- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
შვედეთი-საფრანგეთი 2:0 - ფრანგებმა ცხოვრება გაირთულეს [+VIDEO]
![შვედეთი-საფრანგეთი 2:0 - ფრანგებმა ცხოვრება გაირთულეს [+VIDEO]](images/new_photo/UCXOURI/2012/SOCCER/euro2012/zlatan-ibrahimovich-0993423.jpg)
<p>ევროპის 2012 წლის ჩემპიონატი. D ჯგუფი. III ტური <br> საფრანგეთის ნაკრებმა 23-მატჩიანი წაუგებელი სერია უმოტივაციო შვედეთთან შეწყვიტა და ინგლისს უნდა უმადლოდეს, რომ მეოთხედფინალში იასპარეზებს.</p><p>დიახ, უკრაინას რომ ბრიტანელებთან მოეგო, ლორან ბლანის გუნდი ჯგუფში ჩარჩებოდა, რადგან თვითონ სკანდინავიელებისგან ორი უპასუხო გოლი მიიღო.</p><p>მატჩის წინასიტყვაობაში ვწერდით, რომ ფრანგებს მარცხის შემთხვევაშიც შეეძლოთ მომდევნო ეტაპზე გასვლა და სწორედ ასე მოხდა. დანარჩენზე ქვემოთ...</p><p><strong><span style="color: #ff0000;">ტაქტიკა/სტრატეგია</span></p><p></strong>ლორან ბლანმა რამდენიმე უცნაური გადაწყვეტილება მიიღო, რითაც ბევრი გააკვირვა - მაგალითად, ნაცადი ტაქტიკა 4-2-3-1 მოულოდნელად შეცვალა და 4-3-2-1-ით ჩაანაცვლა. ამასთან, ჟერემი მენეზი სათადარიგოთა სკამზე დასვა და ძირითადში ბენ არფა გაამწესა.</p><p>ასევე, აუცილებლად უნდა აღვნიშნოთ, რომ უკან დახია სამირ ნასრი და წინა შეხვედრებთან შედარებით, სიღრმიდან ათამაშა.</p><p>მოკლედ, ბლანმა რაღაცეები გამოიგონა და აშკარად შეცდა - საფრანგეთის ნაკრებმა თამაში ჩააგდო და სრულიად დამსახურებულად დამარცხდა.</p><p>რაც შეეხება შვედეთის ნაკრებს - ტრადიციული 4-4-1-1 სქემით გაისარჯა და აქ გამოკვეთილი ფორვარდი ოლა ტოივონენი გახლდათ. მის უკან ზლატან იბრაჰიმოვიჩი ირჯებოდა, რომელმაც კიდევ ერთხელ დაამტკიცა, რომ თანამედროვეობის ერთ-ერთი ყველაზე გამორჩეული ფეხბურთელია.</p><p>თუმცა მასზე ქვემოთ უფრო ვრცლად ვიტყვით...</p><p><strong><span style="color: #ff0000;">საუკეთესო ფეხბურთელი</span></p><p>ზლატან იბრაჰიმოვიჩი (შვედეთი)</p><p></strong>ზლატან იბრაჰიმოვიჩი სამივე შეხვედრაში მოწოდების სიმაღლეზე იყო, ფრანგებთან კი სულაც საუკეთესო თამაში ჩაატარა და ულამაზესი გოლიც გაიტანა.</p><p>თამამად შეიძლება ითქვას, რომ მის მიერ შეგდებული ბურთი ჯერჯერობით საუკეთესოა ჩემპიონატზე და დიდი ეჭვი გვაქვს, რომ ასეთადვე დარჩება. ამასთან, ზლატანი ხშირად იწევდა უკან და სიღრმიდან იწყებდა მისი გუნდის იერიშებს. რაც ასევე მნიშვნელოვანია, უკანახაზელების დახმარებასაც არ თაკილობდა და ხშირად ჩადიოდა საკუთარი საჯარიმოს მისადგომებთან.</p><p>მოკლედ, იბრაჰიმოვიჩმა კიდევ ერთხელ გაიბრწყინა და ნამდვილად დაიმსახურა მატჩის საუკეთესო ფეხბურთელის სტატუსი.</p><p><strong><span style="color: #ff0000;">ფეხბურთელი-იმედგაცრუება</span></p><p>ქარიმ ბენზემა (საფრანგეთი)</p><p></strong>საფრანგეთის ნაკრები, ძირითადად, მეტოქის საჯარიმოს დასტრიალებდა. ასეთ დროს კი ცენტრფორვარდის ფუნქცია მუდმივი მოძრაობა, თავისუფალი ზონების მოძებნა და გახსნაა - ვერ ვიტყვით, რომ ქარიმს მონდომება არ ეტყობოდა, მაგრამ ფაქტია, რომ ბევრი არაფერი გამოუვიდა და კიდევ ერთი უფერული შეხვედრა ჩაატარა.</p><p>საფრანგეთში უკვე აქტიურად ითხოვენ, რომ ბენზემას ნაცვლად ძირითად შემადგენლობაში ოლივიე ჟირუმ ითამაშოს - ვნახოთ, რა გადაწყვეტილებას მიიღებს ლორან ბლანი.</p><p><strong><span style="color: #ff0000;">მსაჯი</span></p><p></strong>პორტუგალიელმა <strong>პედრო პროენშამ</strong> დაკისრებულ მოვალეობას თავი კარგად გაართვა და არც მის ასისტენტებს შეურცხვენიათ თავი.</p><p>რამდენიმე სადავო ეპიზოდში აბსოლუტურად სწორი გადაწყვეტილება მიიღო და თამაშის სადავეებიც ბოლომდე ხელთ ეპყრა.</p><p><strong><span style="color: #ff0000;">მწვრთნელების დუელი</span></p><p></strong>ზემოთაც აღვნიშნეთ, რომ ლორან ბლანმა ტაქტიკა-შემადგენლობაში კორექტივები შეიტანა, რამაც ნამდვილად არ გაამართლა. ფაქტია, რომ "მამლებმა" ძალიან მძიმე შთაბეჭდილება დატოვეს და თუ ასე ითამაშეს მეოთხედფინალში, ესპანელთა დამარცხება ნამდვილად გაუჭირდებათ.</p><p>ყველაფერს რომ თავი დავანებოთ, ფრანგებმა ჯგუფში პირველი ადგილი დაკარგეს და შედეგად, პლეი ოფის პირველ სტადიაზე ევროპისა და მსოფლიოს მოქმედ ჩემპიონებს გადაეყარნენ.</p><p>რაც შეეხება ერიკ ჰამრენს, მან სიტყვა შეასრულა და ევროპის ჩემპიონატი სენსაციური გამარჯვებით დაასრულა - ანუ კარი გაიჯახუნა.</p><p>სკანდინავიელთა მწვრთნელმა კვლავ შესანიშნავად გამოიყენა იბრაჰიმოვიჩი, რომელიც სიღრმიდან ათამაშა - ჰამრენის ეს მოდელი შეიძლება "მილანის" მთავარმა მწვრთნელმა, მასიმილიანო ალეგრიმაც გამოიყენოს, რომელიც ზლატანს გამოკვეთილი ფორვარდის პოზიციაზე ათამაშებს.</p><p>ბლანის შეცდომების ფონზე ჰამრენის ტრადიციული სვლები გამარჯვების მომტანი გამოდგა და შედეგიც სახეზეა.</p><p><strong><span style="color: #ff0000;">ანალიზი</span></p><p></strong>თამაშის წინ შვედეთის ფეხბურთის ფედერაციის პრეზიდენტმა პრესკონფერენცია გამართა და განაცხადა, რომ ერიკ ჰამრენი კიდევ ორი წლით დარჩება შვედეთის ნაკრების მთავარი მწვრთნელის პოსტზე და გუნდის შენების პროცესიც მასთან ერთად გაგრძელდება. ჰამრენმა, თავის მხრივ, მადლობა გადაუხადა ფედერაციას ნდობისთვის და დასძინა, რომ მსოფლიოს ჩემპიონატის შესარჩევ ეტაპზე გუნდის ძირითადი ბირთვი უცვლელი დარჩება.</p><p>ამ ყველაფერს მოჰყვა ზლატან იბრაჰიმოვიჩის ბრიფინგი, სადაც მან სანაკრებო კარიერის გაგრძელების შესახებ გააკეთა განცხადება და დაამატა, დარწმუნებული ვარ, ბრაზილიაში გასამართ მუნდიალზე წარმატებით ვიასპარეზებთო.</p><p>როგორც ჩანს, ყველაფერ ამან შვედებზე ძალიან კარგად იმოქმედა - მთელი თამაში, ფაქტობრივად, უშეცდომოდ ჩაატარეს და სრულიად დამსახურებულად მოიგეს.</p><p>საფრანგეთის ნაკრებმა კი თავისი გულშემატკივრები აშკარად დაზაფრა - კარგად ჩატარებული ორი მატჩის შემდეგ გუნდმა უსახური თამაში აჩვენა და უმოტივაციო მეტოქეს ვერაფერი დააკლო.</p><p><strong><span style="color: #ff0000;">დასკვნა</span></p><p></strong>საფრანგეთის ნაკრები დამარცხდა არა მხოლოდ კონკრეტულ შეხვედრაში, ინგლისელებთან დუელშიც და ჯგუფში მეორე ადგილს დასჯერდა - ეს ადგილი კი ესპანეთთან დაპირისპირებას ნიშნავს, გუნდთან, რომელიც დღეს აბსოლუტურად ყველა მეტოქესთან ფავორიტია.</p><p>ამასთან, ლორან ბლანს ფილიპ მექსეს იმედი არ უნდა ჰქონდეს, რომელმაც ყვითელი ბარათების ლიმიტი ამოწურა და დისკვალიფიკაციაც მიიღო.</p><p>მოკლედ, ფრანგებმა გაირთულეს ცხოვრება, დანარჩენს კი მომავალი გვიჩვენებს.</p><p><strong><span style="color: #ff0000;">ევროპის 2012 წლის ჩემპიონატი. D ჯგუფი. III ტური</span></strong></p><p>19.06. კიევი. ოლიმპიური სტადიონი</p><p><strong><em>შვედეთი-საფრანგეთი 2:0 </em></strong>(<a href="/mtavari/video.html?view=video&video=1387" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>შვედეთი (4-4-2): ისაქსონი - მელბერგი, ი. ოლსონი, მ. ოლსონი, გრანკვისტი - ჩელსტრიომი, სვენსონი (78. ჰოლმენი), ბაირამი (46. ვილჰელმსონი), ლარსონი - იბრაჰიმოვიჩი - ტოივონენი (78. ვერნმბლოომი).</p><p>საფრანგეთი (4-3-2-1): ლორისი - დებიუში, მექსესი, რამი, კლიში - დიარა, მვილა (83. ჟირუ), ნასრი (77. მენეზი) - ბენ არფა (59. მალუდა), რიბერი - ბენზემა.</p><p>გოლები: 1:0 იბრაჰიმოვიჩი (54), 2:0 ლარსონი (90).</p><p>გაფრთხილება: სვენსონი, ჰოლმენი - მექსესი</p><p>კუთხური: 2-8; ჯარიმა: 17-14; თამაშგარე: 6-1; კარში დარტყმა: 12(7)-24(10); ბურთის ფლობა: 40%-60%.</p><p>მაყურებელი: 70 000</p><p><span style="color: #ff0000;"><strong>D ჯგუფი</strong></span></p><p><strong>1. ინგლისი 3 2 1 0 5-3 7</p><p>2. საფრანგეთი 3 1 1 1 3-3 4</p><p></strong>3. უკრაინა 3 1 0 2 2-4 3</p><p>4. შვედეთი 3 1 0 2 5-5 3</p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ:</p><p><a href="/fexburti/euro-2012/34429-inglisi-ukraina-10-erthi-moparuli-goli.html" target="_blank"><span style="color: #ff0000;"><strong>ინგლისი-უკრაინა 1:0 - ერთი მოპარული გოლი</strong></span></a></p>
"ვინ უნდა მოიგოს "ოქროს ბურთი"? - ინიესტამ საკუთარი მოსაზრება დააფიქსირა
ქართველი მსაჯები უეფას ერთა ლიგის მატჩს მოემსახურებიან
მესიმ განმარტა, თუ რატომ აღნიშნავს გოლს სუპერგმირების სტილში
[VIDEO] დომინანტურად - ეთერ ლიპარტელიანი მსოფლიო ჩემპიონატის ნახევარფინალშია
შავი ლომი | ორი მოგება და დიდი გამოცდილება თბილისის თასზე
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
თვაური და ვართანოვი ევროსეზონს თურქეთში გახსნიან
"სავარაუდოდ, ცვლილებები იქნება" - ფაბრიციო რომანომ ალისონ ბეკერის მომავალზე ისაუბრა
მსოფლიოს ჩემპიონატის მესამე საჭიდაო დღეს ტატამზე 3 ქართველი გამოვა
ჩრდ. ირლანდიასთან მატჩში საქართველოს ნაკრების შემადგენლობა ცნობილია
18 წ. | ევროპის ჩემპიონატს ჩეხეთი უმასპინძლებს
აღარ გვიკვირს - და-ძმა აბეები მსოფლიო ჩემპიონები არიან!
აბეები ისევ ფინალში არიან და ესპანელი მეტოქეები ეყოლებათ
მერკვილაძის წარმატებული დებიუტი BNXT ლიგაში: ქართველი ფორვარდის 20 ქულა და "გრონინგენის" გამარჯვება
შენგელია "დუბაის" სასტარტოში ადრიატიკის ლიგაში გამოჩნდა | 11 ქულა და მოგება
მენდეში: თუ რონალდო დაბრუნდება, სიხარულით შევხვდებით
"ეს მატჩი ჩემს სამწვრთნელო კარიერაში ყველაზე მნიშვნელოვანი იყო" - სერ ალექს ფერგიუსონი
ვაჟა მარგველაშვილი მსოფლიო ჩემპიონატს პირველი წრიდან გამოეთიშა
"ალეგრის იმდენად არ სურდა ჯარიმა რონალდოს დაერტყა, ასეთი რამ მოიფიქრა" - პიანიჩმა საინტერესო ისტორია გაიხსენა
I ტური დასრულდა: კსუ კავკასიას დამაჯერებელი გამარჯვება და ორბის წარმატებული გასვლა თელავში
პორტუგალიამ ნორვეგიას, დანიამ კი უელსს მოუგო
მატჩის დღე! ლოგიკის დროით, საქართველოს გამარჯვების დროა
ფელიქსს "ბარსელონაში" დაბრუნება სურს