NBA. პლეი ოფი. 1/2 ფინალი: ლებრონ გამანადგურებელი

"მეფის" 45-მა ქულამ სტუმრად "ბოსტონთან", "მაიამის" საკუთარი მოედნის უპირატესობა დაუბრუნა მაშინ, როცა "მაიამის" უკან დასახევი გზა მოჭრილი ჰქონდა და აუცილებლად სჭირდებოდა სტუმრად "ბოსტონის" დამარცხება, ლებრონ ჯეიმსმა 45 ქულა და 15 მოხსნა მიითვალა და კარიერაში ერთ-ერთი საუკეთესო მატჩი ჩაატარა.რთულია ვინმეს დადანაშაულება იმაში, რომ "მეფემ" ასე გაილაღა აღნიშნულ შეხვედრაში. თუ პირსი ხანდახან ვერ ასწრებდა ჯეიმსის დაწევას, პიეტრუსი და ბასი მაქსიმალურად ინდომებდნენ, მაგრამ იმ დღეს ლებრონის შეჩერება პრაქტიკულად შეუძლებელი იყო.უკვე მატჩის ეკვატორისთვის "მაიამის" ლიდერის ანგარიშზე 30 ქულა გახლდათ, ამასთან, 14-დან 12 ტყორცნა მოათავსა კალათში. შესაბამისად, ამ სეზონის MVP ძალიან ახლოს იყო პლეი ოფის მატჩებში ორ მეოთხედში დაგროვილი ქულების რეკორდთან, რომლის მფლობელია ერიკ ფლოიდი - მან თავის დროზე 39 ქულა ჩაუგდო "ლეიკერსს".ლებრონი, შესაძლოა, კიდევ უფრო მიახლოებოდა რეკორდს, ჯარიმების რეალიზაცია უკეთესი რომ ჰქონოდა."ჰიტის" ფორვარდის გმირობების წყალობით, სტუმრები დიდ შესვენებაზე 13-ქულიანი უპირატესობით გავიდნენ. და ეს იმ დროს, როცა ტრადიციულად სუსტად ითამაშა პირველი ნახევარი უეიდმა – მან ექვსი ცდიდან მხოლოდ ერთი ტყორცნა მოათავსა კალათში.რაც შეეხება "ბოსტონს", პირველ ტაიმში აქაც ერთი კაცის შოუ ვიხილეთ. პრაქტიკულად მარტო თამაშობდა რონდო და მის ანგარიშზე საწყის ორ მეოთხედში 19 ქულა მოდიოდა. ეპიზოდურად ეხმარებოდნენ მას გარნეტი და ალენი, მაგრამ რაჟონს ყველაზე კარგად ბასი ამოუდგა მხარში, რომელმაც მეორე მეოთხედში 8 ქულა ჩააგდო.დიდი შესვენების შემდეგ, მასპინძლებმა 8:1 გაქცევა მოაწყვეს, რის შემდეგაც სპოელსტრამ ტაიმ-აუტი მოითხოვა. თუმცა თამაშში გარდატეხა არ მოხდა. "ჰიტი" ისევ ინარჩუნებდა ორნიშნა უპირატესობას. მხოლოდ მესამე მეოთხედის ბოლოსკენ შეამცირა სხვაობა "ბოსტონმა" რვა ქულამდე, მაგრამ იქვე ორი კარგი მომენტი ვერ გამოიყენა: ფარქვეშიდან ვერ ჩააგდო გარნეტმა და სამქულიანი ააცილა უმეთვალყურეოდ დარჩენილმა პირსმა.სხვათა შორის იმ საღამოს რივერსის შეგირდებს საერთოდ არ წაუვიდათ შორეული ტყორცნები: 14 სამქულიანიდან მხოლოდ ერთმა მიაღწია მიზანს.ამ გამოუყენებელი მომენტების შემდეგ, "მაიამის" პასუხმა არ დააყოვნა: ჯეიმსის მორიგმა ჩაგდებამ "მაიამის" უპირატესობა 13 ქულამდე გაზარდა.ბოლო მეოთხედში კი უეიდიც გააქტიურდა. მცველის ზედიზედ ორმა ზუსტმა ტყორცნამ და ბატიეს მისამართით შედეგიანმა გადაცემამ, სტუმრებს 18 ქულით წინ გასვლის საშუალება მისცა.ამის შემდეგ, "სელტიქსი" საბოლოოდ მოიშალა და სირენამდე შვიდი წუთით ადრე 25 ქულას აგებდა. მასპინძლებს შორის არ აღმოჩნდა კალათბურთელი, რომლის გარშემოც შესაძლებელი იქნებოდა შეტევების ორგანიზება. პირსმა, გარნეტმა და ალენმა 39 ცდიდან მხოლოდ 13 ბურთი ჩააგდეს, რონდომ კი მეორე ტაიმში ორი ქულა აიღო.ახლა წინ არის მეშვიდე მატჩი მაიამიში. ადგილობრივ გულშემატკივრებს იმედი აქვთ, რომ ლებრონი შეინარჩუნებს მეექვსე შეხვედრაში აღებულ ტემპს, ბოსტონელები კი იმედოვნებენ, რომ ვარსკვლავი ვერ შეძლებს ზედიზედ ორჯერ კარიერაში საუკეთესო მატჩის ჩატარებას.NBA. პლეი ოფი. 1/2 ფინალიბოსტონი-მაიამი 79:9816:26, 26:29, 19:19, 18:24ბ: რონდო (21+10 პასი+3 ჩაჭრა), ბასი (12+7 მოხსნა), გარნეტი (12+5 მოხსნა), ალენი (10), პირსი (9+5 მოხსნა+3 ჩაჭრა), დენიელსი (8), მური (3), პიეტრუსი (2), ჰოლინზი (2).მ: ჯეიმსი (45+15 მოხსნა+5 პასი), უეიდი (17+8 მოხსნა+4 პასი+3 ჩაჭრა), ჩელმერსი (9), ბატიე (8), ბოში (7+6 მოხსნა+3 დაფარება), ჰასლემი (6+9 მოხსნა), ჯონსი (2), კოული (2), ჰოვარდი (2).რეალიზაციის პროცენტი: თამაშიდან (42.7/48.7), სამქულიანები (7.1/43.8), საჯარიმოები (70/77.3).სერია: 3-3ყოველდღიური სპორტული გაზეთი "ლელო"

გარიგება შედგა - იანის ანტეტოკუნმპო "მაიამი ჰიტში" ითამაშებს

ამერიკული შეფასება: "სწორედ ამიტომ გაიზარდა მამუკელაშვილის ფასი. ალბათ "ტორონტოდან" უფრო ძლიერ გუნდში წავა"

[VIDEO] ბრანსონის სასწაული! 53 წლის შემდეგ პირველად - "ნიუ იორკ ნიქსი" NBA-ის ჩემპიონია

შამანი ჯადოს მოხსნით კეინს დაეხმარა და მსოფლიოს მომავალი ჩემპიონიც დაასახელა

"ტორპედო" ევროთასებისთვის ძლიერდება - ლაცაბიძე საქართველოში დაბრუნდა

მარინა შალამბერიძემ ნახევარფინალი და საჩემპიონო მატჩი იმსაჯა

უარი "ლივერპულს" - მუნდიალის ერთ-ერთმა აღმოჩენამ პსჟ აირჩია

"ბარსელონამ" კეინის შესაძენად პირველი ნაბიჯები გადადგა

კვლავ თურქეთში - მარკის რიდის ახალი კლუბი ცნობილია

ეუშტაკიუ: მაროკოს ან ნიდერლანდებს ყველაზე რთული მატჩი ელოდებათ

[VIDEO] პირველი მერვედფინალოსანი ცნობილია - კანადამ სამხრეთ აფრიკას სძლია

[VIDEO] გენერალური რეპეტიცია - საქართველოს ნაკრებმა დაძაბულ მატჩში სტუმრად ლატვია დაამარცხა

7-ქალა თასის ნახევარფინალშია

"ბორჯღალოსნები" | სამხრეთული ტურნესთვის 34 შეირჩა

პირველად ისტორიაში - აფრიკელების დიდი მიღწევა მსოფლიო ჩემპიონატზე

კვლავ ნიდერლანდებში, თუმცა სხვა კლუბში - ვეგჰორსტი "ტვენტეში" გადაბარგდა

ჯგუფიდან ვერგასვლა არ აპატიეს - შოტლანდიამ სტივ კლარკი დაითხოვა

ყოფილ მწვრთნელთან - გრანიტ ჯაკა კარიერას სავარაუდოდ, "ჩელსიში" განაგრძობს

"ქართულ ფეხბურთში სტაგნაციას ვაფინანსებთ! მომაკვდავი პაციენტი აპარატზე გვყავს შეერთებული!" - გველესიანმა ფონდის ფულზე, ეროვნულ ჩემპიონატზე და გამოსწორების გეგმაზე ისაუბრა

ორი შემტევი გაუშვეს და შევსებაც მალევე მიიღეს - პსჟ 24 წლის ვინგერით ძლიერდება

[VIDEO] თოფურიამ საავადმყოფო დატოვა - როგორ გამოიყურება ქართველი ბრძოლიდან რამდენიმე დღის შემდეგ

[VIDEOS] მესიმ კვლავ გაიტანა, ალჟირმა და ავსტრიამ ფრედ ითამაშეს

სასჯელი სირცხვილისათვის - ურუგვაიმ ნაკრები უკან არ წაიყვანა