- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თორნიკე შენგელია: თუ დრაფტზე ამირჩიეს, ყველაფერს გავაკეთებ, რომ გუნდისგან კონტრაქტი დავიმსახურო
<p>საქართველოს ნაკრებისა და ბელგიური "შარლერუას" ფორვარდი ტრევიზოს კემპის ამბებზე საუბრობს <br> თორნიკე შენგელიამ NBA-ს მიერ იტალიაში ორგანიზებულ კემპზე თავი ისახელა და დრაფტზე წარმატებულ ნომრად არჩევის შანსები მნიშვნელოვნად გაიუმჯობესა.</p><p>ტრევიზოში ევროპის კონტინენტის ყველაზე პრესპექტიულმა ახალგაზრდებმა მოიყარეს თავი. სწორედ ეს კემპი გახლავთ ყველაზე კარგი საშუალება საიმისოდ, რომ NBA-ს კლუბების წარმომადგენლებს საკუთარი შესაძლებლობები დაანახო.</p><p>ტრევიზოს კემპი ერთგვარი ფანჯარაა, რომლიდანაც ევროპის პერსპექტიული ახალგაზრდები NBA-ში გადადიან.</p><p>იტალიურ კემპზე იმყოფებოდა საქართველოს ეროვნული ნაკრების მთავარი მწვრთნელი იგორ კოკოშკოვიც, რომელიც შიდა-ტურნირის ერთ-ერთ გუნდს ხელმძღვანელობდა.</p><p>ტრევიზოში მომხდარ ამბებზე კალათბურთის ფედერაციის ვებგვერდს თორნიკე შენგელია ესაუბრება, რომელსაც ბელგიაში დავუკავშირდით.</p><p><strong>- სანამ შენი გამოსვლის შესახებ გკითხავდე, იმ გარემოს შესახებ გვითხარი, რომელიც ტრევიზოში სუფევდა...</strong></p><p>- გარემო შესანიშნავი იყო. ტრევიზოში თავი ევროპის თითქმის ყველა პერსპექტიულმა ახალგაზრდა კალათბურთელმა მოიყარა.</p><p>სპეციალისტებზე, სკაუტებსა და დამკვირვებლებზე ხომ საუბარიც ზედმეტია. იქ იყო NBA-ს 30-ივე გუნდის წარმომადგენელი; ასევე, ევროპის ყველა ქვეყნიდან იყვნენ მენეჯერები, მწვრთნელები და დამკვირვებლები.</p><p>ყველას აინტერესებდა იმ თაობის ხილვა, რომელიც ევროპულ კალათბურთში მოდის. უშუალოდ კემპისთვის მოწვეულნი იყვნენ საუკეთესო სპეციალისტები, რომლებიც ვარჯიშებს ატარებდნენ და თამაშებში გუნდებს ხელმძღვანელობდნენ. ერთ-ერთი მათგანი იგორ კოკოშკოვიც იყო.</p><p><strong>- მასთან ურთიერთობა ხომ არ მოგიწია?</p><p></strong>- კოკოშკოვს პირადად ვხვდებოდი და ვსაუბრობდით ხოლმე. ისე კი, იგი ჩვენი გუნდის მწვრთნელი არ ყოფილა. იგორი ნიკა მეტრეველის გუნდს ხელმძღვანელობდა. ძალიან გამეხარდა მათი ტრევიზოში ნახვა.</p><p><strong>- როგორი იყო კემპის დღიური განრიგი?</p><p></strong>- კემპზე დაახლოებით 50 მონაწილე ვიყავით. დილას ვარჯიშები გვქონდა. სხვადასხვა კომპონენტში გვამზადებდნენ. ვაბარებდით ნორმატივებს ხტომაში, სირბილში, დრიბლინგში და ასე შემდეგ.</p><p>შუადღეს თამაში გვქონდა, ხოლო დღის ბოლოს კი "ოლ სტარი" იმართებოდა, რომელშიც გამორჩეული კალათბურთელები თამაშობდნენ.</p><p><strong>- პირველ დღეს "ოლ სტარში" რატომ არ ითამაშე?</p><p></strong>- გადაღლილობის გამო. მიუხედავად იმისა, რომ "ოლ სტარში" ჩემი თამაში თავიდანვე გადაწყვეტილი იყო, ეს გარემოება გაითვალისწინეს და დავისვენე.</p><p>საქმე იმაშია, რომ 8 ივნისის ღამეს, ბელგიის ჩემპიონატის ფინალური მატჩი რომ ვითამაშე, 3 საათში იტალიაში გავემგზავრე. დილას ვივარჯიშე, მერე ვითამაშე და "ოლ სტარში" ნამდვილად ვეღარ გამოვავლენდი ჩემს შესაძლებლობებს.</p><p><strong>- სამაგიეროდ, მეორე დღის "ოლ სტარის" საუკეთესო მოთამაშე გახდი. არადა, შუადღის მატჩში მხოლოდ 4 ქულას დასჯერდი...</strong></p><p>- დიდი მნიშვნელობა არ ენიჭებოდა, თუ ვინ რამდენ ქულას მოაგროვებდა. "ოლ სტარში" იმ მოთამაშეებს იწვევდნენ, ვისი ნახვაც სკაუტებს და მწვრთნელებს განსაკუთრებით აინტერესებდათ.</p><p>რაც შეეხება პირველ "ოლ სტარს", ნორმალურად ვითამაშე. ორმაგ დუბლამდე 1 მოხსნა დამაკლდა. უკეთესადაც შემეძლო, მაგრამ...</p><p><strong>- მესამე დღესაც "ოლ სტარში" მიგიწვიეს. ეს ნიშნავს, რომ შენი თამაშის ნახვაზე დიდი მოთხოვნილება იყო...</strong></p><p>- კონკრეტულად ვერაფერს ვიტყვი, ვის უნდოდა ჩემი ნახვა. მესამე დღის "ოლ სტარი" კი შემაჯამებელი მატჩი იყო, რომელსაც მთლიანად ტურნირის "ყველა ვარსკვლავის" მატჩის დატვირთვა ჰქონდა.</p><p>თუმცა ამ შეხვედრამდეც მნიშვნელოვანი მატჩი ჩავატარეთ. საქმე იმაშია, რომ ტრევიზოს კემპის ისტორიაში ყველა მატჩი რამდენიმე გუნდს თუ მოუგია.</p><p>ამიტომ ჩვენს მწვრთნელს და ჩვენც, მოთამაშეებს, გამარჯვება გვინდოდა. საბედნიეროდ, მოვიგეთ და ტურნირი მაქსიმალური შედეგით დავასრულეთ.</p><p><strong>- კემპის შემაჯამებელ "ოლ სტარშიც" ერთ-ერთი მთავარი ფიგურა იყავი...</strong></p><p>- ძალიან რთული თამაში იყო. ძლიერი მეტოქე გვყავდა საფრანგეთის ახალგაზრდული ნაკრების სახით. აქაც ერთგვარი ტრადიცია არ დავარღვიეთ, რომლის თანახმადაც, ტურნირის "ყველა ვარსკვლავთა" გუნდი არ აგებს.</p><p>არადა, მესამე მეოთხედში 15 ქულით ჩამოვრჩით, მაგრამ საბოლოოდ გამარჯვება მაინც მოვიპოვეთ.</p><p><strong>- რა გამოხმაურება მოჰყვა შენს თამაშს?</p><p></strong>- არ ვიცი, კონკრეტულად რომელი გუნდის წარმომადგენლები დაინტერესდნენ და რას აპირებენ მომავალში.</p><p>თუკი დაინტერესება იქნება, კლუბები ჩემს მენეჯერებს დაუკავშირდებიან. ჯერჯერობით არ ვიცი, კონკრეტულად რომელი კლუბი დაინტერესდა.</p><p><strong>- შენი უახლესი გეგმები როგორია?</p><p></strong>- შემდეგ კვირაში ამერიკაში მივემგზავრები, სადაც, სავარაუდოდ, წინასადრაფტო ვარჯიშებში მივიღებ მონაწილეობას, თუმცა, როგორც უკვე გითხარით, ჯერჯერობით კონკრეტული გუნდების შესახებ არაფერი ვიცი.</p><p><strong>- ამერიკულ ვებგვერდებზე გავრცელდა ინფორმაცია, რომ შენი შანსები გაიზარდა. წერენ, შენგელიას დრაფტის მეორე რაუნდის დასაწყისში აირჩევენო...</p><p></strong>- დრაფტი ისეთი რამეა, რომ გადაჭრით ვერ იტყვი, რომელ ნომრად აგირჩევენ. ასეთი მყარი გარანტია იშვიათია.</p><p><strong>- დრაფტზე არჩევის შემთხვევაში მოახერხებ თუ არა, შენი ამრჩევი გუნდისგან კონტრაქტი დაიმსახურო?</strong></p><p>- ძნელია ამის თქმა. თუკი დრაფტზე ამირჩიეს, მერე ახალ გუნდთან კიდევ მომიწევს სხვადასხვა კემპზე გამოსვლა. იქ, ამერიკაში, სულ სხვა კალათბურთია.</p><p>ასე რომ, ძნელი სათქმელია, რას ვიზამ. ჩემის მხრივ კი ცდას არ დავაკლებ და ყველაფერს გავაკეთებ, რომ ჩემი ამრჩევი გუნდისგან კონტრაქტი დავიმსახურო.</p><p><strong></p><p>gbf.ge</strong></p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
"რატომ ის? რადგან ბოსი მე ვარ" - რა თქვა ლუის ენრიკემ "ანჟესთან" მატჩის შემდეგ?
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
მატჩის დღე! ხვიჩა კვარაცხელია განაცხადში არაა