რობერტო მანჩინი: ბარსელონას და რეალის მწვრთნელობას რა უნდა?

რატომ არ ცხოვრობს "მანჩესტერ სტის" თავკაცი რობერტო მანჩინი არხეინდ... რობერტო მანჩინი "მანჩესტერ სიტის" ბაზაზე კაბინეტში შევიდა და მწვრთნელთა შტაბის თათბირი მოიწვია. უკმაყოფილო ჩანდა, რადგან ვარჯიშზე, სადაც მომავალი შეხვედრის ტაქტიკას ამუშავებდნენ ყველაფერი ისე არ გამოვიდა, როგორც ვარაუდობდა. ერთი შეხედვით წვრილმანი ჩანდა, მაგრამ მწვრთნელს გუნება გაუფუჭა. იტალიელის განწყობაზე აშკარად მოქმედებდა ინგლისური წვიმაც."ხომ არ ფიქრობთ, რომ მანჩესტერში ამინდის ეშხით ჩამოვედი? - იკითხა სარკასტულად და საკუთარ კითხვას თავადვე უპასუხა - აქ მხოლოდ მოგებისთვის ვარ. მოგება მინდა, მეტი არაფერი".მართლაც, რა უჭირდა რობერტო მანჩინის საიმისო, პრემიერლიგის საგიჟეთში რომ არ გამოქცეულიყო? ზაფხულობით სარდინიაზე, პორტო ჩერვოს გოლფ კლუბში მდებარე თავის ვილაში ისვენებს ხოლმე, ზამთრობით კი... იტალიურ ფეხბურთში ლამის დიდგვაროვნად შერაცხული ნამდვილად მოახერხებდა სადმე თბილად მოწყობილიყო.მისი დიდგვაროვნებისა არ გჯერათ? მაშინ ასე გეტყვით: "ფიორენტინას" თავკაცად ისე დანიშნეს, სამწვრთნლო კურსები დამთავრებულიც კი არ ჰქონდა. სად-სად და მწვრთნელობაზე და ტაქტიკურ სქემებზე გადარეულ იტალიაში ასეთი რამ მანამდე წარმოუდგენელი იყო. "ფიორენტინას" შემდეგ მანჩინიმ გამოცდილება "ლაციოსა" და "ინტერში" გაიმდიდრა - მილანურ კლუბს სამჯერ ჩემპიონობა, ოთხჯერ კი თასი მოაგებინა - რის მერეც თავისუფლად შეეძლო მხართეძოზე წამოწოლილიყო და თითი თითზე აღარ დაედო, მაგრამ, ვერ მოისვენა, გაქანდა და ინგლისში მანჩესტერის მეორე გუნდს ჩაუდგა სათავეში. გუნდს, რომელსაც 1976 წლის შემდეგ აღარაფერი მოეგო.იმ წელიწადს, როსდესაც "სიტიმ" ლიგის თასზე გაიმარჯვა, რობერტო მანჩინი მხოლოდ ცამეტისა გახლდათ და ჯერ კიდევ მშობლებთან ცხოვრობდა. ერთი წლის შემდეგ ის უკვე ბოლონიის ყმაწვილთა საფეხბურთო აკადემიაში გადავიდა და მას მერე შინ აღარც დაბრუნებულა."ძალიან პატარა ვიყავი და პირველ წელიწადს გამიჭირდა _ ყვება ისტლენდელთა თავკაცი - ჩემი ვაჟები ახლა უკვე 18 და 20 წლისანი არიან, მაგრამ ცამეტისანი რომ იყვნენ, ვერსად გავუშვებდი. რას იზამ, ყველას თავისი გზა აქვს. ჩემთვის ცხოვრებაში მთავარი ფეხბურთი იყო და ისე ვიქცეოდი, როგორც ფეხბურთელის კარიერა ითხოვდა. 16 წლისა უკვე სერია A-ში "ბოლონიას" შემადგენლობაში ვთამაშობდი და პიროვნებად სწორედ მაშინ ჩამოვყალიბდი. კიდევ, ძალიან მნიშვნელოვანი როლი ითამაშა იმან, რომ არასდროს არ ვყოფილვარ დიდ კლუბის ფეხბურთელი. გუნდი რომელშიც ვთამაშობდი ყოველთვის ჩვეულებრივი, საშუალო იყო, მაგრამ დიდი შრომის ფასად წარმატებებსაც აღწევდა. "სამპდორიაში" კი 15 წელიწადი გავატარე.იცით, რამდენჯერ შემეძლო "მილანში", "იუვენტუსში" თუ "ინტერში" დარჩენა? მაგრამ, "სამპდორიას" ვუერთგულე, რადგან იქ თავს შინაურად ვგრძნობდი. "სამპდორიაში" კლუბის პრეზიდენტით დაწყბული ფეხბურთელებით დამთავრებული ყველა ჩემი ოჯახის წევრად მიმაჩნდა."მანჩესტერ სიტიც" "სამპდორიას" მაგონებს. თუ წარმატებებს მივაღწევთ, აქ ყველაფერი შეიცვლება. ისტლენდზე მთელ ცხოვრებას შევცვლით. სწორედ ახლა დგას ამისათვის შესაფერისი მომენტი. რომ მეკითხებიან, რატომ ჩამოვედი მანჩესტერში იცით, რას ვპასუხობ? იმიტომ, ეს გუნდი ვერ იგებდა. ჩემთვის მთავარი გამოწვევაა. "ინტერი" დიდი კლუბი იყო, მაგრამ ტიტული წლობით არ ჰქონდა მოგებული. იგივე შემიძლია ვთქვა "ფიორენტინაზე", "სამპდორიაზე", "ლაციოზე"... აი, ამ გუნდებთან ერთად მოგებაა საინტერესო, თორემ "რალში" და "ბარსელონაში" მუშაობას რა უნდა?! ამ გუნდებში ყველა მწვრთნელი იმარჯვებს".მანჩინისთვის წველა წვრილმანი მნიშვნელოვანია. საინტერესო ამბავს ყვება მისი "სამპდორიას" დროინდელი თანაგუნდელი, ხოლო ახლა, ისტლენდზე თანაშემწე დევიდ პლატი. ერთხელ, ოთახში მანჩინი სახატავი რვეულითა და ფერადი კალმებით შემოვიდა. დახმარება მთხოვა. როდესაც ვკითხე, რა უნდა გაგვეკეთებინა, მიპასუხა, გაისისთვის გუნდის ფორმა უნდა მოვიფიქროთო.როგორც ჩანს, მანჩინი "სიტიში" ყველაფერის შეცვლას აპირებს... მენტალიტეტით დაწყებული."ზოგ გუნდში მენტალიტეტის შეცვლა სულაც არ არის საჭირო. აი, მაგალითად, კარლო ანჩელოტის "ჩელსიში" ზუსტად ის სულისკვეთება დახვდა, რაც სჭირდებოდა. ჩვენთან კი დამოკიდებულება გამოსაცვლელია. თუ ფეხბურთელებს ცხრილის შუაში ყოფნა აკმაყოფილებთ, ძალიან ძნელია შედეგის მიღწევა.მე მინდა სერ ალექს ფერგიუსონს მივბაძო. ის. ალბათ, ოთხი თუ ხუთი წლის განმავლობაში ყოველ დღე იმედგაცრუებული რჩებოდა, სანამ არ მიაღწია იმ შედეგს რისკენაც მიისწრაფვოდა".

dachi

გადასარევად სწორად აზროვნებს ეს კაცი და იმიტომ აყრია თავზე წარმატებები მთელი მისი სამწვრთნელო კარიერის მანძილზე! ვაი შენ პატრონს!

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა