცნობილი გახდა, რომ "ლივერპულის" ამერიკელ მეპატრონეს ტომ ჰიკსს დიდი ბიზნეს გეგმა ჩაეშალა. კერძოდ, მერსისაიდულ კლუბს "შოტლანდიის სამეფო ბანკისთვის" 11 ოქტომბრამდე არც მეტი არც ნაკლები 237 მილიონი ფუნტი ანუ 369,621 მილიონი დოლარი აქვს დასაბრუნებელი. ამისათვის ჰიკსი მსხვილ ამერიკულ კომპანიასთან "ბლექსტოუნთან" აწარმოებდა მოლაპარაკებებს. გარიგება 280 მილიონ ფუნტზე (436,683 მილიონი დოლარი) უნდა შემდგარიყო, მაგრამ ბოლო ცნობების თანახმად ამ საქმეს კარგი პირი აღარ უჩანს.ნიშნავს ეს იმას, რომ "ლივერპულში" ჰიკსის რეჟიმს ბოლო დღეები უდგას? ამ კითხვაზე პასუხს დაბეჯითებით ვერავინ გასცემს, რადგან შესაძლოა "შოტლანდიის სამეფო ბანკმა" თანხის დაფარვის ვადა შესაბამისი პირობებით გადაწიოს და ამერიკელს, რომელიც მერსისაიდელ ქომაგს მაინცდამაინც არასდროს ჰყვარებია, კლუბის მყიდველის პოვნის საშულება მისცეს.

ოფიციალურად: მარესკა "სიტის" ახალი მთავარი მწვრთნელია

ყოფილ მწვრთნელთან - გრანიტ ჯაკა კარიერას სავარაუდოდ, "ჩელსიში" განაგრძობს

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

ტერ შტეგენი კარიერას "აიაქსში" გააგრძელებს

"ის ჩემი გუნდის საუკეთესო ფეხბურთელია" - სიმეონემ ალვარესის მომავალზე ისაუბრა

კასორლამ ფეხბურთელის კარიერა 41 წლის ასაკში დაასრულა

იამალი: კუკურელიას ცოცხლად შევჭამ

"ინტერმა" 37 წლის მხითარიანს კონტრაქტი გაუგრძელა

"ვკამათობთ იმაზე, თუ ვინ უნდა წავიდეს ნაკრებიდან და იმედებს შემდეგ “მხსნელზე” ვამყარებთ, ნაცვლად იმისა, რომ..." - ოლივერ კანი

გარიგება შედგა - ტონალი "ტოტენჰემს" 100 მილიონის სანაცვლოდ შეუერთდება

კროოსი: გერმანიის ნაკრებს მსოფლიო კლასის ერთი მოთამაშეც კი არ ჰყავს

Geo Team: ლოჩოშვილი 5.5 მილიონი ევროს სანაცვლოდ ბუნდესლიგის კლუბს შეუერთდება

[VIDEO] კაცნაკლულმა აშშ-ს ნაკრებმა ბოსნია დაამარცხა

[VIDEO] დრამა - ბელგიამ სენეგალს თითქმის წაგებული მატჩი შემოუტრიალა და მერვედფინალში გავიდა

ჩელენჯ თასი | "შავი ლომის" მეტოქეები - "ტულონი", "ჰარლიქვინსი", "ედინბურგი", "ოსფრიზი" და "ვანი"

[VIDEO] ქუთაისის "ტორპედომ" მეოთხედ მოიგო საქართველოს სუპერთასი!

ქართველი დელეგატი რიგაში - მერაბ რატიშვილი ისრაელისა და გერმანიის მატჩს მოემსახურება

[VIDEO] კეინმა დუბლით ინგლისი 1/8-ფინალში გაიყვანა

Breaking: სანდრო მამუკელაშვილი "ლოს ანჯელეს ლეიკერსის" კალათბურთელია!

საქართველოს ნაკრების ფეხბურთელმა აშშ-ში გუნდი გამოიცვალა

ჰოლანმა რქებიანი ჩაფხუტი დაიხურა - როდრიგომ ბრაზილიასთან დასვენება ურჩია

7-კაცა ჰამბურგში გაემგზავრა

რამუშის შემცვლელი - პსჟ-მა ფლორიან ბალოგუნის შეძენა მოინდომა