აშშ-ის ღია პირველობა: არის პირველი სენსაცია!

ფრანგი ჟო-ვილფრიდ ცონგა, რომელიც მსოფლიოს 52-ე ჩოგანს, სლოვაკ მარტინ კლიჟანთან დამარცხდა ამერიკის ღია პირველობაზე 31 აგვისტოს მამაკაცებმა მეორე წრეში დაიწყეს ურთიერთობის გარკვევა და მოხდა პირველი სენსაციაც.ბრძოლას გამოეთიშა ტურნირის მეხუთე ნომერი, ფრანგი ჟო-ვილფრიდ ცონგა, რომელიც მსოფლიოს 52-ე ჩოგანს, სლოვაკ მარტინ კლიჟანს ხვდებოდა.ბოლო დროს მისი სპორტული ფორმის გათვალისწინებით, ცონგა არ მიიჩნეოდა ფავორიტად, მაგრამ არც იმას ელოდნენ, რომ ამ დონის ჩოგბურთელთან წააგებდა მეორე წრეს.მატჩის დიდი ნაწილი ფრანგი თავის თავს არ ჰგავდა. პირველი პარტიის წაგების შემდეგ, ცონგამ სწრაფად მოიგო მეორე სეტი, მაგრამ ასეთივე ტემპით დათმო მესამე. მას არც მეოთხე პარტიაში წაუვიდა თამაში, რამაც საბოლოო მარცხი გამოიწვია.ცონგამ საშინლად ითამაშა საკუთარ მოწოდებაზე და შვიდი ბრეიკი გააკეთებინა თავის მეტოქეს. ამას დაემატა ხუთი ორმაგი შეცდომა. შესაბამისად, ფრანგს ოთხმა ბრეიკმა ვერ უშველა. თამაში ორი საათი და 12 წუთი გაგრძელდა და კლიჟანმა ოთხ სეტში გაიმარჯვა - 6:4, 1:6, 6:1, 6:3.კინაღამ განთესილი ჩოგბურთელი დაკარგეს ამერიკელებმა. რუსი ნიკოლაი დავიდენკო სეტებში 2:0-ს უგებდა მერდი ფიშს. მაგრამ რუსებს დასჩემდათ ამ ტურნირზე ორი სეტის მოგების შემდეგ მატჩების წაგება. ასე დამარცხდნენ პირველ წრეში იგორ ანდრეევი და მიხაილ იუჟნი, ახლა, მათი ბედი დავიდენკომ გაიზიარა.0:2-ის შემდეგ, მომდევნო სამ სეტში მასპინელმა აშკარად დაჩაგრა რუსი და მხოლოდ ხუთი გეიმი დაუთმო მას. რვა ბრეიკის წყალობით, ფიშმა 4:6, 6:7, 6:2, 6:1, 6:2 გაიმარჯვა.მეორე შეხვედრა მოიგო ამერიკის ღია პირველობაზე როჯერ ფედერერმა. მას არანაირი პრობლემა არ ჰქონია მსოფლიო რეიტინგის 83-ე ნომრის, გერმანელი ბიორნ ფაუს წინააღმდეგ. მატჩი ზუსტად საათნახევარი გაგრძელდა და ამ დროის განმავლობაში მსოფლიოს პირველმა ჩოგანმა ხუთჯერ აიღო მეტოქის მოწოდება და მოიგერია ფაუს ერთადერთი ბრეიკ-პოინტი. ასევე შვეიცარიელის აქტივშია 15 ეისი და ერთი ორმაგი შეცდომა.მატჩის საბოლოო ანგარიშია - 6:2, 6:3, 6:2 და მესამე წრეში ფედერერი ესპანელ ფერნანდო ვერდასკოს შეხვდება.* * *31 აგვისტოს ქალებმა მეორე წრე დაასრულეს. განსხვავებული შედეგები აჩვენეს დებმა უილიამსებმა. ესპანელმა მარია ხოსე მარტინეს სანჩესმა მცირე პრობლემები შეუქმნა ტურნირის მთავარ ფავორიტს - სერენა უილიამსს. პირველი სეტის 2:6 წაგების შემდეგ, მარტინეს სანჩესმა მეორე პარტიაში ერთი ბრეიკის აღება მოახერხა, მაგრამ სეტის ბოლოს უფრო უკეთ სერენა გამოიყურებოდა და 6:4 გაიმარჯვა.დღის პროგრამას კი ვენუს უილიამსი და ანჟელიკ კერბერი ასრულებდნენ. ეს იყო მეორე წრის ცენტრალური შეხვედრა და მან გაამართლა მოლოდინი. სეტნახევრის განმავლობაში, კერბერს მცირე უპირატესობა ჰქონდა ანგარიშში - ეს იმის წყალობით, რომ ვენუსი ძალიან ბევრს შეცდომას უშვებდა.მაგრამ შემდეგ, კერბერს დაბნეულობა დაეტყო, უფროსმა უილიამსმა კი გამოასწორა დარტყმების სიზუსტე, რამაც მატჩის მესამე სეტში გადაყვანის საშუალება მისცა. იქ კი თანაბარ ბრძოლაში ამერიკელმა ბოლო ნაწილი დათმო - 6:2, 5:7, 7:5. ვენუსს შეეძლო გამოეთიშა ბრძოლიდან შარშანდელი ნახევარფინალისტი, მაგრამ ძალიან ცუდად აწოდებდა - 16 ორმაგი შეცდომა დააგროვა!სერიოზული პრობლემები ჰქონდა მეორე ნომრად განთესილ აგნიეშკა რადვანსკას. პოლონელი კარლა სუარეს-ნავაროს წინააღმდეგ თამაშობდა, რომელსაც აქვს დიდ ტურნირებზე ცნობილი ჩოგბურთელების დამარცხების გამოცდილება. აგნიეშკა ძალიან ბევრ შეცდომას უშვებდა (პირველ სეტში - 18). მან წააგო პირველი პარტია და მეორეს ბრეიკით აგებდა, მაგრამ შეძლო თამაშში გარდატეხის შეტანა და ზედიზედ 11 გეიმის აღება.პოლონელს წინ აქვს შეხვედრა ელენა იანკოვიჩთან, რომელიც, როგორც ჩანს, კარგად არის მომზადებული ამერიკის ღია პირველობისთვის.დღის ფაქტებიმაყურებლის რაოდენობა: 61 353გავარდნილი განთესილები (კაცები): ჟო-ვილფრიდ ცონგა (5), მარსელ გრანოლერსი (24).გავარდნილი განთესილები (ქალები): არავინ.დღის სტატისტიკა: ენდი როდიკმა, რომელმაც კარიერის დასრულების შესახებ გამოაცხადა, ჯამში 610 მატჩი და 32 ტიტული მოიგო. ის ხუთჯერ იყო "დიდი სლემის" ტურნირების ფინალში: 2003 წელს, ამერიკის ღიაზე დაამარცხა ხუან-კარლოს ფერერო, დანარჩენი ოთხი ფინალი კი როჯერ ფედერერთან დათმო (2006 წელს ამერიკის ღიაზე, 2004, 2005 და 2009 წლებში - უიმბლდონზე).დღის ფრაზა: "მიყვარს ჩემი ცხოვრება, ჩემი მეგობრები, ჩემი მეუღლე. ჩემი ძაღლი აღელვებული იქნება. აღარ მინდა მისთვის დაღლილი მამა ვიყო", - განაცხადა ენდი როდიკმა.ეს დღე ამერიკის ღიაზე (1977 წლის 31 აგვისტო): ჯონ მაკინროიმ პირველი მატჩი ჩაატარა ამერიკის ღიაზე. მან სამ სეტში დაამარცხა ელიოტ ტელტშერი და პირველი ფულადი ჯარიმა მიიღო მსაჯთან კამათისთვის.კაცებიII წრეროჯერ ფედერერი (შვეიც, 1)-ბიორნ ფაუ (გერ) 6:2, 6:3, 6:2; ფერნანდო ვერდასკო (ესპ, 25)-ალბერტ რამოსი (ესპ) 7:6(4), 5:7, 7:6(5), 6:4; მერდი ფიში (აშშ, 23)-ნიკოლაი დავიდენკო (რუს) 4:6, 6:7(4), 6:2, 6:1, 6:2; ჟილ სიმონი (საფ, 16)-ჯიმი ვანგი (ტაივ) 6:4, 4:6, 6:4, 6:4; ნიკოლას ალმაგრო (ესპ, 11)-ფილიპ პეტცშნერი (გერ) 6:3, 5:7, 5:7, 6:4, 6:4; ჯეკ სოკი (აშშ)-ფლავიო ჩიპოლა (იტა) 6:2, 6:2, 6:4; სემ კუერი (აშშ, 27)-რუბენ რამირეს იდალგო (ესპ) 6:3, 6:4, 6:3; ტომაშ ბერდიხი (ჩეხ, 6)-იურგენ ზოპი (ესტ) 6:1, 6:4, 6:2; ფელისინო ლოპესი (ესპ, 30)-პაბლო ანდუხარი (ესპ) 6:4, 6:1, 6:7(5), 3:6, 7:5; ჯეიმს ბლეიკი (აშშ)-მარსელ გრანოლერსი (ესპ, 24) 6:1, 6:4, 6:2; მილოშ რაონიჩი (კან, 15)-პოლ-ანრი მატიო (საფ) 7:5, 6:4, 7:6(4); მარინ ჩილიჩი (ხორ, 12)-დანიელ ბრანდსი (გერ) 6:3, 6:2, 5:7, 4:6, 7:5; კეი ნიშიკორი (იაპ, 17)-ტიმ შმიჩეკი (აშშ) 6:2, 6:2, 6:4; ჟერემი შარდი (საფ, 32)-მეტიუ ებდენი (ავსტრა) 6:4, 6:2, 6:2; მარტინ კლიჟანი (სლოვაკ)-ჟო-ვილფრიდ ცონგა (საფ, 5) 6:4, 1:6, 6:1, 6:3.ქალებიII წრესილვია სოლერ-ესპინოსა (ესპ)-ირინა-კამელია ბეგუ (რუმ) 6:4, 7:6(5); ცვეტანა პირონკოვა (ბულ)-აიუმი მორიტა (იაპ) 7:5, 6:2; სლოუნ სტივენსი (აშშ)-ტატიანა მალეკი (გერ) 5:7, 6:4, 6:2; ანა ივანოვიჩი (სერ, 12)-სოფია არვიდსონი (შვედ) 6:2, 6:2; მარია კირილენკო (რუს, 14)-გრეტა არნი (უნგ) 6:3, 6:1; ანდრეა ჰლავაჩკოვა (ჩეხ)-გალინა ვოსკობოევა (ყაზ) 6:2, 6:7(3), 6:3; ეკატერინა მაკაროვა (რუს)-ელენა ვესნინა (რუს) 6:3, 6:4; სერენა უილიამსი (აშშ, 4)-მარია ხოსე მარტინეს სანჩესი (ესპ) 6:2, 6:4; ანჟელიკ კერბერი (გერ, 6)-ვენუს უილიამსი (აშშ) 6:2, 5:7, 7:5; ოლგა გოვორცოვა (ბლრ)-იოანა კონტა (ბრიტ) 2:6, 6:2, 7:5; ოლგა პუჩკოვა (რუს)-კიკი ბერტენსი (ჰოლ) 5:7, 6:2, 7:5; სარა ერანი (იტა, 10)-ვერა დუშევინა (რუს) 6:0, 6:1; დომინიკა ციბულკოვა (სლოვაკ, 13)-ბოიანა იოვანოვსკი (სერ) 7:6(3), 7:6(3); რობერტა ვინჩი (იტა, 20)-იაროსლავა შვედოვა (ყაზ) 3:6, 7:5, 7:5; ელენა იანკოვიჩი (სერ, 30)-ლარა არუაბარენა-ვესინო (ესპ) 6:4, 6:2; აგნიეშკა რადვანსკა (პოლ, 2)-კარლა სუარეს ნავარო (ესპ) 4:6, 6:3, 6:0.(იბეჭდება მცირე ცვლილებით)ყოველდღიური სპორტული გაზეთი "ლელო"

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია