<p>საქართველოს ჩემპიონატი. პრემიერლიგა. III ტური <br> მეგრულ დერბიში პირველი ნახევარი მასპინძელთა კარნახით წარიმართა. "კოლხეთმა" "ზუგდიდის" კარს თავიდანვე მწვავედ შეუტია.</p><p><strong>პავლე დათუნაიშვილის</strong> შორეული ძლიერი დარტყმა არაზუსტი გამოდგა. <strong>დათუნაიშვილის გარდა</strong>, შეტევაში კარგად ირჯებოდნენ <strong>ჩალაძე, კრასოვსკი</strong> და <strong>პავლიაშვილი</strong>.</p><p>ერთ ეპიზოდში <strong>გიორგი კრასოვსკიმ</strong> მეკარესთან პირისპირ <strong>ჯემალ გაბუნია</strong> გაიყვანა, რომელმაც ზუგდიდელთა მეკარეს ბურთი თავზე გადაუგდო, თუმცა ვერც მან და ვერც <strong>ილია პავლიაშვილმა</strong> მიზანს ვერ მიაღწიეს.</p><p>სამაგიეროდ, პირველი ტაიმის მიწურულს ფაზისელები <strong>დათუნაიშვილის</strong> ზუსტი დარტყმით დაწინაურდნენ. პირველი ნახევრის დამატებულ წუთებზე <strong>ლაშა ქებაძე</strong> აღმოჩნდა დასარტყმელ პოზიციაზე, მაგრამ მცველებმა ივარგეს და დარტყმის საშუალება არ მისცეს.</p><p>როგორც "ზუგდიდის" პრესსამსახური გვატყობინებს, მეორე ტაიმში თამაშის სურათი რადიკალურად შეიცვალა და სტუმრები საგრძნობლად გააქტიურდნენ, მასპინძლებმა კი ინიციატივა დათმეს.</p><p>მეორე ტაიმის დასაწყისში სტუმართა კარის მიმართულებით <strong>ლევან წურწუმიამ </strong>სახიფათოდ დაარტყა და ბურთმა <strong>არდალიონ მიქაბერიძის</strong> კარს სანტიმეტრებში ჩაუქროლა, ცოტა ხანში კი შეცვლაზე შესულმა <strong>ირაკლი ქობალიამ</strong> აანერვიულა "კოლხეთის" ფეხბურთელები.</p><p>ზუგდიდელთა ფორვარდისგან ცარიელ კარში გაგზავნილი ბურთი მცველებმა გამოიტანეს. ცოტა ხანში <strong>გიორგი გაბედავას</strong> შორეულმა დარტყმამ მეტოქის კარს ზემოდან გადაუქროლა.</p><p>ზუგდიდელებმა წონასწორობის აღდგენა სტანდარტული მდგომარეობიდან შეძლეს - 59-ე წუთზე <strong>წურწუმიას</strong> კუთხურიდან მოწოდებულ ბურთს თავით <strong>დავით გამეზარდაშვილმა</strong> მეტოქის კარში მიუჩინა ადგილი.</p><p>შეხვედრის ბოლოსკენ <strong>გამეზარდაშვილმა</strong> კვლავ გაიტანა, მაგრამ არბიტრმა <strong>ჯენერი ხორავამ</strong> თამაშგარე დააფიქსირა, რასაც მწვავე პროტესტი მოჰყვა ზუგდიდელი ფეხბურთელებისა და ქომაგებისგან. სიტუაცია კიდევ უფრო დამძიმდა, როცა არბიტრმა მასთან კამათისთვის <strong>წურწუმია</strong> გააძევა მოედნიდან.</p><p>საბოლოოდ, მეტოქეები ერთმანეთს მშვიდობიანად დაშორდნენ, სტუმრად მოპოვებული ფრე კი "ზუგდიდის" აქტივში უნდა ჩავწეროთ.</p><p><span style="color: #ff0000;"><strong>მატჩის შემდეგ</strong></span></p><p><strong>დავით მახარაძე</strong> (კოლხეთი 1913):</p><p><em>"პირველ ტაიმში კარგად გამოვიყურებოდით, რასაც ვერ ვიტყვი მატჩის მეორე ნახევარზე. "ზუგდიდი" კარგად დაკომპ</em><em>ლექტებული გუნდია და ველოდით კიდეც რთულ თამაშს. შედეგით კი კმაყოფილი ვარ".</p><p></em></p><p><strong>ელგუჯა ქომეთიანი</strong> (ზუგდიდი):</p><p><em>"პირველი ტაიმი აშკარად ჩავაგდეთ და მასპინძლებს ამის გამოყენება შეეძლოთ. მეორე ტაიმში კი თამაშში გარდატეხის შეტანა შევძელით, მეტოქე საკუთარ ნახევარს მივაჯაჭვეთ, რამაც შედეგიც გამოიღო. ეს შედეგი ლოგიკურად მიმაჩნია".</p><p></em></p><p><span style="color: #ff0000;"><strong>საქართველოს ჩემპიონატი. პრემიერლიგა. III ტური</strong></span></p><p>25.08. ფოთი. ფაზისი. 1 100 მაყურებელი</p><p><em><strong>კოლხეთი 1913-ზუგდიდი 1:1</strong></em></p><p>გოლები: 1:0 პ. დათუნაიშვილი (43), 1:1 გამეზარდაშვილი (60)</p><p><em>კოლხეთი 1913 ზუგდიდი</em></p><p>4-5-1 4-5-1</p><p>ა. მიქაბერიძე ძაგანია</p><p>ცხვიტარია დ. ფოფხაძე</p><p>ფარულავა ს. თოდუა</p><p>კრასოვსკი გამეზარდაშვილი</p><p>გაბუნია აკობია</p><p>ქებაძე დ. ბოლქვაძე</p><p>ცხადაია კოშკაძე</p><p>ჩალაძე კუტალია</p><p>პ. დათუნაიშვილი წურწუმია</p><p>გ. კილასონია რ. ონიანი</p><p>პავლიაშვილი გაბედავა</p><p><em>მწვრთნელები:</em></p><p>დ. მახარაძე ე. ქომეთიანი</p><p><em>კოლხეთი</em></p><p>65. ცხადაია - გოგონაია</p><p>68. კრასოვსკი - კვანტალიანი</p><p>80. კილასონია - წაბრია</p><p>სათადარიგოები: ბუბუტეიშვილი, ზ. ჩხეტიანი, მეგრელიშვილი, ხომასურიძე</p><p><em>ზუგდიდი</em></p><p>46. რ. ონიანი - ტყემალაძე</p><p>46. კუტალია - ქობალია</p><p>65. ბოლქვაძე - სიხარულია</p><p>სათადარიგოები: მერლანი, აფაქიძე, ბოიომო, შ. ლომია</p><p><em>გაფრთხილება:</em> კოშკაძე (62), პავლიაშვილი (65), ცხვიტარია (73), წაბრია (87)</p><p><em>გაძევება:</em> წურწუმია (90)</p><p><em>არბიტრი:</em> ჯ. ხორავა</p><p><strong>ყოველდღიური სპორტული გაზეთი "ლელო"</strong></p>
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?