<p>ევროპის 2012 წლის ჩემპიონატი. D ჯგუფი. მესამე ტური <br> "დონბას არენაზე" გუნდების ბედი წყდებოდა. მასპინძელს მარტო მოგება აძლევდა ხელს, სტუმარს ფრეც ჰყოფნიდა. საბოლოოდ ინგლისელებმა პროგრამა მინიმუმს "გადააჭარბეს", მოიგეს, ჯგუფში პირველი ადგილი გაინაღდეს და პლეი ოფში იტალიას დაეჯახნენ.</p><p>როი ჰოჯსონის შეგირდებს იქ უკვე მძიმე გამოცდა ელით.</p><p><strong><span style="color: #ff0000;">ტაქტიკა/სტრატეგია</span></p><p></strong>ინგლისსთან თამაშამდე ოლეგ ბლოხინს ანდრეი შევჩენკო დააკლდა, რამაც მას ძირითადში ოთხი ცვლილებისკენ უბიძგა. რაკი მას მარტო მოგება სურდა, შემადგენლობაც შედარებით შემტევი დააყენა.</p><p>შეცვლებზე შესულმა უკრაინელმა ფეხბურთელებმა თავი ვერაფრით გამოიჩინეს.</p><p>სტუმართა (პირობით მასპინძელთა) ტაქტიკა კი არაფრით განსხვავდებოდა წინა მატჩებისგან. ბეტონივით მყარი დაცვა, მაღალი კლასის ფეხბურთელებით დაკომპლექტებული მუშა ნახევარდაცვა იგივე იყო. ერთადერთი, მაგრამ უმნიშვნელოვანესი განმასხვავებელი კი ნაკრებს მე-10 ნომერი ჰყავდა.</p><p>უეინ რუნისთან ერთად ინგლისი ნამდვილად სხვა გუნდია, რაც ამ მატჩმაც დაადასტურა.</p><p><strong><span style="color: #ff0000;">საუკეთესო ფეხბურთელი</span></p><p>უეინ რუნი (ინგლისი)</strong></p><p>უეინ რუნიმ ეს სტატუსი მხოლოდ გადამწყვეტი გოლის ავტორობით კი არ დაიმსახურა, იმითაც, რომ მთელი იმ დროის განმავლობაში, რაც მან მოედანზე გაატარა, მასპინძელთა მცველებისთვის ამოსუნთქვის საშუალება არ მიუცია.</p><p><strong><span style="color: #ff0000;">ფეხბურთელი-იმედგაცრუება</span></p><p>არტემ მილევსკი (უკრაინა)</strong></p><p>არტემ მილევსკის სერიოზული როლი ჰქონდა. სწორედ მას უნდა შეეცვალა ანდრეი შევჩენკო, თუმცა მან ეს ტვირთი ვერ ზიდა.</p><p>არ ვუკარგავთ, რომ ბევრს შრომობდა, მაგრამ უკრაინელთა მხრიდან სწორედ მას ჰქონდა ყველაზე რეალური მომენტი, რომელიც ქარს გაატანა.</p><p><strong><span style="color: #ff0000;">მსაჯი</span></p><p></strong>უეფამ მატჩზე ერთ-ერთი ყველაზე ავტორიტეტული ახალგაზრდა არბიტრი <strong>ვიქტორ კაშაი</strong> მიავლინა. ძირითად შემთხვევებში 36 წლის უნგრელი მოწოდების სიმაღლეზე იყო, თუმცა 62-წუთზე მან უკრაინის ნაკრების თავდამსხმელ მარკო დევიჩს აშკარა გოლი წაართვა და ამით ინგლისის ნაკრებს სერიოზული სამსახური გაუწია.</p><p>გასაგებია, რომ ფრეც კუნძულელებს აძლევდათ ხელს, მაგრამ ეს იმას არ ნიშნავს, რომ მასპინძელთა არჩათვლილმა გოლმა ამით ფასი დაკარგა. ამ შეცდომით კაშაიმ მთელი გარჯა წყალს გაატანა.</p><p><strong><span style="color: #ff0000;">მწვრთნელების დუელი</span></p><p>ოლეგ ბლოხინი </strong>იძულებული გახდა, ანდრეი შევჩენკო ტრავმის გამო სკამზე დაესვა. შევასთან ერთად ძირითადს მიღმა აღმოჩნდა ანდრეი ვორონინიც. მათ ადგილზე მარკო დევიჩი და არტემ მილევსკი გამოჩნდნენ, რომელთაც გუნდს მეტი მობილურობა შესძინეს.</p><p>უკრაინელთა გუნდში აქტიურობდნენ ფლანგის ნახევარმცველები ანდრეი იარმოლენკო და ევგენი კონოპლიანკა. უკანასკნელი ტექნიკით კი გამოირჩეოდა, მაგრამ ტაქტიკური თვალსაზრისით საკმაოდ ღარიბულად გამოიყურებოდა - მიიღებდა თუ არა ბურთს, ცენტრისკენ იწევდა და ფლანგზე ევგენი სელინს უთავისუფლებდა სივრცეს. ეს უკანასკნელი კი შეტევაში ჩართვაზე, პრაქტიკულად, არ ფიქრობდა.</p><p>იარმოლენკოს ფლანგზე შედარებით აქტიური იყო მეორე განაპირა მცველი ოლეგ გუსევი. ამ ტაქტიკით ბლოხინის გუნდს სათამაშო უპირატესობა 90 წუთი ეპყრა ხელთ, მაგრამ მან მთავარი ვერ მოახერხა და დამარცხდა.</p><p>რაც შეეხებათ <strong>როი ჰოჯსონს</strong> და ინგლისელებს, მათი უმთავრესი ტაქტიკა თავის კარგად დაცვა გახლდათ. ისინი მთელი 90 წუთის განმავლობაში მეტოქის შეცდომებს უცდიდნენ. "ლომებმა" პირველ ნახევარში კარში ერთხელაც ვერ დაარტეს. მათი მხრიდან ბურთის განაწილება სტივენ ჯერარდს დაევალა, ვინც ამ მხრივ ნამდვილად გამოირჩეოდა. როი ჰოჯსონს ჩანაფიქრმა ნამდვილად გაუმართლა.</p><p><strong><span style="color: #ff0000;">ანალიზი</span></p><p></strong>პირველი რეალური მომენტი ევგენი სელინის ჩაწოდებისა და მილევსკის პასის შემდეგ მარკო დევიჩს შეექმნა, თუმცა ბურთი სკოტ პარკერს მოხვდა და სიტუაცია განიმუხტა.</p><p>შემდეგ უკვე კონოპლიანკამ სცადა გატანა, მაგრამ ჯონ ტერის გაარტყა. მალე ოლეგ გუსევს შეეძლო თავის გამოჩენა, თუმცა საჯარიმოს გარედან დარტყმული ხარიხას ოდნავ გადასცდა.</p><p>22-ე წუთისთვის ინგლისელებმა პირველი ხიფათის მაგვარი შექმნეს. ჯერარდის საჯარიმოს რუნი ვერ შესწვდა. ეს რომ არა, პიატოვი ბურთის ამღები ნამდვილად არ იყო. მალე იანგის პასით სცადა რუნიმ ანგარიშის გახსნა, მაგრამ სიზუსტე არ ეყო. ბურთმა ძელს მეტრზე მეტში ჩაუარა. 30-ე წუთზე იარმოლენკოს შეექმნა მომენტი, თუმცა ბრწყინვალედ ითამაშა ჯო ჰარტმა. ინგლისელთა დაცვამ არც დევიჩს მისცა გატანის საშუალება. 41-ეზე იარმოლენკო საჯარიმოს მისადგომებთან პატარა ბავშვივით გაუსწორდა რამდენიმე ინგლისელ მცველს, მაგრამ ბოლოს კუთხურის მეტს ვერაფერს გამორჩა.</p><p>მეორე ნახევარი უკრაინელთა დაცვის უხეში შეცდომით დაიწყო. 48-ე წუთზე ჯერარდმა საჯარიმოში ჩააწოდა, დენი უელბეკმა ევგენი ხაჩერიდის დაასწრო. ვერც ანდრეი პიატოვმა ივარგა, ვისაც ბურთი ხელებს ქვეშ გაუძვრა. საბოლოოდ ბურთმა რუნის თავი მოძებნა. "იუნაიტედის" ვარსკვლავმა კარის ხაზზე მდგარმა გაიტანა - 1:0.</p><p>გოლმა უკრაინელები ცოტა დააბნია. გუსევის ჩაწოდების შემდეგ დამაჯერებლად ითამაშა ჰარტმა. მასპინძლები ლამის მთელი ძალებით გადავიდნენ შეტევაზე, რითაც სარგებლობა ინგლისელებს შეეძლოთ. ჯერარდის პასით კონტრშეტევაზე რუნი გაიქცა, მაგრამ სწრაფმა უკრაინელებმა მისი ეს მცდელობა მალევე აღკვეთეს.</p><p>61-ე წუთზე არტემ მილევსკის მშვენიერი შანსი მიეცა, მაგრამ თავდამსხმელმა ახლოდან ვერ გაიტანა. 62-ე წუთზე კი ის მოხდა, რაც ნამდვილად დიდი განსჯის საფუძველი გახდება: ვიქტორ კაშაიმ და მისმა ასისტენტებმა მარკო დევიჩს 100%-იანი გოლი არ ჩაუთვალეს. 68-ე წუთზე ინგლისის ნაკრების რიგებში პირველი გოლის გატანა შეეძლო ეშლი კოულს, მაგრამ პიატოვმა იყოჩაღა.</p><p>მომენტები მატჩის ბოლომდე ორივე კართან იქმნებოდა. აქეთ კონოპლიანკას შეეძლო გათანაბრება, იქით რუნის შეეძლო დუბლის შესრულება, მაგრამ საბოლოოდ თამაში ამავე ანგარიშით დასრულდა.</p><p><strong><span style="color: #ff0000;">დასკვნა</span></p><p></strong>კუნძულელებმა ყველას დაუმტკიცეს, რომ არ ეშინიათ არანაირი ზეწოლის, იქნება ეს სათამაშო თუ მინდორს გარეთ ფსიქოლოგიური. ჰოჯსონის გუნდს ჯგუფში საკმაოდ ძლიერი ნაკრებები ჰყავდა და მან ღირსეულად განვლო ეს ეტაპი.</p><p>გასწვდება თუ არა კუნძულელთა მწვრთნელის ცოდნა იტალიის ნაკრებსაც, ამას რამდენიმე დღეში ვნახავთ.</p><p><span style="color: #ff0000;"><strong></strong></span><span style="color: #ff0000;"><strong>ევროპის 2012 წლის ჩემპიონატი. D ჯგუფი. მესამე ტური</strong></span></p><p>19.06. დონეცკი. დონბას არენა</p><p><strong><em>ინგლისი-უკრაინა 1:0 </em></strong>(<a href="/mtavari/video.html?view=video&video=1386" target="_blank"><span style="color: #ff0000;"><strong>იხილეთ ვიდეო</strong></span></a>)<strong></p><p></strong>ინგლისი (4-4-1-1): ჰარტი - ჯონსონი, ტერი, ლესკოტი, კოული - მილნერი (უოლკოტი 69), ჯერარდი, პარკერი, იანგი - რუნი (ოქსლეიდ-ჩემბერლენი 87) - უელბეკი (კეროლი 82)</p><p>უკრაინა (4-3-1-2): პიატოვი - გუსევი, ხაჩერიდი, რაკიცკი, სელინი - იარმოლენკო, ტიმოშჩუკი, კონოპლიანკა - გარმაში (ნაზარენკო 78) - დევიჩი (შევჩენკო 70), მილევსკი (ბუტკო 77)</p><p>გოლები: 1:0 რუნი (48)</p><p>გაფრთხილება: ჯერარდი, კოული - ტიმოშჩუკი, რაკიცკი, შევჩენკო</p><p>კარში დარტყმა: 7(3)-14(3); კუთხური: 6-10; ჯარიმა: 13-12; თამაშგარე: 0-0; ბურთის ფლობა: 44%-56%</p><p>მაყურებელი: 48 700</p><p><span style="color: #ff0000;"><strong>D ჯგუფი</strong></span></p><p><strong>1. ინგლისი 3 2 1 0 5-3 7</p><p>2. საფრანგეთი 3 1 1 1 3-3 4</p><p></strong>3. უკრაინა 3 1 0 2 2-4 3</p><p>4. შვედეთი 3 1 0 2 5-5 3</p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ:</p><p><a href="/fexburti/euro-2012/34428-shvedethi-safrangethi-20-frangebma-ckhovreba-gairthules.html" target="_blank"><span style="color: #ff0000;"><strong>შვედეთი-საფრანგეთი 2:0 - ფრანგებმა ცხოვრება გაირთულეს </strong></span></a></p>
gia
რა მოპარული გოლი??!! თამაშგარე რო იყო რატომ არაფერს არ ამბობთ ამაზე!
antokeli
მოპარული გოლი კიარა, არ დანიშნული თამაშგარე
უშანგი
მსაჯმა ამ შეტევისას ორი სერიოზული შეცდომა დაუშვა: არ მისცა თამაშგარე და მერე არ ჩათვალა კარში გასული გოლი. თუმცა, საბოლოო ჯამში, 1:1 სამართლიანად არ გახდა.
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"