ტურ დე ფრანსზე ყველაფერი გარკვეულია - ალეხანდრო ვალვერდე

ტურ დე ფრანსის მე-17 ეტაპის შემდეგ, პრაქტიკულად გაირკვა წლევანდელი ველომარათონის გამარჯვებული ტურ დე ფრანსის მე-17 ეტაპის შემდეგ, პრაქტიკულად გაირკვა წლევანდელი ველომარათონის გამარჯვებული. ეს იყო ორკვირიანი რბოლის ბოლო სამთო ეტაპი, შესაბამისად, ბოლო შანსი იმისა, რომ გენერალური კლასიფიკაციის ფავორიტებს გარდატეხა შეეტანათ საერთო ჩათვლაში გამარჯვებისთვის ბრძოლაში.ეტაპის სიგრძე მხოლოდ 143 კილომეტრი იყო და ამ მოკლე დისტანციამ ორი უმაღლესი კატეგორიის მთა დაიტია, თანაც ველომრბოლებსსამთო ფინიში ელოდათ.გენერალური კლასიფიკაციის ლიდერის - ბრედლი უიგინსის მთავარმა კონკურენტმა ვინჩენცო ნიბალიმ ნაადრევად დანებება არ ისურვა და ეტაპის საკმაოდ ადრეულ მონაკვეთზე ხელში აიღო ხელში ინიციატივა.ნიბალის გუნდს - "ლიკვიგასს" თითქმის მთელი ეტაპი მიჰყავდა პელოტონი, მაგრამ გაქცევა მაინც ვერ შეძლო. ამ საჯინიბოს წევრებმა ვერც ეტაპის გამარჯვებაზე გამოაცხადეს პრეტენზია, რადგან ბრწყინვალედ გამოვიდა ცნობილი ესპანელი ალეხანდრო ვალვერდე.თავდაპირველად ის სოლიდურ ჯგუფთან ერთად გაიქცა, შემდეგ ის და მისი თანაგუნდელი რუი კოშტა ლიდერთა ჯგუფს გაექცნენ, ბოლო კი ესპანელმა მარტომ გადაწყვიტა ბოლო მთის დალაშქვრა და ეს გამოუვიდა - მან ამ ეტაპზე ლამაზი და სრულიად დამსახურებული გამარჯვება მოიპოვა.მაგრამ სამართლიანობა მოითხოვს აღნინიშნოს, რომ ვალვერდეს ტრიუმფი შეიძლება არც შემდგარიყო, რომ არა “თიმ სქაის” მიერ არჩეული გუნდური ტაქტიკა. ის, რაც ბოლო აღმართზე ხდებოდა, უცნაურად და სასაცილოდ მოჩანდა. გენერალური კლასიფიკაციის ლიდერები - ბრედლი უიგინსი და კრისტოფერ ფრუმი ერთად მუშაობდნენ და ნელ-ნელა ეწეოდნენ ვალვრედეს.სწორედ ამ დროს, უიგინსს გაუჭირდა ტემპის შენარჩუნება, მისი მეწყვილე ფრუმი კი ბრწყინვლედ მიდიოდა და აშკარად ჩანდა, რომ შეეძლო ვალვერდეს დაწევა და ეტაპზე გამარჯვებითვის ბრძოლა.მაგრამ, ფრუმი ორჯერ თითქმის გაჩერდა იმის გამო, რომ საერთო ჩათვლის ლიდერს დალოდებოდა და ის ფინიშამდე მიეყვანა. ასეც მოხდა, ბრიტანელებმა ერთად გადაკვეთეს ფინიშის ხაზი. ნიბალიმ მათთან დაახლოებით 20 წამი წააგო.შეიძლება ითქვას, რომ ტურ დე ფრანსის პოდიუმი საბოლოოდ ჩამოყალიბდა: პირველი იქნება უიგინსი, მეორე - ფრუმი, მესამე - ნიბალი. ტურის დასრულებამდე სამი ეტაპი დარჩა, თუმცა ეს სტარტები გენერალურ კლასიფიკაციაში ბევრს არაფერს შეცვლის.XVII ეტაპი1. ალეხანდრო ვალვერდე (ესპანეთი - Movistar); 2. კრისტოფერ ფრუმი (ბრიტანეთი - Team Sky) - +0,19; 3. ბრედლი უიგინსი (ბრიტანეთი - Team Sky) - იგივე დრო; 4. ტიბო პინო (საფრანგეთი - FDJ) - +0,22; 5. პიერ როლანი (საფრანგეთი - Europcar) - +0,26; 6. იურგენ ვან დერ ბრეკი (ბელგია - Lotto-Belisol) - იგივე დრო; 7. ვინჩენცო ნიბალი (იტალია - Liquigas) - +0,37; 8. ტიჯეი ვან გარდერენი (აშშ - BMC Racing Team) - +0,54; 9. კრისტოფერ ჰორნერი (აშშ - RadioShack-Nissan) - +1,02; 10. დანიელ მარტინი (ირლანდია - Garmin-Sharp) - +1,11...საერთო ჩათვლა1. ბრედლი უიგინსი (ბრიტანეთი - Team Sky); 2. კრისტოფერ ფრუმი (ბრიტანეთი - Team Sky) - +2,05; 3. ვინჩენცო ნიბალი (იტალია - Liquigas) - +2,41; 4. იურგენ ვან დერ ბრეკი (ბელგია - Lotto-Belisol) - +5,53; 5. ტიჯეი ვან გარდერენი (აშშ - BMC Racing Team) - +8,30; 6. კეიდელ ევანსი (ავსტრალია - BMC Racing Team) - +9,57; 7. აიმარ სუბელდია (ესპანეთი - RadioShack-Nissan) - +10,11; 8. პიერ როლანი (საფრანგეთი - Europcar) - +10,17; 9. იანეც ბრაიკოვიჩი (სლოვენია - ასტანა) - +11,00; 10. ტიბო პინო (საფრანგეთი - FDJ) - +11,46...(იბეჭდება მცირე ცვლილებით)ყოველდღიური სპორტული გაზეთი "ლელო"

alex

გარდაიცვალეთ თუ რა დაგემართათ? ტურ დე ფრანსზე რა ხდება?
a

ტურ დე ფრანსზე მოგვაწოდეთ ინფორმაცია.
alex

ტურ დე ფრანსზე რატომ არაფერს წერთ?

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

"ბარსელონაში" ტრანსფერი დაუბლოკეს - ალვარესს პრემიერ ლიგაში დაბრუნების ვარიანტი შერჩა

"მილანმა" პსჟ-ს თავდამსხმელის ტრანსფერზე მიმართა

20 წ. | გამარჯვებული შემადგენლობით უელსთან

ჯიქია დეპოშია. "ის არაფერს წარმოადგენს" - ყოფილი რუსი ფეხბურთელი მას აკრიტიკებს

ესპანური ვერცხლი შენგელიას | საქართველოს ნაკრების კაპიტანმა საკლუბო სეზონი დაასრულა

"ტორპედომ" ხორვატი ფეხბურთელი დაიმატა

20 წ. | ლუკა ნარსია: ჩვენი მიზანი ისტორიის დაწერაა

პსჟ-ს ნახევარმცველი ატლეტიკოში გადასვლაზე დათანხმდა

ოიარსაბალი: ფეხბურთი ცირკითაა გარემოცული

"რეალი" ფრანგებს გაასხვისებს? - "სამეფო გუნდიდან" შესაძლო წამსვლელები ცნობილია

აფრიკელებიდან ყველა დროის რეკორდი მოხსნა - "ბაიერნის" ახალწვეულის მიღწევა მსოფლიო ჩემპიონატზე

ირანმა და ეგვიპტემ მათი მატჩისას სტადიონზე LGBTQ+ თემის მხარდამჭერი სიმბოლკის აკრძალვა მოითხოვეს - FIFA-ს პასუხი ცნობილია

მეკარეთა გადაადგილება "ტოტენჰემში" - ვიკარიო მიდის, კინსკის დუბლიორი დუბრავკა იქნება

"მოურინიომ პირადად დამირეკა, ამაყი ვიყავი" - კუკურელია "რეალში" გადასვლაზე

მამარდაშვილის "ლივერპული" არ ნებდება - 100 მილიონზე მეტის შეთავაზებას გააკეთებენ

პირველად 2022 წლის შემდეგ - FIFA-მ რუსეთის ახალგაზრდული ნაკრები საერთაშორისო ტურნირზე დაუშვა

"მატჩის შემდეგ ვიტირე..." - ნეიმარის ემოციური კომენტარი მიმდინარე მუნდიალზე დებიუტის შემდეგ

[VIDEO] სენსაცია. სამხრეთ აფრიკა პლეი-ოფშია, ჩეხეთი ჯგუფში ჩარჩა

[VIDEO] სულ სხვა ბრაზილია ვინისიუსის წინამძღოლობით და ნეიმარის დაბრუნება - შემდეგ ეტაპზე სელესაოსთან ერთად მაროკო გავიდა

"ჩელსიმ" "ინტერს" ფეხბურთელი წაართვა - პალესტრა პრემიერლიგაში ითამაშებს