აშშ-ის ღია პირველობა: ორად გაყოფილი სუპერშაბათი [VIDEO]

ამერიკის ღია პირველობის ერთ-ერთი ტრადიცია გახლავთ სუპერშაბათი, როცა ერთი დღის განმავლობაში თამაშდება კაცების ორი ნახევარფინალი და ქალებს შორის ფინალი ამერიკის ღია პირველობის ერთ-ერთი ტრადიცია გახლავთ სუპერშაბათი, როცა ერთი დღის განმავლობაში თამაშდება კაცების ორი ნახევარფინალი და ქალებს შორის ფინალი, მაგრამ უკვე რამდენიმე წელია, სუპერშაბათიდან მხოლოდ დასახელება დარჩა.ამინდს მუდმივად შეაქვს კორექტივები ტურნირის განრიგში, რის გამოც ბოლო ოთხი წელია, მამაკაცების ფინალი ორშაბათობით იმართება.შაბათს ამინდის სავარაუდო გართულების შესახებ წინასწარ იცოდნენ. ამიტომაც ნახევარფინალები ერთი საათით ადრე დაიწყეს, მაგრამ გრაფიკში მაინც ვერ ჩაჯდნენ. თანაც, პრობლემა მხოლოდ წვიმა არ იყო - ნიუ ორკში ძალიან ძლიერი ქარი ქროდა - დაახლოებით ისეთი, ტროპიკული შტორმების დროს რომ იცის. ამ დროს ხალხს სახლში დარჩენისკენ მოუწოდებენ, მაგრამ აშშ-ის ღიას ორგანიზატორები თავს უფლებას არ მისცემდნენ, მთლიანად გაეუქმებინათ სათამაშო დღე.პირველები კორტზე ენდი მიურეი და ტომაშ ბერდიხი გავიდნენ. ბრიტანელი ამ ეტაპზე მეტოქედ როჯერ ფედერერს ელოდა, მაგრამ შვეიცარიელმა მოულოდნელად წააგო ჩეხთან. ენდის ეს ფაქტი დიდად არ უნდა გახარებოდა, რადგან ბერდიხთან ექვს მატჩში მხოლოდ ორი მოგება ჰქონდა.შეხვედრა საშინელ პირობებში მიმდინარეობდა. მატჩის მსვლელობისას კორტზე სხვადასხვა საგანი ცვიოდა, ერთხელ კი ქარმა სკამი ააყირავა, რომელზეც ენდის ჩოგნებით სავსე ჩანთა იდო. ამან გავლენა იქონია პირველი სეტის მსვლელობაზე.კორტის ერთ კონკრეტულ მხარეს ჩოგბურთელები მუდმივად აგებდნენ საკუთარ გეიმებს, რადგან შემხვედრი ქარი ნორმალურად მოწოდების საშუალებას არ იძლეოდა. ბერდიხი და მიურეი ძლიერად ვერ ურტყამდნენ და უბრალოდ, ცდილობდნენ, თამაშში დაეტოვებინათ ბურთი. ტომაში არაფერში ჩამორჩებოდა ენდის, ბოლოს მოუმატა და საათსა და 15 წუთში აიღო სეტი.ყველაფერი მეორე სეტში შეიცვალა. მიურეიმ პირველმა აუღო ალღო თამაშის უჩვეულო პირობებს და ქარისგან სარგებლობაც ნახა. მაგალითად, კარგად შესრულებული მოჭრილი დარტყმა ორმაგად სახიფათო იყო კორტის ერთ-ერთ მხარეს, ხოლო, როცა საშუალება ჰქონდა, ენდი წინ მიდიოდა და კარგი შეტევა გამოსდიოდა. ბერდიხს კი უამრავი უნებლიე შეცდომა (64) დაუგროვდა.ენდიმ დამაჯერებლად აიღო ორი სეტი, მესამეში 3:0-ს იგებდა და ორმაგი ბრეიკ-პოინტი ჰქონდა. თითქოს მატჩი მალე უნდა დასრულებულიყო, მაგრამ მიურეიმ მარტივი შემოვლითი დარტყმა ააცილა და ამის შემდეგ თამაშის სურათი შეიცვალა.ბრიტანელმა ჯერ მეტოქის გეიმი წააგო, შემდეგ თავისი და ბერდიხს შანსი მისცა. ქარი ოდნავ ჩადგა და ამან გავლენა იქონია ჩეხის თამაშზე - მისი საფირმო დარტყმები მარჯვნიდან უკვე ხშირად აღწევდა მიზანს. მან 5:2 წაიყვანა ანგარიში ტაი-ბრეიკზე, მაგრამ ენდიმ ბრწყინვალე დარტყმებით გაათანაბრა ანგარიში, 5:6-ზე კი სეტბოლი გადაარჩინა.ბოლოსკენ მიურეიმ გადაწყვიტა, უბრალოდ, თამაშში დაეტოვებინა ბურთი, ტომაშმა კი ორი შეცდომა დაუშვა და ბრიტანელმა ოთხ სეტში მოიგო - 5:7, 6:2, 6:1, 7:6(7).* * *ამის შემდეგ კორტზე დავიდ ფერერი და ნოვაკ ჯოკოვიჩი გავიდნენ, მაგრამ მხოლოდ 30 წუთი ითამაშეს. ნიუ იორკს ძლიერი ქარიშხალი უახლოვდებოდა და ორგანიზატორებმა ადგილობრივ პოლიციასთან ერთად გადაწყვიტეს თამაშის ნაადრევად დასრულება, ისე, რომ წვიმას არც კი დალოდებიან. მაყურებელს სთხოვეს, რაც შეიძლება სწრაფად დაეტოვებინათ სტადიონი, რადგან იქ დარჩენა სახიფათო იყო.ნახევარ საათში ფერერმა მეტად ხარისხიანი ჩოგბურთი აჩვენა და თავიდანვე შეეგუა რთულ პირობებს, იმ დროს, როცა ნოვაკი ბევრს ცდებოდა. შედეგად, დავიდი ორი ბრეიკით დაწინაურდა - 5:2. მატჩის განახლება მეორე დღეს, თბილისის დროით 19 საათზე დანიშნეს.თამაში იმით განახლდა, რომ ესპანელმა პირველ სეტზე წარმატებით ჩააწოდა და პარტია 6:2 მოიგო, მაგრამ ამით დავიდის წარმატებები დასრულდა.მომდევნო სამ პარტიაში ჯოკოვიჩმა, საერთო ჯამში, ექვსი ბრეიკი გააკეთა და მხოლოდ ერთხელ დათმო საკუთარი მოწოდება. ჩოგბურთელებმა კორტზე ორი საათი და 32 წუთი გაატარეს, რომლის დროსაც ჯოკოვიჩმა შვიდი ეისი გააკეთა ფერერის ერთი ეისის წინააღმდეგ. ნოვაკსა და დავიდს შორის ურთიერთშეხვედრებში ანგარიში გახდა 9:5 ჯოკოვიჩის სასარგებლოდ.კვირისთვის გადაიტანეს ქალების ფინალი - ის ჩვენი დროით 00:30-ზე უნდა დაწყებულიყო. რაც შეეხება მამაკაცების ფინალს, ზედიზედ მეხუთედ გადამწყვეტი მატჩი ორშაბათს, თბილისის დროით ზუსტად შუაღამისას დაიწყება.კაცები1/2-ფინალიენდი მიურეი (ბრიტ, 3)-ტომაშ ბერდიხი (ჩეხ, 6) 5:7, 6:2, 6:1, 7:6(7); ნოვაკ ჯოკოვიჩი (სერ, 2)-დავიდ ფერერი (ესპ, 4) 2:6, 6:1, 6:4, 6:2.ქალები1/2-ფინალივიქტორია აზარენკა (ბლრ, 1)-მარია შარაპოვა (რუს, 3) 3:6, 6:2, 6:4; სერენა უილიამსი (აშშ, 4)-სარა ერანი (იტა, 10) 6:1, 6:2 (<a href="http://www.palitratv.ge/akhali-ambebi/sporti/21132-serena-uiliamsma-us-open-meothkhed-moigo.html" target="_blank">იხილეთ ვიდეო</a>).ყოველდღიური სპორტული გაზეთი "ლელო"

ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა

ნოვაჯ ჯოკოვიჩი ცინცინატის მასტერსზე პირველივე წრეში დამარცხდა

"ყველაფერი ჩემ გარშემო აღარ ტრიალებს " - ნოვაჯ ჯოკოვიჩი

"ვალენსიამ" 23 წლის ნიდერლანდელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"ბორნმუთმა" "იუვენტუსის" მეკარე ინათხოვრა

კვლავ პრემიერ ლიგაში - ნიკო გონსალესმა "სიტი" დატოვა

მუდრიკი სავარაუდოდ, კარიერას საფრანგეთის ჩემპიონატში განაგრძობს

15-წლამდე გოგონათა ნაკრები უეფას განვითარების თასზე იასპარეზებს

"ატლეტიკო" ალვარესის გაყიდვას დათანხმდა, მაგრამ ძალიან ძვირად აფასებს

შენგელია პირველი ტიტულისთვის! დუბაი ევროლიგის სუპერთასზე ითამაშებს

"ნიუკასლის" მწვრთნელს მიაჩნია, რომ მსაჯმა "ლივერპულს" პენალტი აჩუქა

ჰიუგოს გმირი "კვარა" - რას მოიტანს კონკურენცია ხვიჩასა და გუნდისთვის

ფერან ტორესი: მთლად კმაყოფილი არ ვარ

"მანჩესტერ იუნაიტედი" ახალგაზრდა ნახევარმცველის შეძენასთან ახლოსაა

"მანჩესტერ სიტი" როდრის შემცვლელს 100 მილიონ ევროდ შეიძენს

აქვსენტი გიორგაძე ქართულ რაგბს დაუბრუნდა

"ამაზე საუბარი გვჭირდება" - რა თქვა ფლიკმა ფორვარდის შესაძლო დამატებაზე?

"თუ გაკპოს ტრანსფერი არ გამოვა - მუდრიკი ნიდერლანდელის ალტერნატივად განიხილება

"ბოლომდე ბედნიერი არ ვარ" - ფერან ტორესი დუბლის შემდეგ

"უნდა გამოხვიდეთ კომფორტის ზონიდან" - ლუის ენრიკეს გზავნილი კვარაცხელიას და დემბელეს

როგორი შეფასებები მიიღეს პსჟ-ს ფეხბურთელებმა "რენთან" მატჩში?