<p>დუშან უჰრინის შეგირდებმა 23 ივლისს ავსტრიის ქალაქ გრაცში "ფენერბახჩესთან" სპარინგ-მატჩი გამართეს <br> 23 ივლისს თბილისის "დინამო" ავსტრიის ქალაქ გრაცში ამხანაგურად თურქულ გრანდ "ფენერბახჩეს" დაუპირისპირდა, რომელმაც მანამდე ინგლისურ "ნიუკასლთან" 1:1 ითამაშა. ცხადია, მატჩის არაოფიციალურობის მიუხედავად, თამაში მაინც მნიშვნელოვანი იყო.</p><p>...სლოვენიურ შეკრებაზე დინამოელთა მეკარეების მწვრთნელი <strong>გელა ჭანტურია</strong> ცუდად გახდა და ბრმა ნაწლავის ოპერაცია წარმატებით გაუკეთდა. ჭანტურია თავს კარგად გრძნობს და გუნდს რამდენიმე დღეში შეუერთდება, მაგრამ გუნდის პრესსამსახურის ცნობით, ჭანტურიას არყოფნაში მეკარეებს რუმინელი სპეციალისტი, <strong>დრაგოშ პიკუ</strong> ავარჯიშებს, რომელიც ტიმოშარას "პოლოტეხნიკაში" უმცროსი <strong>დუშან უჰრინის </strong>ასისტენტი გახლდათ. თუმცა ეს ორი მოვლენა ერთმანეთთან კავშირში არ უნდა იყოს.</p><p>შეხვედრა კი თურქების მცირე უპირატესობით მიმდინარეობდა. უჰრინის გაწვრთნილები პრესინგით ხელის შეშლას ცდილობდნენ, თავად კი კონტრშეტევებს ახორციელებდნენ: 30-ე წუთზე <strong>გიორგი თექთურმანიძემ</strong> საჯარიმოსთან <strong>ჩისკო</strong> შენიშნა, რომელიც მცველს ჩინებული მოძრაობით ჩამოშორდა და მეკარესთან პირისპირ გადიოდა, მაგრამ მცველი ბოლო მომენტში ჩაუწვა და მომენტი განმუხტა.</p><p>44-ე წუთზე თავად თექთურმანიძემ დაარტყა, მაგრამ არაზუსტად.</p><p>"ფენერბახჩეს" გაცილებით მეტი მომენტი შეექმნა: 35-ე, 39-ე და 42-წუთებზე <strong>ალექსი</strong> უტევდა, მაგრამ სამივეჯერ კარს ააცილა.</p><p>მეორე ტაიმი უფრო მაღალ ტემპში წარიმართა და თურქებმა უფრო მწვავედ შეუტიეს: განსაკუთრებით სახიფათო 59-ე წუთზე ჰოლანდიელი <strong>დირკ კუიტის</strong> დარტყმა გამოდგა, რომელმაც საჯარიმოს ხაზიდან გაისროლა - მეკარე <strong>გიორგი ლორია</strong> ამ და სხვა შემთხვევებშიც საიმედოდ გამოიყურებოდა.</p><p>68-ე წუთზე, კუიტის ჩაწოდების შემდეგ, თბილისელთა კარს <strong>კრისტიან ბარონი</strong> დაემუქრა - ბურთს ლორია ისევ დროულად გადაეფარა.</p><p>"დინამოს" თამაში <strong>კარლეს კოტომ</strong> და ახალგაზრდა <strong>არჩილ ტვილდიანმა</strong> გაამწვავეს - მეტოქეს ფლანგზე დისკომფორტს განსაკუთრებით ეს უკანასკნელი უქმნიდა და აიძულებდა, შემცდარიყო.</p><p>"დინამომ" სამი საკმაოდ სახიფათო მომენტი შექმნა: 69-ე წუთზე <strong>გიორგი მერებაშვილმა</strong> მცველი ცრუ მოძრაობით ჩამოიშორა და კარის წინ მარტო დარჩენილმა დაარტყა - თურქები მეკარე <strong>ვოლქან დემირელმა</strong> გადაარჩინა.</p><p>85-ე წუთზე <strong>გიორგი რეხვიაშვილი</strong> საკუთარი საჯარიმოდან სწრაფად დაიძრა, გზად ხუთი მოწინააღმდეგე ჩამოიცილა და "ფენერბახჩეს" საჯარიმოში შესულმა კარში დაარტყა - მეკარემ ამჯერადაც კარგად ითამაშა.</p><p>თუმცა ყველაზე რეალური საგოლე მომენტი <strong>მიკელ ალვაროს</strong> ჰქონდა: 90-ე წუთზე, კოტოს ფლანგური გადაცემის შემდეგ, ბასკი ფეხბურთელი კარის წინ აბსოლუტურად მარტო დარჩა, მაგრამ ბურთი კარს მცირედით ააცილა და მსაჯმაც ჩასტვინა - 0:0.</p><p>თურქული ფეხბურთის გრანდთან ფრე ურიგო შედეგი არ არის. დაცვის ცენტრი (<strong>გია კვა</strong><strong>რაცხელია-ოთარ ხიზანეიშვილი</strong>) ძალიან კარგად გამოიყურებოდა, ტემპიც იგრძნობოდა, მაგრამ დასაფიქრებელიც ბევრია: მოწინააღმდეგე როგორც კი აუჩქარებდა, "დინამოს" დაცვას პრობლემები ექმნებოდა.</p><p>თბილისელები ბურთს არ აყოვნებდნენ და ერთი შეხებით ცდილობდნენ შეტევის განვითარებას, მაგრამ სიმწვავე და დამაჯერებლობა აკლდათ და კონტრშეტევების სწრაფად განხორციელება უჭირდათ.</p><p>თუმცა, მეტოქის ძალის გათვალისწინებით, მთლიანობაში "დინამოს" ურიგო შთაბეჭდილება არ დაუტოვებია - გუნდს პროგრესი აშკარად ეტყობოდა.</p><p>23 ივლისი. გრაცი. UPC-არენა.</p><p><em><strong>დინამო-ფენერბახჩე 0:0</strong></em> (<a href="/mtavari/video.html?view=video&video=1424" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>დინამო: ლორია - სეთურიძე, კვარაცხელია, ხიზანეიშვილი (62. გლიშიჩი), რეხვიაშვილი - ძარია, ხმალაძე, თექთურმანიძე, მერებაშვილი - ჩისკო, ვოსკობოინიკოვი</p><p>შეცვლაზე შევიდნენ: ტვილდიანი, გველესიანი, კოტო, პაპავა, ალვარო, რობერტინიო, იაგუე</p><p>ფენერბახჩე: დემირელი, ზამი, ირტეგუმი, ქორქმაზი, ქალდირიმი, მეჰმეთ ტოპალი, ბარონი, თოპუზი, ალექსი, შტოხი, კუიტი.</p><p><em>საპატიო ფრე თურქულ გრანდთან (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ: </span></p><p></strong><a href="/fexburti/qarthuli-fekhburthi/skhvadaskhva/36271-thbilisis-qdinamosq-polonur-qiageloniasthanq-matchi-chaeshala.html" target="_blank">თბილისის "დინამოს" პოლონურ "იაგელონიასთან" მატჩი ჩაეშალა</a><a href="/fexburti/qarthuli-fekhburthi/skhvadaskhva/36436-dushan-uhrini-qfenerbakhchesthanq-fekhburthelebis-thamashith-kmayofili-var.html" target="_blank"></p><p>დუშან უჰრინი: "ფენერბახჩესთან" ფეხბურთელების თამაშით კმაყოფილი ვარ</a> <strong> </strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"