ლევან ყენია სანკტ-პეტერბურგის "ზენიტში" - ნაბიჯი უკან

ლევან კობიაშვილმა ამასწინდელ ინტერვიუში თქვა, "ჰერტას" დირექტორმა ჩემს თვალწინ შესთავაზა ყენიას ბერლინურ კლუბში გადმოსვლაო... ცხოვრება სხვა არაფერია, თუ არა სწორი გადაწყვეტილებების მიღების ხელოვნება. ამის შესახებ ყველას გაუგია, მაგრამ ყველასთვის რთულია სწორი გადაწყვეტილების მიღება.ლევან ყენიას ზენიტური ამბავი ძალიან გაიწელა. როგორი საქმეა, ორწელიწადნახევარი ტრავმის გამო უთამაშებელი იყო, მერე სხვა გუნდში გადახვიდე, მაგრამ იქ თან ხარ და თან არ ხარ.ყენიას სხვა არჩევანიც ჰქონდა, მაგრამ მაინც "ზენიტი" არჩია. თქმა რად უნდა, "ზენიტის" ვარიანტი ძალიან მაცდური იყო - რუსეთის ჩემპიონი, ოთხი წლის წინ უეფას თასისა და სუპერთასის ამწევი, მდიდარი, ელიტური რუსული კლუბი.ცდუნებას დიდი ძალა აქვს. ოღონდაც ეს არ იყო მხოლოდ ცდუნება - ყენია ამბიციური ფეხბურთელია და ასეთივე კლუბში მივიდა. გელზენკირხენის "შალკეში" უიღბლო წლების მერე, ალბათ, აფეთქებას იყო დაშურებული.უაილდის გამონათქვამიც ხომ გახსოვთ: საუკეთესო საშუალება მოერიო ცდუნებას, არის ის, რომ დანებდე მას. შესაძლოა, ეს გამონათქვამი ლამაზი პარადოქსი უფროა, ვიდრე სიბრძნე, მაგრამ ადამიანის დაუცხრომელ ბუნებას მაინც უფრო ის ინტერპრეტაცია ურჩევნია, ცდუნებისთვის ქედის მოხრას რომ გულისხმობს.ყენიაც "ზენიტში" წავიდა. პეტერბურგელთა იტალიელი თავკაცი ლუჩანო სპალეტი კი მხრებს იჩეჩავს, რუს ჟურნალისტებს არ ეუბნება, ქართველი ჩვენი ფეხბურთელიაო; ოდენ განმარტავს, ყენია კლუბის პრეზიდენტის რჩევით მოვიდა "ზენიტშიო".რუსეთი სპეციფიკური ქვეყანაა, სადაც მწვრთნელებიც სხვანაირად უწევენ ანგარიშს კლუბის პრეზიდენტებს. ყველა ლუის ვან გაალი ვერ იქნება, რომელიც ცხვირს არ აყოფინებდა თავის საქმეში ული ჰიონესსა და კალე რუმენიგეს. სპალეტი კი სულ სხვა კაცი ჩანს, ცდილობს, იქაური ქუდი დაიხუროს, სადაც არის.პრეზიდენტის რჩევით ფეხბურთელის აყვანა, ცოტა არ იყოს, მაზალო რამეა. წესით, პირიქით უნდა ხდებოდეს, მწვრთნელი უნდა ურჩევდეს პრეზიდენტს, ეს ფეხბურთელი ავიყვანოთო. მაგრამ ეს რუსეთია, სადაც თავიანთი წესები აქვთ.ყენიას ზენიტურმა პერიპეტიებმა მისი ყოფილი თანაგუნდელის, ლევან კობიაშვილის ძველი ამბავი გამახსენა. კობიაშვილი ვლადიკავკაზის "ალანიას" ფეხბურთელი რომ იყო, მაცდური წინადადებები ჰქონდა რაგინდარა რუსული კლუბებიდან, მაგრამ როცა მის ტრანსფერზე მიდგა საქმე, ტრავმა მიიღო.კობი ასეთიც უნდოდათ მაძღარ რუსულ გუნდებს, მაგრამ ჩვენებური "ალანიადან" მეორე ბუნდესლიგის "ფრაიბურგში" გადავიდა. ანუ ნაბიჯი უკან გადადგა, რათა მერე რამდენიმე ნაბიჯი გადაედგა წინ.არ ვიცი, ჰკითხა თუ არა რჩევა ყენიამ კობიაშვილს, მაგრამ რომ ეკითხა, გამოცდილი კაცისგან ცუდ რჩევას ნამდვილად არ მიიღებდა. კობიაშვილმა ამასწინდელ ინტერვიუში გვითხრა კიდეც, "ჰერტას" დირექტორმა ჩემს თვალწინ შესთავაზა ყენიას ბერლინურ კლუბში გადმოსვლაო..."ჰერტა" ერთია, მაგრამ "ზენიტი" სულ სხვაა. ყენიას ტრანსფერიც გაჯანჯლდა.ნაბიჯი უკან - გადაწყვეტილების მიღების ხელოვნება თურმე ასეთ სტრატეგიასაც გულისხმობს. შოთა არველაძემ ბოლო რეინჯერსული სეზონი რომ ითამაშა, აიბროქსელთა დამრიგებელ ალექს მაკლიშს ის თითქმის ჩამოწერილი ფეხბურთელი ეგონა მუხლის ქრონიკული ტრავმის გამო.შოთა "რეინჯერსიდან" "ალკმაარში" გადავიდა. ეს ორი კლუბი, თავიანთი ისტორიით, მნიშვნელობითა და ფილოსოფიით ერთმანეთთან ვერ მივა, მაგრამ გადაწყვეტილებამ გაამართლა - ტყუპისცალი "ალკმაარის" ლიდერი გახდა, გოლები ჰოლანდიაშიც შეყარა და ევროსარბიელზე მაკლიშის გაწვრთნილ შოტლანიის ნაკრებსაც გაუტანა "ჰემპდენ პარკზე"...ყენიას ახლა, ალბათ, მთელი საქართველო გულშემატკივრობს. მას ბევრი არ უთამაშია, მაგრამ ასეც შეაყვარა თავი ქართველ ქომაგს. ნაბიჯი უკან, თუნდაც "ჰერტაში" - ვინ იცის, იქნებ ეს უკეთესი ყოფილიყო...(იბეჭდება მცირე ცვლილებით)ყოველდღიური სპორტული გაზეთი "ლელო"ასევე იხილეთ:<a href="/fexburti/qarthuli-fekhburthi/legionerebi/36734-luchano-spaleti-levan-yenias-pirispir-unda-daelaparakos.html" target="_blank">ლუჩანო სპალეტი ლევან ყენიას პირისპირ უნდა დაელაპარაკოს</a><a href="/fexburti/qarthuli-fekhburthi/legionerebi/36234-luchano-spaleti-levan-yenias-thamashis-ori-tslis-tsinandeli-chanatserebi-vnakhe.html" target="_blank">ლუჩანო სპალეტი: ლევან ყენიას თამაშის ორი წლის წინანდელი ჩანაწერები ვნახე</a><a href="/fexburti/qarthuli-fekhburthi/legionerebi/35667-luchano-spaleti-levan-yenia-brtsyinvale-fekhburthelia-magram.html" target="_blank">ლუჩანო სპალეტი: ლევან ყენია ბრწყინვალე ფეხბურთელია, მაგრამ...</a><a href="/fexburti/qarthuli-fekhburthi/legionerebi/35665-levan-yenia-travma-ukvalod-gaqra-da-mikharia-rom-qzenitshiq-var.html" target="_blank">ლევან ყენია: ტრავმა უკვალოდ გაქრა და მიხარია, რომ "ზენიტში" ვარ! </a><a href="/fexburti/qarthuli-fekhburthi/legionerebi/35519-rusebi-levan-yeniaze-sankt-peterburgis-qzenitsq-sasirckhvilo-araferi-aqvs.html" target="_blank">რუსები ლევან ყენიაზე - სანკტ-პეტერბურგის "ზენიტს" სასირცხვილო არაფერი აქვს </a>

chala

და რატო გეცოდებათ ყენია რუსეთის პირველობისთვის? სუსტი პირველობა აქთ ხო? ააა მივხდი ხელფასს ვერ გადაუხდიან :))))))))))))- არ გახადეთ ეს ყენია ზიდანი და მესი ერთად. გააგიჟეს ეგ ბიჭი ვაი ჟურნალისტებმა და ვაი ფეხბურთის მცოდნეებმა- კი კი ეგრეა
dato-dato

მეცოდება ყენია რუსეთის ჩემპიონატისათვის
ilia

ფეხბურთი რუსეთში ქართველების მიმართ ავადმყოფურად პოლიტიზირებულია
Walkabout

მე ავტორისგან განსხვავებით მიმაჩნია რომ სწორედ ზენიტია ნაბიჯი უკან და ჰერტა ნაბიჯი წინ... ყველა რუსული, უკრაინული და პოსტსაბჭოთა გუნდი ქართველი ფეხბურთელებისთვის იქნება ნაბიჯი უკან, რა გარემოებებშიც არ უნდა ხდებოდეს ეს ტრანსფერი... კობიაშვილის თავის დროზე ფრაიბურგში ტრანსფერიც იყო სწორედ ნაბიჯი წინ და არა უკან, როგორც მიაჩნია ავტორს...
Burton

კარგი სტატიაა! ლევან, წადი ჰერტაში, ნუ დაიღუპავ რუსეთში თავს!

სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება

კვერნაძის 65 წუთი - "ფროზინონემ" "ატალანტასთან" უხვგოლიან მატჩში ქულა აიღო

საზონოვი შეცვლაზე შევიდა - "ხეტაფე" "ატლეტიკთან" განადგურდა

სანიოლი: კვარაცხელიას ვესაუბრე, მოწყენილია - კიდევ უფრო ძლიერი დაბრუნდება

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

დავითაშვილის "სენტ-ეტიენმა" დაძაბულ მატჩში "ნანტს" სძლია

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

VIDEO | ეროვნული ლიგა | მეშახტე 2-1 დილა. გარდამტეხი მეორე ტაიმი

წიტაიშვილი შეცვლაზე შევიდა - "რაიო ვალეკანო" "ელჩესთან" განადგურდა

ზივზივაძის "ჰაიდენჰაიმმა" "კოტბუსთან" ქულები გაიყო

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

"ჩემი ნება რომ იყოს, "რეალს" ამ ორ ფეხბურთელს ჩამოვაშორებდი" - ფერმინ ლოპესი "ელ კლასიკოს" წინ

"ვიმეგობებთ თუ არა მე და დვალიშვილი?" - იანმა შეკითხვას უპასუხა

ახალციხემ სუპერლიგაში პირველი გამარჯვება გორის ივერიონთან მოიპოვა

[VIDEO] მამუკელაშვილის 23 წუთი - "ლეიკერსმა" "კლიპერსი" დაამარცხა

Eurosport-მა პსჟ-ში კვარაცხელიას კიდევ ერთი შესაძლო შემცვლელის კანდიდატურა დაასახელა

ნიკა ამაშუკელი - ტოკიო, ლონდონი და გენუა