კანადა-საქართველო 31:12 - "ბორჯღალოსნებს" გაკვეთილი ბარნაბიშიც ჩაუტარეს [+VIDEO]

საქართველოს ნაკრების ჩრდილოამერიკული მეორე ტურნე, პირველის მსგავსად, წარუმატებელი გამოდგა საქართველოს ნაკრების ჩრდილოამერიკული მეორე ტურნე, პირველის მსგავსად, წარუმატებელი გამოდგა."ბორჯღალოსნებმა" ორი ტესტმატჩიდან ორივე წააგეს. მეორე შეხვედრა ჩვენმა გუნდმა ბრიტანულ კოლუმბიაში ვანკუვერის მახლობლად, ქალაქ ბარნაბიში კანადის ნაკრებთან გამართა და 12:31 დამარცხდა.ისევე, როგორც ამერიკელებთან პირველ შეხვედრაში, თამაში თავიდანვე არ აეწყო და 31-ე წუთისთვის კანადელები მშრალი ანგარიშით, 20:0 დაწინაურდნენ. ტაიმი კი მასპინძლებმა 16 ქულის სხვაობით, 23:7 მოიგეს და ასეთი ჩამორჩენის აღმოფხვრა, მიუხედავად იმისა, რომ მეორე ნახევარში უკეთესად ითამაშეს, ქართველმა მორაგბეებმა ვეღარ მოახერხეს.კანადელთაგან მატჩის გმირი ავსტრალიური წარმოშობის ფულბეკი ჯეიმ პრიტჩარდი გახდა, რომელმაც გუნდს 21 ქულა მოუტანა. მის ანგარიშზე ერთი ლელო, ოთხი საჯარიმო და ორი გარდასახვაა. პირველი ლელო "ბორჯღალოსნებმა" მატჩის დასაწყისშივე, მე-5 წუთზე მიიღეს და ეს სამხრეთაფრიკული წარმოშობის გარემარბმა დი თი ეიჩ ფან დერ მერვემ მოახერხა."ბორჯღალოსნებმა" თამაში პირველი ტაიმის მიწურულსღა გამოაკეთეს, მაშინ, როცა ანგარიში 0:20 იყო. ქართველთა შეტევა ლელოთი შერკინების პირველხაზელმა მიხეილ ნარიაშვილმა დაასრულა. მგეზავმა მერაბ კვირიკაშვილმა გარდასახვა ზუსტად დაარტყა - 7:20. ტაიმის ბოლო წამებზე პრიტჩარდმა საჯარიმო გაგვიტანა და თავისიანები 16 ქულით დააწინაურა."დასაწყისშივე რამდენიმე უაზრო შეცდომა დავუშვით, რამაც საშუალება მისცა მეტოქეს, ანგარიშში საგრძნობლად დაწინაურებულიყო. ამიტომ მუდამ მდევრის როლში ყოფნა მოგვიწია" - თქვა ნამატჩევს საქართველოს ნაკრების მთავარმა მწვრთნელმა მილტონ ჰეიგმა.შესვენების შემდეგ, ძირითადად, საქართველოს ნაკრები უტევდა. ჩვენმა გუნდმა მეტოქის ნახევარზე დროის უდიდესი ნაწილი გაატარა, მეტოქეს ბურთის ფლობაშიც ვაჯობეთ, მაგრამ ხელიდან იმდენად ხშირად გვივარდებოდა, რომ მატჩის კომენტატორმა იხუმრა კიდეც - იმდენი შერკინება დაინიშნა, რომ ამ მატჩში რეკორდი დამყარდაო.მასპინძელთა სასახელოდ უნდა ითქვას, რომ დაცვაში შესანიშნავად გაისარჯნენ და ჩვენს გუნდს ლელოს გატანის საშუალება მხოლოდ ერთხელ მისცეს. 67-ე წუთზე, როცა 7:28-ს ვაგებდით, თავი შეცვლაზე შესულმა მესამეხაზელმა შალვა სუთიაშვილმა გამოიჩინა. გარდასახვა ასევე შეცვლაზე შესულმა მგეზავმა ლაშა მალაღურაძემ ვერ გაიტანა - 12:28.ცხადია, "ბორჯღალოსნების" თავკაცი მილტონ ჰეიგი გუნდის თამაშით უკმაყოფილო იყო."გაწბილებული ვარ. ვერაფრით მოვახერხეთ კანადელების ფულბეკის, ჯეიმზ პრიტჩარდის შეჩერება. ძალიან ხშირად ვჯარიმდებოდით, განსაკუთრებით, პირველ ნახევარში. კანადელთა მექულეს მეტი რა უნდოდა, ნებისმიერი წერტილიდან ზუსტად ურტყამდა.ერთი რამ მაინც კარგი იყო - ძალიან ბევრი ახალგაზრდა ვათამაშეთ. ისეთ ძლიერ გუნდთან, როგორიც კანადის ნაკრებია, მათ ფასდაუდებელი გამოცდილება შეიძინეს".ერთი სიტყვით, ჩრდილოამერიკული ტურნე საქართველოს ნაკრებისთვის წარუმატებლად დასრულდა. ნათლად გამოჩნდა, რომ საკმარისია, გუნდს რამდენიმე წამყვანი მორაგბე დააკლდეს, ტოლ-სწორ მეტოქეებთან თამაშში უძლური ხდება. მოკლე სათადარიგო სკამი ჩვენი ნაკრების ერთ-ერთი ყველაზე მთავარი პრობლემაა, რაც ერთი ხელის დაკვრით არ გადაიჭრება.ამასობაში ამერიკის შეერთებული შტატების ნაკრებმა, რომელთანაც "ბორჯღალოსნები" ერთი კვირის წინათ 20:36 დამარცხდნენ, ჰიუსტონში იტალიის ეროვნულ გუნდთან 10:30 წააგო.კანადა-საქართველო 31:12კანადა (15-9) პრიჩარდი, დიუქი (ჰესლერი 76), თრეინორი, მაკქენზი, ფან დერ მერვე, ევანსი (ჰერნი 79), ფერჰერსთი (ვაითი 54). (1-8) დოლეჟელი (პლეჩი 64), ტიდმენი, მარშალი, სინკლერი, ჰოტსონი (ბექაბუმი 73), არდრონი, დალა (ვულრიჯი 73), კარპენტერი (ფელანი 80).3ლ: ფან დერ მერვე, პრიტჩარდი, დიუქი. 4ს,2გ: პრიტჩარდი.საქართველო (15-9) ყიასაშვილი, მაჩხანელი, კაჭარავა, ზიბზიბაძე, გუგავა (თოდუა 56), კვირიკაშვილი (მალაღურაძე 49), აბუსერიძე (სამხარაძე 64). (1-8) ნარიაშვილი (ჩილაჩავა 61), ბელქანია (მამუკაშვილი 56), ზირაქაშვილი, ჩხაიძე, ვ. მაისურაძე (ბერიშვილი 65), ლაბაძე (სუთიაშვილი 49), თხილაიშვილი, ბიწაძე.2ლ: ნარიაშვილი, სუთიაშვილი. გ: კვირიკაშვილიმსაჯი: დეივ პირსონი (ინგლისი).სხვა მატჩები არგენტინა-საფრანგეთი 10:49, ავსტრალია-უელსი 20:19, ახალი ზელანდია-ირლანდია 60:0, სამოა-შოტლანდია 16:17, სამხრეთ აფრიკა-ინგლისი 14:14.ყოველდღიური სპორტული გაზეთი "ლელო"ასევე იხილეთ:<a href="/regbi/qarthuli-ragbi/erovnuli-nakrebi/34247-ashsh-saqarthvelo-3620-amerikam-revanshi-aigho.html" target="_blank">აშშ-საქართველო 36:20 - ამერიკამ რევანში აიღო</a>

senakeli

მაკას - 34 საატიანი მგზავრობა რატო? ცხენით იმგზავრეს?
maka

რატომ ხართ ასეთი უმადურები? ხალხი თვეობით გადის აკლიმატიზაციას, 34 სათიანი მგზავრობა, 12 საათიანი სხვაობა დროში, ნუთუ ეს არაფერს ნიშნავს? ზუსტად ეგ საცდელი შემადგენლობა იყო უელსში არაჩვეულებრივად მოიგო. აი ესპანეთის წაგება კი აბუსერიძის კისერზეა, ეგაც ვეტერანი....
koka

არა გლახუნა ზიზღნარევ კომენტარს კია არ ვაკეთებ არამედ მინდა რაც ნაკლებს იტრაბახებენ და მეტს ითამაშებენ იცი რა არის ჩემო კარგო ჯერ უნდა გადახტე და ჰოპლა მერე უნდა დაიძახო იმედია ამის მერე მაინც მიხვდებიან რომ რომ ჩვენთვის ჯერ ადრეა იმაზე ტრაბახი არიქა იტალიას უკვე გადაუსწარით შოტლანდიას და უელსს დავეწიეთ და ცოტა გვიკლია ინგლისსა და საფრანგეთამდეო მესამე მსოფლიო თასი მოვლიეთ და ჯერ რუმინეთისა და ნამიბიის გარდა ვერ მოუგეთ ვერც ერთ მეტნაკლებად სერიოზულ გუნდს და საიდან ასეთი ტრაბახი და თვითდაჯერებულობა ამას ვერ ვხვდები
glaxuna

ერთი საიდან და რატო ასეთი ზიზღნარევი კომენტარები ქართულ რაგბის სამყაროს...აგვიხსენით ერთი!!! ეს მოსამზადებელი და ახალი თაობის გამოცდისათვის გათვალისწინებული თამაშები იყო და მეტი არაფერი...მშივდა დ იყავით,თქვენ ნუ ინერვიულებთ,იტალიელებსაც მალე მოვუგებთ და შოტლანდიელებთან...მანამ ქართულ ფეხბურთს უქომაგეთ...უჯიგრო,უსისხლო და მუდამ ფრთხალ ფეხბურთს რო თამაშობენ და მით შეურაცყოფას რო გვაყენებენ ქართველობას.
koka

არა უშავს დავიჭერთ ისევ რუსებს ან უკრაინელებს მოუგებთ მსუყე ანგარიშით და ავტეხავთ ისევ წივილ კივილს ექვსი ერის პირველობაზე დაგვიშვითო ჩვენ წინსვლას დაჟე ახალზელანდიელებიც კი აფასებენო და წავა ბარონ მიუნჰაუზენობა ჯერ ბურთის ხელში დაჭერა ისწავლეთ და მერე იფიქრეთ იტალიაზე და სამოაზე აღარაფერს ვიძახი ბობოლებზე
sasha

ესენი არ იყვნენ კანადას უნდა დავაპუტოთ ფოთლებიო???თუ ტრაკი არ ქონდათ ჩუმად ყოფილიყვნენ!კანადელებმა ბორჯხაზე რომ ატრიალეს მიკუზულები არსად უთქვამთ არც წინასწარ და არც მერე

შტორმის მოლოდინში და სრული დომინაციით - საქართველოს ნაკრებმა ერთა თასზე ჩილესაც მოუგო

დავით ნინიაშვილი: მიზანი სამი მოგებაა

"ბორჯღალოსნები" | 21 წლის შემდეგ ჩილესთან - თითქმის უცვლელი შემადგენლობით

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა