- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბეგი დარჩიამ ოლიმპიური ნაკრები გამოაცხადა
<p>უახლოეს უქმეებზე დორტმუნდში ვაჟ მოჭიდავეთა შორის "დიდი პრიზის" ტურნირი გაიმართება, თუმცა ჩვენგან მასში მონაწილეობას მხოლოდ ბერძენ-რომაელები მიიღებენ <br> უახლოეს უქმეებზე, ანუ ივნის-ივლისის მიჯნაზე, დორტმუნდში ვაჟ მოჭიდავეთა შორის "დიდი პრიზის" ტურნირი გაიმართება, თუმცა ჩვენგან მასში მონაწილეობას მხოლოდ ბერძენ-რომაელები მიიღებენ.</p><p>საქართველოს ნაკრები ამ დილით გაფრინდა გერმანიაში, სადაც მთავარმა მწვრთნელმა ბეგი დარჩიამ რევაზ ლაშხი (60), მანუჩარ ცხადაია, ზურაბ დათუნაშვილი (74), ვლადიმერ გეგეშიძე (84), სოსო ჯაბიძე (96) და გურამ ფერსელიძე (120) წაიყვანა.</p><p>დარჩია უკვე არც მალავს, რომ სწორედ ესაა ოლიმპიური გუნდი, ანუ ლონდონშიც ეს ფალავნები იჭიდავებენ, თუმცა ამაში დამალული არც აქამდე იყო რამე.</p><p>უბრალოდ, მწვრთნელი უკვე ოფიციალურად ადასტურებს, რომ კონკურენცია ყველა წონაში დასრულდა და ოლიმპიელები საბოლოოდ გამოვლინდნენ. არსებითად, გასარკვევიც მხოლოდ 74 კგ წონის საკითხი იყო, სადაც სავსებით სამართლიანად ლონდონში გამოსვლის უფლება დათუნაშვილმა მოიპოვა.</p><p>როგორც ხედავთ, 74-ში გერმანიაშიც ორი კაცი გვეყოლება. დათუნაშვილი, ცხადაია, დროებით ჭიდაობს იქ - მწვრთნელები ამ ეტაპზე წონას არ აკლებინებენ, თორემ ოლიმპიადაზე 66-ში გამოვა.</p><p>ამჟამად ის 71 კილოგრამია, სხვებს კი უმნიშვნელო წონა, თითო-ოროლა კილოგრამი აქვთ დასაკლები თამაშებამდე.</p><p>ეს გუნდი ვარსკვლავთა სიმრავლით აშკარად ჩამორჩება პეკინში ნაჭიდავებს, სადაც დარჩიამ მსოფლიოს სამი ჩემპიონი ჩაიყვანა - დავით ბედინაძე (60), მანუჩარ კვირკველია (74) და რამაზ ნოზაძე (96). ახლა გუნდში ასეთი კაშკაშა ვარსკვლავები არ არიან.</p><p>გუნდის ექვსივე წევრი ოლიმპიადის დებიუტანტია. ამჟამინდელ გუნდში ლაშხი ევროპის ჩემპიონია, ცხადაია - მსოფლიოს ორგზის და ევროპის წლევანდელი ვერცხლისმედალოსანი, ჯაბიძე - ევროპის ბრინჯაოსპრიზიორი, დანარჩენებს კი ზურგს ჯერ მხოლოდ ახალგაზრდებში მოპოვებული წარმატებები უმაგრებს, ხოლო უფროსებში ახლა ცდილობენ შედეგის მიღწევას.</p><p>ალბათ, წამყვან ქვეყნებს შორის მთლიანად დებიუტანტთა გუნდიც დიდი იშვიათობაა, ჩვენებში კი ყველაზე გამოუცდელი, ახალგაზრდებში მსოფლიოს შარშანდელი ვიცე-ჩემპიონი და ევროპის პრიზიორი დათუნაშვილია -მას აქამდე პირველხარისხოვან ტურნირზე არასოდეს უჭიდავია და ყველაზე მთავარით, ოლიმპიადით იწყებს.</p><p>თუმცა დაწყებასაც გააჩნია - ჩვენი გუნდიდან ლონდონშიც სწორედ ის იჭიდავებს პირველად და მთელი სასტარტო მღელვარება მასზე გადაივლის. ის 5 აგვისტოს იასპარეზებს, ლონდონში კი დარჩიასთან ერთად 2-ში გაფრინდება.</p><p>გერმანიაში მიმავალმა გუნდმა გუშინ თბილისში, ფალავანთა კლუბში ივარჯიშა, თუმცა ყველამ - ინდივიდუალური გრაფიკით, რაც მათი სადღეისო მდგომარეობის სპეციფიკითაა გამოწვეული - ზოგმა მხოლოდ ირბინა; უმეტესობამ ლეიბზეც ივარჯიშა, სადაც ასევე განსხვავებულად დაიტვირთა; ზოგი საუნაში აკონტროლებდა საკუთარ წონას.</p><p>ვარჯიშის დასასრულს მათთან მსოფლიოს ჩემპიონი მიხეილ სალაძე მივიდა და ოლიმპიადის წინ მეტად საჭირო რჩევა-დარიგებები მისცა. "შრომა არასოდეს იკარგება. ამიტომ თუ გულმოდგინედ ივარჯიშებთ, წარმატებასაც მოიპოვებთ.</p><p>სულ ათი წელიწადი გაქვთ იმისთვის, რომ ხალხის სიყვარული დაიმსახუროთ და ეს დრო მაქსიმალურად უნდა გამოიყენოთ" - უთხრა მან მომავალ ოლიმპიელებს.</p><p>მსოფლიოს უმეტესი ქვეყნებისთვის დორტმუნდის ტურნირი სასტარტოა ოლიმპიადისთვის მოსამზადებელ გზაზე, როგორც ბოლო უქმეებზე პოლონურ რაციზბორში გამართული პეტლიასინსკის მემორიალი. ამიტომ მოსალოდნელია, რომ გერმანიაში ძლიერი შემადგენლობა შეიკრიბება.</p><p>მაგალითად, არაა გამორიცხული, ლაშხი იქ ისევ შეხვდეს თავის ერთ-ერთ მთავარ კონკურენტს, მსოფლიოსა და ევროპის ჩემპიონ ჰასან ალიევს აზერბაიჯანიდან, რომელიც ერთ-ერთია იქაურთა თურქი მწვრთნელის, სალეხ ბორას ორკაციან გუნდში, ხოლო აზერბაიჯანელ "თავისუფალთა" დაღესტნელი თავკაცი საიპულა აბსაიდოვი 74-ში ოლიმპიადაზე დავით ხუციშვილის შესაძლო მეტოქის გამოვლენას სულაც იქ აპირებს.</p><p>30 ივნისს 60, 66, 84 და 96 კილოგრამის ფალავნები იჭიდავებენ ორივე სახეობაში, დანარჩენები კი 1 ივლისს იასპარეზებენ.</p><p>გერმანიაში გამგზავრებამდე ბეგი დარჩიას მცირე კომენტარი ვთხოვეთ გუნდის ამჟამინდელ მოსამზადებელ ფორმასა და ოლიმპიადისთვის მოსამზადებელ გეგმაზე.</p><p><strong>- გასაგებია, რომ ამ ეტაპზე გუნდი ვერ იქნება ფორმაში, მაგრამ არის კი ნაკრები იმ კონდიციაში, რაც სადღეისოდ მოეთხოვება? მიდის მზადება გეგმაზომიერად და შეუფერხებლად?</p><p></strong>- გუნდის მომზადებით კმაყოფილი ვარ, რადგან შეესაბამება ამ ეტაპისთვის საჭირო მოთხოვნებს, ფორმაში კი ოლიმპიადისთვის შევალთ. სპორტსმენებში აშკარად იგრძნობა მონდომება და ადრინდელთან შედარებით, გაცილებით უკეთესი მდგომარეობაა.</p><p><strong>- გერმანული ტურნირისგან რას ელოდებით?</p><p></strong>- ამ ეტაპზე სატურნირო სტარტი აუცილებელი იყო, რადგან თუ არ ვიჭიდავებდით, ბოლო შეჯიბრებიდან ოლიმპიადამდე სამთვიანი შუალედი გამოგვივიდოდა.</p><p>ამიტომ ამ შეჯიბრებას ოლიმპიადისთვის მოსამზადებლად განვიხილავთ და შედეგს დიდ მნიშვნელობას არ ვანიჭებთ. მთავარია, ბიჭებმა სატურნირო პრაქტიკა მიიღონ.</p><p>მჯერა, მოინდომებენ და საოლიმპიადოდ საჭირო დონეს მიაღწევენ - ამის წინაპირობა არის. იმის მიუხედავად, რომ გუნდში თაობათა ცვლა მოხდა და წინა ოლიმპიადაზე უფრო ძლიერი შემადგენლობა გვყავდა - მაშინ მსოფლიოს სამი ჩემპიონი ირიცხებოდა, მოტივაცია ახლა გაცილებით მეტია და შანსებიც იზრდება. იგრძნობა, რომ ბიჭებს შედეგი სწყურიათ. მათ ბევრი აქვთ დასამტკიცებელი, მოსაპოვებელი, რაც ჟინს, მისწრაფებას ზრდის.</p><p><strong>- ჯანმრთელობის მხრივ ხომ არ გაქვთ პრობლემები?</p><p></strong>- მხოლოდ ჯაბიძეს აწუხებს მცირე ტრავმა - ფეხის კუნთი ჰქონდა დაჭიმული და ბოლო შეკრება სრული დატვირთვით ვერ გაიარა. დანარჩენები ჯანმრთელად არიან, ტრავმირებული არავინაა და ოლიმპიადისთვის მთელი დატვირთვით ემზადებიან.</p><p><strong>- დასასრულს, თამაშებისთვის მზადების დარჩენილ ეტაპზეც გვითხარით...</p><p></strong>- გერმანიიდან მინსკში წავალთ ერთობლივ შეკრებაზე, სადაც, ჩემი ინფორმაციით, მასპინძლები ოთხი შემადგენლობით დაგვიხვდებიან.</p><p>იქნებიან ასევე - სომხები, ლიტველები, ფრანგები და ყაზახები. 10 დღე დაგვრჩება დასკვნითი შეკრებისთვის, რომელიც შეიძლება ისევ მინსკში გავიაროთ. თავდაპირველად საქართველოში კი ვგეგმავდით და ეს არც ახლაა გამორიცხული, მაგრამ მინსკის ვარიანტიც განიხილება. ეს საკითხი მოგვიანებით გაირკვევა.</p><p><em>დებიუტანტთა გუნდი - დორტმუნდში (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება
ინგლისური გრანდები "ბაიერნის" ვუნდერკინდისთვის იბრძოლებენ
კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა
17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა
დავითაშვილის "სენტ-ეტიენმა" დაძაბულ მატჩში "ნანტს" სძლია
VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...
გულიაშვილი არ ათამაშეს - "რასინგმა" "ესპანიოლს" მოუგო
ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება
ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა
VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი
წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა
ზივზივაძის "ჰაიდენჰაიმმა" "კოტბუსთან" ქულები გაიყო
ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!
"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ
"ვიმეგობებთ თუ არა მე და დვალიშვილი?" - იანმა შეკითხვას უპასუხა
ახალციხემ სუპერლიგაში პირველი გამარჯვება გორის ივერიონთან მოიპოვა
[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა
Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა
ნიკა ამაშუკელი - ტოკიო, ლონდონი და გენუა