<p>ევროპის ლიგა. II საკვალიფიკაციო ეტაპი. პირველი მატჩი <br> 19 ივლისს რუსთავის "მეტალურგს" სერიოზულ მეტოქესთან მოუწევს შეხლა.</p><p>პლზენის "ვიქტორიამ" შარშან ჩემპიონთა ლიგის ჯგუფში ითამაშა, "მილანთან" შინ ფრე მოახერხა, ბორისოვის ბატეს მოუგო, "ბარსელონასთან" ორივე მატჩი წააგო, მერე ევროპა ლიგაზე გადაერთო და 1/16-ფინალში "შალკესთან" დამარცხდა.</p><p>ამით იმის თქმა გვსურს, რომ "პლზენი" საკმაოდ გამოცდილი გუნდია და კლასიც არ უნდა დაეწუნებოდეს.</p><p><span style="color: #ff0000;"><strong>ევროპის ლიგა. II საკვალიფიკაციო ეტაპი. პირველი მატჩი</strong></span></p><p>19.07. თბილისი. მ. მესხი. 20:00 (ტელეტრანსლაცია საზოგადოებრივი მაუწყებლის I არხზე)</p><p><em><strong>მეტალურგი (საქართველო)-ვიქტორია (პლზენი. ჩეხეთი)</strong></em></p><p>"მიხეილ მესხზე" რუსთავის "მეტალურგმა" 18 ივლისს ვარჯიში საღამოს ექვსის ნახევარზე დაიწყო და 45 წუთის შემდეგ მინდორი ჩეხურ "ვიქტორიას" დაუთმო.</p><p>სტუმართა გუნდის 37 წლის კაპიტანმა, <strong>პაველ ხორვატმა</strong>, ჟურნალისტთა კითხვებს უპასუხა:</p><p>- თბილისში იმას ვეცდებით, რომ გოლი გავიტანოთ. საპასუხო მატჩისთვის აქედანვე უნდა შევიქმნათ რაღაც უპირატესობა.</p><p><strong>- რუსთავის "მეტალურგზე" რა აზრის ხართ?</strong></p><p>- რთული მოწინააღმდეგე გვყავს. ხვალ დილით, თამაშის დღესაც გვექნება ტაქტიკური მეცადინეობა. "მეტალურგს" კარგი დაცვა ჰყავს. ალბანელებს ორი მატჩის ჯამში ცხრა გოლი რომ გაუტანა, იმაზე მიუთითებს, რომ მეტოქე შეტევაშიც ძლიერია.</p><p><span style="color: #ff0000;"><strong>* * *</strong></span></p><p><img src="/media/images/new_photo/UCXOURI/2012/SOCCER/JUL17-31/viktoria plzeni 2012.jpg" border="0" alt="Sportall.Ge" title="მეტალურგი VS ვიქტორია - ჩეხები თბილისში გატანასა და მოგებაზე ფიქრობენ" width="280" height="189" style="margin: 10px; float: left;" />"პლზენი" ვარჯიშს რომ შეუდგა, გუნდის მთავარი მწვრთნელი <strong>პაველ ვრბა</strong> საპრესკონფერენციო დარბაზისკენ გაეშურა და ჩეხი თუ ქართველი მასმედიელების კითხვებს პასუხობდა.</p><p><strong>- ქართველებთან მატჩს რა დანაკლისით ხვდებით?</strong></p><p>- ორი წამყვანი ფეხბურთელი არ გვეყოლება - მცველი <strong>მარიან ჩიშოვსკი</strong> ტრავმირებულია, ხოლო თავდამსხმელი <strong>მარეკ ბაკოში</strong> ახლახან "შალკეში" წავიდა.</p><p>რა თქმა უნდა, ნებისმიერი ცვლილება გუნდზე გავლენას ახდენს, თუმცა შევეცდებით, რომ ამ დანაკლისმა დიდად არ იმოქმედოს ჩვენზე.</p><p><strong>- მოწინააღმდეგეს როგორ შეაფასებდით?</strong></p><p>- ქართველების თამაშს ალბანეთში ვუყურე "ტეუტასთან". მეტოქეზე საკმარისი ინფორმაცია მაქვს. ცხრა გოლი რომ გაუტანა ალბანელებს, ამით ყველაფერია ნათქვამი.</p><p><strong>- "მეტალურგიდან" ყველაზე უფრო რომელ რგოლს გამოარჩევდით?</strong></p><p>- მთლიანობაში, გუნდი მომეწონა, თუმცა დაცვას მაინც გამოვარჩევდი.</p><p><strong>- დიმიტრი ტატანაშვილზე რას გვეტყოდით? რამდენად სახიფათო იქნება ის თქვენი გუნდისთვის?</strong></p><p>- ამ თავდამსხმელს კარგად ვიცნობ, კარგი ფეხბურთელია. განსაკუთრებით, კარის სიახლოვეს არის სახიფათო. მან იცის გოლის გატანა.</p><p><strong>- წინა სეზონში ჩემპიონთა ლიგის შესარჩევში სომხურ "პიუნიკს" ეთამაშეთ - როგორ შეადარებდით "პიუნიკს" "მეტალურგთან"?</strong></p><p>- "პიუნიკი" ახალგაზრდა ფეხბურთელებით დაკომპლექტებული გუნდი იყო, "მეტალურგში" კი გამოცდილი ფეხბურთელები თამაშობენ.</p><p>ვფიქრობ, ამ ეტაპზე "მეტალურგი" უფრო რთული მოწინააღმდეგეა. ჩვენს გუნდში 21 წლის <strong>ედგარ მალაკიანი</strong> სწორედ "პიუნიკიდან" ავიყვანეთ.</p><p><strong>- თბილისური ხვატი არ გადარდებთ?</strong></p><p>- მართლაც ძალიან ცხელა, თუმცა თამაში საღამოს 8 საათზეა და ეს ოპტიმალური ვარიანტია ამ სიტუაციაში.</p><p><strong>- რა შედეგი დაგაკმაყოფილებთ?</strong></p><p>- გოლები უნდა გავიტანოთ და მოვიგოთ.</p><p><em>პაველ ვრბა: მეტალურგი პიუნიკზე რთულია (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ: </strong></span></p><p><a href="/fexburti/qarthuli-fekhburthi/skhvadaskhva/35441-koba-zhorzhikashvili-qplzeniq-chvenze-dzlieria-magram.html" target="_blank">კობა ჟორჟიკაშვილი: "პლზენი" ჩვენზე ძლიერია, მაგრამ...</a></p><p><a href="/fexburti/qarthuli-fekhburthi/skhvadaskhva/35805-dimitri-tatanashvili-tsin-rthuli-matchebi-gvelis.html" target="_blank">დიმიტრი ტატანაშვილი: წინ რთული მატჩები გველის</a></p><p><a href="/fexburti/qarthuli-fekhburthi/skhvadaskhva/35804-giorgi-theqthurmanidze-imedia-shemdeg-matchshi-meti-gulshematkivari-gveyoleba.html" target="_blank">გიორგი თექთურმანიძე: იმედია, შემდეგ მატჩში მეტი გულშემატკივარი გვეყოლება</a></p><p><a href="/fexburti/qarthuli-fekhburthi/skhvadaskhva/35783-metalurgi-teuta-61-pirveli-matchi-30-aba-akhla-qplzeniq-gamoushvith.html" target="_blank">მეტალურგი-ტეუტა 6:1 (პირველი მატჩი 3:0) - აბა, ახლა "პლზენი" გამოუშვით! </a></p>
Tornike
3 ლარი, ლოკომოტივის სტადიონზე იყიდება ბილეთები
persie
თამაშსზე დასასწრები ბილეთი რა ღირს??
"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
შენგელიას 13 ქულა და "ბარსელონას" საშინაო მარცხი "ჟალგირისთან"
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"თოფურია ყალბია. ის ქართველიც კი არ არის, გერმანიაში დაიბადა და გერმანელია" - პიმბლეტმა Marca-ს ეთერიდან თოფურია გამოიწვია
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს