ლუსიო: "ინტერმა" საჭიროდ არ ჩათვალა ჩემი შენარჩუნება და იმედია, ამას ინანებს

ჟურნალისტთა წინაშე "ინტერიდან" "იუვენტუსში" გადაბარგებული ლუსიო წარსდგა და იმდენი ილაპარაკა, ყველა გაკვირვებული დატოვა ორიოდე დღის წინ ჟურნალისტთა წინაშე "ინტერიდან" "იუვენტუსში" გადაბარგებული ლუსიო წარსდგა და იმდენი ილაპარაკა, ყველა გაკვირვებული დატოვა. როგორც წესი, ბრაზილიელი მცველი ჟურნალისტებთან, პრაქტიკულად, არ ურთიერთობს და საერთოდაც, მდუმარე ადამიანია - გაკვირვებაც ამან განაპირობა.მოვუსმინოთ ლუსიოს:"ჩემს ყოფილ თანაგუნდელებს დიდ პატივს ვცემ, მაგრამ "ინტერი" უკვე წარსულია და ამ გუნდზე ლაპარაკი არ მსურს.მათ საჭიროდ არ ჩათვალეს ჩემი შენარჩუნება და დიდი იმედი მაქვს, რომ ამას ინანებენ კიდეც. "იუვენტუსში" იმად გადმოვბარგდი, რომ კიდევ მსურს უმაღლეს დონეზე თამაში. "ვეკია სენიორა" ახალი ეტაპია ჩემს კარიერაში, რომელიც დიდ ენთუზიაზმს მმატებს.დარწმუნებული ვარ, რომ "იუვესთან" ერთად, გამარჯვებისთვის ვიბრძოლებ ყველა იმ ტურნირზე, სადაც მონაწილეობას მივიღებთ.აღვნიშნავ თუ არა "ინტერის" კარში გატანილ გოლს? - რა თქმა უნდა, აღვნიშნავ, რადგან მე "იუვეს" ფეხბურთელი ვარ და ემოციების დამალვის არავითარი სურვილი არ მაქვს.სულაც არ მეწყინება, თუ მილანელები ჩემს გაშვებას ინანებენ და არ მინდა, ემოციები მოვთოკო - ამით მხოლოდ საკუთარ თავს მოვატყუებ. იმედი მაქვს, ამ ყველაფერს "ინტერის" გულშემატკივრები გაგებით მოეკიდებიან".ლუსიოს ამ განცხადებამ "ინტერის" გულშემატკივართა აღშფოთება გამოიწვია - სოციალურ ქსელებზე ბრაზილიელი მცველი მიწასთან გაასწორეს და მოღალატის იარლიყი მიაწებეს.სავარაუდოდ, ლუსიოს "ჯუზეპე მეაცაზე" ჯოჯოხეთურად დახვდებიან და ეს სწორედ მისმა, ერთი შეხედვით, არც ისე სკანდალურმა კომენტარმა განაპირობა.ბრაზილიელი მცველის განცხადებას "ინტერის" ახალგაზრდა ფეხბურთელი ანდრეა რანოკია გამოეხმაურა და ბოლოს სწორედ მას გადავცეთ სიტყვა:"ლუსიო ყოველთვის მდუმარე მახსოვს, სიტყვას ვერ ათქმევინებდი და ჟურნალისტებთან რატომ გაიგიჟა თავი, რთული სათქმელია.როგორც ჩანს, "იუვენტუსში" გადასვლამ მასზე კარგად იმოქმედა და უფრო კომუნიკაბელური გახდა. ისე კი, ძალიან საწყენია, რომ ასე მალე დაივიწყა "ინტერში" გატარებული წლები და მისი ყოფილი გუნდის მიმართ პატივისცემის ნატამალი არ შერჩა.მიუხედავად იმისა, რომ ლუსიოსთან მეგობრული ურთიერთობა არასდროს მქონია, მასზე მაინც უკეთესი აზრის ვიყავი. მიუხედავად ამისა, მეგობრულად შევხვდები მოედანზე და ხელსაც ჩამოვართმევ".ყოველდღიური სპორტული გაზეთი "ლელო"

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

ტრაპიზონში საგიჟეთია - სალაჰს 25 ათასი ფანი დახვდა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

კვლავ აფრიკაში - ერვე რენარი ნაცნობ ადგილას დასაქმდა

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ოფიციალურად: საბა საზონოვი “ხეტაფეს” ფეხბურთელია

ჩატარდება თუ არა დღეს "ლარნესა" და "იბერიას" მატჩი - ქართულმა გუნდმა ინფორმაცია გაავრცელა

ალისონმა მუნდიალის შემდეგ 5 კვირა დაისვენა და "ლივერპულს" დაუბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

მამისა და შვილის სხვა განცხადება - ნეიმარი ბრაზილიის ნაკრებში კიდევ ითამაშებს?

"რეალმა" ვინისიუსს წლიურ გასამრჯელოდ 22 მილიონი შესთავაზა - ბრაზილიელი მეტს ითხოვს

"ბარსელონამ" ტერ შტეგენი "აიაქსში" გაუშვა