ალექს ფერგიუსონი: ჩელსი სუსტებს უგებს და უგებს

კარგი იუმორი ჰქონია "მანჩესტერ იუნაიტედის" თავკაცს სერ ალექს ფეგიუსონს, ასე თქვა, მგონი "ჩელსიმ" თავისი კალენდარი თვითონ შეადგინაო.... კარგი იუმორი ჰქონია "მანჩესტერ იუნაიტედის" თავკაცს სერ ალექს ფეგიუსონს, ასე თქვა, მგონი "ჩელსიმ" თავისი კალენდარი თვითონ შეადგინაო. მოგეხსენებათ, ინგლისის ჩემპიონმა პირველ ხუთ ტურში ხუთივე თამაში მოიგო, თუმცა ბევრის და მათ რიცხვში სერ ალექსის აზრით, ძლიერი მეტოქე ჯერ არ შეხვედრია. შეგახსენებთ, ვინ დაამარცხეს "ლურჯებმა": "ვესტ ბრომვიჩი", "უიგანი", "სტოკი", "ვესტ ჰემი" და "ბლექპული". თუმცა, მეექვსე ტურში "ჩელსის" უკვე სერიოზული გამოცდა ელის, ისტლენდზე "მანჩესტერ სიტის" უნდა შეხვდეს."რასაკვირველია, სეზონის ასე დაწყება ძალიან შთამბეჭდავია - თქვა "მანჩესტერ იუნაიტედის" თავკაცმა - მგონი "ჩელსიმ" თავისი კალენდარი თვითონ შეადგინა. გასულ სეზონში ამ გუნდმა სუსტი მეტოქეების კარში უამრავი გოლი გაიტანა და ახლაც იმავეს იმეორებს. რასაკვირველია, იგივე სუსტი გუნდები ჩვენც დასამარცხებელი გვყავს, მაგრამ "ჩელსიმ" ეს უკვე გააკეთა, თან ძალიან კარგად და ვისაც ჩემპიონობა უნდა მასზე მეტი ქულა უნდა დააგროვოს"."ლურჯების" დიდებული სტარტის მიუხედავად ფერგიუსონი დარწმუნებულია, რომ ჩემპიონობის ბედს მნიშვნელოვანწილად სწორედ მისი და კარლო ანჩელოტის გუნდების ორი დაპირისპირება გადაწყვეტს. პირველი "სტემფორდ ბრიჯზე" დეკემბერში გაიმართება, ხოლო მეორე, "ოლდ ტრეფორდზე", მაისში."პრემიერლიგაში რთული ჩემპიონატია და აქ გამარჯვება ძალიან დიდ ბიძგს იძლევა. მე ყოველთვის განსაკუთრებულ ყურადღებას ვაქცევ გასული ჩემპიონატის გამარჯვებულს. დღეს, ჩემპიონი "ჩელსია", რომელმაც სეზონი ძალიან კარგად დაიწყო და ამდენად იგი "მანჩესტერ იუნაიტედის" უმთავრს კონკურენტად მიმაცნია. ვფიქრობ, ძალიან დიდი მნიშვნელობა ექნება ერთმანეთთან შეხვედრებს. გასულ სეზონში ჩვენ ლონდონელებთან ორივეჯერ დავმარცხდით და ტიტულის ბედიც ამან გადაწყვიტა.დღეს ინგლისში სამი გუნდი დანარჩენებისგან გამოიყოფა. "მანჩესტერ იუნაიტედზე", "ჩელსისა" და "არსენალზე" მოგახსენებთ და სწორედ ამ სამმა დაიწყო მიმდინარე ჩემპიონატი სხვებზე უკეთ. ამაში გასაკვირი არაფერია. ახლა მთავარია ის გავარვიოთ, სეზონის ბოლოს ეს სამეული როგორი თანმიმდევრობით დალაგდება.პატივსაცემია "ტოტენჰემ ჰოთსპურის" ბოლო რამდენიმე წლის წარმატება. "მანჩესტერ სიტის" ძლიერი სტარტი არ ჰქონდა, მაგრამ მისი შემადგენლობის პატრონი, რასაკვირველია, რაგინდა რა მეტოქეს დიდ წინააღმდეგობას გაუწევს. თან, ისტლენდელებს ტადან ზორბა ბიჭები ჰყავთ და მათთან ბრძოლა ძნელია. რობერტომ ნახევარი გუნდი ამ ზაფხულს იყიდა და, რასაკვირველია, ახალ ფეხბურთელებს ასე უცბათ ერთმანეთს ვერ შეუხამებდა., მაგრამ, ვიმეორებ, ეს გუნდი კონკურენციას ნამდვილად გასწევს".კიდევ, სერ ალექსმა უეინ რუნიზეც ილაპარაკა. მისი პრესკონფერენციის ეს ნაწილი ბევრმა გაზეთმა თუ სააგენტომ ცალკე გამოაქვეყნა, რადგან საქმე იმ სექს სკანდალს ეხება, რომელიც სულ ცოტა ხნის წინ ბრიტანეთში მას-მედიის ჰედლაინებიდან არ ჩამოდიოდა."ვერ დავიჯერებ, რომ ამ სკანდალმა რუნის თვითრწმენაზე იმოქმედა. ეს ბიჭი უკვე ხვდება თუ რამდენად არის საზოგადოებრივი ყურადღების ცენტრში. ის უკვე ქუჩაში ვეღარ გადის ფოტო ან ვიდეოკამერას მიზანში რომ არ ჰყავდეს ამოღებული. არადა, ის ახალგაზრდა კაცია და უნდა ფეხბურთის თამაშითაც მიიღოს სიამოვნება და ამოდენა ყურადღებითაც არ თრგუნავდნენ".

ფეხბურთიდან ომამდე: როგორ გადაიქცა შეხვედრა 100-საათიან ომად

ეიზელის ღამე: 39 გარდაცვლილი ქომაგი და ტრაგედია, რომელმაც ფეხბურთი შეცვალა

[VIDEO] მესის 922-ე გოლი და "მაიამის" ფრე "ფილადელფიაში"

იკარდი შესაძლოა, სერია A-ს დაუბრუნდეს

"მეგონა, კარიერას "სიტიში" დავასრულებდი" - როდრი მანჩესტერული გუნდის დატოვების მიზეზზე

ოფიციალურად: კოუტინიო "სანტოსის" ფეხბურთელია

[VIDEO] ლაშა გუჯეჯიანი უზბეკეთის ნაკრების მთავარ მწვრთნელად დანიშნეს

ქართველმა მსაჯებმა უეფას წინასასეზონო შეკრებაში მიიღეს მონაწილეობა

საკალათბურთო სეზონი დუდუ დადიანის მემორიალით, რუსთავში გაიხსნება

VIDEO | ეროვნული ლიგა | დინამო (თბ) 4-0 გაგრა. დამატებითი ბონუსი ქეცბაიასთვის

VIDEO | ეროვნული ლიგა | ტორპედო 3-2 სამგურალი. "სტანდარტების" დღე უხვგოლიან იმერულ დერბიში

თაჩ რაგბის ტურნირი ტაბახმელაში

ეკვადორის ნაკრებს გალიარდო ჩაუდგა სათავეში

"ამ სეზონში ყველაზე ცუდად ვითამაშეთ, მაგრამ მოვიგეთ" - რა თქვა ლუის ენრიკემ "ბრესტთან" მატჩის შემდეგ?

"ეს ჩემთვის სიურპრიზია" - მატვეი საფონოვი

"ლივერპული" რეკორდული ტრანსფერისთვის ემზადება

"წელს "ოქროს ბურთის" მოგებას მე ვიმსახურებ" - ლამინ იამალი

[VIDEO] "მანჩესტერ იუნაიტედი" კაცნაკლულ "სიტისთან" დამარცხდა

როგორი შეფასებები მიიღეს პსჟ-ს ფეხბურთელებმა "ბრესტთან" მატჩში?

კვარაცხელიას 66 წუთი - პსჟ-მ "ბრესტს" მინიმალური ანგარიშით მოუგო

VIDEO | ეროვნული ლიგა | იბერია 1999 1-0 სპაერი. ფავორიტის მძიმე გამარჯვება

საზონოვი შეცვლაზე შევიდა - "ხეტაფემ" "დეპორტინოსთან" ქულები გაიყო

"ძალიან დიდი პოტენციალი აქვს" - მოურინიო დიომანდეს თამაშით კმაყოფილია