მოჭადრაკე ქალებმა ჩინური კედელი გადალახეს

ხანტი-მანსიისკის მსოფლიო საჭადრაკო ოლიმპიადაზე ქართველ დიდოსტატებს გუშინ დაძაბული და ძნელი ორთაბრძოლები ჰქონდათ. ქალები ჩინელებს ხვდებოდნენ... ხანტი-მანსიისკის მსოფლიო საჭადრაკო ოლიმპიადაზე ქართველ დიდოსტატებს გუშინ დაძაბული და ძნელი ორთაბრძოლები ჰქონდათ. ქალები ჩინელებს ხვდებოდნენ. პირველ სამ დაფაზე პაექრობები ყაიმით დამთავრდა. დაზავდნენ ჰოუ იფანი (2578)-ნანა ძაგნიძე (2534), ლელა ჯავახიშვილი (2451)-იუ ვენძიუნი (2516), ჟაო სიუ (2469)-სალომე მელია (2439). ყველაფერი მეოთხე დაფაზე სოფიკო ხუხაშვილისა (2422) და ვენ იუს (2394) დაპირისპირებას უნდა გადაეწყვიტა. თბილისელმა მოჭადრაკემ შესანიშნავად გამოიყენა ენდშპილში მატერიალური უპირატესობა (მეტოქის ეტლისა და 3 პაიკის წინააღმდეგ მას კუ და 5 პაიკი ჰყავდა) და 56-ე სვლაზე საკუთარ გუნდს გამარჯვების ქულა მოუტანა. ამ მოგებით საქართველოს ქალთა ნაკრებმა 12 ქულა მოაგროვა და მეორე ადგილზე გადაინაცვლა. მართალია, ამდენივე ქულა აქვს უკრაინელთა მძლეველ (2,5:1,5) ინდოეთის ნაკრებსაც, მაგრამ იგი ჩვენებურებს დამატებითი მაჩვენებლებით ჩამორჩება. 14 ქულით პირველ ადგილზეა რუსეთის პირველი გუნდი, რომელმაც გუშინ უნგრელებს გადაურბინა _ 4:0.დანარჩენი შეხვედრები ასე დამთავრდა: რუსეთი (2)-რუმინეთი 2,5:1,5, აშშ-სომხეთი 2,5:1,5, სერბეთი-შვეიცარია 3,5:0,5, გერმანია-ხორვატია 2:2, ბულგარეთი-უზბეკეთი 2,5:1,5 კუბა-სლოვენია 3:1, საფრანგეთი-ირანი 2:2.11-11 ქულა მოაგროვეს სერბეთმა, უნგრეთმა, აშშ-მ, რუსეთი-2-მა და ბულგარეთმა. 10 გუნდს 10-10 ქულა აქვს.დღეს მე-8 ტურში ითამაშებენ: ინდოეთი (12/20,5)-რუსეთი-1 (14/21,5), სერბეთი (11/20,5, საშუალო რეიტინგით _ მე-17, ნატაშა ბოიკოვიჩი-2368, ირინა ჩელუშკინა-2325, ანჟელიკა სტოიანოვიჩი-2337, მარია რაკიჩი-2317, იოვანა ერიჩი-2218)-საქართველო (12/21), რუსეთი-2 (11/17,5)-აშშ (11/19), უნგრეთი (11/18)-ბულგარეთი (11/16,5), რუსეთი-3 (10/19)-კუბა (10/20), სლოვაკეთი (10/19,5)-საბერძნეთი (10/18,5), ჩინეთი (10/19)-ბელარუსი (10/17,5), გერმანია (10/19)-უკრაინა (10/19), ხორვატია (10/16,5)-პერუ (10/17).საქართველოს ვაჟთა ნაკრებმა ოლიმპიადაზე პირველი მარცხი იგემა. უკრაინელებთან პაექრობისას მეორე-მეოთხე დაფებზე დაზავდნენ მერაბ გაგუნაშვილი (2598)-რუსლან პონომარიოვი 2749), პაველ ელიანოვი (2761)-მიხეილ მჭედლიშვილი (2628), ლევან ფანცულაია (2599)-ზახარ ეფიმენკო (2683). პირველ დაფაზე გამოცდილმა ვასილი ივანჩუკმა (2754) ბაადურ ჯობავას (2710) სძლია. უკრაინის ნაკრებმა 2,5:1,5 გაიმარჯვა და 13 ქულით პირველ ადგილზე გადაინაცვლა.გაუწყებთ მეწინავეთა დანარჩენი შეხვედრების შედეგებს: სომხეთი-აზერბაიჯანი 1,5:2.5, რუსეთი (2)-რუსეთი (1) 1,5:2,5, აშშ-პოლონეთი 2:2, ბრაზილია-უნგრეთი 1:3, რუსეთი (3)-ირანი 2:2, ჩინეთი-თურქმენეთი 4:0, ბელარუსი-ინგლისი 3:1, ჰოლანდია-კუბა 2:2, საფრანგეთი-ესპანეთი 1,5:1,5.ერთპიროვნულ ლიდერ უკრაინას თითო ქულით ჩამორჩებიან რუსეთი(1), უნგრეთი და აზერბაიჯანი. 7-მა გუნდმა 11-11 ქულას მოუყარა თავი. მათ შორისაა საქართველოს ნაკრები.მე-8 ტურში ერთმანეთს დაუპირისპირდებიან: რუსეთი-1 (12/19)-უკრაინა (13/21), უნგრეთი (12/17,5)-აზერბაიჯანი (12/20,5), საქართველო (11/21)-ბელარუსი (11/20 საშუალო რეიტინგით 35-ეა. სერგეი ჟიგალკო-2640, ანდრეი ჟიგალკო-2580, ვიტალი ტეტერევი-2511, ევგენი პოდოლჩენკო-2506, კირილ სტეპაკი-2502), აშშ (11/19)-ჩინეთი (11/20), პოლონეთი (11/20)-სომხეთი (11/18,5), საფრანგეთი (11/17,5)-რუსეთი-2 (10/20).დღეს ხანტი-მანსიისკში მსოფლიოს საჭადრაკო ოლიმპიადის მონაწილენი ერთი მნიშვნელოვანი მოვლენის მოწმენიც გახდებიან _ ჭადრაკის საერთაშორისო ფედერაციის კონგრესი ფიდეს პრეზიდენტს აირჩევს. ამ პოსტზე ორი კანდიდატი იყრის კენჭს _ ორგანიზაციის ამჟამინდელი თავკაცი კირსან ილუმჟინოვი, რომელმაც უარი თქვა ყალმუხეთის რესპუბლიკის მესაჭეობაზე, და მსოფლიოს მე-12 ჩემპიონი ანატოლი კარპოვი.საგულისხმოა, რომ ლოზანაში, საერთაშორისო საარბიტრაჟო სპორტულ სასამართლოში, გარი კასპაროვსა და ანატოლი კარპოვს სარჩელი ჰქონდათ შეტანილი რუსეთის ჭადრაკის ფედერაციის მიერ ფიდეს პრეზიდენტის პოსტზე ილუმჟინოვის კანდიდატურის წესების დარღვევით წამოყენების თაობაზე. სასამართლომ კანონიერად ცნო რუსეთის ჭადრაკის ფედერაციის გადაწყვეტილება და მსოფლიოს ჩემპიონების სარჩელი არ დააკმაყოფილა. გარი კასპაროვი მიიჩნევს, რომ ფიდეს პრეზიდენტის არჩევნები ფარული კენჭისყრით თუ გაიმართება, აუცილებლად კარპოვი გაიმარჯვებს. როგორც ამბობენ, აღდგომა და ხვალეო. ვნახოთ, ყველაფერი დღესვე გახდება ცნობილი.ყოველდღიური სპორტული გაზეთი"ლელო"

მბაპე ტრავმირებულია - "რეალს" მორიგი პრობლემა აქვს

დაბრუნება "რეალში" თუ კვლავ "ბენფიკაში" მუშაობა - მოურინიომ თავის მომავალზე ისაუბრა

ჟოზეს დიდი დაბრუნება? - მოურინიომ შესაძლოა, "რეალი" კიდევ ერთხელ ჩაიბაროს

VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...

VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე

[VIDEO] ქვილითაიამ საფრანგეთში ზედიზედ მეორე მატჩში გაიტანა

ლოჩოშვილის "ნიურნბერგმა" "მაგდებურგს" მოუგო

ლევანდოვსკის MLS-ში ტრანსფერი ჩაიშალა

თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა

ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს

გოჩოლეიშვილი შეცვლაზე შევიდა - "ჰამბურგი" ისევ დამარცხდა

დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს

პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო

გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს

VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა

"ანჟესთან" მატჩში პსჟ-ს შემადგენლობა ცნობილია

[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება

[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს

კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა

[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო

[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში

"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ

"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა