- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თავისუფალი თემა: ორი სახე და მუცელი
<p>რა განასხვავებს და აერთიანებს ინგლისელ ფან მეთიუს ქართველ გულშემატკივარ თემურასთან <br> საფეხბურთო ბაირამ-ცენტრი ახლა პოლონეთსა და უკრაინაშია, გდანსკიდან ხარკოვამდეა გადაჭიმული. რა გინდა, სულო და გულო: თვალს კარგი ფეხბურთითაც გაახარებ და ტრიბუნაზე ატკრციალებული, მზის სხივებივით მშვენიერი გოგოებითაც.</p><p>ევროპამდე კი გზა არის გასავლელი. რასაც ჩვენ ტელევიზორში ვუყურებთ, მხოლოდ ფასადი არ არის. ევროპელი ხალხი აქამდე მივიდა და ახლა უკრაინაც ჩათრეულია ფერხულში.</p><p>მერე რა, რომ უკრაინაში არც ანგელა მერკელი და არც სხვა კარგი ქვეყნების მმართველები არ ჩავლენ - ფეხბურთი მაინც უფრო იმ გულშემატკივრისაა, მაღალ საზოგადოებას რომ არ ეკუთვნის.</p><p>ფეხბურთის სიყვარული განსაკუთრებულად იქმნება. ეს ისეთი სიყვარულია, რომელსაც სხვა სიყვარულების მსგავსად, სისულელეც რომ შეგიძლია დაარქვა. არაერთ ქართველ ბიზნესმენს დაუხარჯავს ფული ფეხბურთში და ბევრს უთქვამს, ეს რა სისულელეს აკეთებსო. ზოგ ასეთ ბიზნესმენს ამის გამო ბიზნესპარტნიორები გამოსცლია ხელიდან, უყაირათო ბიზნესმენი უიმედოდ შეყვარებულს დამსგავსებია, საფეხბურთო ფუნდამენტალიზმი გამხდარა მისი რელიგია.</p><p>მართლაც იყო რომანტიზმის ასეთი პერიოდი. ამ ხალხს არავინ ავალებდა საფეხბურთო კლუბის ყოლას, ამას ისინი თვითონ აკეთებდნენ. მათი პარტნიორი კი მხოლოდ გულშემატკივარი იყო.</p><p>საქართველოში არ იციან გულშემატკივრობაო - ვინც ამას ამბობს, რკინისებრი არგუმენტებიც მოჰყავს, ოღონდაც მთლად ასე კატეგორიულადაც არ უნდა იყოს საქმე. ჩვენთან მართლაც არის გულშემატკივრობის რაღაც ტრადიციები.</p><p>იმ დროს მოვსწრებივარ, როცა მამებს შვილები "დინამოს" დუბლების მატჩებზეც კი დაჰყავდათ. ბაბუები შვილიშვილებით დადიოდნენ ფეხბურთზე. გულშემატკივრობა მაშინ ძალიან კონსერვატორული და ამავე დროს, სკაბრეზული გახლდათ.</p><p>იყო სხვა ფლანგიც - ძირითადად, თინეიჯერული, რომელთაც მათზე მოზრდილი ატამანი ჰყავდათ. მათ განკარგულებაში იყო სადად გარითმული შეძახილები, ლურჯ-თეთრი დროშები და პიონერული საყვირები. ლანჩხუთში კი მთელი დასავლეთ საქართველოდან მიდიოდა ხალხი "გურიას" საქომაგოდ, სტადიონი ივსებოდა, თამაშის მერე იყო პურმარილობა, ზეიმის გაგრძელება.</p><p>საქართველო მერე სხვა ქვეყანა გახდა. სხვანაირი გახდა გულშემატკივრობაც.</p><p>....მომიწია რამდენიმე ქვეყანაში ჩასვლა. პირველი გაკვირვება შოტლანდიაში ნანახმა აგურებმა გამოიწვიეს. "აიბროქსის" სტადიონის ზოგი კედელი დეკორატიული აგურითაა ნაგები, ლამაზ აგურებზე კი სახელი და გვარია ჩახაზული. მეგონა, რომ ალი მაკოისტის, დევი კუპერის, გრემ სუნესის, მარკ ჰეიტლის, ენდი გორამის ან კიდევ რომელიმე ლეგენდარული რეინჯერსელის სახელსა და გვარს ამოვიკითხავდი, მაგრამ ნურას უკაცრავად - აგურებზე "რეინჯერსის" გულშემატკივრების სახელი და გვარი ყოფილა ჩახატული.</p><p>გუნდის გულშემატკივარი ამაში ფულს იხდის. მის სულსა და გულს უხარია, რომ საყვარელი გუნდის სტადიონის კედელზე ის სამუდამოდ დარჩება, ამას ხომ მისი შვილთაშვილებიც ნახავენ.</p><p>შოტლანდიაზე დიდი კი ინგლისია. იქაურ პრემიერლიგაშიც უფრო მეტი ფული ტრიალებს. ქომაგი ქალაქიდან ქალაქში დაჰყვება საყვარელ გუნდს. ცხოვრება იქაც რთულია. თუ კარგი განათლება არ გაქვს, მძიმე სამუშაოს უნდა მოჰკიდო ხელი. ასეთების ხელფასი ორ-სამ ათას ფუნტამდე ადის. ეს ის თანხაა, პრემიერლიგელი ფეხბურთელის ცოლი თუ მეგობარი გოგო ერთ შოპინგზე რომ ხარჯავს.</p><p>მაგრამ ინგლისელი ფანი მეთიუ ამაზე არ ფიქრობს. მან მატარებლის ბილეთი უნდა იშოვოს მანჩესტერიდან ნიუკასლში წასასვლელად. ფული სენდვიჩისთვისაც ეყოფა. რა თქმა უნდა, ლუდსაც ბევრს დალევს. კალორიებს სტადიონზე წივილ-კივილსა და სიმღერაში დახარჯავს. ის იქ მარტო არ იქნება, მანჩესტერელ მეგობრებთან კარგ დროს გაატარებს იმ შემთხვევაშიც კი, თუ მათი გუნდი წააგებს.</p><p>მეთიუს არ აცვია ისე ლამაზად, როგორც მისი საყვარელი გუნდის ფეხბურთელებს და ალბათ არც დარდობს ამაზე, რადგან მას ფეხბურთი უფრო უყვარს, ვიდრე საკუთარი თავი ფეხბურთში. სხვანაირად ის ფეხბურთზე ერთ წასვლაში ას ფუნტამდე არ დახარჯავდა.</p><p>ქართველი თემურას საქმე სულ სხვაგვარადაა. დედა საბერძნეთშია წასული სამუშაოდ, მამას "ოპელ-ასტრა" ჰყავს და ტაქსაობს, თვითონ თემურა კი დროებით უმუშევარია. უბანში სასურსათო მაღაზიასთან დგას და იმაზე ფიქრობს, ტოტალიზატორის ბილეთი როგორ შეავსოს. საყვარელ გუნდს სხვა ქალაქში რომ ჩააკითხოს, ძვირი უჯდება.</p><p>თემურა და მეთიუ მაინც ჰგვანან ერთმანეთს - ლუდის სმისგან ორივეს წამოზრდილი მუცელი და წამოჭარხლებული სახე აქვს. ორივეს სული მითებითაა დატვირთული, - ეს ხომ ფეხბურთის აუცილებელი ატრიბუტია. ერთს შეუძლია სტადიონზე ნახოს მთვარესავით გლამურული, მკერდგათქვირული გოგოების გულშემატკივრობა, მეორე კი ამას მხოლოდ ტელევიზორში უყურებს.</p><p>სამაგიეროდ, თემურას შეუძლია სიგარეტი იქ მოწიოს, სადაც მოუნდება, სტადიონზეც და იმ "მარშრუტკაშიც", რომლითაც ხანდახან საყვარელ გუნდს ჩააკითხავს სხვა ქალაქში. მეთიუს კი ამის უფლებას ინგლისში არ მისცემენ.</p><p>სოციალური მოტივები ფეხბურთის კიდევ ერთი აუცილებელი ამხანაგია. მეთიუსა და თემურას ამბავი ერთმანეთს რომ არ ჰგავს, ესეც ფეხბურთის ნაწილია. ადამიანი კი ყველგან ადამიანია და ფეხბურთის სიყვარულიც ყველგან შეუძლია.</p><p>ერთ ქართველ კლასიკოსს უთქვამს: სიყვარული იმდენად გამძლეა, რაც უფრო მეტი სიმწარე დაგრჩება მისგან.</p><p>არა მგონია, რომ ფეხბურთში პირუკუ იყოს...</p><p><strong>ყოველდღიური სპორტული გაზეთი "ლელო"</strong></p>
საქართველოს მინიფეხბურთის ნაკრები ევროპის ჩემპიონატზე ესპანეთს დაუზავდა
დიდი დაბრუნება - ვლადიმირ ვაისი სლოვაკეთის ნაკრების მთავარი მწვრთნელია
ბუნდესლიგის ამომავალი ვარსკვლავი შეიძლება მამარდაშვილის ან კვარაცხელიას თანაგუნდელი გახდეს
20 წ. | ვინ მოდის საქართველოში - აშშ
ანტმანი: თუ შანსებს ვერ იყენებ, ამით მეტოქე სარგებლობს
ბაჰრეინთან მატჩში საქართველოს ნაკრების შემადგენლობა ცნობილია
რობერტსონი "ლივერპულიდან" "ტოტენჰემში" გადავიდა
BILD: აი, ასე დასცინოდა სლოტი "ლივერპულის" ახალწვეულებს
პალიკო ჯიმშელაძე ბორჯღალოსნებში ბრუნდება!
ვინგსმა ჰიუნდაი დაამარცხა და ფინალში ვსა-ს შეუწყვილდა | რა ხდება ასაკობრივ A ლიგებში?
"მე კი წავედი, მაგრამ მის ადგილას კარგად დავფიქრდებოდი" - კოულმა კალაფიორის "რეალში" შესაძლო ტრანსფერზე ისაუბრა
"შავი ლომი" | "ტოიოტა ჩელენჯს" "აირლინკ პუმასით" ვიწყებთ
კიტეიშვილი: სანაკრებო დონეზე შედეგები მარტივად არ მიიღწევა და ამისთვის მზად უნდა ვიყოთ
ოფიციალურად - "ლივერპული" ირაოლამ ჩაიბარა
U21 | აშშ V საქართველო - მატჩისწინა ვარჯიში ბრანსკოში
არც კოშტა და არც სვილარი - პსჟ იტალიელ მეკარეს დაიმატებს
Le Parisien: პსჟ-მ ბატრაკოვთან დაკავშირებით გადაწყვეტილება მიიღო
20 წ. | ვინ მოდის საქართველოში - ესპანეთი
ქალთა ნაკრები ფარერის კუნძულების ეროვნულ გუნდს უმასპინძლებს
"ხვიჩა პირველივე წუთებიდან ითამაშებს... მამარდაშვილს ვურჩევდი, რომ სხვა კლუბში გადავიდეს" - ვილი სანიოლის პრესკონფერენცია
ვან დერ ვაარტმა მიანიშნა, რომ რუსებმა ევროპირველობაზე დოპინგი მიიღეს
მატჩის დღე! ბაჰრეინთან "მამარდას" გარეშე და "კვარასთან" ერთად
ვლაჰოვიჩი "იუვენტუსს" თავისუფალი აგენტის სტატუსით დატოვებს