- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ამხანაგური მატჩი. ინგლისი-იტალია 2:1 - როი ჰოჯსონმა შეუტია და მოიგო
<p>ინგლისის და იტალიის ეროვნული ნაკრებების ამხანაგურ შეხვედრას უახლოეს რეზერვზე დაკვირვების ფუნქცია უფრო ჰქონდა <br> ინგლისის და იტალიის ეროვნული ნაკრებების ამხანაგურ შეხვედრას უახლოეს რეზერვზე დაკვირვების ფუნქცია უფრო ჰქონდა, მაგრამ გუნდების სტატუსიდან გამომდინარე, თამაშმა მაინც დიდი ყურადღება მიიქცია; თვითონ მატჩიც დაძაბული გამოდგა და ხისტი ორთაბრძოლებით გამოირჩა.</p><p>ჩეზარე პრანდელიმ 4-4-2 სქემა აირჩია და შეტევის წინა ხაზზე სტეფან ელ შაარავისა და მატია დესტროს ტანდემი გაამწესა.</p><p>ფორვარდთა უკან გამოცდილი ნახევარმცველების ოთხეული მოქმედებდა ანტონიო ნოჩერინოს, ალესანდრო დიამანტის, დანიელე დე როსის და ალბერტო აკვილანის შემადგენლობით.</p><p>რაც შეეხება დაცვას, როგორც მოსალოდნელი იყო, ფლანგები ინაციო აბატემ და ფედერიკო ბალცარეტიმ ჩაიბარეს, ცენტრში კი დავიდე ასტორი და ანჯელო ოგბონა მოქმედებდნენ.</p><p>კარში სალვატორე სირიგუ იდგა და თანაც, მთელი 90 წუთი - არადა, ამხანაგურ პაექრობებში მეკარეებისთვის ტაიმების გაყოფა უფრო მიღებული პრაქტიკაა.</p><p>რაც შეეხება ინგლისის ნაკრებს, როი ჰოჯსონმაც ახალგაზრდებს მისცა თავის გამოჩენის საშუალება და მხოლოდ რამდენიმე ისეთი ფეხბურთელი ათამაშა, რომლებმაც ევროპის ჩემპიონატზე იასპარეზეს.</p><p>აქედანვე უნდა ითქვას, რომ ინგლისელთა თავკაცს ახალწვეულებმა აშკარად გაუმართლეს და რამდენიმემ, წესით, უნდა დაიმკვიდროს კიდეც ადგილი ქვეყნის უმთავრეს გუნდში.</p><p>თამაში იტალიელთა უპირატესობით დაიწყო, რაც დანიელე დე როსის მიერ გატანილი გოლით დაგვირგვინდა... მარჯვენა ფრთიდან კუთხური ალესანდრო დიამანტიმ ჩააწოდა, რასაც კაპიტნის საგოლე თავური მოჰყვა, 0:1.</p><p>ფრთაშესხმულმა იტალიელებმა დიდი ძალებით შეუტიეს მეტოქის კარს და კიდევ შეეძლოთ გატანა, მაგრამ დამაგვირგვინებელ ფაზაში სცოდავდნენ. სამაგიეროდ, ინგლისელებმა გამოიყენეს იშვიათი შანსი და ტაიმის შუაწელს ანგარიში გაათანაბრეს; გოლი ბრიტანელებმაც თავით გაიტანეს და კიდევ უფრო ეფექტური - მარჯვენა ფრთიდან ჩაწოდების შემდეგ იაგელკამ ნახტომში დაჰკრა თავური და ბურთი მეკარისაგან მარჯვენა დაბალ კუთხეში მოათავსა, 1:1 - ამ ეპიზოდში სალვატორე სირიგუ უძლური გახლდათ, რადგან დარტყმა აუღებელთა კატეგორიას მიეკუთვნებოდა.</p><p>პირველი ტაიმის ბოლო 15 წუთი ინგლისელთა უპირატესობით წარიმართა და მომენტებიც იტალიელთა კართან მეტი შეიქმნა; რიგ ეპიზოდებში აპენინელი მცველები თითქოს იბნეოდნენ და შეცდომებსაც უხვად უშვებდნენ.</p><p>ის, რომ ინგლისელებმა მეორე გოლი პირველივე ტაიმში არ გაიტანეს, მათივე უზუსტობის ბრალია და არა იტალიელთა მწყობრი თამაშის უკანა ხაზში.</p><p>მოსახდენი მეორე ტაიმში მოხდა, მაშინ, როდესაც თამაშის დასრულებამდე 11 წუთი იყო დარჩენილი - გადამწყვეტი გოლი ჯერმეინ დეფოს ანგარიშზეა, რომელმაც ბურთი საჯარიმოს მისადგომებთან მიიღო, უძლიერესად დაარტყა და ულამაზესი გოლი გაიტანა, 2:1.</p><p>გოლი მართლაც რომ განსაკუთრებულად ეფექტური გამოვიდა: ბურთი პირდაპირ ცხრიანში წავიდა და სალვატორე სირიგუს ეფექტური ნახტომიც ამაო გამოდგა.</p><p>მთლიანობაში, თამაში გარდამავალი უპირატესობით წარიმართა, თუმცა უფრო ხშირად მაინც ინგლისელები უტევდნენ. ეს შეხვედრა რადიკალურად განსხვავდებოდა ევროპის ჩემპიონატის მეოთხედფინალური პაექრობისგან, როდესაც მთელი 120 წუთის განმავლობაში იტალიელები უტევდნენ და მომენტებიც გაცილებით მეტი შექმნეს.</p><p>როგორც ჩანს, როი ჰოჯსონი სტრატეგიას ცვლის და ამ გზაზე "აძურასთან" ნათამაშები ახალგაზრდა ფეხბურთელები ნამდვილად გამოადგებიან.</p><p>ახალგაზრდებს დააკვირდა ჩეზარე პრანდელიც, თუმცა ვერ დავიჩემებთ, რომ რომელიმე მათგანმა განსაკუთრებული შთაბეჭდილება დატოვა - მაგალითად, ჩრდილში იყო სტეფან ელ შაარავი, ან გნებავთ, მანოლო გაბიადინი; დიდად ვერც მატია დესტრო გამოირჩა და შესაძლოა ეს იმას ნიშნავდეს, რომ ეროვნულ ნაკრებში თამაში მათთვის ჯერ ცოტა ადრეა.</p><p>ვნახოთ, ამას ჩეზარე პრანდელი გადაწყვეტს. ბოლოს მატჩისშემდგომ კომენტარებსაც გავეცნოთ...</p><p><strong>როი ჰოჯსონი</strong> (ინგლისის ნაკრების მთავარი მწვრთნელი): <em>"თამაში ძალიან მომეწონა და ჩემი შეგირდების ასპარეზობითაც კმაყოფილი დავრჩი. შეიძლებოდა ვერც მოგვეგო, მაგრამ ამას არ აქვს გადამწყვეტი მნიშვნელობა - მთავარია, რომ მაღალი ხარისხის ფეხბურთი ვაჩვენეთ ძალიან ძლიერ მეტოქესთან.</p><p>განსაკუთრებით კმაყოფილი ვარ ახალგაზრდების გარჯით, რომლებმაც ბოძებული შანსი შესანიშნავად გამოიყენეს. იტალიის ნაკრების ნახევარდაცვა გამოცდილი მოთამაშეებით იყო დაკომპლექტებული და ჩვენმა ახალგაზრდებმა მათ არაფერი დაუთმეს. მთავარია, ასევე გავაგრძელოთ და მუნდიალის საგზურს აუცილებლად მოვიპოვებთ".</em></p><p><strong>ჩეზარე პრანდელი</strong> (იტალიის ნაკრების მთავარი მწვრთნელი): <em>"წაგება ყოველთვის არასასიამოვნოა, თუნდაც ამხანაგურ შეხვედრაში, მაგრამ ამის გამო ხასიათი არ უნდა გავიფუჭოთ.</p><p>არაერთი ახალგაზრდა ფეხბურთელი ვნახეთ საქმეში, რომლებსაც ცუდი შთაბეჭდილება არ დაუტოვებიათ.</p><p>მთლიანობაში, კმაყოფილი ვარ ამ სპარინგით და შეგირდების მიმართაც მადლობის მეტი არაფერი მეთქმის.</p><p>მსოფლიოს ჩემპიონატის შესარჩევ ეტაპს მომზადებულნი უნდა შევხვდეთ და ინგლისთან მატჩსაც ამ გადასახედიდან ვუყურებ - თამამად შემიძლია ვთქვა, რომ საკვალიფიკაციო ეტაპის სტარტს სულ მზადყოფნაში შევხვდებით; დარწმუნებული ვარ, ყველაფერი კარგად იქნება".</em></p><p><em><strong>ინგლისი-იტალია 2:1</p><p></strong></em>ინგლისი (4-4-2): ბუტლანდი (46. რადი) - უოქერი, კეჰილი, იაგელკა (61. ლესკოტი), ბეინსი (78. ბერტრანდი) - ქერიკი, ლემპარდი (69. ლივერმორი), ა. ჯონსონი, კლევერილი - იანგი (62. მილნერი), ქეროლი (46. დეფო).</p><p>იტალია (4-4-2): სირიგუ - აბატე (86. სკელოტო), ოგბონა, ასტორი, ბალცარეტი (46. პელუზო) - აკვილანი, დე როსი, დიამანტი (59. ვერატი), ნოჩერინო - ელ შაარავი (58. გაბიადინი), დესტრო (84. ფაბრინი).</p><p>გოლები: 0:1 დე როსი (15), 1:1 იაგელკა (27), 2:1 დეფო (79).</p><p><strong>ყოველდღიური სპორტული გაზეთი "ლელო"</strong></p>
"წარმოგიდგენიათ?" - ბენზემას პსჟ-ზე გაკეთებულმა ამ განცხადებამ "რეალის" ქომაგები გაანაწყენა
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა
ბენზემამ გამორიცხა - კარიმი ფეხბურთელის რანგში მშობლიურ გუნდში არ დაბრუნდება
VIDEO | ეროვნული ლიგა | რუსთავი 2-1 იბერია 1999. ლიდერს ავიწროებენ...
VIDEO | ეროვნული ლიგა | სპაერი 0-1 დილა. დამსახურებული გამარჯვება კონტრზომების გარეშე
[VIDEO] ქვილითაიამ საფრანგეთში ზედიზედ მეორე მატჩში გაიტანა
ლოჩოშვილის "ნიურნბერგმა" "მაგდებურგს" მოუგო
ლევანდოვსკის MLS-ში ტრანსფერი ჩაიშალა
თსუ კავკასიასთან 2:0 დაწინაურდა, ორბმა მარგვეთს სერია გაუთანაბრა
ლეგიონერები - ირაკლი კბილაშვილი საუკეთესო იყო, წარმატებული კვირა ჰქონდა გიორგი ცხოვრებაძეს
გოჩოლეიშვილი შეცვლაზე შევიდა - "ჰამბურგი" ისევ დამარცხდა
დავითაშვილის ტრავმა და "ტრუასთან" წაგება "სენტ-ეტიენს" შეიძლება ძვირად დაუჯდეს
პსჟ-მ "ბაიერნთან" მატჩამდე "ანჟეს" კვარაცხელიას გარეშე მოუგო
გივი მაჭარაშვილმა და აკაკი ქემერტელიძემ ევროპის ჩემპიონატზე ბრინჯაოს მედლები მოიპოვეს
VIDEO | ეროვნული ლიგა | სამგურალი 1-2 დინამო (თბ). ქეცბაიას 3-ქულიანი დებიუტი - "დინამომ" 7-მატჩიანი მოუგებელი სერია შეწყვიტა
"ანჟესთან" მატჩში პსჟ-ს შემადგენლობა ცნობილია
[VIDEO] "ბაიერნის" ქამბექი 0:3-დან და ოლისეს ზღაპრული გოლი - "რეკორდმაისტერი" პსჟ-სთან მატჩს კარგ ხასიათზე ხვდება
[VIDEO] ისაკის პირველი გოლი 2026 წელს და "ლივერპულის" მესამე მეკარის შესანიშნავი მოგერიებები - მერსისაიდელებმა "კრისტალ პალასი" დაამარცხეს
კვერნაძის "ფროზინონემ" ისევ გაიმარჯვა და სერია A-ში დაბრუნებასთან ახლოსაა
[VIDEO] ზივზივაძემ ზედიზედ მესამე მატჩში გაიტანა - "ჰაიდენჰაიმმა" "სანკტ-პაულის" მოუგო
[VIDEO] ზივზივაძე დაფრინავს - ქართველის ზედიზედ მესამე გოლი ბუნდესლიგაში
"უოტფორდის" ზედიზედ მეოთხე მარცხი - ჩაკვეტაძე და გოგლიჩიძე სათადარიგოთა შორის იყვნენ
"ცოტ-ცოტას ყველაფერს მიირთმევს, მაგრამ... " - რონალდოს ყოფილმა შეფ-მზარეულმა კრიშტიანოს კვებაზე ისაუბრა