<p>ევროპალიგა. II საკვალიფიკაციო ეტაპი. პირველი მატჩი <br> გორის "დილამ", რომელიც ევროთასებზე გაშინაურებული არასოდეს ყოფილა, "ორჰუსი" მისსავე არენაზე დაამარცხა და წლევანდელ სეზონში დამწუხრებულ ქართველ გულშემატკივარს ხასიათი გამოუკეთა - გორელებმა წლეულს ევროთასებზე ჩვენი ყველაზე სოლიდური მეტოქე დაამარცხეს.</p><p>გადავხედოთ მათ შემადგენლობას: 36 წლის ცენტრალური ნახევარმცველი <strong>მარტინ იორგენსენი</strong> დანიის ნაკრების ერთ-ერთი საკვანძო მოთამაშე იყო, უთამაშია იტალიურ "უდინეზესა" და "ფიორენტინაში" და ამ გუნდის ფანების ერთ-ერთი საყვარელი მოთამაშე და გუნდის ვიცე-კაპიტანი გახლდათ. დანიის ნაკრებში ჩატარებულ 102 შეხვედრაში 12 ბურთი გაიტანა. უთამაშია 1998 და 2002 წლების მსოფლიოს ჩემპიონატებზე. საფრანგეთში გამართულ მუნდიალზე ბრაზილიის ნაკრებთან წაგებულ მატჩში (2:3) გოლიც გაიტანა.</p><p>დანიის ნაკრების ფორმა მოურგია <strong>სორენ ბერგს</strong> (2 მატჩი), <strong>ჰიალტე ნორეგაარდს</strong> (4); დანიის ახალგაზრდული ნაკრების წევრია ნახევარმცველი <strong>კასპერ სლოტი</strong>, "ბოხუმსა" და "ბრონდბიუში" უთამაშია 36 წლის გამოცდილ <strong>პეტერ გრაულუნდს</strong>, ისლანდიის ახალგაზრდული ნაკრების თავდამსხმელია <strong>არონ იოჰანსონი</strong>.</p><p>"ენერჯი პარკზე" შეკრებილი მაყურებლის გასახარად, მასპინძლები მე-3 წუთზე დაწინაურდნენ: კუთხურიდან ნორეგაარდის მიერ ჩამოწოდებული ბურთი კარში <strong>ანდრეს კურე-ვიდშერმა</strong> გააგზავნა.</p><p>საქართველოს თასის მფლობელი არ გატყდა და მასპინძლებს შეუტია: მე-11 წუთზე ანგარიშის გათანაბრება შეეძლო <strong>მათე ვაწაძეს</strong>, რომელმაც 34-ე წუთზე საჯარიმოს გათამაშების შემდეგ მიზანს მაინც მიაღწია.</p><p><img src="/media/images/new_photo/QARTULI/SOCCER/Clubs/dila/agf-dila 1-2 19072012 0004.jpg" border="0" alt="Sportall.Ge" title="ორჰუსი-დილა 1:2 - გორელებმა საქართველოს ხასიათი გამოუკეთეს [+VIDEO]" width="280" height="191" style="margin: 10px; float: left;" />გატანა შეეძლო <strong>კახა ალადაშვილსაც</strong>. ტაიმის მიწურულს კი <strong>სტეფან რასმუსენმა</strong> "ორჰუსი" <strong>სანდრო გურულის</strong> დარტყმის შემდეგ გადაარჩინა.</p><p>მეორე ტაიმში "ორჰუსის" მთავარმა მწვრთნელმა <strong>პეტერ სორენსენმა</strong> შეტევის გასაძლიერებლად მოედანზე ქართველი ლეგიონერები, <strong>დავით დევდარიანი</strong> და <strong>დავით სხირტლაძე</strong> შეუშვა. მასპინძლებმა რამდენიმე სახიფათო მომენტი შექმნეს: 55-ე წუთზე კონტრშეტევის დაგვირგვინებას <strong>ოსამა ახარაზი</strong> ცდილობდა, 68-ე წუთზე კი <strong>სტეფან პეტერსენი</strong>, მაგრამ გორელთა მეკარე <strong>მარინ სკენდერმა</strong> ორივეჯერ იყოჩაღა.</p><p><strong>თემურ შალამბერიძის</strong> გაწვრთნილები მაინც უკეთ გამოიყურებოდნენ: "ორჰუსის" მეკარემ მაღალი კლასი გამოავლინა 54-ე წუთზე <strong>გოგიტა გოგუას</strong>, 64-ე წუთზე კი <strong>ვაწაძის</strong> დარტყმების შემდეგ.</p><p>გორელთა შეტევებმა შედეგი საბოლოოდ მაინც გამოიღო: გამარჯვების გოლის გატანა <strong>კახა ალადაშვილმა</strong> 84-ე წუთზე <strong>სანდრო გურულის</strong> ჩაწოდების შემდეგ გაიტანა.</p><p>წარმატებით ფრთაშესხმულმა გორელებმა მეტი თავდაჯერებით შეუტიეს და 88-ე წუთზე გატანა უკვე თავად <strong>გურულს</strong> შეეძლო, მაგრამ <strong>რასმუსენმა</strong> მასპინძლები კიდევ ერთხელ გადაარჩინა.</p><p>სერბი არბიტრის, <strong>ბოშკო იოვანეტიჩის</strong> საფინალო სასტვენმა "დილას" დამსახურებული და ჩვენთვის ძალიან სასიხარულო გამარჯვება დააფიქსირა - 2:1.</p><p>განმეორებითი მატჩი 26 ივლისს თბილისში, "მიხეილ მესხზე" გაიმართება, მაგრამ პირველი მატჩის მოგება ნუ მოგვატყუებს: დანიელებთან ხუმრობა და მოდუნება არ შეიძლება. ასე რომ, "დილასგან" მეორე შეხვედრის მოგებასაც ველით.</p><p><span style="color: #ff0000;"><strong>ევროპალიგა. II საკვალიფიკაციო ეტაპი. პირველი მატჩი</strong></span></p><p>19.07. ორჰუსი. NRGI პარკი. 9000 მაყურებელი</p><p><em><strong>ორჰუსი-დილა 1:2</strong></em> (<a href="/mtavari/video.html?view=video&video=1422" target="_blank"><span style="color: #ff0000;"><strong>იხილეთ ვიდეო</strong></span></a>) (<a href="/mtavari/photo.html?view=categories&category=167" target="_blank"><span style="color: #0000ff;"><strong>ფოტორეპორტაჟი</strong></span></a>)</p><p>გოლი: 1:0 კურე (3), 1:1 ვაწაძე (34), 1:2 ალადაშვილი (84).</p><p><em>ორჰუსი:</em> რასმუსენი, ჰალანდი, ეკერსლი, ახარაზი (ბერგი 74), სორინი, პეტერსენი, ნორეგაარდი, იორგენსენი, გრაულუნდი (დევდარიანი 59), იოჰანსონი (სხირტლაძე 74), ვიდკიაერი.</p><p>მწვრთნელი: პეტერ სორენსენი.</p><p><em>დილა:</em> სკენდერი, სალუქვაძე, შაშიაშვილი, კვირკველია, თომაშვილი (ონიანი 46), არზიანი, ალადაშვილი, გოგუა, ბეჭვაია (კაშია 53), ვაწაძე (მოდებაძე 82), გურული.</p><p>მწვრთნელი: თეიმურაზ შალამბერიძე.</p><p>გაფრთხილება: ალადაშვილი (5), კვირკველია (62), ვაწაძე (78).</p><p>არბიტრი: ბ.იოვანეტიჩი (სერბეთი)</p><p><em>დილამ ო</em><em>რჰუსს დაუღამა (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ: </span></strong></p><p><a href="/fexburti/qarthuli-fekhburthi/skhvadaskhva/36205-mathe-vatsadze-gakharebuli-var-magram-jer-araferi-gadatsyvetila.html" target="_blank">მათე ვაწაძე: გახარებული ვარ, მაგრამ ჯერ არაფერი გადაწყვეტილა</a></p>
giorgi
დილა!!!!
davit
არ მეგონა ოდესმე გორის დილის იმედზე თუ ვიქნებოდი :დდდდდდდ:D
levani
გოგუას ტავი მარტლა რობენი ხო არ გონია?პასი ასცავლონ....რა ნაკრები
gogi
მერე იტყვიან გოგუას რატომ არ იძახებს ქეცბაიაო...თითოეულ მოძრაობაში ეტყობა ქედმაღლობა...რამდენ საგოლე მომენტში არ გააკეთა საგოლე პასი დააკვირდით რა უბრალოდ....
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა