<p>მადრიდის "რეალი" დაჭრილი დათვივით სახიფათოა - მხოლოდ ქულა აქვს 6 შესაძლებელიდან <br> პრიმერადივიზიონის III ტური კვირა საღამოს ცენტრალური მატჩით დასრულდება - ლიდერი "ბარსელონა", რომელსაც დისკვალიფიცირებული მწვრთნელი <strong>ტიტო ვილანოვა</strong> არ ეყოლება, "კამპ ნოუზე" "ვალენსიას" მიიღებს.</p><p>ტური არასრულია, რადგან ბოლო მომენტში ფედერაციამ ორშაბათს ჩასატარებელი შეხვედრა სევილიურ "ბეტისსა" და მადრიდის "ატლეტიკოს" შორის გადადო.</p><p><strong><span style="color: #ff0000;">ატლეტიკო ჩივილმა იხსნა</span></p><p></strong>მიზეზი ცხადია - 31 აგვისტოს "ატლეტიკომ" მონაკოში ევროპის სუპერთასისთვის იბრძოლა და ორშაბათისთვის ძალების აღდგენა გაუჭირდება.</p><p>გასაკვირი სხვა რამაა - ესპანური ფეხბურთის ჩინოსნები ამ დასკვნამდე მხოლოდ 30 აგვისტოს მივიდნენ.</p><p>ახლა სევილიურ-მადრიდული დაპირისპიების ახალი თარიღი ცნობილი არაა, თუმცა ყველა ნიუანსი მიუთითებს, რომ ეს დაპირისპირება 26 სექტემბერს უნდა გაიმართოს.</p><p>"ატლეტიკო" უკიდურესად ცუდ მდგომარეობაში ვარდებოდა, ორშაბათს დაღლილ-დაქანცული გუნდი ეროვნულ ნაკრებებში წასულ 7 ფეხბურთელსაც (<strong>ფალკაო, გოდინი, სებოლა, არდა თურანი, ემრე, ხუანფრანი</strong> და <strong>კურტუა</strong>) მოისაკლისებდა.</p><p>ბუნებრივია, მადრიდელებმა მატჩის გადადება მოითხოვეს და მიზანსაც მიაღწიეს. ფედერაციაში ირწმუნებიან, რომ ეს მხოლოდ ფორმალობა იყო, მაგრამ ფაქტია, "ატლეტიკოს" რომ არ ეჩივლა, შეხვედრა გაიმართებოდა და "ბეტისს" მეტოქეზე უზარმაზარი უპირატესობა ექნებოდა (თავად მხოლოდ <strong>ბენიატს</strong> მოისაკლისებდა).</p><p><strong><span style="color: #ff0000;">ალვეში და გაგო საეჭვოა</span></p><p></strong>დავუბრუნდეთ ცენტრალურ მატჩს - "კამპ ნოუზე" "ვალენსია" ჩადის. მასპინძელთა ბანაკში კი დიდი სიხარულია - მართალია, გუნდმა ესპანეთის სუპერთასი დათმო, მაგრამ ევროპის წლის საუკეთესო ფეხბურთელად ბარსელონელი დაასახელეს. ოღონდ, არა <strong>ლეო მესი</strong>, არამედ <strong>ანდრეს ინიესტა</strong>.</p><p><em>"პრიზი ანდრესს ეკუთვნდოდა, მან ძალიან ბევრს მიაღწია ამ სეზონში"</em>, - ეს სიტყვები არგენტინელს ეკუთვნის, რომელიც იმითაც გახარებულია, რომ თანაგუნდელმა მოუგო და არა "რეალის" ვარსკვლავმა <strong>კრიშტიანო რონალდომ</strong>.</p><p>"ვალენსიასთან" მატჩიც ამ პრიზის გამოტანით დაიწყება. "ბარსელონას" ისეთი ძლიერი მეტოქეები არ შეხვდნენ ჩემპიონთა ლიგის კენჭისყრაზე როგორც "რეალს", თუმცა "ბენფიკას", "სპარტაკსა" და "სელტიკს" ბრძოლა ნამდვილად შეუძლიათ. ამასთან, გუნდი დაემშვიდობა <strong>იბრაჰიმ აფელაის</strong>, ჰოლანდიელი "შალკეს" ათხოვეს.</p><p>"ვალენსიასთან" მატჩში საეჭვოა ბრაზილიელი <strong>დანი ალვეშის</strong> თამაში. <strong>ალვეშმა</strong> ვერც "რეალთან" ითამაშა, რის შემდეგ ექიმებმა გამოიკვლიეს მისი მტკივანი ფეხი, კუნთის დაზიანება არ აღმოჩნდა, ეს კარგია, მაგრამ შეშუპება ნათლად ჩანს. სწორედ ამის გამო, ბრაზილიელი მცველის თამაში საეჭვოა.</p><p>"ვალენსიას" ახალი მწვრთნელი გაიყვანს "კამპ ნოუზე" - არგენტინელი <strong>მაურისიო პელეგრინოსთვის</strong> ეს ამ რანგში პირველი დაპირისპირებაა "ბარსასთან". "ლოს ჩე" ერთადერთი გუნდია ჩემპიონატში, რომელსაც ჯერ არც მოუგია და არც წაუგია. თუკი "რეალთან" სტუმრად 1:1 დასრულებული მატჩი "ღამურების" აქტივშია ჩასაწერი, შინ "დეპორტივოსთან" 3:3 - არა. მით უფრო, რომ "ვალენსია" 3:1-ს უგებდა მეტოქეს.</p><p>სტუმრები კვლავ <strong>სერხიო კანალესისა</strong> და <strong>ევერ ბანეგას</strong> გარეშე ითამაშებენ, ისინი კიდევ კარგა ხანს ვერ მომჯობინდებიან. აი, <strong>რიკარდო კოშტა</strong> კი დისკვალიფიცირებულია. საეჭვოა <strong>ფერნანდო გაგოს</strong> თამაშიც, "რეალიდან" გადმოსული ახალწვეული წინა ტურში, გალისიელებთან მატჩში დაშავდა.</p><p><strong><span style="color: #ff0000;">ახალწვეულებით</span></p><p></strong>1 სექტემბერს "სელტა" ოსასუნას" უმასპინძლებს. არ არის გამორიცხული, რომ გალისიელთა რიგებში უკვე ვიხილოთ ლონდონის "არსენალის" კორეელი ფორვარდი <strong>პარკ ჩუ იუნი</strong>.</p><p>"მალაგა", რომელმაც უმთავრეს მიზანს - ლიგაში შესვლას - მიაღწია, "სარაგოსას" ესტუმრება. "მალაგა" პარასკევს არგენტინელი <strong>ხავიერ სავიოლათი</strong> გაძლიერდა.</p><p>"მალიორკა" "რეალ სოსიედადს" მასპინძლობს - მასპინძელთა რიგებში სერიოზული შენამატია - "ტოტენჰემიდან" გადავიდა და 4-წლიანი ხელშეკრულებაც გააფორმა <strong>ჯოვანი დოს სანტოსმა</strong>.</p><p>წინა ტურის გმირი ("რეალის" მომგები) "ხეტაფე" "დეპორტივოს" ლა კორუნიაში ეწვევა - მადრიდული კლუბი ახლახან <strong>ალვარო ვასკესით</strong> გაძლიერდა.</p><p><strong><span style="color: #ff0000;">დაჭრილი რეალი და ხელცარიელი რონალდო</span></p><p></strong>2 სექტემბერს "რეალი" "გრანადას" მასპინძლობს. ანდალუსიელებს ცუდ დროს უწევთ მადრიდში ჩასვლა. ესპანეთის სუპერთასის მომგები <strong>ჟოზე მოურინიოს</strong> გუნდი დაჭრილი დათვივით სახიფათოა - "სამეფო კლუბს" ხომ მხოლოდ ქულა აქვს 6 შესაძლებელიდან.</p><p>"რეალში" ტრავმები არავის აწუხებს, არც დისკვალიფიკაცია - ასე რომ, პორტუგალიელს შეუძლია უძლიერესი შემადგენლობის გამოყვანა "გრანადას" წინააღმდეგ.</p><p>მათ შორის იქნება <strong>რონალდოც</strong>, რომელიც მონაკოდან ხელცარიელი დაბრუნდა - ევროპის საუკეთესო ფეხბურთელობამდე მას 2 ხმა დააკლდა.</p><p><span style="color: #ff0000;"><strong>ესპანეთი. ლა ლიგა. III ტური</strong></span></p><p><em>1 სექტემბერი</em></p><p><em><strong>სელტა-ოსასუნა 18:00</strong></em></p><p>დისკვალიფიკაცია: პუნიალი (ოსა)</p><p>ტრავმა: არმენტეროსი (ოსა)</p><p><em><strong>სარაგოსა-მალაგა 20:00</strong></em></p><p>ტრავმა: ობრადოვიჩი, აპონიო (?), ლოოვენსი - ბაპტიშტა</p><p><em><strong>დეპორტივო-ხეტაფე 22:00</strong></em></p><p>ტრავმა: ლაურე, გამა (?), სალომაო (დეპ)</p><p><em><strong>მალიორკა-სოსიედადი 00:00</strong></em></p><p>ტრავმა: ხიმენესი, არისმენდი - მარტინესი (?), ზურუტუზა (?)</p><p><strong></p><p></strong><em>2 სექტემბერი</em></p><p><em><strong>ვალეკანო-სევილია 14:00</strong></em></p><p>დისკვალიფიკაცია: ლოპესი (სევ)</p><p>ტრავმა: პეროტი (?), რეიესი, კონდობია</p><p><em><strong>ბილბაო-ვალიადოლიდი 18:00</strong></em></p><p>ტრავმა: აურტენეჩე, ამორებიეტა (ბილ)</p><p><em><strong>ლევანტე-ესპანიოლი 20:00</strong></em></p><p>დისკვალიფიკაცია: ნავარო - ალბინი</p><p>ტრავმა: კარაბელასი, ხუანფრანი, რიოსი (?) - გარსია, მორენო (?), მატიონი, კოლოტო, ბაენა</p><p><em><strong>რეალი-გრანადა 21:50</strong></em></p><p>დისკვალიფიკაცია: კოენტრაო - ბენიტესი</p><p>ტრავმა: იებდა, რიკო (გრა)</p><p><em><strong>ბარსელონა-ვალენსია 23:30</strong></em></p><p>დისკვალიფიკაცია: ვილანოვა - კოშტა</p><p>ტრავმა: ალკანტარა, კვენკა, აბიდალი, ალვეში (?), პუიოლი (?), მუნიესა - გაგო (?), კანალესი, ბანეგა</p><p><em><strong>ბეტისი-ატლეტიკო (გადაიდო)</strong></em></p><p><span style="color: #ff0000;"><strong>სატურნირო ცხრილი</strong></span></p><p>ა თ მ ფ წ ბ ქ</p><p>1. ბარსელონა 2 2 0 0 7-2 6</p><p>2. ვალიადოლიდი 2 2 0 0 3-0 6</p><p>3. ვალეკანო 2 2 0 0 3-1 6</p><p>4. ატლეტიკო 2 1 1 0 5-1 4</p><p>5. დეპორტივო 2 1 1 0 5-3 4</p><p>6. სევილია 2 1 1 0 3-2 4</p><p>7. მალიორკა 2 1 1 0 3-2 4</p><p>8. მალაგა 2 1 1 0 2-1 4</p><p>9. ბეტისი 2 1 0 1 6-5 3</p><p>10. ხეტაფე 2 1 0 1 3-3 3</p><p>11. სარაგოსა 2 1 0 1 2-2 3</p><p>12. სოსიედადი 2 1 0 1 3-6 3</p><p>13. ვალენსია 2 0 2 0 4-4 2</p><p>14. რეალი 2 0 1 1 2-3 1</p><p>15. გრანადა 2 0 1 1 1-2 1</p><p>16. ლევანტე 2 0 1 1 1-3 1</p><p>17. ესპანიოლი 2 0 0 2 2-4 0</p><p>18. სელტა 2 0 0 2 1-3 0</p><p>19. ოსასუნა 2 0 0 2 1-4 0</p><p>20. ბილბაო 2 0 0 2 3-9 0</p><p><strong>ბომბარდირები:</strong></p><p>4 - ლიონელ მესი (ბარსელონა); 3 - ტომერ ჰემედი (მალიორკა), ხორხე მოლინა (ბეტისი), რადამელ ფალკაო (ატლეტიკო); 2 - იმანოლ აგირეჩე (რეალ სოსიედადი), , მიკელ სან ხოსე (ბილბაო), ალვარო ნეგრედო (სევილია), გონსალო იგუაინი (რეალი), რობერტო სოლდადო (ვალენსია), აბელ აგილარი (დეპორტივო), ხორხე მოლინა (ბეტისი), ვიქტორ პერესი (ვალიადოლიდი)</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო