<p>უმაღლესი ლიგის 12 კლუბიდან ეროვნული ჩემპიონატის მინიმალურ მოთხოვნებს მხოლოდ 8 კლუბი აკმაყოფილებს <br> 4 მაისს გამართულ აღმასკომის სხდომაზე რამდენიმე საკითხი განიხილეს: უპირველესად, სფფ-ში საფეხბურთო კლუბების გაწევრიანებაზე ილაპარაკეს. 5 მაისს კი ფეხბურთის ფედერაციის საანგარიშო ყრილობა გაიმართება, სადაც განიხილავენ, მიიღონ თუ არა ორგანიზაციის სუბიექტებად გორის "დილა", მარტვილის "მერანი" და "გაგრა".</p><p>დადებითი გადაწყვეტილების შემთხვევაში, სფფ-ს ყრილობაზე ხმის უფლების მქონე სუბიექტების რაოდენობა 32-იდან 35-ამდე გაიზრდება.</p><p>ცნობილი გახდა 2012-13 წლების სეზონისათვის ლიცენზირების წინასწარი შედეგები, რომელიც სავალალოა: უმაღლესი ლიგის 12 კლუბიდან ეროვნული ჩემპიონატის მინიმალური მოთხოვნები მხოლოდ 8 კლუბმა დააკმაყოფილა.</p><p>სფფ-ის ექსპერტებისგან უეფასა და ეროვნული ლიცენზიები ხუთმა კლუბმა მიიღო: "ზესტაფონმა", "მეტალურგმა", "ტორპედომ", თბილისის "დინამომ" და "დილამ". "მერანს", "ჩიხურასა" და "სიონს" მხოლოდ ეროვნული ლიცენზია მიენიჭათ.</p><p>დანარჩენებს ეროვნულ ლიცენზიებზეც უარი ეთქვათ - "ვიტ ჯორჯიას", ფოთის "კოლხეთს", ბათუმის "დინამოსა" და "ბაიას", რაც მათ არ გაუპროტესტებიათ. სალიცენზიო ციკლის შედეგები უეფას ეცნობა.</p><p>აღმასკომის გადაწყვეტილებით, ფედერაციის სადისციპლინო კომიტეტი არალიცენზირებულ კლუბებს მალე აცნობებს, რა საჯარიმო სანქციები იქნება. და თუ ამას ყურადღებას არ მიაქცევენ, შესაძლოა, უმაღლესი ლიგიდან მოკვეთონ ან ჩემპიონატის დაწყებამდე ქულები დააკლონ.</p><p>კიდევ ერთი მნიშვნელოვანი ამბავი: ფეხბურთის ფედერაციას პრეზიდენტმა <strong>ზვიად სიჭინავამ</strong> პროფესიული ფეხბურთის ლიგის აღდგენის სურვილი გამოთქვა. ოფიციალურად, პროფლიგა არც გაუქმებულა და მისი პრეზიდენტი დღემდე ფედერაციის ვიცე-პრეზიდენტი <strong>გია ფირცხალავა </strong>გახლავთ. სწორედ მას დაევალა 1 ივლისამდე კლუბებთან შეხვედრა და მათი მოსაზრებების გაცნობა, თუ როგორ, რა ფორმითა და შინაარსით აჯობებს ორგანიზაციის არსებობა.</p><p>აღმასკომზევე ფუტსალში არსებული მდგომარეობაც განიხილეს. ამ სახეობაში მალე საარჩევნო ყრილობა გაიმართება და ასოციაციას ახალი პრეზიდენტი ეყოლება. ფუტსალის კურატორობა კი სპორტისა და ახალგაზრდობის საქმეთა მინისტრის მოადგილეს, <strong>დავით ნამგალაურს </strong>გადააბარეს.</p><p>ერთ-ერთი უმთავრესი თემა "ზესტაფონის" პრეზიდენტის, <strong>ილია კოკაიას</strong> ბრალდებები იყო. მან სფფ-ში შეტანილ წერილში ეჭვი გამოთქვა, რომ "მერანი"-"მეტალურგის" მატჩი გარიგებული იყო. ამან მარტვილელები და რუსთაველები აღაშფოთა და ფედერაციაში გაგზავნილ წერილში მოითხოვეს, რომ კოკაიას ბრალდება დაესაბუთებინა ან ბოდიში მოეხადა.</p><p>ფაქტობრივად, ფედერაციაც იგივეს ითხოვდა.</p><p>აღმასკომზე სიტყვა მოითხოვა "მეტალურგის" ყოფილმა მმართველმა დირექტორმა <strong>ბუბა ტყავაძემაც</strong> და საბოლოოდ ამის საშუალება მიეცა.</p><p>ტყავაძემ აღმასკომის წევრებს კიდევ ერთხელ მიმართა, თუ კოკაია ბრალდებებს ვერ დაასაბუთებს, ფედერაციამ მის სიტყვებზე რეაგირება მოახდინოს და მსგავსი ცილისწამებისგან დაგვიცვასო.</p><p>საბოლოოდ, ორსაათიანი მსჯელობის შემდეგ აღმასკომმა გადაწყვიტა: ფედერაციაში 1 ივლისამდე შეიქმნება ეთიკის კომისია, რომელიც განიხილავს ბრალმდებელი "ზესტაფონისა" და მისით შეურაცხყოფილი "მეტალურგისა" და "მერანის" წერილებს, საეჭვო შეხვედრების ვიდეოჩანაწერებსა და საერთოდ, ყველა მსგავს საკითხს.</p><p>არადა, მანამდე იყო მუქარა, თუ კოკაია ბრალდებას ვერ დაამტკიცებდა, "ზესტაფონს" დააჯარიმებდნენ, მაგრამ საკითხის ბოლომდე შესწავლამდე სანქციები მიზანშეუწონლად ჩათვალეს.</p><p>ბოლოს კი განიხილეს ჩემპიონატის საპრიზო ფონდის განაწილების საკითხი, რაშიც, სიჭინავას თქმით, გაითვალისწინეს კლუბების მოსაზრება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ<strong></p><p><a href="/fexburti/qarthuli-fekhburthi/skhvadaskhva/33254-skandalis-gagrdzeleba-tsarmoadgens-ilia-kokaia-dokumentebs-thu-bodishs-moikhdis.html" target="_blank"><span style="color: #ff0000;">სკანდალის გაგრძელება: წარმოადგენს ილია კოკაია დოკუმენტებს, თუ ბოდიშს მოიხდის?</span></a></p><p><a href="/fexburti/qarthuli-fekhburthi/skhvadaskhva/32866-buba-tyavadze-chempions-ar-cnobs-da-ilia-kokaias-dzvel-ambebs-ukhsenebs.html" target="_blank"><span style="color: #ff0000;">ბუბა ტყავაძე ჩემპიონს არ ცნობს და ილია კოკაიას ძველ ამბებს უხსენებს!</span></a></p><p><a href="/fexburti/qarthuli-fekhburthi/chempionati/32568-ilia-kokaia-qmeraniq-qmetalurgiq-garigebuli-iyo-buba-tyavadze-mosakvethia.html" target="_blank"><span style="color: #ff0000;">ილია კოკაია: "მერანი"-"მეტალურგი" გარიგებული იყო, ბუბა ტყავაძე მოსაკვეთია!</span></a></strong><strong></p><p></strong><strong></strong></p>
"ახალი ციკლის წინ ნაკრებში მწვრთნელი უნდა შეგვეცვალა" - ლევან სალუქვაძემ ვილი სანიოლზე ისაუბრა
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა