<p>საქართველოს ეროვნული ჩემპიონატი ფუტსალში სექტემბერში დაიწყება <br> ვისაც ფუტსალი ფეხბურთში ხელმოცარული ადამიანების სახეობა ჰგონია, მხოლოდ ორ გვარს დავუსახელებთ - <strong>რონალდინიოსა</strong> და <strong>დეკუს</strong>.</p><p>ეს ორი ვარსკვლავი სწორედ ფუტსალს თამაშობდა და დიდ ფეხბურთელებად სწორედ ამ სახეობაში ვარჯიშის შედეგად შედგნენ.</p><p>ბოლო დროს ქართულ ფუტსალს დიდ ყურადღებას ამიტომაც ვუთმობთ, მისი განვითარება კლასიკურ ფეხბურთსაც წაადგება.</p><p>...აშშ-ის ფეხბურთის ფედერაციამ გამოაქვეყნა ოფიციალური ანგარიში: მისი ბიუჯეტი 70 მილიონ დოლარს შეადგენს, ფუტსალზე კი 3,7 მილიონია გამოყოფილი. ცხადია, ამხელა ბიუჯეტზე ჩვენი ფუტსალის შეფები ვერც იოცნებებენ, მაგრამ საქმე მკვდარი წერტილიდან თუ არ დაიძრა, არც ბიუჯეტი იქნება და არც პერსპექტივა. საქართველოს ფუტსალის ასოციაციის პრეზიდენტად <strong>ლევან ცქიტიშვილის</strong> არჩევის შემდეგ პროცესები დაიძრა და საინტერესოდ ვითარდება.</p><p>ქართული ფუტსალის მრავალი პრობლემიდან ერთ-ერთი უმთავრესი კადრების კატასტროფული სიმცირეა. ეროვნული ჩემპიონატის ორ ლიგაში სულ რაღაც 20 კლუბი და 300-მდე მოთამაშე მონაწილეობს.</p><p>ცხადია, ასეთი მწირი არჩევანიდან ძლიერი ნაკრების ჩამოყალიბება შეუძლებელია. ამის მიუხედავად, ჩვენი ნაკრები კიდევ ყოჩაღად დგას. ფუტსალის ასოციაციის მიზანიც ეროვნული ჩემპიონატისა და კლუბების გაძლიერება და გაზრდა არის.</p><p>როგორც ასოციაციაში გვითხრეს, მცირე ხნის წინ სპორტისა და ახალგაზრდობის საქმეთა სამინისტროში ფუტსალის ასოციაციისა და კლუბების ხელმძღვანელები შეხვდნენ. წლეულს საიუბილეო, მე-20 ეროვნული ჩემპიონატი გაიმართება.</p><p>ფუტსალის ასოციაციის გენერალური მდივნის, <strong>ბექა კვიციანის</strong> თქმით, შეხვედრაზე გადაწყდა, რომ ტურნირი 20-23 სექტემბერს დაიწყება. მონაწილე კლუბებს წერილობითი მიმართვა უკვე გაეგზავნათ.</p><p>შემდეგი შეხვედრა სექტემბრის პირველ კვირას გაიმართება და გაირკვევა, ჩემპიონატში რამდენი გუნდი ითამაშებს. შედგება კალენდრის კენჭისყრაც.</p><p>სამწუხაროდ, ასოციაციის ყოფილი პრეზიდენტის, <strong>გიზო ფხოველიშვილის</strong> კლუბი "ალგო" (რომელსაც ნაკრების ექს-თავკაცი <strong>ზაალ ჩიტალაძე </strong>ავარჯიშებდა) დაიშალა, ფეხბურთელები კი სხვადასხვა კლუბში გადანაწილდნენ.</p><p>არის მატება: "სოკარი" ჩემპიონატში გუნდის გამოყვანას დათანხმდა და ძლიერი შემადგენლობის შეკრებასაც აპირებს - ეს ასოციაციის პრეზიდენტის, <strong>ლევან ცქიტიშვილის</strong> და ნაკრების მთავარი მწვრთნელის, <strong>ავთანდილ ასათიანის</strong> დამსახურებაა.</p><p>კლუბის ჩამოყალიბება ტექნიკურ უნივერსიტეტსაც სურს.</p><p><strong>ცქიტიშვილის</strong> პრეზიდენტად არჩევამდე ორგანიზაციას დროებით რუსთავის "მეტალურგის" ვიცე-პრეზიდენტი <strong>ირაკლი ქავთარაძე</strong> ხელმძღვანელობდა, რომელიც, ამავდროულად, ფუტსალის ასოციაციის ვიცე-პრეზიდენტი და გამგეობის წევრი გახლავთ.</p><p>სწორედ იმ პერიოდში განაცხადა, რომ საქართველოს ჩემპიონატის უმაღლესი ლიგის კლუბებს გუნდები ფუტსალის პირველობაზეც გამოეყვანათ.</p><p>იდეა <strong>ცქიტიშვილმაც</strong> მოიწონა და უკვე დამაიმედებელი ამბები ისმის: სამინისტროში შეხვედრაზე რუსთაველთა ვიცე-პრეზიდენტმა ბრძანა, რომ ფუტსალის ჩემპიონატში მონაწილეობა "მეტალურგსაც" სურს.</p><p>შიდა ქართლის რეგიონალური ორგანიზაციის ხელმძღვანელობასთან ასოციაციის საპატიო პრეზიდენტის, <strong>კახა დევდარიანის</strong> შეხვედრის შემდეგ კი გადაწყდა, რომ გუნდი გორსაც ეყოლება.</p><p>ვინ იქნება შემდეგი, ჯერ უცნობია, მაგრამ სამი ახალი კლუბის დამატება ბევრს ნიშნავს.</p><p>ახლახან თბილისის "არენა" განაახლეს და ამჟამად საერთაშორისო სტანდარტებს აკმაყოფილებს, მაგრამ ჩემპიონატის თამაშები თბილისის გარეთაც ჩატარდება. სპორტული დარბაზები განაახლეს ქუთაისსა (1500 მაყურებელს იტევს) და ოზურგეთში (200) და ალბათ, რამდენიმე ტურს ეს ქალაქებიც უმასპინძლებენ.</p><p>ფუტსალის ასოციაციაში ამბობენ, რომ მზად არიან გვერდში დაუდგნენ "იბერია სტარს": თუ კლუბი უეფას თასის ელიტრაუნდში გავა, უეფაში ჯგუფური ტურნირის მასპინძლად თბილისის კანდიდატურას წარადგენენ, რადგან საკუთარ კედლებში თამაში ფინალურ ოთხეულში მოხვედრის მეტ შანსს იძლევა.</p><p>ცხადია, ეს ყველაფერი საქართველოს ნაკრების გაძლიერებას ემსახურება, რომელიც ევროპის ჩემპიონატის შესარჩევი ციკლის შეხვედრებს 26-30 იანვარს გამართავს. მომავალი მეტოქეების ვინაობას 4 დეკემბერს, უეფას ოფისში გასამართ წილისყრაზე შევიტყობთ.</p><p>მანამდე <strong>ავთანდილ ასათიანის</strong> გუნდმა ოქტომბერში პორტუგალიასთან ორი ამხანაგური შეხვედრა დაგეგმა. თავიდან იყო შეთანხმება, რომ მატჩები 25 და 26 ოქტომბერს ჩატარდებოდა, მაგრამ პორტუგალიელთა თხოვნით, სპარინგები ერთი დღით ადრე, 24 და 25 ოქტომბერს დაინიშნა.</p><p>შესარჩევი ციკლის დააწყებამდე კი მალტის ფეხბურთის ფედერაცია 5-11 იანვარს საერთაშორისო ოთხთა ტურნირზე საბერძნეთისა და დანიის გუნდებთან ერთად საქართველოსაც იწვევს; რეიკიავიკში სპარინგი ისლანდიელებსაც სურთ, მაგრამ 4 დეკემბრის კენჭისყრას ელოდებიან.</p><p>თამაშები შესარჩევის შემდეგაც იგეგმება: 2013 წლის თებერვალში სერბეთი გვიწვევს. აპრილში ევროპულ ტურნეს გეგმავს ახალი ზელანდია და ერთ-ერთ შესაძლო მეტოქედ განგვიხილავს.</p><p><strong>ავთანდილ ასათიანის</strong> შეგირდებთან თამაშზე თანახმაა არგენტინისა და იაპონიის ფუტსალის ნაკრებები.</p><p>ამას გარდა, საქართველოს ფუტსალის ასოციაციაში მასშტაბური პროექტის განხორციელებაზე ფიქრობენ: მიმდინარეობს მუშაობა ALL STAR-ის გამართვაზე.</p><p>სფა-ს წამოწყება პორტუგალიის, სერბეთის და იაპონიის ფედერაციებს მოეწონათ და სურვილი გამოთქვეს, საქართველოში ფუტსალელები თავიანთივე ხარჯებით მოავლინონ. აღნიშნულ პროექტში ჩართვა მაკედონიისა და პოლონეთის ასოციაციებსაც სურთ.</p><p>და თუ ეს მართლაც განხორციელდა, თბილისში მაგარ სანახაობას ვიხილავთ, რადგან ფუტსალს არანაკლები ჯადოქრები თამაშობენ, ვიდრე კლასიკურ ფეხბურთს.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/futzali/38027-avthandil-asathiani-saqarthvelos-nakrebs-bevri-sparingi-stcirdeba.html" target="_blank">ავთანდილ ასათიანი: საქართველოს ნაკრებს ბევრი სპარინგი სჭირდება</a></p><p><a href="/fexburti/qarthuli-fekhburthi/futzali/37838-qiberia-starmaq-qgazpromisq-gundi-daamarckha-da-qlvovshchinas-thassq-daeufla.html" target="_blank">"იბერია სტარმა" "გაზპრომის" გუნდი დაამარცხა და "ლვოვშჩინას თასს" დაეუფლა</a></p><p><a href="/fexburti/qarthuli-fekhburthi/futzali/37658-saqarthvelos-futsalis-nakrebi-serbethi-da-akhali-zelandiac-gvethamashebian.html" target="_blank">საქართველოს ფუტსალის ნაკრები - სერბეთი და ახალი ზელანდიაც გვეთამაშებიან?</a></p><p><a href="/fexburti/qarthuli-fekhburthi/futzali/34509-levan-cqitishvili-futsals-saqarthveloshi-masobrioba-stcirdeba.html" target="_blank">ლევან ცქიტიშვილი: ფუტსალს საქართველოში მასობრიობა სჭირდება</a></p>
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია