- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ევრო 2012-ის ჯგუფური ეტაპის შეჯამება და სიმბოლური ნაკრები
<p>გაზეთმა "ლელომ" ევროპის ჩემპიონატის ჯგუფური ეტაპი შეაჯამა და რჩეულები დაასახელა <br> ევროპის 2012 წლის ჩემპიონატის ჯგუფური ეტაპის სიმბოლური ნაკრების შედგენისას "ლელოს" უცხოური ფეხბურთის განყოფილებაში ბევრი ვიფიქრეთ, ვიმსჯელეთ და ვიკამათეთ.</p><p>ასეთ დროს ტაქტიკურ სქემას დიდი მნიშვნელობა არ აქვს, მაგრამ წესია: საუკეთესო ფეხბურთელებისა და ტაქტიკის შესაბამისობა უნდა შედგეს.</p><p>ფაქტია, რომ ამ თერთმეტი ფეხბურთელის გარდა, სიმბოლურში მოხვედრას კიდევ არაერთი მოთამაშე იმსახურებდა, მაგრამ სიმბოლურში მხოლოდ თერთმეტი ადგილია.</p><p>შესაბამისად, ალბათ, უპრიანი იქნება, თუ, ასე ვთქვათ, სათადარიგოებსაც ჩამოვწერთ და ეს ბარემ აქვე გავაკეთოთ: მანუელ ნოიერი (გერმანია), ოლოფ მელბერგი (შვედეთი), ჩავი (ესპანეთი), ფრანკ რიბერი (საფრანგეთი), კლაუდიო მარკიზიო (იტალია), სამი ხედირა (გერმანია), ალან ძაგოევი (რუსეთი), მარიო მანჯუკიჩი (ხორვატია).</p><p>რაც შეეხება ჯგუფური ეტაპის სიმბოლური ნაკრების ძირითად შემადგენლობას:</p><p><strong><span style="color: #ff0000;">1. ჯანლუიჯი ბუფონი (იტალია)</span></p><p></strong>ფაქტია, რომ ყველაზე მეტად მეკარის შერჩევა გაგვიჭირდა. ამ პოზიციაზე სამი კანდიდატი გვყავდა: <strong>ჯანლუიჯი ბუფონი, მანუელ ნოიერი</strong> და <strong>იკერ კასილიასი</strong>.</p><p>ბევრი ვიმსჯელეთ თუ ცოტა, საბოლოოდ ერთხმად მივედით ასეთ დასკვნამდე: ჯიჯი სულ სხვაა!</p><p>"სკუადრა აძურას" კარის დარაჯს ფანტასტიკური სეივები არ უკეთებია, მაგრამ ბუფონის გენიალურობა ხომ პოზიციის იდეალურად შერჩევაშია. რამდენიმე ბრწყინვალე სეივი ნაღდად შემოგვთავაზა, საერთო ჯამში კი იტალიელთა კარის უსაფრთხოება უფრო თავისი სიმსუბუქით, მაქსიმალური კონცენტრაციით და ქარიზმით განაპირობა.</p><p>იტალიელებმა ჯგუფურ ეტაპზე ორი გოლი გაუშვეს და ჯიჯის ამ გოლებში იოტისოდენა ბრალიც კი არ მიუძღვის.</p><p><strong><span style="color: #ff0000;">2. მატს ჰუმელსი (გერმანია)</span></p><p></strong>გერმანიის ნაკრების ცენტრალური მცველი ესპანელ შემტევ ნახევარმცველ <strong>დავიდ სილვასთან</strong> ერთად ჯგუფური ეტაპის ერთ-ერთი საუკეთესო ფეხბურთელია.</p><p>კიდევ ერთხელ გვიწევს იმის გამეორება, რომ ჰუმელსის ძირითად შემადგენლობაში თამაშს ბევრი არ ელოდა - ევროპის ჩემპიონატის წინ ბუნდესგუნდის დაცვის ცენტრში <strong>ჰოლგერ ბადშტუბერთან</strong> ერთად არა დორტმუნდელი, არამედ <strong>პერ მერტეზაკერი</strong> მოიაზრებოდა, მაგრამ გერმანელთა თავკაცი <strong>იოახიმ ლიოვი</strong> სწორედ ჰუმელსს ენდო და ამ უკანასკნელმაც იმედები ასი პროცენტით გაამართლა.</p><p>ჰუმელსი სამივე მატჩში (თანაც, როგორ მეტოქეებთან?!) მოწოდების სიმაღლეზე იდგა, ფაქტობრივად, არცერთი პოზიციური შეცდომა არ დაუშვა (აღარაფერს ვამბობთ ინდივიდუალურ უშეცდომობაზე) და რაც ყველაზე საინტერესოა, რამდენჯერმე შეტევებშიც სახიფათოდ ჩაერთო.</p><p>ჰუმელსს მხოლოდ მეორე ტურში ჰოლანდიელი <strong>რობინ ვან პერსის</strong> წინააღმდეგ ბრძოლა გაუჭირდა, მაგრამ იმდენად უმნიშვნელოდ, რომ ეს შეგვეძლო, არც გვეთქვა. სხვა მხრივ, მატსი უნაკლო გახლდათ...</p><p><strong><span style="color: #ff0000;">3. ჰოლგერ ბადშტუბერი (გერმანია)</span></p><p></strong>...ისევე, როგორც ბადშტუბერი! თამამად უნდა ვთქვათ, რომ ბაიერნელთაგან გასული სეზონის უტიტულოდ დამთავრება ყველაზე ნაკლებად ბადშტუბერს ეტყობა.</p><p>ჰოლგერმა სამივე მატჩში დაამტკიცა, რომ არა მარტო გერმანიის ნაკრების ძირითად შემადგენლობას იმსახურებს, არამედ ბუნდესგუნდის დაცვის ბურჯია. პოზიციურად ყველა ცენტრალურ მცველზე უკეთ თამაშობდა. მხოლოდ პორტუგალიასთან დაუშვა რამდენიმე უმნიშვნელო შეცდომა.</p><p>სამაგიეროდ, ბადშტუბერი შეტევებში ვერ ერთვება ისე, როგორც საჭიროა და ამ მხრივ ჰუმელსს მაგრად ჩამორჩება.</p><p><strong><span style="color: #ff0000;">4. სტივენ ჯერარდი (ინგლისი)</span></p><p></strong>ინგლისის ნაკრებმა D ჯგუფში პირველი ადგილი დაიკავა და, ფაქტობრივად, ვალდებულები ვიყავით, რომ ჯგუფური ეტაპის სიმბოლურ ნაკრებში ერთი ინგლისელი მაინც ყოფილიყო.</p><p>არა, ამას იმიტომ არ ვამბობთ, რომ <strong>სტივენ ჯერარდმა</strong> ეს არ დაიმსახურა - უბრალოდ, მაინცდამაინც პირველი არჩევანი არ ყოფილა.</p><p>სიმბოლურ ნაკრებში ერთი კლასიკური ჩამშლელი, ტიპური "ექვსიანი" აუცილებლად უნდა იყოს და ვფიქრობთ, ასეთებიდან აქ მოხვედრას გერმანელთა მშრომელი საყრდენი <strong>სამი ხედირა</strong> იმსახურებდა, მაგრამ ზემოთ მოყვანილი მიზეზის გამო არჩევანი ჯერარდზე შევაჩერეთ.</p><p><strong>ფრენკ ლემპარდის</strong> არყოფნაში სტივი ინგლისის ნაკრების შუა ხაზის შეფია. სამივე მატჩი მაღალ დონეზე ჩაატარა და რაც ასევე მნიშვნელოვანია, სამი საგოლე პასი აქვს გაკეთებული. მის გარდა, ასეთი შედეგით მხოლოდ მთლიანად პირველი ტურის საუკეთესო ფეხბურთელი <strong>დავიდ სილვა</strong> თუ დაიკვეხნის.</p><p><strong><span style="color: #ff0000;">5. დანიელე დე როსი (იტალია) </span></p><p></strong>როცა დავრწმუნდით, რომ ჯგუფური ეტაპის სიმბოლური ნაკრებისთვის 3-მცველიან ტაქტიკას ვერსად გავექცეოდით (ფლანგის მცველებს არ უფრენიათ), მაშინვე მივხვდით, რომ ცენტრისთვის <strong>დანიელე დე როსი</strong> იყო ზედგამოჭრილი.</p><p><strong>ჩეზარე პრანდელიმ</strong> "რომას" ნახევარმცველი (ვიმეორებთ: ნახევარმცველი) ესპანეთსა და ხორვატიასთან სწორედ ასეთ ტაქტიკურ სქემაში, დაცვის ცენტრში ათამაშა და დე როსი მისთვის ერთი შეხედვით უჩვეულო პოზიციაზე ბრწყინვალე იყო. ირლანდიასთან კი თავის პოზიციას დაუბრუნდა და იქაც ჩვეულად ითამაშა, თუმცა სიმბოლურ ნაკრებში ცენტრალური მცველის რანგში მოხვედრა დაიმსახურა.</p><p>იტალიელებმა ესპანეთთანაც გაუშვეს გოლი და ხორვატიასთანაც, მაგრამ დე როსი ორივე გოლის დროს აბსოლუტურად უდანაშაულო იყო, <strong>ბონუჩის</strong> და <strong>კიელინის</strong> იდეალურად აზღვევდა და ორივე მატჩში განმუხტა ყველაფერი, რისი განმუხტვაც შეეძლო.</p><p>მეოთხედფინალის წინ კიელინი დაშავდა და იტალიელები დიდად არ ნერვიულობენ - ეს დე როსის დამსახურებაცაა.</p><p><strong><span style="color: #ff0000;">6. ანდრეს ინიესტა (ესპანეთი)</span></p><p></strong>ესპანეთის ნაკრების ფეხბურთელებს ფეხბურთის თამაშის სურვილი ძალიან იშვიათად უქრებათ ხოლმე და თუ მაინც ასე მოხდა, პირველი, ვინც სიზარმაცის საწინააღმდეგოდ მოქმედებს, <strong>ანდრეს ინიესტაა</strong>.</p><p>ანდრესი <strong>ვისენტე დელ ბოსკეს</strong> გუნდში ძალიან კარგად მოთამაშე იტალიის ნაკრების წინააღმდეგაც საუკეთესო იყო. ესპანელებმა ირლანდია რომ გაანადგურეს, ეს მისი დამსახურებაც გახლდათ. ხორვატიასთან კი ასე კარგად აღარ უთამაშია, თუმცა "ფურია როხაში" მაინც გამორჩეული ფეხბურთელი იყო.</p><p><strong><span style="color: #ff0000;">7. კრიშტიანო რონალდო (პორტუგალია)</span></p><p></strong>პორტუგალიელ დივას ყოველთვის ძალიან ბევრს ვთხოვთ, რაც ლოგიკურია და სიმართლე გითხრათ, დიდხანს ვფიქრობდით, შეგვეყვანა თუ არა ჯგუფური ეტაპის სიმბოლურ ნაკრებში.</p><p><strong>კრიშტიანო რონალდო</strong> გერმანიასა და დანიასთან თითქმის საერთოდ არ ჩანდა და ამის გამო მაგრადაც ვაკრიტიკეთ, მაგრამ ჰოლანდიასთან გადამწყვეტ მატჩში იმდენად კარგად ითამაშა, რომ ვფიქრობთ, ეს ადგილი დაიმსახურა.</p><p>კარგ თამაშსაც რომ თავი დავანებოთ, სწორედ რონალდომ გაუტანა ჰოლანდიის ნაკრებს ორივე გოლი და თამაში პორტუგალიელთა სასარგებლოდ შეატრიალა.</p><p>ასეთ ეფექტურ რონალდოსთან ერთად, პორტუგალიის ნაკრებს ნახევარფინალში გასვლა არ უნდა გაუჭირდეს.</p><p><strong><span style="color: #ff0000;">8. ანდრეა პირლო (იტალია)</span></p><p></strong>...კაცი, რომელიც თავის საქმეს ყოველთვის უმაღლეს დონეზე აკეთებს, ნერვაუტოკებელია და მშვიდად არიგებს გენიალურ პასებს.</p><p><strong>ანდრეა პირლოს</strong> დეტალური დახასიათება შორს წაგვიყვანს და უმჯობესია, აქ მხოლოდ ისღა ვთქვათ, რომ თითქმის დარწმუნებულები ვართ: იტალიის ნაკრებს პირლოს გარეშე ჯგუფიდან გასვლა ძალიან გაუჭირდებოდა.</p><p><strong>ანტონიო დი ნატალემ</strong> ესპანეთთან მატჩში ანგარიში სწორედ პირლოს ბრწყინვალე პასით გახსნა, ხორვატიას კი ანდრეამ შესანიშნავი ჯარიმა გაუტანა - აღარაფერს ვამბობთ თითქმის ყველა შეტევის ორგანიზებასა და სხვა გენიალურ პასებზე.</p><p>ირლანდიასთან უმაღლეს დონეზე მხოლოდ პირველი 30 წუთი ითამაშა, მაგრამ ჯგუფური ეტაპის სიმბოლური მის გარეშე, წესით, ყველასათვის წარმოუდგენელი უნდა იყოს.</p><p><strong><span style="color: #ff0000;">9. ზლატან იბრაჰიმოვიჩი (შვედეთი)</span></p><p></strong>შვედეთის ნაკრები მეოთხედფინალში რომ ვერ გავიდა, ნეიტრალურ ქომაგს გული მხოლოდ ორ ფეხბურთელზე დასწყდებოდა: ერთი სიმბოლური ნაკრების სათადარიგოთა სკამზე დავსვით (მელბერგი), მეორე კი იბრაჰიმოვიჩია!</p><p>ზლატანმა სამივე მატჩში შესანიშნავი თამაშით, უდიდესი შრომით და ორი ერთმანეთზე უკეთესი გოლით დაამტკიცა, რომ ევრო 2012-ს მართლაც ძალიან კარგ ფორმაში მყოფი შეხვდა.</p><p>პლეი ოფიდან იბრა თვალს ძალიან დააკლდება...</p><p><strong><span style="color: #ff0000;">10. დავიდ სილვა (ესპანეთი)</span></p><p></strong>ჯგუფური ეტაპის შემდეგ <strong>დავიდ სილვა</strong> ესპანეთის ნაკრების და მთლიანად ევროპის ჩემპიონატის საუკეთესო ფეხბურთელია. დავიდი დელ ბოსკეს გუნდის კომბინაციური ფეხბურთის ნათელი წერტილია, არაერთი ინდივიდუალური ბრწყინვალებით.</p><p>სილვას სამივე მატჩში არაერთი გამონათება ჰქონდა, მაგრამ ყველაზე დასამახსოვრებელი მაინც ის დრიბლინგია, რომელიც ირლანდიასთან მატჩში შესანიშნავი გოლით დააგვირგვინა.</p><p><strong><span style="color: #ff0000;">11. მარიო გომესი (გერმანია)</span></p><p></strong>გერმანელი ექსპერტებისთვის რომ გეკითხათ, წესით, ჰუმელსის დარად, ბუნდესგუნდის ძირითად შემადგენლობაში არც <strong>მარიო გომესს</strong> უნდა ეთამაშა.</p><p>პრინციპში, შესაძლოა, ლიოვს ასეც ჰქონდა ჩაფიქრებული, მაგრამ რაკი <strong>მიროსლავ კლოზემ</strong> ფორმის აღდგენა ვერ შეძლო, პორტუგალიასთან გომესმა ითამაშა და გაიტანა გოლი, რითაც გერმანიას პირველი სამი ქულა მოუტანა.</p><p>გარდა ამისა, მარიომ პირველ მატჩში ბევრიც იშრომა და ლიოვი, ფაქტობრივად, იძულებული გახდა, სასტარტოში დაეტოვებინა.</p><p>ჰოლანდიასთან გომესი კიდევ უფრო ეფექტური გახლდათ - "ნარინჯისფერებს" დუბლი შეუსრულა. დანიასთანაც ბევრს ეცადა, მაგრამ ისე კარგად აღარ უთამაშია, როგორც პირველ ორ მატჩში, მაგრამ ჯამში, ჯგუფურ ეტაპზე გომესის თამაში ძალიან კარგად უნდა შეფასდეს.</p><p><img src="/media/images/new_photo/UCXOURI/2012/SOCCER/euro2012/sportall euro 2012 group simbol.jpg" border="0" alt="Sportall.Ge" title="ევრო 2012-ის ჯგუფური ეტაპის შეჯამება და სიმბოლური ნაკრები" width="580" height="900" /></p><p><em>ამოვისუნთქოთ, შევაჯამოთ... (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p>ასევე იხილეთ:</p><p><a href="/fexburti/euro-2012/34481-evro-2012-iii-turis-statistika-krishtiano-ronaldos-pasukhi-kritikosebs.html" target="_blank"><span style="color: #ff0000;"><strong>ევრო 2012. III ტურის სტატისტიკა - კრიშტიანო რონალდოს პასუხი კრიტიკოსებს</strong></span></a></p>
-
espaneti
აი ამ ნაკრებს ბრ5აზილიის მე-10 სასტავი მოუგებს სამარცხვინოა პეხბურტის არ მცოდნეები ამას რო აკეტებდნენ და რა საქმეაქვს ამის გამკეტებელს პეხბურტტან :D ან რა პოზიციებია სჰერცჰეული როდის ნახეს ინიესტა მანდ თამაშობდა
-
terasini
აუ რა დგეში არიან ესპანეტის ფანები....მკვდარი ბუფონი ნაგდად ჯობია ცოცხალ კასილასს....
-
milanista
კასილიასი ბუფონამდე ვერასდროს ვერ მივა
-
shota
რა ბუფონი კასილასის გვერდით ბუფონის დაყენება სირცხვილია თან პენსიონერია უკვე და საერთოდ ჩავი რატო ამოაგდეთ
-
aleko
უნამოსობაა ეპანეტი კასილასმა გაიყვანა იმენა რასაც ქვია
-
aleko
უნამუსობაა კაი რა იმენა კასილასმა ესპანეტი გაიყვანა
-
zugbes
რა ბუფონი რის ბუფონი, კასილასი რომ არა ესპანეტი ჯგუფსჰი ცჰარცჰებოდა
-
gia
ბუფონის მაგივრად მართლა კასილასი უნდა ყოფილიყო დაჟე ჰარტს დავაყენებდი ბუფონის წინ მიუხედავად იმისა რომ გოლები გაუშვა... ეს ჩემი სუბიექტური აზრია.
-
nickname
ბუფონის ადგილი მგონი არ იყო აქ რა, კასილასმა ბევრად უკეთესად ითამაშა ჯგუფურზე და ეს ფაქტია რა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა
"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა