"ოქროს კლასიკაზე" ვასილი ივანჩუკმა იმარჯვა

შეჯიბრებაში მაღალი რეიტინგის მქონე ექვსი მამაკაცი და ერთი ქალი მონაწილეობდა "ოქროს კლასიკა" - ასე უწოდეს ორგანიზატორებმა დიდოსტატთა საერთაშორისო ტურნირს, რომლის ინიციატორი გახლდათ პროფესიონალ მოჭადრაკეთა ასოციაცია.შეგახსენებთ, რომ ასპარეზობის თითოეულ მონაწილეს 40 სვლისთვის 2,5 საათი ეძლეოდა პარტიის სავარაუდო გადადებითა და შინაური ანალიზის შემდგომ დამთავრებით.შეჯიბრებაში მაღალი რეიტინგის მქონე ექვსი მამაკაცი და ერთი ქალი მონაწილეობდა. უკრაინელი ვასილი ივანჩუკის გარდა, ყველამ ისარგებლა ტურნირის დებულებით მინიჭებული უფლებით და მესამე-მეხუთე ტურებში ხუთი პარტია გადაიდო. მათი დამთავრება შაბათს მოეწყო.უკვე გაუწყეთ, კრიშნან საშიკირანისა (ინდოეთი) და გატა კამსკის (აშშ) პარტიაში ოკეანისგაღმელის უპირატესობა აშკარა იყო - მისი გამარჯვება ეჭვს არ იწვევდა. ასეც მოხდა. ვიეტნამელ ლე ქუანგ ლიემთან ბაადურ ჯობავას ფიგურა აკლდა, თუმცა შეეძლო, მეტოქის მეფის მოღიავებული ფლანგით ესარგებლა და ყაიმისთვის გამოეკრა ხელი, მაგრამ აზიელმა ზუსტად გამოიყენა უპირატესობა და გაიმარჯვა კიდეც. დანარჩენი სამი პარტია: ლე ქუანგ ქიემი - ანა მუზიჩუკი (სლოვენია), ემილ სუტოვსკი (ისრაელი) - საშიკირანი, კამსკი - მუზიჩუკი ყაიმით დასრულდა.22 ივლისს ბოლო ტურის სამი შეხვედრა გაიმართა. ვასილი ივანჩუკმა შავი ფიგურებით ანა მუზიჩუკს 24-ე სვლაზე სძლია, ექვსი შესაძლებლიდან 5 ქულა მოაგროვა და მთავარი პრიზი - 10 000 დოლარიც დაიმსახურა.უკრაინელი მოჭადრაკის ეს წარმატება, ალბათ, კანონზომიერი იყო - სახელოვანი დიდოსტატია, ტურნირის რეიტინგფავორიტი გახლდათ, თანაც თავის დროზე კლასიკური პარტიებიც (40 სვლაზე 2,5 საათი) საკმაოდ ბევრი უთამაშია და ამსტერდამული ტურნირი მისთვის, ერთგვარად, ნოსტალგიურიც კი იყო.იმავეს თქმა შეიძლება გატა კამსკიზეც, რომელმაც ბოლო ტურში 58-ე სვლაზე, ასევე, შავებით ბაადურ ჯობავა დაგვიმარცხა და 4,5 ქულით მეორე ადგილი დაიკავა. 3,5 ქულით მე-3 ადგილზე გავიდა ტურნირის თაოსანი ემილ სუტოვსკი, რომელიც ლე ქუანგ ლიემს დაუზავდა.ამ უკანასკნელმა ანა მუზიჩუკთან ერთად მეოთხე-მეხუთე ადგილები გაინაწილა. 1,5 ქულით მე-6 ადგილზე კრიშნან საშიკირანი გავიდა, ჯობავას კი ანა მუზიჩუკისთვის მე-3 ტურში ართმეული ნახევარი ქულით ბოლო - მე-7 ადგილი ერგო.წაგებებს ბოლო არ უჩანსგასულ შაბათ-კვირას სომხურ ჯერმუკში, მოჭადრაკე ქალთა ფიდეს გრანპრის გათამაშებაზე მორიგი ორი ტურის პარტიები გაიმართა.ამსტერდამის "ოქროს კლასიკაზე" ქართველ მოჭადრაკე ვაჟთა ლიდერის - ბაადურ ჯობავას წარუმატებლობისა არ იყოს, ჯერმუკში საქართველოს ქალთა ნაკრების წევრ ნინო ხურციძის წაგებებს არ უჩანს ბოლო.21 ივლისს ჩვენებური შავი ფიგურებით ორგზის მსოფლიოს ჩემპიონ ჰოუ იფანთან (ჩინეთი) დამარცხდა, გუშინ კი ლუფეი რუანს (ჩინეთი) დანებდა. ექვსი ტურის შემდეგ მას მხოლოდ მასპინძელ ელინა დანიელიანთან მოპოვებული 0,5 ქულაღა აქვს.გასულ უქმეებზე დანარჩენი პარტიები ასე დასრულდა: მე-5 ტური. ელინა დანიელიანი (სომხეთი) - ჟაო სიუ (ჩინეთი) 0,5:0,5, ლუფეი რუანი (ჩინეთი) - ჰამფი კონერუ (ინდოეთი) 0,5:0,5, ეკატერინა კოვალევსკაია (რუსეთი) - ცზიუ ვენძიუნი (ჩინეთი) 0,5:0,5, ნადეჟდა კოსინცევა (რუსეთი) - ლილით მკრტიჩიანი (სომხეთი) 0:1, კატერინა ლაგნო (უკრაინა) - ბათჰუიაგ მონგონთუული (მონღოლეთი) 0,5:0,5. მე-6 ტური. ჟაო სიუ-მონგონთუული 0,5:0,5 მკრტიჩიანი - ლაგნო 0,5:0,5, ცზიუ ვენძიუნი - კოსინცევა 0,5:0,5, კონერუ - კოვალევსკაია 1:0.სატურნირო მდგომარეობა ექვსი ტურის შემდეგ: ცზიუ ვენძიუნი - 4,5, ჰოუ იფანი, ჰამფი კონერუ, ლუფეი რუანი - 4-4, ელინა დანიელიანი, კატერინა ლაგნო, ლილით მკრტიჩიანი, ჟაო სიუ - 3-3, ეკატერინა კოვალევსკაია, ნადეჟდა კოსინცევა - 2,5-2,5, ბათჰუიაგ მონგონთუული - 2, ნინო ხურციძე - 0,5 ქულა.23 ივლისს მოჭადრაკეები დაისვენებენ. ხვალ კი, მე-7 ტურში, ერთმანეთს დაუპირისპირდებიან: ჰოუ იფანი - ჟაო სიუ, რუანი - დანიელიანი, კოვალევსკაია - ხურციძე, კოსინცევა - კონერუ, ლაგნო - ვენძიუნი, მონგონთუული - მკრტიჩიანი.იმედია, ქართველი მოჭადრაკე ნინო ხურციძე, რომელიც მებრძოლი ხასიათით გამოირჩევა, დღევანდელ დასვენებას სატურნირო მდგომარეობაში გარდატეხის შესატანად გამოიყენებს.ორნი პარდუბიცეშისაქართველოს ორი წარმომადგენელი მონაწილეობს ჩეხური პარდუბიცეს საჭადრაკო ფესტივალში, რომლის მთავარ ტურნირში სხვადასხვა ქვეყნის 260-მდე წარმომადგენელმა მოიყარა თავი. დიდოსტატებმა - კონსტანტინე შანავამ და დავით არუთინიანმა წარმატებით აიღეს სტარტი.შანავამ პირველ ორ ტურში ალექსანდრ ტიურინი (რუსეთი) და იულიან-მარსელ იორციკი (გერმანია) დაამარცხა, არუთინიანმა კი ძან ტომაზინის (სლოვენია) და კირილ პონიზილს (ჩეხეთი) სძლია.ტურნირის რეიტინგფავორიტია რუმინელი ლივიუ-დიტერ ნისიპიანუ (2648), რომელმაც ორი ტური ასევე უდანაკარგოდ განვლო. 2-2 ქულა მოაგროვეს დიდოსტატებმა - ალექსეი გავრილოვმა (რუსეთი), ალექსანდრ ვოლოდინმა (ესტონეთი), მარტინ კრავცივმა (უკრაინა), თამარ ნაბათიმ (ისრაელი), ჰარიკა დრონავალიმ (ინდოეთი) - სულ 31-მა მონაწილემ.(იბეჭდება მცირე ცვლილებით)ყოველდღიური სპორტული გაზეთი "ლელო"

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

"ბარსელონას" ქამბექი - ფლიკის გუნდმა "რეალთან" სხვაობა შეამცირა

ვალვერდემ ლუნინს "რეალის" დატოვება ურჩია

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

"იუნაიტედი" "ბრენტფორდთან" დამარცხდა - გაუშვებენ ამორიმს?

FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა

[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა

"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები

Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა

"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს

"ბარსელონას" კიდევ ორი ფეხბურთელი პსჟ-სთან ვერ ითამაშებს

ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია

"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე

"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა

პსჟ-ს ტრავმის გამო კიდევ ერთი ფეხბურთელი გამოაკლდა

პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე

"ლივერპულმა" შესაძლოა, "ბაიერნის" მცველი უფასოდ დაიმატოს

ფლიკი თანახმაა - "ბარსელონა" ლევანდოვსკის შემცვლელად გირასის დამატებას განიხილავს