- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინგლისის ფეხბურთის ასოციაცია ჯონ ტერის საქმეზე თავისას იტყვის
<p>პარასკევს ლონდონის სასამართლომ ჯონ ტერი ანტონ ფერდინანდის რასისტული ხასიათის შეურაცხყოფაში უდანაშაულოდ სცნო</p><p><br> პარასკევს ლონდონის სასამართლომ ჯონ ტერი ანტონ ფერდინანდის რასისტული ხასიათის შეურაცხყოფაში უდანაშაულოდ სცნო.</p><p>მიუხედავად ამისა, ინგლისის საფეხბურთო ასოციაცია ამ საქმესთან დაკავშირებით საკუთარი გამოძიების დაწყებას აპირებსო, განაცხადა მისმა წარმომადგენელმა. საინფორმაციო სააგენტოების ცნობით, ორგანიზაციამ "ჩელსის" ვარსკვლავი შესაძლოა ისევე დასაჯოს, როგორც თავის დროზე "ლივერპულის" ურუგვაელ თავდამსხმელ ლუის სუარესს მოექცა.</p><p>შეგახსენებთ, რომ სამხრეთამერიკელმა პატრის ევრას "ნეგრიტო" უწოდა, რაც ურუგვაიში სულაც არ მიიჩნევა რასისტულ ფრაზად და ამისთვის 8-მატჩიანი დისკვალიფიკაცია მოიხადა. აკრძალვა შეეხო როგორც პრემიერლიგის, ისე ლიგისა და ასოციაციების თასის მატჩებს.</p><p>ფეხბურთის "მამებს" ტერის დასჯისკენ მოუწოდებს ბრიტანეთის ანტირასისტული მოძრაობის თავმჯდომარე პოლ ელიოტი. მისი განცხადებით, ფეხბურთელი მთელ ქვეყანას ჩრდილს აყენებს.</p><p><strong>ფერდინანდების დუმილი</strong></p><p>სასამართლოს მიერ განაჩენის გამოტანის შემდეგ ჟურნალისტებმა სცადეს ანტონ ფერდინანდთან გასაუბრება და მისი კომენტარის ჩაწერა, მაგრამ "ქუინზ პარკის" ფეხბურთელმა ჟურნალისტებთან გასაუბრება არ ისურვა.</p><p>შაბათს ლონდონური კლუბი მალაიზიაში გაემგზავრა წინასასეზონო ტურნეში. მასმედიის წარმომადგენლებმა კიდევ ერთხელ სცადეს ფერდინანდთან დალაპარაკება, მაგრამ მისგან ერთადერთი სიტყვა მოისმინეს: "უკომენტაროდ"!</p><p>ამ დღეებში ჟურნალისტებთან ურთიერთობაზე უარი თქვეს ანტონის ოჯახის წევრებმაც.</p><p>პროცესის დასრულების შემდეგ მათ სახეებზე ცხადად შეიძლებოდა წაკითხვა, რომ უკმაყოფილონი იყვნენ სასამართლოს შედეგებით.</p><p>ჩვენი ინგლისელი კოლეგების ბოლო იმედი "ქუინზ პარკის" წარმომადგენლები იყვნენ. კლუბის აღმასრულებელმა დირექტორმა ფილიპ ბერდმა განაცხადა: "რა შეიძლება ითქვას ანტონ ფერდინანდზე? ის გუნდთან ერთად აზიურ ტურნეშია. დაველოდოთ, გამოიჩენს თუ არა თავს უახლოეს დღეებში"... ცხადია, რომ მასმედიელები მისგან ამ თემაზე კომენტარს არ ითხოვდნენ. ერთი სიტყვით, თემიდას გადაწყვეტილების განსჯას მანაც გამოცდილი დიპლომატივით აუარა გვერდი.</p><p><strong>კაპელო გახარებულია</p><p></strong>ინგლისის ნაკრების ყოფილმა თავკაცმა ფაბიო კაპელომ სიხარული ვერ დამალა, როცა ჯონ ტერის მიმართ ვესტმინსტერის სამაგისტრო სასამართლოს განაჩენი შეიტყო.</p><p>შეგახსენებთ, რომ საფეხბურთო ასოციაციამ ტერის ნაკრების კაპიტნობა ისე ჩამოართვა, რომ გუნდის თავკაცთან კონსულტაციის გავლა აზრადაც არ მოსვლია. იტალიელმა სპეციალისტმა ჩათვალა, რომ ეს მის საქმეებში უხეში ჩარევა იყო და პოსტიდან გადადგა.</p><p>ESPN-ის ჟურნალისტთან კომენტარი ფაბიოს ვაჟმა პიერფილიპო კაპელომ გააკეთა: "ჩემი ოჯახი სასამართლოსთან დაკავშირებულ ინფორმაციებს მოუთმენლად ელოდა. ჩემი, როგორც იურისტის აზრით, აღნიშნულ საკითხში ეს ფინალური წერტილი უნდა იყოს".</p><p><strong>იდიოტიზმის მწვერვალი</p><p></strong>"დეილი მეილის" მიმომხილველები, ზოგადად, რადიკალური შეფასებებით გამოირჩევიან ხოლმე. ასე მოხდა ამჯერადაც. ჟურნალისტ დეს კელის აზრით, ეს სასამართლო საერთოდ არ უნდა შემდგარიყო. გთავაზობთ ჩვენი კოლეგის ნააზრევს:</p><p>- რამდენადაც არ უნდა მომწონდეს, რომ ჯონ ტერიმ სასამართლოში დალაგებულად ილაპარაკა, ის იმ ადგილას ნამდვილად არ უნდა მდგარიყო.</p><p>ისევე, როგორც იქვე სავარძელში არ უნდა მჯდარიყო ანტონ ფერდინანდი, რადგან მისი სიტყვების სიმართლე ყველამ ეჭვქვეშ დააყენა.</p><p>ერთადერთი, ვინც იქ ჯდომას იმსახურებდა, იყო სამეფო პროკურატურის ის გულუბრყვილო წარმომადგენელი, ვინც შეხედა მის ხელთ არსებულ "მტკიცებულებებს" და გადაწყვიტა, რომ ეს ყველაფერი საკმარისი იყო, რათა ის საფეხბურთო იდიოტიზმი, რაც მინდორზე მოხდა, სასამართლოს დარბაზში გადაეტანა.</p><p>ნებისმიერი, ვინც თვალი მიადევნა ვესტმინსტერის სამაგისტრო სასამართლოს მიერ საქმის განხილვას, შეიძლება იფიქროს, რომ ის ეხებოდა ორი 14 წლის არასრულწლოვანი ხულიგნის კამათის გარჩევას, რომლებიც ერთმანეთს ბავშვთა სათამაშო მოედანზე დაეტაკნენ და თავის გასამართლებლად აცხადებდნენ, "არა, მან დაიწყო პირველმა", "არა, ჯერ მან მაკადრა ცუდი სიტყვა" და ასე შემდეგ.</p><p>არ უნდა დაგვავიწყდეს, რომ სასამართლოს დარბაზი არ არის ის ადგილი, სადაც დაშვებულია უზრდელობა, ჭკუიდან გადასვლა და უშნო ხუმრობები. ეს ყველაფერი ძალიან ბავშვური და სასაცილოა.</p><p>მომხდარი ნამდვილად უნიჭო ცირკს ჰგავდა, რომლის მონაწილეები გახდნენ მოსამართლე, ადვოკატები, ნაფიცი მსაჯულები და მოწმეები.</p><p>ნამდვილად ასე იყო. მეტისმეტად ხშირად ისმებოდა შეკითხვები, რომლებზეც დაცვის მხარის მოწმე ეშლი კოულს უხდებოდა სიტყვის წარმოთქმა, რომელიც სხვანაირად ქალის სასქესო ორგანოს ნიშნავს.</p><p>ცუდი სანახავი იყო ის, თუ რა რეაქცია ჰქონდა ტერის, ფეხბურთელს, რომელიც მთელი ცხოვრებაა ამტკიცებს, ყოველთვის მშვიდი და გაწონასწორებული რჩება, როცა მას სთხოვდნენ გაეხსენებინა, თუ როგორ ესმოდა 40 ათასი გულშემატკივრის შეძახილი, დედაშენს ჰომოსექსუალი სკაუზერი უყვარსო.</p><p>"ჩელსის" ფეხბურთელი შემდეგ იძულებული იყო, აეხსნა, რომ დედამისი მავან ლივერპულელთან ერთად ცხოვრობს. ეს ყველაფერი ცუდ სიზმარს ჰგავს.</p><p>გთხოვთ, ხელმეორედ ნახეთ ის ვიდეორგოლი, სადაც საწყალი ბრაიან სუონსონი, ცნობილი ჟურნალისტი თავისი სერიოზული სახის მიმიკით, "სქაი სპორტსის" საინფორმაციო გამოშვების პირდაპირ ეთერში ამ თემაზე ლაპარაკობს.</p><p><strong>ყოველდღიური სპორტული გაზეთი "ლელო"</strong></p>
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო
[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"
[VIDEO] ვირცის გოლი და საგოლე პასი - "ლივერპულმა" "კრისტალ პალასი" დამაჯერებლად დაამარცხა
18 წ. | შემადგენლობა ევროპის ჩემპიონატის ფინალისთვის
საბა ლაზიშვილი ხვალ RAF-ზე იჭიდავებს!
"ბორჯღალოსნები" | კაპიტნის ვარჯიში ტონგამდე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ
"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა
"ბორჯღალოსნები" | შემადგენლობა მე-300 მატჩისთვის
RAF-ის დაფასება დვალიშვილსა და ლაზიშვილს - ცნობილია ქართველების ჯარიმის ოდენობა, რომელსაც მთლიანად ამერიკული ორგანიზაცია დაფარავს
მერაბ დვალიშვილზე თავდასხმის გამო უსმან ნურმაგომედოვსა და მისი ჯგუფის წევრებს 6-თვიანი პატიმრობა შეეფარდათ
დამწვარი დარბაზიდან - ტანვარჯიშის კლუბამდე
"ახლა ყველანი ციხეში არიან" - UFC-ის პრეზიდენტმა აბუ-დაბიში მომხდარ დაპირისპირებაზე ისაუბრა
"კაცები ასე არ იქცევიან!" - კვარაცხელია დვალიშვილზე თავდასხმას გამოეხმაურა
[VIDEO] ესპანეთი უბრალოდ შეუჩერებელია - ინგლისმა კეინის სარეკორდო მატჩში ხორვატიას სძლია
[VIDEO] დონარუმას შეცდომის და გამოუყენებელი პენალტის მიუხედავად, იტალიამ საფრანგეთს თამაში შემოუტრიალა და გალიდერდა
მერკვილაძის ბრწყინვალე ორმაგი დუბლი და "გრონინგენის" დრამატული გამარჯვება ENBL-ში
ცარუკიანი: მერაბი ნამდვილი მხეცია, ბარიბარს არიან - ახლა დაღესტნელებსა და ქართველებს შორის ისეთი დამოკიდებულება იქნება...
ბითაძის დაცვითი სამუშაო და "ორლანდოს" ზედიზედ მეორე მოგება იუტაში
"მთავარია, ქართველ ხალხს გამარჯვების გემო გავახსენოთ" - საქართველო - უნგრეთი | 13 ნოემბრის განრიგი
შერმადინის 13 ქულა და "ტენერიფეს" გამარჯვება შიაულიაიში
დე ბრუინი "ნაპოლის" დატოვებას აპირებს