<p>ცენტრალური მატჩი პარიზის "პარკ დე პრენსზე" გაიმართა, სადაც "პარი სენ-ჟერმენმა" "ბორდოს" უმასპინძლა და 0:0 ითამაშა <br> საფრანგეთის ლიგა 1-ში ტურის ცენტრალური მატჩი პარიზის "პარკ დე პრენსზე" გაიმართა, სადაც "პარი სენ-ჟერმენმა" "ბორდოს" უმასპინძლა და 0:0 ითამაშა.</p><p>წინა ორი მატჩი პარიზულმა გრანდმა უცნაურად ჩაატარა. პირველ ტურში გუნდის დაცვამ ითამაშა უსუსურად, მეორეში - თავდასხმამ. ახლა ერთსაც არა უშავდა და მეორესაც.</p><p>"ლურჯ-წითლებმა" მხოლოდ და მხოლოდ ფრედ ითამაშეს. ფრანგი საფეხბურთო ექსპერტები უკვე ალაპარაკდნენ, რომ მათდა საბედნიეროდ, ქვეყნის ჩემპიონატს გამოკვეთილი ფავორიტი ისევ არ ჰყავს.</p><p>თავიდანვე ცხადი იყო, რომ დედაქალაქელებს იოლი მატჩი არ ელოდათ. ამას ისინი წინასწარ აცნობიერებდნენ და ხმამაღლაც აცხადებდნენ.</p><p>"ბორდო" სახიფათო იყო თუნდაც იმიტომ, რომ წინა ჩემპიონატიდან მოყოლებული, ჟირონდელებს ზედიზედ 8 მატჩი ჰქონდათ მოგებული. "პარკ დე პრენსზე" კი მეათედ დატოვეს მინდორი ბეჭდაუდებლად.</p><p>ორიოდე სიტყვა თამაშის მიმდინარეობაზეც ვთქვათ. პირველი 20 წუთის განმავლობაში გულშემატკივარმა წლის საუკეთესო პსჟ იხილა. მასპინძლებმა სრული უპირატესობა იგდეს ხელთ და სედრიკ კარასოს კართან დიდი ხანძარი ააგიზგიზეს.</p><p>საჯარიმოში, პრაქტიკულად, ყველა ჩაწოდება ნახულობდა ადრესატს. გოლი თითქოს დროის საკითხი იყო, მაგრამ ხავიერ პასტორესა და ზლატან იბრაჰიმოვიჩს ბოლო მომენტში რაღაც უშლიდათ ხელს.</p><p>განსაკუთრებულად ეფექტური შვედი ვარსკვლავი იყო, ვინც უჩვეულოდ დიდ სამუშაოს ასრულებდა. მსგავს ზეწოლას ძნელად რომ რომელიმე გუნდმა გაუძლოს, მაგრამ ფრანსის ჟიიოს ფეხბურთელებმა ეს მოახერხეს.</p><p>იბრასა და კომპანიის შეტევებს ბოლო წუთამდე შედეგი არ გამოუღია. თამაშის შემდეგ გუნდების მთავარი მწვრთნელების მონაწილეობით სპეციალური პრესკონფერენცია გაიმართა.</p><p><strong>კარლო ანჩელოტი</strong> (პარი სენ-ჟერმენი): <em>"საბოლოო ჯამში, ძალიან კარგად არ გვითამაშია. რასაკვირველია, არც შედეგით შეიძლება ვიყოთ კმაყოფილები, რადგან ჩვენს გუნდს ნამდვილად აქვს ის პოტენციალი, რომელიც ამ საღამოს არ გამოჩენილა.</p><p>ბურთს ვაკონტროლებდით, მაგრამ ძალიან შორს მეტოქის კარისგან. აუცილებელია, შეტევაშიც გავაძლიეროთ თამაში.</p><p>ყველაფერ იმის გაუმჯობესებას, რაზეც ვლაპარაკობ, დრო სჭირდება. ზოგიერთი ფეხბურთელი ჩვენთან ახალი მოსულია, ზოგს - ტრავმა აქვს, ზოგმა სულ ახლახან მოიკეთა. ასე რომ, ყველაფერს თავისი ახსნა შეიძლება მოეძებნოს. ჩვენ ჯერ კიდევ გაქვს დიდი დრო თამაშის გასაუმჯობესებლად".</em></p><p><strong>ფრანსის ჟიიო</strong> (ბორდო): <em>"ჩვენთვის ეს კარგი შედეგია, მით უფრო, რომ ჩვენ წინააღმდეგ პსჟ თამაშობდა. მეტოქე ქაღალდზეც და რეალურადაც ფავორიტი იყო. მართალია, დღეს ვერ გავიტანეთ, მაგრამ წინა მატჩებისგან განსხვავებით, არც გაგვიშვია. მცველებმა თავიანთ</em><em>ი საქმე იდეალურად შეასრულეს".</em></p><p><strong>ყოველდღიური სპორტული გაზეთი "ლელო"</strong></p>
მესამე მწვრთნელი სეზონში - "ლანსი" დიდიე დიგარს ჩააბარეს
"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა
"ლანსმა" ჩემპიონთა ლიგაზე 1:9 მარცხის შემდეგ, კიდევ ერთი შეხვედრა წააგო და მწვრთნელი ამის შემდეგ გაათავისუფლა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
საქართველოს ნაკრებმა პირველი ვარჯიში თბილისი არენაზე გამართა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
[VIDEO] 5:0 - კლოპის გერმანიამ ჩავის ნიდერლანდები გაანადგურა და ჯგუფის გამარჯვებული გახდა
უკრაინელთა მწვრთნელი: ფეხბურთელებს საქართველოსთან გამარჯვების უზარმაზარი სურვილი აქვთ - ამას იმსახურებენ
"აზაროვმა მითხრა, რომ ხვალ გაგვაბახებენ" - გაუმხილა უკრაინელმა ფეხბურთელმა ჟურნალისტს
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?