- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ახალგაზრდული ნაკრები - სუბიექტური შეფასება ობიექტურ ფაქტებზე
<p>ხორვატებთან მატჩში ალექსანდრე ჩივაძის გუნდის თითოეული ფეხბურთელის თამაშის მიმოხილვა <br> 15 აგვისტოს საქართველოს ახალგაზრდულმა ნაკრებმა ევროპის ჩემპიონატის შესარჩევ ციკლში ბოლოსწინა მატჩი ითამაშა ხორვატიასთან და საქმეს ისეთი პირი უჩანს, რომ ცხრილში მესამე ადგილს შეინარჩუნებს - შინ ესტონეთს ეთამაშება, ხორვატია კი სტუმრად ესპანეთს შეხვდება.</p><p><strong>ალექსანდრე ჩივაძემ</strong> ახალი გუნდის შენება დაიწყო. მის ხელში გუნდი ჯერ წაუგებელია. ხორვატიასთან მატჩის შემდეგ ჩივაძემ განაცხადა, ამ თამაშმა ბევრი რამ დამანახაო და თუ რა დაანახა, 6 სექტემბერს ესტონეთთან შეხვედრაში უნდა გამოჩნდეს.</p><p>მანამდე კი იმ ფეხბურთელთა თამაში მიმოვიხილოთ, ხორვატიასთან რომ გავიდნენ მოედანზე.</p><p><strong>გიორგი ნადირაძემ</strong> ამ შესარჩევში მეორედ დაიცვა საქართველოს ნაკრების კარი. გაშვებულ გოლში მისი დადანაშაულება ცოტა რთულია. ოციოდე მეტრიდან კი იყო დარტყმული, მაგრამ ხორვატ <strong>ანდრეი კრამარიჩს</strong> ხელს არავინ უშლიდა.</p><p>ნადირაძეს ჯერ არ აქვს სხვებზე მეტი საერთაშორისო გამოცდილება და მის პოტენციალზე საუბარიც, ალბათ, ნაადრევია.</p><p><strong>არჩილ ტვილდიანის</strong> შესაძლებლობებს უკეთ ვიცნობთ. ხორვატიასთან პირველ ტაიმში ის გამორჩეული იყო. შეტევაში ყოჩაღად მიდიოდა და დაცვაშიც რიგიანად ირჯებოდა.</p><p>განაპირა მცველების პრობლემა ჩვენს ეროვნულ ნაკრებს წლობით აქვს და ტვილდიანის თამაში ამადაც არის საინტერესო. ის "დინამო თბილისის" მეორე გუნდში თამაშობს და საკმაოდ კარგ შთაბეჭდილებასაც ტოვებს. 17-წლამდელთა ნაკრებშიც ერთ-ერთი გამორჩეული გახლდათ.</p><p><strong>საბა კვი</strong><strong>რკველიას</strong> აღნაგობა არ დაეწუნება, თუმცა ხორვატიასთან მატჩში წუნი ჰქონდა. ის უფრო მოქნილი რომ იყოს, უფრო ეფექტურიც იქნებოდა.</p><p>კვირკველია 20 წლისაა და ჯერაც აქვს იმის შანსი, რომ ხარვეზები გამოასწოროს. ამ პოზიციაზე ახალგაზრდულ ნაკრებში სხვა არჩევანიც არსებობს და ვნახოთ, ვინ როგორ გაუძლებს კონკურენციას.</p><p><strong>მამუკა კობახიძე</strong> რა ხანია, "ზესტაფონის" ძირითადის ფეხბურთელია, თუმცა მასაც არ უნდა ჰქონდეს დაბევებული ადგილი ნაკრებში.</p><p>დაცვის მარცხენა ფლანგზე ჩივაძემ <strong>თედო გრიგალაშვილი</strong> გაამწესა. ეს მისი პირველი გამოცდა იყო ასეთ დონეზე. ჩვენი ნაკრების მარცხენა ფლანგს განსაკუთრებით მეორე ტაიმში გაუჭირდა, ხორვატიის ნაკრების შეტევათა მეტი წილი აქედან მოდიოდა.</p><p><strong>ნიკა კვეკვესკირს</strong> ჩივაძემ კაპიტნის სამკლავური გაუკეთა. ამ ეტაპზე კვეკვესკირს ჯერ "დინამოში" აქვს დასამტკიცებელი საკუთარი შესაძლებლობები უმცროს <strong>დუშან უჰრინთან</strong>.</p><p><strong>ჯაბა ჯიღაურმა</strong> ამ შესარჩევში უკვე მეოთხე მატჩი ითამაშა. კარგი მონაცემები აქვს ამ შუახაზელს, თუმცა ხორვატიასთან მათი სრულად წარმოჩენა ვერ მოახერხა.</p><p><strong>ნიკა ძალამიძე</strong> სხვებზე გამოცდილია, არაერთ ასაკობრივ ნაკრებში უთამაშია. ხორვატიასთან საგოლე პასი შეასრულა. მას არაერთი კონკურენტი ეყოლება ნაკრებში, თამაშის წაყვანა სხვასაც შეუძლია.</p><p><strong>გიორგი პაპავა</strong> ცენტრალური ნახევარმცველია და ჩივაძემ ხორვატიასთან, ფაქტობრივად, მარცხენა გარემარბად ათამაშა პირველ ტაიმში. ეს მისი პოზიცია არ არის - ასეთია ჟურნალისტური აზრი.</p><p><strong>გიორგი ჭანტურია </strong>სულ სხვა კლასია, თუმცა ლიდერობა მხოლოდ ამით არ მოდის. ხასიათი მოედანზე - ჭანტურიას ეს აქვს და მისგან ყოველთვის სხვებზე მეტს ელიან.</p><p>ის 19 წლისაა და ამ ასაკში უკვე ეროვნულ ნაკრებშიც თამაშობენ - ვფიქრობ, ჭანტურიასთვის მეტრი სწორედ ეროვნული ნაკრები უნდა იყოს.</p><p><strong>დავით სხირტლაძემ</strong> გოლი გაიტანა. ამ შემტევს სხვა რამეებიც ეხერხება კარგად. საინტერესო ფეხბურთელია. მეტი მუხტი რომ ჰქონდეს, სასურველი იქნებოდა.</p><p>შეცვლაზე პირველი <strong>ლაშა ჩაფიძე</strong> შევიდა. წინა სეზონში ცხინვალის "სპარტაკში" იყო განათხოვრებული "დინამოდან" და რამდენიმე შეხვედრაში მართლაც ეფექტურად ითამაშა. მეტი საერთაშორისო გამოცდილება სჭირდება - ხორვატიასთან ასეთი შთაბეჭდილება დატოვა.</p><p><strong>დავით კოხიამ</strong> პირველად ითამაშა საქართველოს მაისურით. ის რუსული "ვოლგას" ფეხბურთელია. ხორვატიასთან ოცი წუთი დაჰყო მოედანზე და მისი თამაშის შეფასება რთულია.</p><p><strong>კონსტანტინე გაბაშვილი</strong> სწრაფი და აგრესიული თავდამსხმელია. ჯერაც დასამტკიცებელი აქვს საკუთარი შესაძლებლობები ნაკრებში თუ კლუბში.</p><p>ხორვატიასთან სათადარიგო გახლდათ <strong>ვაკო ყაზაიშვილი</strong>. შესაძლოა, ის ჭანტურიაზე ნიჭიერიც კი იყოს, ბევრი კარგი თვისება აქვს. ვნახოთ, როგორ გამოიყენებს მას ჩივაძე.</p><p>სათადარიგო იყო <strong>ლაშა პარუნაშვილიც</strong>. ეს შუახაზელი განსაკუთრებული მონაცემების ფეხბურთელია, თამაშის წარმართვაც შეუძლია და დაცვითი ფუნქციების შესრულებაც.</p><p>ჩივაძეს მაღალი საფეხბურთო გემოვნება აქვს და გამიკვირდა, დინამოელ პარუნაშვილს ხორვატიასთან თავის გამოჩენის შანსი რომ არ მისცა...</p><p>დანარჩენი 6 სექტემბერს გამოჩნდება.</p><p><span style="color: #ff0000;"><strong>სატურნირო მდგომარეობა</strong></span></p><p><em>ა გ თ მ ფ წ ბ ქ</em></p><p>1. ესპანეთი 6 6 0 0 21-2 18</p><p>2.შვეიცარია 6 4 1 1 12-4 13</p><p><strong>3.საქართველო 7 2 1 4 6-17 7</strong></p><p>4.ხორვატია 7 2 1 4 7-10 7</p><p>5.ესტონეთი 6 0 1 5 1-14 1</p><p><strong>დარჩენილი მატჩები:</strong></p><p><em>6 სექტემბერი </em></p><p>საქართველო-ესტონეთი</p><p>შვეიცარია-ესპანეთი</p><p><em>10 სექტემბერი</em></p><p>ესპანეთი-ხორვატია</p><p>შვეიცარია-ესტონეთი</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ: </span></strong></p><p><a href="/fexburti/qarthuli-fekhburthi/asakobrivi-nakrebebi/37635-u21-saqarthvelo-khorvatia-11-sasurveli-fre-akhali-gundith.html" target="_blank">U21. საქართველო-ხორვატია 1:1 - სასურველი ფრე ახალი გუნდით</a></p>
17-წლამდე ვაჟთა ნაკრები საწვრთნელ შეკრებას იწყებს
U19 | მონტენეგრო 2:1 საქართველო
19-წლამდელები მონტენეგროში ამხანაგურ მატჩებს გამართავენ
"ლიონი" - "მეცი". სამივე ქართველი სასტარტოშია
20 წლის ქართველი ფეხბურთელი "მილანთან" მატჩის განაცხადშია
"რეალმა" ტონი კროოსის შემცვლელს "კრისტალ პალასში" მიაგნო - "არწივები" 80 მილიონს ითხოვენ
"სამზარეულოში გიშვებდა და საჭმელს გაკეთებინებდა" - "იუნაიტედის" ყოფილმა მეკარემ სერ ალექს ფერგიუსონზე საინტერესო ისტორია გაიხსენა
"ყველაფერს გავაკეთებ, რომ კურტუას დონეზე ავიდე" - ლუნინმა "რეალიდან" წასვლა გამორიცხა
[VIDEO] ბუნდესლიგა უხვგოლიანი მატჩით გაიხსნა - "ბაიერნმა" "ლაიფციგი" გაანადგურა
ხვიჩას გარეშე. პსჟ სეზონს მძიმედ იწყებს - "ანჟესაც" მინიმალური ანგარიშით მოუგო
ლოჩოშვილის "ნიურნბერგი" ისევ დამარცხდა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
დე ლაურენტისი: "კვარა" და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ...
პსჟ-ს მეკარე შეიძლება ესპანურ გუნდში გადავიდეს
"შავი ლომი" | 30 მორაგბით იტალიაში
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
29 წლის ასაკში ქართველი ფეხბურთელი ტრაგიკულად დაიღუპა
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"რასაც "კრასნოდარი" სპერციანს უკეთებს, ამას ეგოიზმი ჰქვია" - სომეხმა ჟურნალისტმა რუსული კლუბი გააკრიტიკა
"ჩეფერინი რუსულ ფეხბურთზე გიჟდება და მის ევროპულ არენაზე დასაბრუნებლად იმაზე მეტს აკეთებს, ვიდრე შეუძლია" - ვალერი კოლოტილო
მატჩის დღე! ხვიჩა კვარაცხელია განაცხადში არაა