- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველი ძიუდოისტების ბოლო მარცხი ოლიმპიადაზე [+VIDEO]
![ქართველი ძიუდოისტების ბოლო მარცხი ოლიმპიადაზე [+VIDEO]](images/new_photo/QARTULI/SPORT/sxvadasxva/LONDON2012/adam-okruashvili-34634634.jpg)
<p>მოლოდინისამებრ, ადამ ოქრუაშვილმაც წარუმატებლად დაასრულა გამოსვლა ლონდონის ოლიმპიადაზე <br> მოლოდინისამებრ, ადამ ოქრუაშვილმაც წარუმატებლად დაასრულა გამოსვლა ლონდონის ოლიმპიადაზე - ჩვენებური პირველივე წრეში გერმანელ ევროპის ჩემპიონთან და მსოფლიოს ორგზის ვერცხლის მედალოსან ანდრეას ტოლცერთან წმინდად დამარცხდა (<a href="/mtavari/video.html?view=video&video=1449" target="_blank"><span style="color: #ff0000;"><strong>იხილეთ ვიდეო</strong></span></a>).</p><p>ამ წყვილში ურთიერთშეხვედრაში ხუთივე ბრძოლის მომგები გერმანელი მიიჩნეოდა და ოქრუაშვილსაც ეტყობოდა სიფრთხილე.</p><p>ამით იპონს მართლაც გადაურჩა, მაგრამ მსაჯმა ზედიზედ სამი გაფრთხილებაც მისცა, გერმანელს - ერთი. ქართველს აშკარად ეტყობოდა, რომ მთელი აქცენტი დაცვაზე ჰქონდა გადატანილი, როგორმე არ მიეცა ჩავლება და გაჰქცეოდა, რასაც ერთხანს ახერხებდა კიდეც, ორჯერ შეტევასაც გადაურჩა, მაგრამ შეხვედრის შუაში გერმანელმა თავისი დომინირება შებოჭვით დაასრულა.</p><p>ამდენად, საქართველოს ნაკრებმა ლონდონის ოლიმპიადაზე გამოსვლა ერთი ოქროთი დაასრულა - მას 66 კილოგრამში 20 წლის ლაშა შავდათუაშვილი დაეუფლა. ოქრო ძალიან კარგია, მაგრამ ცუდია, რომ დანარჩენი წონების წარმომადგენლებმა სუსტად იასპარეზეს - მეორე წრეს ვერც ერთი ვერ გასცდა.</p><p><strong>რინერის ზეობა და ტონგის დაცემა</p><p></strong>გუშინ ძიუდოისტთა ტურნირის მთავარი მოულოდნელობა ქალთა შორის მოხდა, სადაც ჩინელი ოლიმპიური ჩემპიონი, მსოფლიოს შვიდგზის გამარჯვებული ვენ ტონგი მარცხი იყო ნახევარფინალში, თორე, ვაჟებში ფრანგი ტედი რინერის გამარჯვებაში გასაკვირი არაფერია...</p><p>რაოდენ გასაკვირიც უნდა იყოს, ჩინელი მთა-ქალი ბოლო რამდენიმე წლის განმავლობაში მეორედ დამარცხდა და რა გასაკვირია, მისი წამქცევი კუბელი იდალის ორტისი ჩემპიონიც თუ გახდა. არადა, შარშან მსოფლიოს პირველობაზე ჩინელმა მტკივნეულით მოუგო ორტისს - ხელი კინაღამ მოაძრო.</p><p>იმის მიუხედავად, რომ ქალთა ფინალში გამარჯვებული მსაჯთა გადაწყვეტილებით გაირკვა, შედეგი სავსებით ლოგიკურია - კუბის დროშის დარი ათეულობით თმის სამაგრი სამფეროვანი ბაფთებით უცნაურად აჭრელებული ორტისი იაპონელ მსოფლიოს ორგზის ჩემპიონ მიკა სუგიმოტოზე აქტიური იყო.</p><p>ამ წონაში ჩინელთან ერთად კვარცხლბეკზე მასპინძელი კარინა ბრიანტი ავიდა და ტრიბუნებს ტირილითაც მიესალმა.</p><p>ამ 33 წლის ქალმა პირველი ოლიმპიური ჯილდო მოიპოვა, თუმცა ტატამიდან ისე მიდის, დიდი ტიტული ერთხელაც ვერ მოიგო. არადა, მსოფლიოს ფინალში 5-ჯერ გავიდა, მაგრამ ყველა წააგო.</p><p>მოლოდინისამებრ, რინერიმ იოლად გაიმარჯვა, თუმცა ფინალში რუს ალექსანდრ მიხაილინს მხოლოდ გაფრთხილებებით მოუგო. ოღონდ სამივე მათგანი დაიმსახურა - მთელი შეხვედრა უფრო აქტიური იყო და ილეთის მცდელობაც მხოლოდ მას ჰქონდა.</p><p>ფრანგმა სამი გაფრთხილებით ნახევარფინალშიც იმარჯვა კორეელ სუნგ-მინ კიმთან და სულ პირველ შეხვედრაშიც პოლონელ იანუშ ვოინაროვიჩთან, კუბელი ოსკარ ბრისონი და ტუნისელი ფაიცელ ჯაბალანი კი დაიპონა.</p><p>ის რომ ძალიან უბრალო ადამიანის, 2007-ში მსოფლიოს პირველობაზე თავადაც დავრწმუნდი და ახლაც ფინალის შემდეგ დიდხანს ესალმებოდა ტრიბუნებს, ორგზის ოლიმპიურ ჩემპიონ დავიდ დუიეს, საფრანგეთის ფედერაციის პრეზიდენტ ჟან-ლუი რუჟეს და სხვებს, ქომაგთა ლამის ყველა ჯგუფთან მივიდა და მედალზე კოცნის საშუალება მისცა, მანამ კი მთავარი მწვრთნელის ოქროსფერ ფეხსაცმელს ეამბორა.</p><p>32 წლის მსოფლიოს სამგზის ჩემპიონ მიხაილინს პირველად ეღირსა ოლიმპიადაზე გამოსვლა და მიზნამდე არც ისე ბევრი დააკლდა. ცხადია, ის ფინალის შედეგით უკმაყოფილო იყო და ერთ მომენტში რინერის ჩამორთმევის ნაცვლად ხელი უდიერადაც აუქნია, რაც აფექტის ბრალია, თორემ გულღრძო მოჭიდავე არაა.</p><p>2009 წელს თბილისში, ევროპის ჩემპიონატზე ვალერი ლიპარტელიანმა ფინალი რომ წააგო და გასახდელში ვერ ამშვიდებდნენ, ამ დროს მიხაილინი გვერდით ოთახში ბრინჯაოსთვის საჭიდაოდ ემზადებოდა, მაგრამ გავიდა და დაამშვიდა ახალგაზრდა კოლეგა... მისი ხასიათი იმაშიც ჩანს, რომ სამი შვილის მამამ ობოლი ბავშვი იშვილა...</p><p>მოლიდინისამებრ, იაპონია ოქროს მედლის გარეშე დარჩა, თუმცა გუშინ ოქროს ვინ დაეძებდა, მედალი საერთოდ ვერ მოიპოვეს - 2010 წელს ტოკიოში გამართული მსოფლიოს აბსოლუტური პირველობის ფინალში რინერის მსაჯთა დახმარებით მძლეველი დაიკი კამიკავა მეორე შეხვედრაში ბელარუს ოლიმპიურ ჩემპიონ იჰარ მაკარაუსთან დამარცხდა.</p><p>ამდენად, ვაჟთა ტურნირმა რუსთა დომინირებით ჩაიარა, რომლებმაც მოიგეს ყველა პარამეტრით - მედლების საერთო რაოდენობითაც და ოქროებითაც. მათ ანგარიშზე 3 ოქრო და თითო ვერცხლ-ბრინჯაო. კიდევ ერთი კაცი მეხუთეზე გავიდა ანუ 7-დან 6-მა მედლისთვის იჭიდავა და მხოლოდ ერთი გავარდა ნაადრევად.</p><p>მეორეზე კორეაა 2 ოქროთი და 1 ბრინჯაოთი. დარჩენილი ორ მედალი ჩვენ და საფრანგეთმა გავინაწილეთ, თუმცა "მამლებს" 1 ბრინჯაოც აქვთ. იაპონიამ 2-2 ვერცხლ-ბრინჯაო ირგუნა (მათ ქალებში კი ირგუნეს 1 ოქრო). კუბას მხოლოდ ერთი ვერცხლი აქვს აქტივში, ბრაზილიას - ორად ორი ბრინჯაო.</p><p>იმის მიუხედავად, რომ იმ ერთი ოქროთი ასეთ ძლიერ ქვეყნებს მოვექეცით თავში, ოლიმპიადაზე ჩვენი გუნდის გამოსვლას წარმატებულს მაინც ვერ დავარქმევთ. დაველოდოთ მოჭიდავეთა გამოსვლას, რომელიც ხვალ იწყება და ვიქონიოთ უკეთესის იმედი.</p><p><strong>კვარცხლბეკი. ვაჟები.</p><p></strong>+100 კგ. 1. ტედი რინერი (საფრანგეთი), 2. ალექსანდრ მიხაილინი (რუსეთი); 3. რაფაელ სილვა (ბრაზილია), ანდრეას ტოლცერი (გერმანია).</p><p><strong>ქალები</p><p></strong>+78 კგ. 1. იდალის ორტისი (კუბა); 2. მიკა სუგიმოტო (იაპონია); 3. კარინა ბრიანტი (ბრიტანეთი), ვენ ტონგი (ჩინეთი).</p><p><strong>ყოველდღიური სპორტული გაზეთი "ლელო"</strong></p>
[VIDEO] საქართველოს ძიუდოისტთა ნაკრებმა ევროპის ჩემპიონატზე ვერცხლის მედალი მოიპოვა
საქართველოს ძიუდოისტთა ნაკრები ევროპის გუნდური ჩემპიონატის ფინალშია!
საქართველოს ძიუდოისტთა ნაკრები ევროპის გუნდური ჩემპიონატის ნახევარფინალშია!
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
უნგრეთთან მატჩში საქართველოს ნაკრების შემადგენლობა ცნობილია
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან
ნიდერლანდების 7:0 საბერძნეთთან და გერმანიის მიერ სერბეთის ძლევა
18 წ. | შემადგენლობა ევროპის ჩემპიონატის ფინალისთვის
უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით
საბა ლაზიშვილი ხვალ RAF-ზე იჭიდავებს!
"ბორჯღალოსნები" | კაპიტნის ვარჯიში ტონგამდე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ
"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა
"ბორჯღალოსნები" | შემადგენლობა მე-300 მატჩისთვის
მამარდაშვილი: ისევ შეგვიძლია ისე, როგორც ევროპის ჩემპიონატზე!
სვანაძე: აღმართს დაღმართი მოსდევს - მხოლოდ ერთი ფეხბურთელი არაა მზად
"ლივერპულში" დარჩენის მოსურნე ალისონმა, დასვენების დრო წარმატებული თევზაობით შეავსო