<p>საქართველოს ნაკრებმა მსოფლიოს 2014 წლის ჩემპიონატის საკვალიფიკაციო ტურნირამდე დარჩენილი ბოლო მატჩი მოიგო <br> საქართველოს ნაკრებმა მსოფლიოს 2014 წლის ჩემპიონატის საკვალიფიკაციო ტურნირამდე დარჩენილი ბოლო მატჩი მოიგო და ახალი შესარჩევი ციკლის წინ კარგი განწყობა შეიქმნა.</p><p>საბედნიეროდ, ამჯერად ჩვენს ეროვნულ გუნდს მაჩანჩალასთან აღარ წაუფორხილებია, თუმცა ლუქსემბურგში იოლად სულაც არ მოუგია და საკმაო ბრძოლა გადახდა.</p><p>როგორც მოსალოდნელი იყო, 15 აგვისტოს საქართველოს ნაკრებს კაპიტანი <strong>ზურაბ ხიზანიშვილი</strong> დააკლდა, რომლის ნაცვლადაც სამკლავური <strong>ჯაბა კანკავამ</strong> მოირგო.</p><p>ჩვენი გუნდის ძირითად შემადგენლობაში კი განსაკუთრებული სიურპრიზები არ ყოფილა. უცვლელი დარჩა სქემაც, თუმცაღა მეტოქის ფაქტორიდან გამომდინარე, საქართველოს ნაკრებმა "პირველი ნომრობა" სცადა.</p><p>რაკი პირდაპირი ტელერეპორტაჟი არ ყოფილა, შეხვედრას ინტერნეტით ვადევნეთ თვალი, თუმცა გამოსახულება ხშირად იჭედებოდა და ამიტომაც მატჩის შესახებ სრული წარმოდგენა ვერ შევიქმენით.</p><p><img src="/media/images/new_photo/QARTULI/SOCCER/Nakrebi/mtavarinakrebi/matches/luxemburg-georgia 1-2 15082012.jpg" border="0" alt="Sportall.Ge" title="ლუქსემბურგი-საქართველო 1:2 - გამარჯვება ათი კაცით და კლასის ხარჯზე [+VIDEO]" width="290" height="187" style="margin: 5px 10px; float: left;" />ზოგადად კი, იმის თქმა შეგვიძლია, რომ <strong>თემურ ქეცბაიამ</strong> ამჯერად აშკარად შეტევაზე გააკეთა აქცენტი და სწრაფი გოლით ქართველებმა გამარჯვებისკენ დიდი ნაბიჯი გადადგეს. <strong>ლევან მჭედლიძემ</strong> ორ მეურვეს აჯობა და საჯარიმოს გარედან ეფექტური გოლი გაიტანა.</p><p>ამის შემდეგ თითქოს საქართველოს ნაკრებს სერიოზული დაბრკოლება აღარ ელოდა, მაგრამ არბიტრმა მე-14 წუთზე <strong>გურამ კაშია</strong> ბოლო იმედის ჯარიმისთვის გააძევა, რამაც სტუმართა ამოცანა გაართულა.</p><p>ჩვენი გუნდის სასახელოდ უნდა ითქვას, რომ საკმაო დროის განმავლობაში კაცნაკლულობა არ დასტყობია. მეტიც, <strong>ქეცბაიას</strong> გუნდმა უპირატესობის განმტკიცებაზე ზრუნვა განაგრძო და ეს შეძლო კიდეც - 31-ე წუთზე <strong>მჭედლიძემ</strong> ბურთი მკერდით დაუგდო <strong>ალექსანდრე ამისულაშვილს</strong>, რომელმაც მეტოქის კარში ბურთი ერთით გადაგზავნა და ანგარიში ორამდე გაზარდა.</p><p><img src="/media/images/new_photo/QARTULI/SOCCER/Nakrebi/mtavarinakrebi/matches/luxemburg-georgia 1-2 15082012 0003.jpg" border="0" alt="Sportall.Ge" title="ლუქსემბურგი-საქართველო 1:2 - გამარჯვება ათი კაცით და კლასის ხარჯზე [+VIDEO]" width="290" height="228" style="margin: 5px 10px; float: left;" />უქმად არც მასპინძლები ყოფილან და თამაშში ჩართვა <strong>გიორგი ლორიასაც</strong> უხდებოდა, რომელიც მეტოქის რამდენიმე მცდელობას წინ დამაჯერებლად აღუდგა.</p><p>მეორე ტაიმში <strong>ქეცბაიამ</strong> ცვლილებებს მიმართა, თუმცა ამით მისი გუნდის თამაშის ხარისხი დიდად არ გაუარესებულა. გამონაკლისია მატჩის დასკვნითი ნაწილი, როცა რიცხობრივი უპირატესობით ასეთი დაბალი დონის მეტოქემაც კი იხეირა და თერთმეტმეტრიანით ჯერ ანგარიში შეამცირა, შეხვედრის მიწურულს კი ქართველთა კართან შტურმისმაგვარი მოაწყო და სტუმრებს საქმის გამარჯვებამდე მისაყვანად დიდი ბრძოლა დასჭირდათ.</p><p>არასასიამოვნო იყო მეორე ტაიმის შუაწელში მომხდარი ამბავი, როცა საკმაოდ რიგიანად მოთამაშე <strong>ჯანო ანანიძემ</strong> კუნთი დაიჭიმა და შესაცვლელი შეიქნა.</p><p>იმედია, საქართველოს ნაკრების ერთ-ერთი საკვანძო ფიგურა ოფიციალურ მატჩებს სრულ მზადყოფნაში შეხვდება.</p><p><img src="/media/images/new_photo/QARTULI/SOCCER/Nakrebi/mtavarinakrebi/matches/luxemburg-georgia 1-2 15082012 0002.jpg" border="0" alt="Sportall.Ge" title="ლუქსემბურგი-საქართველო 1:2 - გამარჯვება ათი კაცით და კლასის ხარჯზე [+VIDEO]" width="290" height="174" style="margin: 5px 10px; float: left;" />ფსიქოლოგიური თვალსაზრისით, ეს გამარჯვება უდავოდ მნიშვნელოვანი იყო - სხვა რომ არაფერი, მართალია, სუსტ მეტოქესთან, მაგრამ მაინც კაცნაკლულებმა გავიმარჯვეთ.</p><p>იმის თქმა კი მაინც ძნელია, არის თუ არა საქართველოს ნაკრები მზად თუნდაც იმისთვის, რომ შინ ბელარუსს სძლიოს და ესპანეთს ღირსეული წინააღმდეგობა გაუწიოს.</p><p>ცოტაც მოვითმინოთ და სექტემბრის ოფიციალური მატჩები ყველა შეკითხვას გასცემს პასუხს.</p><p><span style="color: #ff0000;"><strong>საერთაშორისო </strong></span><span style="color: #ff0000;"><strong>ამხანაგური მატჩი</strong></span></p><p>15.08. ობერკორნი. 1 000 მაყურებელი</p><p><em><strong>ლუქსემბურგი-საქართველო 1:2</strong></em> (<a href="http://www.palitratv.ge/akhali-ambebi/sporti/20412-kacnaklulma-saqarthvelos-nakrebma-luqsemburgi-21-daamarckha.html" target="_blank"><span style="color: #ff0000;"><strong>იხილეთ ვიდეო</strong></span></a>)</p><p>გოლები: 0:1 მჭედლიძე (2), 0:2 ამისულაშვილი (31), 1:2 იოაჰიმი (84. პენ.)</p><p>გაძევება: კაშია (14)</p><p>საქართველო: ლორია - გ. კაშია, ხუბუტია, ამისულაშვილი (78. ფოფხაძე), გრიგალავა - კანკავა, კობახიძე (46. ლობჟანიძე) - თარგამაძე (46. დაუშვილი), ანანიძე (68. გურული), ოქრიაშვილი (90. გელაშვილი) - მჭედლიძე (46. სირბილაძე).</p><p>სათადარიგოები: რევიშვილი, კვასხვაძე, დევდარიანი, ვაწაძე</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:</span></strong><strong></p><p></strong><a href="/fexburti/qarthuli-fekhburthi/erovnuli-nakrebi/32993-saqarthvelo-thurqethi-13-metis-imedi-ar-unda-gvqondes-video.html" target="_blank">საქართველო-თურქეთი 1:3 - მეტის იმედი არ უნდა გვქონდეს [+VIDEO]</a><strong></strong></p>
dinamo
ანანიძეზე დაცერეთ რა რა მოუვიდა რო გაიყვანეს სტადიონიდან ტრანვა აქ ? :((
ქომაგი
უკაცრავად, უკაცრავად... დავინახე :)
ქომაგი
და აბა სადაა +VIDEO?
"სანიოლმა ნაკრებში თავისი თავი ამოწურა... გასულ მატჩებში ჩემთვის გაუგებარი რაღაცები ხდებოდა..." - დევდარიანმა ეროვნული გუნდის ბოლო 2 შეხვედრა შეაფასა
საქართველოს ნაკრები - ორი მარცხი და ორი ადგილით უკუსვლა რეიტინგში
საქართველო - ესპანეთი | ინფორმაცია ბილეთების შესახებ
"კვარა" ისევ როტაციაში და ორი მნიშვნელოვანი მატჩი პარალელურად
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
"ბარსელონამ" შეიძლება ტერ შტეგენი სხვა კლუბში გაუშვას
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა
ვარსკვლავური ფინალი 90 კილოგრამ წონით კატეგორიაში - ძიუდოში საქართველოს მასტერსი გაიმართა
[PHOTO] "სიტისთან" მატჩამდე მიქაუტაძე ძველ მეგობარს შეხვდა
კატასტროფულმა ზაბარნიმ უნიკალური ანტირეკორდი გაიმეორა