<p>ჩვენი ნაკრები ევროპის ჩემპიონატის პირველ დღეს ერთ ბრინჯაოს დასჯერდა <br> ხორვატიის დედაქალაქ ზაგრებში 19 ივნისს დაიწყო ახალგაზრდა მოჭიდავეთა ევროპის ჩემპიონატი, რომლის პირველი ორი დღეც თავისუფალი სტილით მოჭიდავეებს ეთმობათ.</p><p>ჩვენმა ნაკრებმა მოსამზადებელი ეტაპი ბრწყინვალედ გაიარა, თუმცა სტარტი არცთუ შთამბეჭდავი გამოუვიდა - პირველ დღეს მხოლოდ ერთ ბრინჯაოს დასჯერდა, რომელიც გორელმა ჯუმბერ ყველაშვილმა (74) მოიპოვა.</p><p>ანალოგიურ წარმატებამდე ერთი მოგება დააკლდა მისივე თანაქალაქელ ომარ გუსოშვილს (96), რომელმაც ბრინჯაოსთვის გამართული შეხვედრა დათმო და მეხუთე ადგილს დასჯერდა.</p><p>ორივე მათგანი ნახევარფინალში გავიდა და იქიდან მოუხდა გადაბარგება დამამშვიდებლის ფინალში.</p><p>ახალგაზრდებში საქართველოს ჩემპიონი ყველაშვილი პირველ წრეში ისვენებდა, სასტარტო შეხვედრაში კი ლატვიელი არნას დრაუგელისი ორ პერიოდში გვარიანი უპირატესობით დაჯაბნა - 4:1; 6;2. გერმანელ აჰმედ დუდაროვთან ბრძოლა ბევრად დაძაბული გამოდგა და ჩვენებურს დამატებითი დროც დასჭირდა -პირველი პერიოდი 0:1 დათმო, მეორე 1:1-ზე ბოლო ქულის წყალობით მოიგო, დამატებითში კი 1:0 იმარჯვა.</p><p>მესამე პერიოდამდე მივიდა საქმე ნახევარფინალში თურქ აბდულკადირ ოზმენთან, რომელთან შეხვედრაც გორელმა კატასტროფულად დაიწყო - 0:5 დამარცხდა.</p><p>მეორე პერიოდი მინიმალური ანგარიშით მოიგო - 1:0, დამატებითში კი 4:5 დამარცხდა და დამამშვიდებელში გადაინაცვლა, სადაც ბრინჯაოსთვის შერკინებაში რუმინელ სებასტიან უტას დააყრევინა ფარ-ხმალი - 1:0; 2:0.</p><p>ყველაშვილი ნაკრების დებიუტანტია და მისასალმებელია, უმედლოდ რომ არ დარჩა.</p><p>პირველ წრეში გუსოშვილიც ისვენებდა, რომელმაც ტურნირის ძირითად ბადეში სამი ორთაბრძოლა გამართა და აქედან მხოლოდ ერთი დაასრულა ორ პერიოდში.</p><p>მან პირველ შეხვედრაში დამატებით დროში ბერძენი ასიგკრიტოს მოურანტიდისი დაამარცხა - 2:3; 4:0; 2:0, მერე კი პოლონელ რობერტ ბარანს იოლად მოუგო - 4:0; 2:1. დასანანი იყო მარცხი ნახევარფინალში ბელარუს დმიტრი ჰარბუნოუსთან, რადგან დამატებითში მინიმალური ანგარიშით დამარცხდა - 0:1.</p><p>მან წააგო პირველი პერიოდიც - 0:3, თუმცა მეორეში 4:0 იმარჯვა და ანგარიში გაათანაბრა. სამწუხაროდ, კონცენტრაცია ვერც მესამე ადგილისთვის შეხვედრაში შეძლო აზერბაიჯანელ საიდ გამიდოვთან და ორ პერიოდში წააგო.</p><p>მართალია, ორივეში მინიმალური სხვაობით დამარცხდა - 2:3; 3:4, მაგრამ ეს წარუმატებლობას ვერ აბათილებს. არადა, გუსოშვილი გუნდში ერთადერთია, რომელმაც წლეულს საქართველოს პირველობა ვერ მოიგო - მეორეზე გავიდა. თუმცა ისიც უნდა ითქვას, რომ მოსამზადებელ პერიოდში უცხოურ ტურნირებში კონკურენტს აჯობა.</p><p>ამავე წონაში კიდევ ერთი ქართველი გამოდიოდა - სომხეთის სახელით ვიქტორ ყაზიშვილი ჭიდაობდა, ერთი შეხვედრაც მოიგო და მერე დამამშვიდებელშიც გადავიდა, თუმცა მაინც უმედლოდ დარჩა.</p><p>19 ივნისს კიდევ ორ ქართველს უნდა ეჭიდავა, მაგრამ ხალიჩაზე მხოლოდ ბექა ბუჯიაშვილი (50) გავიდა, ლევან ქელეხსაშვილი (60) კი არ აწონილა. სამწუხაროდ, ბუჯიაშვილი პირველივე შეხვედრაში დამარცხდა - უკრაინელ არმენ არაქელიანთან (1:3; 0:5) და მერე არც სანუგეშოში გადასვლის საშუალება მიეცა.</p><p>20 ივნისს ზაგრებში დარჩენილი წონების წარმომადგენლებიც იჭიდავებენ და, იმედია, ამჯერად მაინც ვიხილავთ ქართულ კვარტეტს.</p><p>ახალგაზრდებში მსოფლიოს ვიცე-ჩემპიონი, ევროპის პრიზიორი ლაშა ტალახაძე (55), რომელიც აქამდე 50-ში გამოდიოდა, მაგრამ შარშან წონის დაკლება ისე გაუჭირდა, მსოფლიოს პირველობაზე ცუდად გახდა და ბრინჯაოსთვის შეხვედრა ვეღარ გამართა, წლეულს კი ახალ წონაში გადმოვიდა, პირველ ორთაბრძოლას რუს საიდ გაზიმაგომედოვთან გამართავს; კონსტანტინე ხაბალაშვილი (66) - მოლდოველ ტომა ვასკანთან; სანდრო ამინაშვილი (74) კოსოვოელ შალა ედონს ხვდება; ახალგაზრდებში ევროპის პრიზიორი, ჭაბუკებში მსოფლიოს ვიცე და ევროპის ჩემპიონი გენო პეტრიაშვილი (120) - უკრაინელ მურადინ კუშკოვს.</p><p><em>ბრინჯაოს დასაწყისი (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია