თენგიზ გაჩეჩილაძე ლონდონიდან: შენ რას იტყვი, კოლეგა

ჩვენი ლონდონური რუბრიკის დღევანდელი სტუმარია ცნობილი ჟურნალისტი ნუგზარ რუხაძე პირველ ყოვლისა, უნდა გითხრათ, რომ გაოცებული ვარ პროგრესით, რასაც თამაშებზე ვხედავ. ამ პროცესმა ბევრი ვეტერანი სპორტული ჟურნალისტის თვალწინ გაიარა და ალბათ, ისინი ყურადღებას ნაკლებად აქცევენ განსხვავებას. მე პირველად 1996 წელს ვიყავი ატლანტაში ოლიმპიადაზე.იცით, რომ მაშინ საქართველომ, როგორც დამოუკიდებელმა ქვეყანამ, თავისი სპორტსმენებით ზაფხულის ოლიმპიურ თამაშებში პირველად იასპარეზა? ყველაფერი კარგად მახსოვს და ახლა პარალელს რომ ვავლებ, ცისა და დედამიწის შესადარია განსხვავება.წინსვლა-განვითარება იგრძნობა ყველაფერში. მოკლედ რომ ვთქვა, ოლიმპიური თამაშების თანამედროვე მოთხოვნების შესატყვისი მთელი ინდუსტრია ჩამოყალიბებულა - გამართული და დახვეწილი, არნახულად სრულყოფილ სიმაღლეზე ასული. მარტო ინტერნეტი და ტელეტრანსლაციები რად ღირს.აბა, შეადარეთ თუნდაც ატლანტის თამაშების დროინდელი და ახლანდელი პრესცენტრების მუშაობა - რა სერვისი, რა ხელმისაწვდომობა, გარანტირებული ოპერატიულობა... მაგრამ, ხომ ხედავთ, ასეთ სიამოვნებას ფასიც შესაფერისი ადევს.ადრე მთავარ და სპორტული ბაზების პრესცენტრებში მომსახურების ხელმისაწვდომობა უფასო იყო. დღეს ასე აღარ არის და ალბათ, აღარც იქნება. ჟურნალისტებმა დიდი საქმე გააკეთეს ოლიმპიური მოძრაობის პროპაგანდა-პოპულარობისთვის და ახლა იქით აქვთ სახვეწარი. ესეც დიდი განსხვავებაა. სხვა საქმეა, ვინ როგორ შეაფასებს.ბრიტანეთის პოლიცია საერთოდ გამორჩეულია, მაგრამ ახლა, თამაშების დღეებში, დინჯად, უმაღლეს დონეზე და განსაკუთრებული მონდომებით ასრულებს თავის პროფესიულ მოვალეობას.შემოწმებები სპორტულ ბაზებზე თუ სასტუმროებში, თუნდაც ოლიმპიურ ტრანსპორტში ჩაჯდომისას კარგადაა ორგანიზებული და მომაბეზრებელი სულაც არ არის.გარდა ამისა, ხომ ხედავთ, ზღვა მოხალისეებია. შეიძლება მათგან ყველამ ყველაფერი არ იცის, მაგრამ დახმარების დიდი სურვილი ნამდვილად აქვთ. ცდილობენ, სტუმრებს არ შეექმნათ პრობლემები, რომ თითოეული მათგანი დადებითი ემოციებითა და დაუვიწყარი შთაბეჭდილებებით დაბრუნდეს თავის ქვეყანაში.ოლიმპიური ჩემპიონი და მისიის ხელმძღვანელი ოლიმპიადის შესახებლონდონში ყველაზე უწინ ქართული სპორტის ხელმძღვანელებიდან ჩვენი ეროვნული ოლიმპიური კომიტეტის ვიცე-პრეზიდენტი, ოლიმპიური ჩემპიონი დავით გობეჯიშვილი ჩავიდა.საქართველოს სპორტული დელეგაციის მისიის ხელმძღვანელობა მას დაევალა და ოლიმპიურ სოფელში საჭირო იყო თადარიგის დაჭერა.- ყველაფერი ჩინებულად მოგვარდა. შესანიშნავ ადგილზე და მდებარეობითაც მოხერხებულ კორპუსში გამოგვიყვეს ადგილი საცხოვრებლად. პირობები იდეალური გვაქვს. ლატვიელები, სომხები და ავსტრიელები არიან მეზობლად. ბუნებრივია, გამორჩეული ურთიერთობა საბჭოეთისდროინდელ მეგობრებთან გვაქვს.საერთოდ, ხომ იცით, ოლიმპიური სოფელი რა სულისკვეთებითაც ცხოვრობს ამ უდიდესი სპორტული დღესასწაულის დღეებში. არის მხიარულება, გართობა, ურთიერთის მონახულება - ამისთვისაც იცლიან.ოლიმპიურ სოფელში ყველამ კარგად ვიცით, რომ ზღვარს არავინ გადავა. საერთო მეგობრული ატმოსფერო კი, რაც ოლიმპიური იდეალების შემადგენელი ნაწილია, თითოეული ოლიმპიელის განწყობაზე დადებითად მოქმედებს. მოკლედ, სოფელში კარჩაკეტილად არავინ ცხოვრობს.განვლილი ხუთი დღის შეფასებაც მთხოვეთ და გეტყვით, რომ მთლად უკმაყოფილო არ ვართ. აი ახლა, როცა ჩვენ ვსაუბრობთ, უკვე 1 აგვისტოს ნაშუადღევია და ამ დროისთვის ოლიმპიადის მასპინძელ ქვეყანას ჯერ ჩემპიონი არ ჰყავს. ჩვენი პატარა ქვეყნის 20 წლის ბიჭმა კი ეს შეძლო. ყველა ამაზე ლაპარაკობს.საერთოდაც, ვფიქრობ, ეს ოლიმპიადა ახალგაზრდების, ახალი თაობის იქნება. ნახეთ, ცურვაში ოლიმპიადის ოქროს მედლები მოიპოვეს 15 წლის ლატვიელმა და 16 წლის ჩინელმა. მერწმუნეთ, ჩვენ წარმატებები ჯერ კიდევ წინ გვაქვს - გვითხრა საქართველოს ოლიმპიური მისიის ხელმძღვანელმა დავით გობეჯიშვილმა.თენგიზ გაჩეჩილაძე ლონდონიდანყოველდღიური სპორტული გაზეთი "ლელო"<a href="/sport/skhvadaskhva/olimpizmi/36595-thengiz-gachechiladze-londonidan-dgheidan-msoflio-olimpiur-enaze-alaparakdeba.html" target="_blank"></a>

[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

ერიკსენი კარიერას "ვოლფსბურგში" გააგრძელებს

PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა

ახალი ეტაპი "იბერიაში" - გუნდს გუგა ნერგაძე უხელმძღვანელებს

ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება

"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად

ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ

"მინდა გვარდიოლამ ესპანეთის ნაკრები ჩაიბაროს" - დავიდ სილვა

ვსა-მ დუდუ დადიანის თასი ზედიზედ მეორედ მოიგო

20 წლამდელთა ნაკრებს ვიტო კოლელიშვილი ჩაიბარებს

კონფერენს ლიგა: სიგუას ლამაზი სოლო-რეიდი და საგოლე პასი

[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო

[VIDEO] კიტეიშვილი დაბრუნდა და "რეინჯერსს" გაუტანა

The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის

კვერნაძე ერთმატჩიანი დისკვალიფიკაციით დასაჯეს

რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო

19-წლამდელები ბოსნია და ჰერცეგოვინას დაუპირისპირდებიან - შემადგენლობა

21-წლამდელთა შემადგენლობა ოქტომბრის მატჩებისთვის

კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია

"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი

"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა

"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა