<p>"ზესტაფონიდან" მთავარი მწვრთნელის გათავისუფლების შესახებ კლუბის ოფიციალურ განცხადებას 28 აგვისტოდან უნდა ველოდოთ <br> <strong>გიორგი ჭიაბრიშვილი</strong> ამიერიდან, ალბათ, "ზესტაფონის" მთავარი მწვრთნელი აღარ იქნება - ამის შესახებ კლუბის ოფიციალურ განცხადებას 28 აგვისტოდან უნდა ველოდოთ.</p><p>ჩვენს ხელთ არსებული ინფორმაციით, ფაქტობრივად, გადაწყვეტილია, რომ "ზესტაფონს" თავკაცი შეეცვლება.</p><p>თუმცა ეს საქართველოში ფართოდ გავრცელებული ის შემთხვევა არ არის, როცა მწვრთნელი თანამდებობას საკუთარი სურვილით ტოვებს. "ლელოსთან" საუბარში ჭიაბრიშვილმა განაცხადა, რომ გადადგომას არ აპირებს და კლუბის გადაწყვეტილების მოლოდინშია.</p><p><em>"ვფიქრობ, არ მაქვს იმის საფუძველი, რომ თანამდებობიდან გადავდგე. "ზესტაფონში" მუშაობის სურვილი ნამდვილად არ დამიკარგავს და ძალიან მინდა, გუნდის სამომავლო წარმატებებში ჩემი წვლილი შევიტანო.</p><p>თუმცა კლუბის ხელმძღვანელობის გადაწყვეტილებას დაველოდები - თუ "ზესტაფონმა" ჩემთან თანამშრომლობა არ ისურვა, გული დამწყდება, მაგრამ მის უდიდეს ქომაგად დავრჩები.</p><p>გული თანამდებობის დაკარგვის გამო კი არ დამწყდება, არამედ იმიტომ, რომ ასეთ კარგ ფეხბურთელებთან მუშაობის საშუალება აღარ მომეცემა"</em>, - გვითხრა ჭიაბრიშვილმა.</p><p>მან "ზესტაფონის" მთავარი მწვრთნელის პოსტზე ზუსტად წელიწადი გაატარა. <strong>გია გეგუჩაძის</strong> "ტორპედოში" წასვლის შემდეგ ფეროელებმა მისი თანამდებობა მის ახალგაზრდა ასისტენტ ჭიაბრიშვილს ანდეს, რომლის ხელმძღვანელობითაც "ზესტაფონმა" გასული სეზონის პირველი ნახევარი შთამბეჭდავად ჩაატარა, არაერთი მატჩი ეფექტურად მოიგო და ჩემპიონატს დამაჯერებლად ლიდერობდა.</p><p>უმაღლესი ლიგის საგაზაფხულო ეტაპზე "ზესტაფონი" ძველებურად ეფექტური ვეღარ იყო, მაგრამ, ჭიაბრიშვილის ხელმძღვანელობით, ტიტულის შენარჩუნება მაინც შეძლო.</p><p>ზაფხულში "ზესტაფონი" რამდენიმე წამყვანმა ფეხბურთელმა დატოვა, რასაც ჩემპიონთა ლიგაზე გაახალგაზრდავებული გუნდის აზერბაიჯანულ "ნეფთჩისთან" მწარე მარცხი მოჰყვა.</p><p>როგორც ჩანს, კლუბის ხელძღვანელობა მწვრთნელის შეცვლაზე სწორედ ამან და საქართველოს ჩემპიონატში სუსტმა სტარტმა (სამ მატჩში ერთი გამარჯვება და ორი მარცხი) დააფიქრა.</p><p>შევიტყვეთ ისიც, რომ უმაღლესი ლიგის უახლოეს ტურებში "ზესტაფონს" ჭიაბრიშვილის თანაშემწე <strong>გიორგი ყიფიანი</strong> შეცვლის, თუმცა მისი მთავარ მწვრთნელად დანიშვნა ნაკლებად სავარაუდოა. საქართველოს ჩემპიონს, ალბათ, სხვა სპეციალისტი ჩაიბარებს.</p><p>ჭიაბრიშვილის ზესტაფონურ კარიერას კი უახლოეს დღეებში, ამ ინფორმაციის ოფიციალურად დადასტურების შემდეგ შევაფასებთ. ახლა კი მოკლედ იმის თქმა შეიძლება, რომ მან იმერულ კლუბში საკმაოდ ნაყოფიერი და წარმატებული პერიოდი გაატარა - სხვა საქმეა, რომ მთავარი მიზანს, ევროთასების ჯგუფში შესვლას ვერ მიაღწია, თუმცა ახალგაზრდა სპეციალისტისთვის საქართველოს ჩემპიონობაც აქტივში ჩასაწერი ფაქტია.</p><p>ქართული მედიისთვის კი იშვიათია მისნაირი გახსნილი, ყურადღებიანი და თავმდაბალი რესპონდენტი - გიორგისთან ერთი მცირე საუბარიც კი საკმარისია იმისთვის, რომ მისი პიროვნული თვისებებით მოიხიბლო.</p><p>ქართულ საფეხბურთო სამყაროში კი, სადაც წესიერების დეფიციტია, ეს ცოტას ნამდვილად არ ნიშნავს.</p><p><em>ზესტაფონში ჭიაბრიშვილის პერიოდი სრულდება (იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/37320-giorgi-tciabrishvili-qnefthchisthanq-matchebma-dagvanakha-rom-susti-chempionati-gvaqvs.html" target="_blank">გიორგი ჭიაბრიშვილი: "ნეფთჩისთან" მატჩებმა დაგვანახა, რომ სუსტი ჩემპიონატი გვაქვს</a></p><p><a href="/fexburti/qarthuli-fekhburthi/skhvadaskhva/36467-giorgi-tciabrishvili-thu-chemi-tsasvlith-qzestafoniq-gadzlierdeba-gadavdgebi.html" target="_blank">გიორგი ჭიაბრიშვილი: თუ ჩემი წასვლით "ზესტაფონი" გაძლიერდება, გადავდგები</a></p><p><a href="/fexburti/qarthuli-fekhburthi/skhvadaskhva/36465-zestafoni-nefthchi-22-saqarthvelos-chempioni-unda-gerqvas-shen-video.html" target="_blank">ზესტაფონი-ნეფთჩი 2:2 - საქართველოს ჩემპიონი უნდა გერქვას შენ?! [+VIDEO]</a></p><p><a href="/fexburti/qarthuli-fekhburthi/skhvadaskhva/36072-nefthchi-zestafoni-30-video.html" target="_blank">ნეფთჩი-ზესტაფონი 3:0 - ПРИВЕТ ИЗ БАКУ! [+VIDEO]</a><strong></strong></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!